ລິ້ງ ສຳຫລັບເຂົ້າຫາ

ປ. ທຣໍາ ຈະເຂັ້ມງວດ ນະໂຍບາຍ ຕໍ່ຄິວບາ ທີ່ລະເລີຍ ໂດຍ ປ. ໂອບາມາ


ພະນັກງານສະໜາມບິນ ຕ້ອນຮັບສາຍການບິນ JetBlue 387 ຖືທຸງສະຫະລັດ ແລະຄິວບາ.

ປະທານາທິບໍດີດໍ​ໂນ​ລ ທຣໍາ ​ໃນ​ວັນ​ສຸກ​ມື້ນີ້ ຈະ​ເລີ້ມປັບ​ປ່ຽນ​ຄືນ​ການ​ເອົາ​ມາດ​ຕະການ
ຈຳນວນ​ນຶ່ງ​ຂອງ​ປະທານາທິບໍດີ​ຄົນ​ກ່ອນທີ່ໝາຍ​ເຖິງ​ການ​ພົວພັນ​ກັບຄິວ​ບາ ຫລັງ​ຈາກ​
ໄດ້​ຖືກ​ໂດດດ່ຽວ​ ໂດຍ​ສະຫະລັດ ​ເປັນ​ເວລາເຄິ່ງສັດຕະວັດ ກວ່າໆ.

​ເຈົ້າ​ໜ້າ​ທີ່​ອາວຸ​ໂສ​ທຳ​ນຽບຂາວ​ຄົນ​ນຶ່ງ ​ກ່າວ​ຕໍ່​ບັນດາ​ນັກ​ຂ່າວ ໃນຕອນ​ແລງ​ວັນ​ພະຫັດ
​ວານ​ນີ້​ວ່າ “ນະ​ໂຍຍາຍ​ດັ່ງກ່າວຈະ​ເລີ້ມມີ​ຜົນ​ບັງຄັບ​ໃຊ້​ໃນ​ມື້​ອື່ນ​ນີ້ແຕ່ນະ​ໂຍບາຍ​ທີ່​ສັ່ງ
​ໃຫ້​ສ້າງ​ກົດ​ລະບຽບ​ໃໝ່ ​ຊຶ່ງ​ຈະ​ເລີ້ມມີ​ຜົນຢ່າງ​ແທ້​ຈິງເກີດ​ຂຶ້ນ ​ເວລາ​ກົດ​ລະບຽບ​ເຫລົ່າ
ນັ້ນ ​ເລີ້ມມີ​ການ​ນຳໃຊ້.”

ການ​ປັບ​ປ່ຽນ​ດັ່ງກ່າວຊຶ່ງຈະ​ເປີດ​ເຜີ​ຍ​ໂດຍ​ປະທານາທິບໍດີທີ່ເຂດຮາ​ວາ​ນາ​ນ້ອຍ ຫລື​
Little Havana ຢູ່​ນະຄອນ Miami ​ໃນ​ວັນ​ສຸກ​ມື້​ນີ້ ຈະຈຳກັດ​ຮັດ​ແຄບ​ການ​ເດີນທາງ​
ສຳລັບ​ຊາວອາ​ເມຣິກັນ ​ແລະ​ການຫ້າມເຮັດ​ທຸລະ​ກິດ ​ກັບ​ບໍລິສັດ​ຍັກ​ໃຫຍ່​ GAESA
ຂອງກອງ​ທັບຄິວ​ບາ ທີ່ຄາດ​ຄະ​ເນ​ວ່າ​ເປັນຄວບ​ຄຸ​ມຫລາຍ​ກວ່່າ​ເຄິ່ງນຶ່ງ​ຂອງ​ເສດຖະ
ກິດ​ຄິວ​ບານັ້ນ.

ປະທານາທິບໍດີ ສະຫະລັດ ທ່ານ Barack Obama ພົບປະກັບ ບັນດາຜູ້ບໍ່ເຫັນພ້ອມກັບລັດຖະບານ ທີ່ີສະຖານທູສະຫະລັດ ໃນນະຄອນຮາວານາ ປະເທດຄິວບາ.
ປະທານາທິບໍດີ ສະຫະລັດ ທ່ານ Barack Obama ພົບປະກັບ ບັນດາຜູ້ບໍ່ເຫັນພ້ອມກັບລັດຖະບານ ທີ່ີສະຖານທູສະຫະລັດ ໃນນະຄອນຮາວານາ ປະເທດຄິວບາ.

