ປະທານາທິບໍດີສະຫະລັດ ທ່ານດໍໂນລ ທຣໍາ ໃນວັນຈັນວານນີ້ ໄດ້ສະເໜີໃຫ້ໂອນລະ
ບົບຄວບຄຸມການບິນຂອງປະເທດ ໄປໃຫ້ເອກກະຊົນ ໂດຍທ່ານກ່າວວ່າ ການປະ
ຕິຣູບນີ້ແມ່ນມີຄວາມຈຳເປັນ ທີ່ຈະຕັດເວລາການເດີນທາງ ແລະຄ່າເຊື້ອໄຟ ແລະຫລີກລ່ຽງການຊັກຊ້າທີ່ລົບກວນພວກເດີນທາງ.
ປະທານາທິບໍດີທຣໍາ ກ່າວວ່າ ລະບົບຄວບຄຸມການບິນ ຊຶ່ງບໍລິຫານງານໂດຍອົງການ
ຄຸ້ມຄອງການບິນພົນລະເຮືອນລັດຖະບານກາງ ຫຼື FAA “ໄດ້ຄ້າງຄາຢ່າງເຈັບປວດທີ່
ຜ່ານມາ” ທີ່ໄດ້ອອກແບບເມື່ອຫລາຍທົດສະວັດກ່ອນ ທ່ານກ່າວວ່າ ສຳລັບປະເທດທີ່
ມີຜູ້ໂດຍສານ 180,000 ຄົນໃນແຕ່ລະປີ ບໍ່ແມ່ນມີຜູ້ເດີນທາງເກືອບນຶ່ງພັນລ້ານທີ່ມີໃນປັດຈຸບັນນີ້.
ປະທານາທິບໍດີ ທຣຳ ກ່າວວ່າ “ຫ້ອງການຄຸ້ມຄອງການບິນລັດຖະບານກາງ FAA ໄດ້ພະຍາຍາມປັບປຸງລະບົບຄວບຄຸມການບິນຂອງປະເທດເຮົາມາເປັນເວລາຫລາຍປີ
ແຕ່ຫລັງຈາກການໃຊ້ຈ່າຍເງິນເກັບພາສີຫລາຍໆພັນລ້ານໂດລາ ແລະຫລາຍໆປິຂອງ
ການຊັກຊ້າ ພວກເຮົາຍັງຕິດຄ້າງຢູ່ສະໄໝເກົ່າ ເພພັງ ເກົ່າແກ່ ເປັນລະບົບທີ່ຂີ້ຮ້າຍທີ່
ບໍ່ເຮັດວຽກ. ແຕ່ນອກເໜືອໄປກວ່ານັ້ນ ແມ່ນດີພໍສົມຄວນ.”
ປະທານາທິບໍດີທຣໍາ ກ່າວວ່າ ການບິນທີ່ບໍ່ເຮັດວຽກໄດ້ເຕັມເມັດເຕັມໜ່ວຍ ເຮັດໃຫ້
ປະເທດເສຍເງິນຫລາຍເຖິງ 25 ພັນລ້ານຕໍ່ປີ ແລະໄດ້ຮຽກຮ້ອງໃຫ້ລັດຖະ ສະພາກໍ່ຕັ້ງ
ບໍລິສັດເອກກະຊົນ ທີ່ບໍ່ຫວັງຜົນກຳໄລເພື່ອບໍລິຫານລະບົບນີ້. ແນວຄິດການສ້າງເອກ
ກະຊົນຄວບຄຸມການບິນຂອງສະຫະລັດ ທີ່ຜ່ານມາໄດ້ປະສົບກັບການຕ້ານຢັນຈາກ
ບັນດາຊະມາຊິກສະພາຈຳນວນນຶ່ງ ຫລືຄ້າງຄາຫລາຍກວ່າບັນຫາຕ່າງໆທີ່ີເກີດຂຶ້ນມາ
ກ່ອນ.
ປະທານາທິບໍດີທຣໍາກ່າວວ່າ “ພາຍໃຕ້ແຜນການໃໝ່ຂອງທ່ານ ຫ້ອງການປົກຄອງ
ຄວບຄຸມການບິນ ຈະເຈາະຈົງໃສ່ອັນທີ່ຈະເຮັດໃຫ້ດີທີ່ສຸດ: ຄວາມປອດໄພ. ເອກກະ
ລັກທີ່ບໍ່ສ້າງຜົນກຳໄລອີກຕ່າງຫາກຈະໃຫ້ການເບິ່ງແຍງເພື່ອຄໍ້າປະກັນ ເສັ້ນທາງໃຫ້
ພຽງພໍ ບໍລິການກົງເວລາ ແລະຫລຸດຜ່ອນການລໍຖ້າລ້າຊ້າອັນຍາວນານ.” ປະທານາ
ທິບໍດີທຣໍາ ຍັງກ່າວອີກວ່າ “ແຜນຂອງພວກເຮົາຈະນຳພາໄປຫາບ່ອນທີ່ທ່ານຕ້ອງ
ການບໍ່ແພງ. ແລະແມ່ນແລ້ວ ເປັນເທື່ອທຳອິດໃນເວລາອັນດົນນານ ຕົງເວລາ. ພວກ
ເຮົາຈະເລີ່ມການປ່ຽນແປງເດີນທາງເຮືອບິນໂດຍການທົດແທນລະບົບທີ່ຫລ້າຫລັງ
ຂອງການຄວບຄຸມການບິນ. ມັນເຖິງເວລາ ແລ່້ວ.”
ການປະກາດຂອງປະທານາທິບໍດີທຣໍາ ໄດ້ມີຂຶ້ນໃນມື້ທຳອິດອັນທີ່ທຳນຽບຂາວກ່າວ
ວ່າ ຈະເປັນເຫດການຕໍ່ເນື່ອງກັນໃນບໍ່ເທົ່າໃດມື້ຂ້າງໜ້ານີ້ ຮ້ອງໃຫ້ມີຄວາມສົນໃຈ
ຕໍ່ແນວຄິດຂອງທ່ານເພື່ອປັບປຸງໂຄງຮ່າງຂອງປະເທດ.
ຕໍ່ມາໃນອາທິດ ປະທານາທິບໍດີທຣໍາ ມີນັດໝາຍທີ່ຈະເດີນທາງໄປພາກກາງ ທາງທິດ
ຕາເວັນຕົກຂອງລັດ Ohio ເພື່ອສົນທະນາປັບປຸງຄູຕ້ານນໍ້າ ເຂື່ອນຕ່າງໆ ແລະຮັກ
ສາໄວ້ເປັນກະແຈໄປສູ່ການຂົນສົ່ງກະເສດຕະກຳ.
