ລິ້ງ ສຳຫລັບເຂົ້າຫາ

ວັນພະຫັດ, ໒໕ ກໍລະກົດ ໒໐໒໔

ປ. ທຣໍາ ຂົ່ມຂູ່ ທີ່ຈະເກັບ ພາສີລົດ ທີ່ນໍາມາຈາກຢູໂຣບ 20 ເປີເຊັນ


ປະທານາທິບໍດີດໍໂນລ ທຣໍາ ກ່າວຢູ່ໃນກອງປະຊຸມ ຄະນະບໍລິຫານ ທີ່ທຳນຽບຂາວ ທີ 21 ມິຖຸນາ 2018.
ປະທານາທິບໍດີດໍໂນລ ທຣໍາ ກ່າວຢູ່ໃນກອງປະຊຸມ ຄະນະບໍລິຫານ ທີ່ທຳນຽບຂາວ ທີ 21 ມິຖຸນາ 2018.

ທ່ານ ​ດໍ​ໂນ​ລທຣໍາ ປະທານາທິບໍດີຂອງ​ສະຫະລັດ ກໍາລັງ​ນາບ​ຂູ່​ວ່າ​ຈະ​ເກັບ​ພາສີ 20 ​
ເປີ​ເຊັນ​ຕໍ່ລົດ​ທີ່​ປະກອບ​ຢູ່​ສະຫະພາບ​ຢູ​ໂຣບ ຫລື ອີ​ຢູ (EU) ​ແລ້ວ​ສົ່ງ​ມາ​ຂາຍ​ຍັງສະຫະ
ລັດ​ເພື່ອ​ເປັນ​ການ​ຕອບ​ໂຕ້​ຄືນ​ຕໍ່ການ​ເກັບ​ພາສີນໍາ​ເຂົ້າ​ຂອງ​ປະ​ເທດ​ຢູ​ໂຣບສໍາ​ລັບສະຫະ
ພັນການຄ້າ​ອາ​ເມຣິກາ.

​ໃນ​ວັນ​ສຸກ ວານ​ນີ້ ຊຶ່ງ​ເປັນ​ມື້ທີ່ພາສີ​ນໍາ​ເຂົ້າ​ໃໝ່ຂອງອີ​ຢູ (EU) ມີ​ຜົນ​ບັງຄັບ​ໃຊ້ ທ່ານ
​ທຣໍາກໍ​ໄດ້​ຂຽນລົງ​ໃນ​ທວີ​ດ​ເທີ​ວ່າ “ຖ້າພາສີ​ນໍາ​ເຂົ້າ​ໃໝ່ພວກ​ນີ້ ​ແລະສິ່ງ​ກີດ​ຂວາງ​ທາງ​
ການ​ຄ້າຕ່າງໆ ​ບໍ່ຖືກ​ທໍາລາຍ ​ແລະ​ຍົກ​ເລີກ​ແລ້ວ​ ພວກ​ເຮົາກໍຈະ​ເກັບ​ພາສີ 20 ​ເປີ​ເຊັນ
​ຕໍ່ລົດທຸກ​ຄັນ​ຂອງ​ພວກ​ເຂົາ​ທີ່​ສົ່ງ​ມາ​ຍັງ​ສະຫະລັດ. ສະນັ້ນ​ໃຫ້​ຜະລິດ​ຢູ່​ທີ່​ນີ້.”

https://twitter.com/realDonaldTrump/status/1010166772912320513
ນັກ​ຊ່ຽວຊານ​ດ້ານ​ອຸດ​ສະຫະ​ກໍາ​ລົດ ​ເວົ້າວ່າ ອັດ​ຕາ​ພາສີ​ດັ່ງກ່າວ​ນັ້ນສາມາດ​ມີ​ຜົນ​ກະ
ທົບ​ບໍ່ດີຕໍ່​ເສດຖະກິດ​ສະຫະລັດ ​ແລະ​ເສດຖະກິດ​ຂອງ​ຢູ​ໂຣບ​ເຊັ່ນ​ກັນ.

ທ່ານ ​ແຄ​ສ​ເພີ ພີ​ເຕີ (Kasper Peters) ຫົວໜ້າຝ່າ​ນສື່ສານ​ຂອງສະມາຄົມ​ຜະລິດ​ລົດ​
ຂອງ​ຢູ​ໂຣບຫລື ACEA ກ່າວ​ຢູ່​ໃນ​ຕອນ​ໃຫ້​ສໍາພາດ​ກັບວີ​ໂອ​ເອໃນ​ວັນ​ສຸກ​ວານ​ນີ້ວ່າ
"ມັນ​ເປັນ​ເລື້ອງ​ສັບສົນ​ຫລາຍ​ອີ່ຫລີ; ມັນ​ບໍ່​ແມ່ນ​ຄໍາ​ຖາມ​ທີ່​ຈະຫາ​ຄໍາ​ຕອບ​ໄດ້​ງ່າຍ" ​ເມື່ອ​
ເວົ້າ​ເຖິງ​ເລື້ອງທີ່​ວ່າລົດ​ຜະລິດ​ຢູ່​ບ່ອນ​ນຶ່ງ ​ແລະ​ໄປ​ຂາຍ​ຢູ່​ອີກ​ບ່ອນ​ນຶ່ງ.

ລົດລໍຖ້າສົ່ງອອກມາຂາຍ ຈອດຢູ່ທ່າເຮືອ ເມືອງບຣີແມັສ ພາກເໜືອປະເທດເຢຍຣະມັນ ທີ 8, 2012.
ລົດລໍຖ້າສົ່ງອອກມາຂາຍ ຈອດຢູ່ທ່າເຮືອ ເມືອງບຣີແມັສ ພາກເໜືອປະເທດເຢຍຣະມັນ ທີ 8, 2012.