ເຈົ້າ​ໜ້າ​ທີ່​ອາວຸ​ໂສ​ທຳນຽບຂາວ​ກ່າວ​ວ່າ “ການຊຸກ​ຍູ້​ນະ​ໂຍບາຍ​ຂອງປະະທານາ ທິບໍດີ​
ທຣໍາ ກໍ​ຄື​ປັບ​ປ່ຽນການເອົາ​ມາດ​ຕະການໂດຍລັດຖະບານ​ຊຸດ​ກ່ອນ ຂອງທ່ານ Barack Obama ທີ່ໄດ້​ເພີ້ມພູນ​ຄວາ​ມຮັ່ງ​ມີ​ໃຫ້​ແກ່​ກອງ​ທັບແລະ​ອົງການສືບ​ລັບຄິວ​ບາ.”

ບັນດາລົດ Vintage ຜ່ານຂະບວນລົດບັສຈີນ Yutong ຈອດຢູ່ແຄມທະເລ ຕໍ່ໜ້າ Malecon ໃນນະຄອນ Havana.
ບັນດາລົດ Vintage ຜ່ານຂະບວນລົດບັສຈີນ Yutong ຈອດຢູ່ແຄມທະເລ ຕໍ່ໜ້າ Malecon ໃນນະຄອນ Havana.

ເຈົ້າ​ໜ້າ​ທີ່​ກ່າວ​ວ່າ ວໍ​ຊິງ​ຕັນ​ຫວັງ​ວ່າ “ອຳນາດ​ການ​ປົກຄອງ​ຄິວ​ບາ​ຈະ​ມອງເຫັນ​ວ່າ​ ເປັນ
ໂອກາດ​ເພື່ອການປະຕິ​ຮູບ ທີ່​ເຂົາ​ເຈົ້າໄດ້​ປະກາດ​ໄປແຕ່ປາກເມື່ອ​ສອງ​ສາມປີກ່ອນ ​ແຕ່​
ຍັງ​ບໍ່​ທັນ​ມີ​ການຈັດຕັ້ງ​ປະຕິບັດ​ເພື່ອ​ໃຫ້​ຜົນ​ປະ​ໂຫຍ​ດ​ແກ່​ປະຊາ ຊົນ​ຄິວ​ບາ​ເທື່ອ."​

ຜູ້ນຳຄິວບາ ທ່ານ Fidel Castro (ກາງ) ຮ່ວມສະຫລອງວັນເກີດ 90 ປິ ທີ 13 ສິງຫາ 2016.
ຜູ້ນຳຄິວບາ ທ່ານ Fidel Castro (ກາງ) ຮ່ວມສະຫລອງວັນເກີດ 90 ປິ ທີ 13 ສິງຫາ 2016.

​ເຈົ້າ​ໜ້າ​ທີ່​ສະຫະ​ລັດ​ຄົນ​ນຶ່ງ​ໃຫ້ການ​ອະທິບາຍ​ວ່າ ມາດ​ຕະການຕ່າງໆ​ຈະມີ​ການ ປະ
ກາດໃຊ້​ ເພື່ອ​ຈຳກັດການ​ຫລັ່ງ​ໄຫລຂອງ​ເງິນ ​ຈາກ​ສະຫະລັດ​ ​ໄປສູ່​ຄິວບາ ​ແລະ​ການ​
ຫ້າມ​ ​ທີ່​ມີ​ຢູ່​ໃນ​ປັດ​ຈຸ​ບັນ​ ສຳລັບ​ການທ່ອງທ່ຽວ ຈະ​ຖືກ​ບັງຄັບ​ຢ່າງ​ເຄັ່ງ​ຄັດ ຊຶ່ງ​ຈະ “​ເຮັດ​ໃຫ້ການເດີນທາງ ຂອງ​ສ່ວນ​ບຸກຄົນ ຫາ​ສ່ວນ​ບຸກຄົນ ສິ້ນສຸດ​ລົງ,” ທີ່​ໝາຍ​ຄວາ​ມວ່າ
ຊາວອາ​ເມຣິກັນ​ໃດໆກໍ​ຕາມ ​ທີ່​ຈະ​ເດີນທາງ​ໄປ​ປະ​ເທດ ຄິວ​ບາ ຈະ​ຕ້ອງ​ຢູ່​ໃນ​ສ່ວນ​
ຂອງ​ກຸ່ມ​.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG