ປະທານາທິບໍດີ ດໍໂນລ ທຣຳ ຂອງສະຫະລັດຂູ່ວ່າ ຈະສົ່ງທະຫານໄປປິດກັ້ນຊາຍແດນ
ພາກໃຕ້ຂອງສະຫະລັດໄວ້ ຖ້າຫາກເມັກຊິໂກບໍ່ສະກັດກັ້ນສິ່ງທີ່ທ່ານເອີ້ນວ່າ “ການບຸກ
ລຸກ” ຂອງພວກຄົນເຂົ້າເມືອງ ຈາກທະວີອາເມຣິກາກາງ ທີ່ພວມຈະຂ້າມເຂົ້າໄປໃນເມັກ
ຊິໂກຢູ່ຊາຍແດນຂອງປະເທດດັ່ງກ່າວ ຕິດກັບກົວເຕມາລານັ້ນໄວ້.
ຂະບວນການເດີນທາງຂອງຄົນເກືອບຮອດ 3,000 ຄົນ ໄດ້ອອກຈາກນະຄອນແຊນ ເປ
ໂດຣ ຊູລາ (San Pedro Sula) ໃນຮອນດູຣາສ ໃນທ້າຍອາທິດແລ້ວນີ້ ໄດ້ເດີນທາງ
ຜ່ານປ່າດົງ ທີ່ເຕັມໄປດ້ວຍຂີ້ຕົມ ແລະຖະໜົນຫົນທາງ ຕ່າງໆ ທີ່ຜ່ານເຂດຢູ່ອາໄສຂອງ
ຄົນ ເພື່ອຈະໄປມັກຊິໂກ ແລະໃນທີ່ສຸດກໍຈະມາເຖິງສະຫະລັດ.
ທ່ານທຣຳ ກ່າວອ້າງວ່າມີພວກອາດຊະຍາກອນຢູ່ໃນພວກຄົນເຂົ້າເມືອງດັ່ງກ່າວນັ້ນແລະ
ກຳລັງຮຽກຮ້ອງໃຫ້ເມັກຊິໂກ “ໂດຍໃຊ້ຖ້ອຍຄຳທີ່ຮຸນແຮງ” ໃຫ້ຢຸດພວກເຂົາເຈົ້າໄວ້.
“ການຈູ່ໂຈມຕໍ່ປະເທດຂອງພວກເຮົາ ຢູ່ຕາມຊາຍແດນທາງພາກໃຕ້ຂອງພວກເຮົາ
ລວມທັງອົງປະກອບກໍ່ອາດຊະຍາກຳ ແລະ ການເທຢາເສບຕິດເຂົ້າມາໃນປະເທດ
ເຮົານຳ ແມ່ນມີຄວາມສຳຄັນຕໍ່ຂ້າພະເຈົ້າໃນນາມ ເປັນປະທານາທິບໍດີ ຫລາຍກວ່າ
ການຄ້າ ແລະຫຼືຂໍ້ຕົກລົງ USMCA (ຂໍ້ຕົກລົງລະຫວ່າງສະຫະລັດ ກັບ ເມັກຊິໂກ,
ແລະການາດາ), ນັ້ນຫລາຍ" ນັ້ນຄືຄຳເວົ້າຂອງທ່ານ ທຣຳ ທີ່ຂຽນລົງໃນທວີດເຕີ
ໃນວັນພະຫັດວານນີ້.
"ເພິ່ນກຳລັງທຳການຄິດໄລ່ດ້ານການເມືອງຢູ່" ນັ້ນຄືຄຳເວົ້າຂອງທ່ານ ມາເຊໂລ ເອັບ
ບຣາດ (Marcelo Ebrard), ຜູ້ທີ່ກຳລັງຈະຂຶ້ນເປັນລັດຖະມົນຕີກະຊວງການຕ່າງປະ
ເທດຂອງເມັກຊິໂກ ກ່ຽວກັບຂໍ້ຄວາມທີ່ທ່ານ ທຣຳ ຂຽນລົງໃນທວີດເຕີ, ຊຶ່ງໝາຍເຖິງ
ການເລືອກຕັ້ງກາງສະໄໝຂອງສະຫະລັດ ໃນເດືອນພະຈິກ ທີ່ຈະມາເຖິງນີ້. ທ່ານ ເອັບ
ບຣາດ ກ່າວຢູ່ໃນການໃຫ້ສຳພາດທາງວິທະຍຸຂອງທ້ອງຖິ່ນວ່າ ຄຳເຫັນຂອງທ່ານທຣຳ
ແມ່ນເປັນທີ່ “ສາມາດຄາດເດົາໄດ້”.ທ່ານ ໄມຄ໌ ພອມພຽວ, ລັດຖະມົນຕີກະຊວງການ
ຕ່າງປະເທດສະຫະລັດເດີນທາງໄປຍັງນະຄອນຫລວງເມັກຊິໂກຊີຕີ້ ເພື່ອເຂົ້າຮ່ວມປະ
ຊຸມກັບປະທານາທິບໍດີອັງຣິເກ ເປຍາ ນິເອໂຕ (Enrique Pena Nieto) ທີ່ກຳລັງຈະ
ພົ້ນຕຳແໜ່ງໄປນັ້ນ ໃນວັນສຸກມື້ນີ້.
ເມັກຊິໂກໄດ້ສົ່ງຕຳຫລວດ ໄປຍາມຊາຍແດນຂອງຕົນ ກັບກົວເຕມາລາຫລາຍຮ້ອຍຄົນ
ເພີ້ມຂຶ້ນ ໃນວັນພະຫັດວານນີ້.
ເຖິງແມ່ນວ່າ ທ່ານທຣຳ ໄດ້ຂູ່ວ່າຈະໃຊ້ທະຫານ ໄປຍາມຊາຍແດນ ເມັກຊິໂກກັບສະຫະ
ລັດກໍຕາມ ແຕ່ວ່າ ພັນໂທເຈມມີ ເດວິສ (Jamie Davis) ກ່າວໃນວັນພະຫັດວານນີ້ ຢູ່
ໃນຖະແຫງການສະບັບນຶ່ງວ່າ "ກະຊວງປ້ອງກັນປະເທດ ບໍ່ໄດ້ຖືກມອບໝາຍ ໃຫ້ສະ
ໜອງການສະໜັບສະໜຸນອັນໃດເພີ້ມເລີຍ."