ໃນ​ເດືອນ​ມີນາ​ຜ່ານ​ມາ ທ່ານ​ເອີຣິກ ຈອນ​ເນ​ເອີ​ດ (Erik Jonnaert), ​ເລຂາ​ທິການ​ໃຫຍ່​ຂອງສະມາຄົມ ACEA ​ໃຫ້​ຂໍ້​ສັງ​ເກດ​ວ່າ ACEA ຜູ້​ຜະລິດ​ລົດ​ທີ່​ມີ​ໂຮງງານ​ຢູ່​ໃນ​ສະຫະ
ລັດ​ແມ່ນ​ມີ​ເສດຖະກິດຢູ່​ໃນ​ທ້ອງ​ຖິ່ນ​ເຂດ​ນັ້ນ. ທ່ານ​ໄດ້​ກ່າວ​ຢູ່​ໃນ​ຖະ​ແຫລ​ງການ​ສະບັບ​
ນຶ່ງ​ວ່າ "ສ່ວນຜູ້​ຜະລິດ​ລົດຂອງອີ​ຢູ (EU) ບໍ່ພຽງ​ແຕ່​ນໍາເອົາ​ພາຫະນະ​ເຂົ້າ​ໄປ​ຂາຍ​ໃນ
​ສະຫະລັດ ​ພວກ​ເຂົາ​ເຈົ້າຍັງມີ​ພື້ນຖານ​ການ​ຜະລິດໃຫຍ່ຢູ່​ແຫ່ງ​ນັ້ນ ຊຶ່ງ​ໄດ້​ສ້າງ​ວຽກ​ເຮັດ
ງານ​ທໍາ​ໃຫ້​ແກ່​ຄົນ​ໃນ​ທ້ອງ​ຖິ່ນ ​ແລະ​ສ້າງ​ລາຍ​ຮັບດ້ານພາສີ​ໃຫ້​ເຂົາ​ເຈົ້າ”

ລັດຖະມົນຕີການຄ້າສະຫະລັດ ທ່ານ ວີວເບີຣ ຣອດສ໌ ລາຍງານຕໍ່ຄະນະກຳມະການ ການເງິນສະພາສູງ ທີ 20 ມິຖຸນາ 2018.
ລັດຖະມົນຕີການຄ້າສະຫະລັດ ທ່ານ ວີວເບີຣ ຣອດສ໌ ລາຍງານຕໍ່ຄະນະກຳມະການ ການເງິນສະພາສູງ ທີ 20 ມິຖຸນາ 2018.

ທ່ານ​ທຣໍາ​ໄດ້​ຂຽນລົງ​ໃນ​ທວີ​ດ​ເຕີ​ພາຍ​ໃນ​ນຶ່ງ​ມື້ຫລັງ​ຈາກ​ທ່ານ ວີລ​ເບີ ຣອສ (Wilbur
Ross) ລັດຖະມົນຕີ​ກະຊວງ​ການ​ຄ້າ​ເວົ້າວ່າ ກະຊວງ​ຂອງ​ທ່ານ​ມີ​ແຜນ​ທີ່​ຈະ​ສິ້ນສຸດ
​ການ​ສືບສວນ​ເບິ່ງ​ວ່າລົດ ​ແລະ​ສິ້ນສ່ວນ​ປະກອບ​ຂອງ​ລົດ ​ເປັນ​ໄພ​ຂົ່ມຂູ່​ຕໍ່ຄວາມໝັ້ນ
ຄົງ​ຂອງ​ຊາດ​ຫລືບໍ່​ໃນ​ເດືອນ​ກໍ​ລະ​ກົດ ຫລື​ສິງຫາ​ທີ່​ຈະ​ມາ​ເຖິງ​ນີ້. ​ແຕ່​ວ່າ​ທ່ານ ດານຽວ
​ໄພຣສ໌ (Daniel Price) ອະດີດ​ທີ່​ປຶກສາ​ອາວຸ​ໂສ​ດ້ານ​ເສດຖະກິດ​ຂອງ​ປະທານາທິບໍດີ​
ຈອດ​ຈ໌ດັບ​ເບິນ​ຢູ ບຸ​ສ (George W. Bush) ກ່າວ​ຕໍ່ໜັງສື​ພິມ Washington Post
ວ່າ ການ​ນາບ​ຂູ່​ຂອງ​ທ່ານ​ທຣໍາວ່າວ​ຈະ​ວາງ​ການ​ເກັບ​ພາສີ​ໃໝ່ອອກ​ມາ​ແມ່ນ "​ເປັນ​
ການ​ລັດ​ວົງຈອນ ຂອງຂັ້ນຕອນ ​ແລະ​ໃນ​ທີ່​ສຸດ​ກໍ​ເປັນ​ການ​ເຮັດ​ໃຫ້​ເຫດຜົນວ່າ​ການ​ສືບ
ສວນໃນ​ແງ່​ຄວາມໝັ້ນຄົງ​ຂອງ​ຊາດຂອງບັນຫານີ້ຫລຸດ​ລົງ."

ອັດຕາ​ພາສີ​ໃໝ່ຂອງ​ອີ​ຢູ ທີ່​ຮັບຮອງ​ເອົາ​ວັນ​ສຸກ​ວານ​ນີ້ ​ແມ່ນ​ມີ​ຜົນ​ນໍາ​ໃຊ້​ຕໍ່ສິນຄ້າ​ອາ​ເມຣິ
ກາ​ໃນ​ມູນ​ຄ່າ​ຫລາຍ​ຕື້​ໂດ​ລາ ຊຶ່ງ​ລວມມີ ​ໂສ້ງ​ຢີນ, ​ເຫລົ້າວິສກີ​ບົວ​ບັນ, ​ແລະ​ລົດຈັກ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG