ລິ້ງ ສຳຫລັບເຂົ້າຫາ

ວັນພະຫັດ, ໐໓ ເມສາ ໒໐໒໕

ທ່ານ ດໍໂນລ ທຣໍາ ລົງນາມດຳລັດ ເພື່ອສຶກສາການຂະຫຍາຍ IVF ແລະ ຮຽກຮ້ອງໃຫ້ ລັດຖະບານມີຄວາມໂປ່ງໃສ


ປະທານາທິບໍດີ ດໍໂນລ ທຣໍາ ແຫ່ງສະຫະລັດ ຕອບຄໍາຖາມນັກຂ່າວທີ່ ຣີສອດ ມາອາລາໂກ ໃນເມືອງ ພາມລ໌ບິສຈ໌ ລັດ ຟລໍຣີດາ ເມື່ອວັນທີ 18 ກຸມພາ 2025.
ປະທານາທິບໍດີ ດໍໂນລ ທຣໍາ ແຫ່ງສະຫະລັດ ຕອບຄໍາຖາມນັກຂ່າວທີ່ ຣີສອດ ມາອາລາໂກ ໃນເມືອງ ພາມລ໌ບິສຈ໌ ລັດ ຟລໍຣີດາ ເມື່ອວັນທີ 18 ກຸມພາ 2025.

ປະທານາທິບໍດີ ທ່ານ ດໍໂນລ ທຣໍາ ລົງນາມໃນດຳລັດປະທານາທິບໍດີ ເມື່ອວັນອັງຄານທີ່ຜ່ານມາ ເພື່ອສຶກສາວິທີຂະຫຍາຍການເຂົ້າເຖິງ ການປະຕິສົນທິນອກຮ່າງກາຍ ຫຼື ການເຮັດເດັກຫຼອດແກ້ວ (IVF) ແລະ ເຮັດໃຫ້ມີລາຄາຖືກລົງ ອີງຕາມອົງການເອພີລາຍງານ.

ດຳລັດດັ່ງກ່າວຮຽກຮ້ອງໃຫ້ມີຂໍ້ສະເໜີແນະນໍາດ້ານນະໂຍບາຍເພື່ອ “ ປົກປ້ອງການເຂົ້າເຖິງ IVF ແລະ ຫຼຸດຜ່ອນຄ່າໃຊ້ຈ່າຍສ່ວນໂຕ ແລະແຜນປະກັນສຸຂະພາບ ສຳລັບການຮັກສາດັ່ງກ່າວຢ່າງຈິງຈັງ” ອີງຕາມຄຳກ່າວຂອງທຳນຽບຂາວ ໃນຊ່ວງຫາສຽງ. ໃນການໂຄສະນາຫາສຽງ, ທ່ານ ດໍໂນລ ທຣໍາ ຮຽກຮ້ອງໃຫ້ປະກັນສຸຂະພາບລວມເອົາການຮັກສາ IVF ຢ່າງທົ່ວເຖິງ ຫຼັງຈາກທີ່ຜູ້ໄດ້ຮັບການແຕ່ງຕັ້ງໃນສານສູງສຸດຊ່ວຍຕ່າວປີ້ນຄຳຕັດສິນຄະດີ Roe ສູ້ກັບ Wade ຊຶ່ງນໍາໄປສູ່ຂໍ້ຈຳກັດຕ່າງ ໆ ຢ່າງຫຼວງຫຼາຍ ໃນລັດທີ່ພັກຣີພັບລິກັນເປັນຜູ້ນໍາ ໂດຍລວມເຖິງບາງອັນ ທີ່ໄດ້ກີດກັນໃນການເຂົ້າເຖິງການຮັກສາ IVF ໃນຄວາມພະຍາຍາມຕີຄວາມໝາຍຂອງຊີວິດ ກໍຄື ຕອນເລີ້ມຕົ້ນຂອງການຖືພາ.

ທ່ານ ດໍໂນລ ທຣໍາ ທີ່ໄປພັກຢູ່ ບ້ານພັກ ແລະ ສະໂມສອນ Mar-a-Lago ໃນລັດ ຟລໍຣີດາ ຂອງທ່ານ ຍັງໄດ້ລົງນາມໃນດຳລັດອີກສະບັບນຶ່ງ ແລະບັນທຶກຂອງປະທານາທິບໍດີ ດ້ວຍ. ດຳລັດສະບັບທີສອງ ໄດ້ລະບຸບົດບາດໜ້າທີ່ໃນການກວດກາຂອງຫ້ອງການການຄຸ້ມຄອງ ແລະງົບປະມານ ໃນຂະນະທີ່ບົດບັນທຶກຂອງປະທານາທິບໍດີ ຮຽກຮ້ອງໃຫ້ມີຄວາມໂປ່ງໃສຫຼາຍຂຶ້ນ ຈາກລັດຖະບານ ອີງຕາມ ທ່ານ ວິລ ຊາຟຣ໌ ເລຂາທິການສຳນັກງານທຳນຽບຂາວຊຶ່ງ ທ່ານ ດໍໂນລ ທຣໍາ ໄດ້ຮຽກເຂົ້າມາເພື່ອຊີ້ແຈງລາຍລະອຽດກ່ຽວກັບຄຳສັ່ງດັ່ງກ່າວ.

