ໃນການຂຽນຂໍ້ຄວາມລົງທາງ Twitter ຫຼາຍເທື່ອ ໃນຕອນເຊົ້າວັນສຸກວານນີ້ ປະທາ
ນາທິບໍດີດໍໂນລ ທຣຳ ໄດ້ຂົ່ມຂູ່ ທີ່ຈະຢຸດເຊົາການຖະແຫລງຂ່າວປະຈຳວັນທີ່ທຳນຽບ
ຂາວ. “ບາງທີສິ່ງທີ່ດີສຸດ ກໍຄືອາດຈະແມ່ນການລົບລ້າງ “ການຖະແຫລງຂ່າວ” ທັງໝົດໃນອະນາຄົດ ແລະການຂຽນຕອບ ເພື່ອເຫັນແກ່ຄວາມຖືກຕ້ອງ” ປະທານາທິບໍດີ
ທຣໍາ ໄດ້ຂຽນຂໍ້ຄວາມລົງທາງ Twitter ທີ່ຕິດຕາມມາໂດຍກ່າວວ່າ ເພື່ອຄວາມຫ້າວ
ຫັນຂອງການເປັນປະທານາທິບໍດີຂອງທ່ານ ພະນັກງານຂອງ ທ່ານ ບໍ່ຄວນຄາດໝາຍ
ທີ່ຈະໃຫ້ຂໍ້ມູນ “ໃຫ້ເປັນທີ່ຖືກຕ້ອງທີ່ສຸດ.”
ສະມາຄົມນັກຂ່າວປະຈຳທຳນຽບຂາວ ໄດ້ຕອບໂຕ້ຄືນຢ່າງໄວ ປະນາມຂໍ້ສະເໜີດັ່ງ
ກ່າວ ແລະເນັ້ນໜັກເຖິງຄວາມສຳຄັນຂອງການຖະແຫຼງຂ່າວ.
ປະທານສະມາຄົມນັກຂ່າວ ທ່ານ Jeff Mason ກ່າວຢູ່ໃນຖະແຫລງການວ່າ “ການ
ຖະແຫຼງຂ່າວ ແລະກອງປະຊຸມນັກຂ່າວຢູ່ທຳນຽບຂາວ ສະໜອງໂອກາດ ອັນສຳຄັນແລະເປັນສັນຍາລັກ ໃຫ້ແກ່ບັນດານັກຂ່າວໄດ້ພາກັນຖາມບັນດາເຈົ້າ ໜ້າທີ່ ໃນລະ
ດັບສູງຂອງລັດຖະບານສະຫະລັດ. ການຢຸດເຊົາໃນການຖະແຫຼງ ຂ່າວ ຈະຫລຸດ ຄວາມຮັບຜິດຊອບ ຄວາມໂປ່ງໃສ ແລະ ການໃຫ້ໂອກາດແກ່ ຊາວອາເມຣິກັນໄດ້
ເຫັນ ຢູ່ໃນລະບົບຂອງສະຫະລັດ ບໍ່ມີນັກການເມືອງສຳຄັນ ຄົນໃດທີ່ ຢູ່ເໜືອຈາກ
ການຖືກສໍ້ຖາມ.”
ບັນດານັກຂ່າວໄດ້ຖາມໂຄສົກທຳນຽບຂາວ ທ່ານ Sean Spicer ກ່ຽວກັບ ການຂຽນ
ຂໍ້ຄວາມລົງທາງ Twitter tweet ລະຫວ່າງການຖະແຫຼງຂ່າວໃນ ວັນອັງຄານທີ່ຜ່ານ
ມາ. ທ່ານ Spicer ໄດ້ຕອບໂດຍເນັ້ນໜັກວ່າພະນັກງານ ທຳນຽບຂາວ ໄດ້ເຮັດວຽກ
ຍາວຫຼາຍຊົ່ວໂມງ ແລະປາກົດເຫັນວ່າສື່ມວນຊົນ ພາກັນຫາທາງຈັບຜິດ ຫລືຄວາມບໍ່
ຖືກຕ້ອງຢູ່ໃນການຖະແຫຼງຂ່າວ.
ທ່ານ Spicer ກ່າວວ່າ “ພວກເຮົາອອກມາທີ່ນີ້ ແລະພະຍາຍາມທີ່ຈະເຮັດທຸກສິ່ງຢ່າງ ທີ່ພວກເຮົາສາມາດ ເພື່ອສະໜອງທ່ານແລະປະຊາຊົນອາເມຣິກັນໃນ ສິ່ງທີ່ທ່ານເຮັດ
ໃນນາມເຂົາເຈົ້າ ສິ່ງທີ່ທ່ານເຮັດກໍຄື ຮັກສາໃຫ້ປະເທດມີຄວາມ ປອດໄພ ສິ່ງທີ່ທ່ານ
ເຮັດກໍເພື່ອໃຫ້ມີວຽກເຮັດງານທຳຫລາຍຂຶ້ນ.”
“ແລະບໍ່ເທົ່ານັ້ນ ພວກເຮົາໄດ້ເຫັນມາແລ້ວຫຼາຍເທື່ອ ໃນຄວາມພະຍາຍາມທີ່ຈະແຍກ
ຄຳເວົ້ານ້ອຍໆ ແລະເຮັດໃຫ້ເປັນເກມຂອງການ ‘ຈັບຜິດ’ ທີ່ຂັດກັບນະໂຍບາຍໂຕ
ຈິງນັ້ນ”
ປະທານາທິບໍດີທຣໍາ ໄດ້ກ່າວໂຈມຕີສື່ມວນຊົນ ນັບຕັ້ງແຕ່ຕອນຕົ້ນຂອງການໂຄສະນາ
ຫາສຽງຂອງທ່ານ ໂດຍມັກຈະກ່າວຫາ ຕາໜ່າງຂ່າວທີ່ສຳຄັນໆວ່າ ອອກ “ຂ່າວປອມ” ໂຄສະນາຊວນເຊື່ອ.
