ປະທານາທິບໍດີ ສະຫະລັດ ທ່ານ ດໍໂນລ ທຣຳ ຈະກ່າວຄຳປາໄສຕໍ່ບັນດາຜູ້ນຳ ອາຣັບ
ແລະ ມຸສລິມ ຫຼາຍສິບຄົນ ໃນກອງປະຊຸມສຸດຍອດພາກພື້ນ ທີ່ເພັ່ງເລັງໃສ່ການຕໍ່ສູ້ລັດ
ທິຫົວຮຸນແຮງໃນນະຄອນ ຫຼວງ ຣີຢາດ ໃນວັນອາທິດມື້ນີ້.
ກ່ອນການກ່າວຄຳປາໄສນັ້ນ, ປະທານາທິບໍດີ ສະຫະລັດ ໄດ້ເຂົ້າຮ່ວມໃນກອງປະຊຸມ
ສະພາການຮ່ວມມື 6 ປະເທດອ່າວ ເປີເຊຍ ເພື່ອປຶກສາຫາລືເລື່ອງຄວາມຂັດແຍ້ງທັງ
ຫຼາຍ ກັບ ອີຣ່ານ ແລະ ວິທີການເພື່ອຮັບມືກັບປະເທດດັ່ງກ່າວ ແລະ ວີທີການເພື່ອປາບ
ປາມກຸ່ມຫົວຮຸນແຮງອິສລາມ.
ໃນຕອນເຊົ້າຂອງວັນອາທິດມື້ນີ້, ຊຶ່ງເປັນມື້ທີສອງຂອງການຢ້ຽມຢາມປະເທດ ຊາອຸດີ
ອາເຣເບຍ ສອງວັນນັ້ນ, ທ່ານ ທຣຳ ໄດ້ຈັດການເຈລະຈາສອງຝ່າຍກັບບັນດາຜູ້ນຳ ອາ
ຣັບ ແຫ່ງປະເທດ ກາຕ້າ, ບາເຣນ, ອີຈິບ, ກູເວດ ແລະ ໂອມານ.
ໃນການເຈລະຈາກັບກະສັດ Hamad Isa Al Khalifa ຂອງປະເທດ ບາເຣນ ນັ້ນ,
ທ່ານ ທຣຳ ກ່າວວ່າ “ປະເທດຂອງພວກເຮົາ ມີສາຍພົວພັນທີ່ດີເລີດນຳກັນ, ແຕ່ໄດ້ມີ
ຄວາມ ຕຶງຄຽດໜ້ອຍໜຶ່ງ, ແຕ່ມັນຈະບໍ່ມີຄວາມຕຶງຄຽດກັບລັດຖະບານນີ້.” ລັດຖະ
ບານທ່ານ ທຣຳ ໄດ້ຕັດສິນໃນປີນີ້ທີ່ຈະດຳເນີນການຂາຍເຮືອບິນຮົບ ແລະ ອຸປະກອນ
ທີ່ກ່ຽວຂ້ອງມູນຄ່າຫຼາຍລ້ານໂດລາ. ການຂາຍດັ່ງກ່າວໄດ້ຖືກເລື່ອນໃນລະຫວ່າງ ການ
ປົກຄອງຂອງລັດຖະບານທ່ານ ໂອບາມາ ຍ້ອນຄວາມເປັນຫ່ວງດ້ານມະນຸດສະທຳ.
ທ່ານ ທຣຳ ໄດ້ຕອບຮັບການເຊື້ອເຊີນເພື່ອຢ້ຽມຢາມປະເທດ ອີຈິບ ໃນລະຫວ່າງ ການ ພົບປະກັບປະທານາທິບໍດີ ອີຈິບ ທ່ານ Abdel Fattah el-Sissi. ທ່ານ ທຣຳ ໄດ້ກ່າວ
ວ່າ “ພວກເຮົາຈະຈັດໄວ້ໃນລາຍຊື່ຢ້ຽມຢາມໄວໆນີ້ຢ່າງແນ່ນອນ.” ທ່ານ ທຣຳ ກ່າວວ່າ
ມັນມີ “ການເຈລະຈາບາງຢ່າງທີ່ມີຄວາມສຳຄັນຫຼາຍ ກ່ຽວກັບ ປະເທດ ອີຈິບ” ແລະ ຂອບໃຈສຳລັບການຊ່ວຍເຫຼືອຂອງປະເທດ ໃນການປ່ອຍຕົວພະນັກງານຊ່ວຍເຫຼືອ ສະ
ຫະລັດ ນາງ Aya Hijazi, ຜູ້ທີ່ໄດ້ຖືກຄວບຄຸມຕົວເປັນເວລາສາມປີ.
ປະທານາທິບໍດີ ທ່່ານ Sissi ໄດ້ກ່າວຕໍ່ທ່ານ ທຣຳ ວ່າ ຜູ້ນຳ ສະຫະລັດ ມີ “ນິໄສທີ່ມີ
ຄວາມພິເສດ” ທີ່ເຮັດໃຫ້ທ່ານ “ສາມາດເຮັດໃນສິ່ງທີ່ມີຄວາມເປັນໄປບໍ່ໄດ້”. ທ່ານ
ທຣຳ ກ່າວວ່າ “ຂ້າພະເຈົ້າເຫັນດີ.”
ໃນຮ່າງບົດຄຳປາໄສທີ່ໃກ້ຈະມາເຖິງນີ້ຂອງທ່ານ ທຣຳ ທີ່ໄດ້ຮັບມາໂດຍອົງການຂ່າວ
AP ນັ້ນ, ທ່ານ ທຣຳ ຈະຮຽກຮ້ອງບັນດາຜູ້ນຳ ມຸສລິມ ໃຫ້ “ຂັບໄລ່ພວກກໍ່ການຮ້າຍ ອອກຈາກສະຖານທີ່ສັກກາຣະບູຊາຂອງພວກເພິ່ນ.”
