ປະທານາທິບໍດີສະຫະລັດ ທ່ານດໍໂນລ ທຣຳ ສະເໜີແນະວ່າ ລັດຖະມົນຕີປ້ອງກັນ
ປະເທດ ທ່ານຈິມ ແມັຕຕິສ ອາດແມ່ນເຈົ້າໜ້າທີ່ຜູ້ນຶ່ງທີ່ສຳຄັນ ທີ່ຈະອອກຈາກລັດຖະ
ບານໄປ.
ປະທານາທິບໍດີສະຫະລັດ ພັກຣີພັບບລີກັນ ໄດ້ກ່າວໃນການໃຫ້ສຳພາດກັບຕາໜ່າງ
ຂ່າວ CBS ໃນລາຍການ “60 ນາທີ” ໃນວັນອາທິດວານນີ້ ວ່າ ທ່ານບໍ່ໄດ້ເຮັດໃຫ້ມີ
ຮ່ອງຮອຍໃດໆທີ່ວ່າທ່ານແມັຕຕິສ ຈະອອກໄປ ແຕ່ວ່າ ກ່າວເພີ້ມຕື່ມວ່າ “ມັນອາດເປັນ
ໄປໄດ້. ຂ້າພະເຈົ້າຄິດວ່າ ເພິ່ນແມ່ນຂ້ອນຂ້າງໄປຫາທາງເດໂມແຄຣັດ, ຖ້າຫາກວ່າ
ທ່ານຢາກຮູ້ຄວາມຈິງ.”
ຜູ້ນຳຂອງສະຫະລັດທ່ານນີ້ ໄດ້ອະທິບາຍເຖິງນາຍພົນເບ້ຍບຳນານນາວິກະໂຍທິນ
ທ່ານນີ້ວ່າ “ເປັນຄົນດີ, ພວກເຮົາເຂົ້າກັນໄດ້ເປັນຢ່າງດີ. ເພິ່ນອາດຈະອອກໄປ.
ຂ້າພະເຈົ້າໝາຍຄວາມວ່າ, ເຖິງຈຸດໃດຈຸດນຶ່ງ ທຸກຄົນ ກໍຈະຈາກໄປ. ທຸກໆຄົນນັ້ນລະ.
ພວກຜູ້ຄົນພາກັນລາຈາກໄປ ນັ້ນຄືວໍຊີງຕັນ.”
ທ່ານທຣຳ ໃນຮອບ 21 ເດືອນໃນລັດຖະບານຂອງທ່ານ, ໄດ້ປົດອອກ ຫຼືບໍ່ກໍກົດດັນ
ບັນດາເຈົ້າໜ້າທີ່ ທີ່ເປັນກະແຈສຳຄັນຂອງຕົນອອກ ສິບກວ່າຄົນແລ້ວ ຫຼືບໍ່ ກໍໄດ້ເບິ່ງຢູ່
ຊືື່ໆ ຄົນທີ່ຕົນມັກຮັກນັ້ນ ລາອອກໄປ, ຊຶ່ງຮວມທັງເອກອັກຄະລັດຖະທູດສະຫະລັດ
ປະຈຳອົງການສະຫະປະຊາຊາດ ທ່ານນາງນິກກີ ເຮລີ ຜູ້ຊຶ່ງສັບປະດາແລ້ວນີ້ ໄດ້ກ່າວ
ວ່າທ່ານນາງຈະລາອອກຈາກໜ້າທີ່ໃນສິ້ນປີນີ້.
ທ່ານແມັຕຕິສ ໃນຂະນະທີ່ນຳພາກອງທັບສະຫະລັດ, ບາງຄັ້ງຄາວ ກໍເບິ່ງຄືວ່າແປກ
ກັບ ທ່ານທຣຳ ແລະເປັນເຈົ້າໜ້າທີ່ທີ່ກະຫາຍສົງຄາມ ໃນລັດຖະບານຂອງທ່ານທຣຳ,
ຊຶ່ງຮວມທັງທີ່ປຶກສາຄວາມປອດໄພແຫ່ງຊາດ ທ່ານຈອນ ໂບລຕັນ. ທ່ານແມັຕຕິສ
ໃນກາງປີ 2017 ໄດ້ຊຸກຍູ້ໃຫ້ມີການທູດຫຼາຍຂຶ້ນ ໃນການເຂົ້າຫາເກົາຫຼີເໜືອ ເລື້ອງ
ໂຄງການນິວເຄລຍຂອງພຽງຢາງ, ຊຶ່ງແມ່ນເສັ້ນທາງທີ່ທ່ານທຣຳ ໃນທີ່ສຸດຈະນຳໄປສູ່
ຢູ່ໃນກອງປະຊຸມສຸດຍອດກັບຜູ້ນຳເກົາຫຼີເໜືອ ທ່ານກິມ ຈົງ ອຶນ.
ທ່ານທຣຳ ກ່າວວ່າ ມັນຍັງມີຜູ້ຄົນ “ບາງພວກ” ໃນລັດຖະບານຂອງເພິ່ນທີ່ວ່າເພິ່ນ
“ບໍ່ໄດ້ກະຕືລືລົ້ນນຳ.” ເພິ່ນມັກຈະກ່າວເລື້ອຍໆ ເລື້ອງລັດຖະມົນຕີກະຊວງຍຸຕິທຳ
ທ່ານແຈັຟ ເຊສສັນ, ແຕ່ປະຕິເສດ ທີ່ຈະປົດທ່ານອອກຍ້ອນການສອບສວນທີ່ຍາວ
ນານທີ່ວ່າ ການໂຄສະນາຫາສຽງຂອງທ່ານທຣຳ ປີ 2016 ໄດ້ມີການສົມຮູ້ຮ່ວມຄິດ
ກັບຣັດເຊຍແລະວ່າ ທ່ານທຣຳ ໃນຖານະທີ່ເປັນປະທານາທິບໍດີ ກີດຂວາງຂະບວນ
ການຍຸຕິທຳໂດຍທີ່ພະຍາຍາມທີ່ຈະຄົ້ນຫາສິ່ງອ້າງອີງນັ້ນ.
ອ່ານຂ່າວນີ້ເພີ້ມຕື່ມເປັນພາສາອັງກິດ