ດຳລັດດັ່ງກ່າວຮຽກຮ້ອງໃຫ້ລັດຖະບານ “ ມີຂໍ້ບັງຄັບໃຫ້ມີຄວາມໂປ່ງໃສຢ່າງສຸດຂີດ” ສຳລັບລັດຖະບານໂດຍກຳນົດໃຫ້ລັດຖະບານຕ້ອງຊີ້ແຈງ ລາຍລະອຽດກ່ຽວກັບການ ສູນຫາຍ ການສໍ້ໂກງ ແລະ ການລະເມີດ ທີ່ໄດ້ພົບເຫັນໃນຂະນະ ກະຊວງປະສິດທິພາບຂອງລັດຖະບານ ຫຼື DOGE ຊຶ່ງຢູ່ພາຍໃຕ້ການກຳກັບເບິ່ງແຍງຂອງ ທ່ານ ອີລອນ ມັສຄ໌ ກຳລັງຊອກຫາແນວທາງທີ່ຈະຫຼຸດການໃຊ້ຈ່າຍຂອງລັດຖະບານ.

DOGE ຊຶ່ງຈະບໍ່ສາມາດເຮັດຕາມຄຳໝັ້ນສັນຍາຂອງລັດຖະບານ ກ່ຽວກັບຄວາມໂປ່ງໃສໄດ້. ທ່ານ ອີລອນ ມັສຄ໌ ຕອບຄໍາຖາມນັກຂ່າວພຽງຄັ້ງດຽວນັບຕັ້ງແຕ່ເຂົ້າມາຮັບຕໍາແໜ່ງທີ່ປຶກສາທີ່ມີອິດທິພົນທີ່ສຸດຂອງທ່ານ ທຣໍາ ແລະ ທ່ານອ້າງວ່າ ການເປີດເຜີຍຊື່ບຸກຄົນທີ່ເຮັດວຽກໃຫ້ກັບທ່ານນັ້ນ ເປັນສິ່ງທີ່ຜິດກົດໝາຍ. ບາງຄັ້ງເຈົ້າໜ້າທີ່ຂອງ DOGE ຮຽກຮ້ອງໃຫ້ເຂົ້າເຖິງຖານຂໍ້ມູນລັບຂອງລັດຖະບານ ໂດຍໄດ້ໃຫ້ຄຳອະທິບາຍເຫດຜົນພຽງເລັກນ້ອຍ.

ຕາມເອກະສານຄວາມເປັນຈິງ ທີ່ທຳນຽບຂາວໃຫ້ມານັ້ນ ດຳລັດ IVF ຂອງ ທ່ານ ດໍໂນລ ທຣໍາ ຈະເນັ້ນໜັກທີ່ການຈັດລຳດັບຄວາມສຳຄັນ ທີ່ວ່າມີນະໂນບາຍໃດ ໆ ໃນປັດຈຸບັ “ທີ່ເຮັດໃຫ້ຄ່າໃຊ້ຈ່າຍຂອງການປິ່ນປົວ IVF ເພີ້ມຫຼາຍຂຶ້ນ.”

ອ່ານຂ່າວເປັນາພາສາອັງກິດ

President Donald Trump on Tuesday signed an executive order to study how to expand access to in vitro fertilization and make it more affordable.

The order calls for policy recommendations to "protect IVF access and aggressively reduce out-of-pocket and health plan costs for such treatments," according to the White House. On the campaign trail, Trump called for universal coverage of IVF treatment after his Supreme Court nominees helped to overturn Roe v. Wade, leading to a wave of restrictions in Republican-led states, including some that have threatened access to IVF by trying to define life as beginning at conception.

Trump, who was at his Florida residence and club Mar-a-Lago, also signed another executive order and a presidential memorandum. The second executive order outlined the oversight functions of the Office of Management and Budget, while the presidential memorandum called for more transparency from the government, according to White House staff secretary Will Scharf, who Trump called to the podium to detail the orders.

The order called for "radical transparency requirements" for the government, requiring it to detail the "waste, fraud and abuse" that's found as the Department of Government Efficiency, overseen by Elon Musk, looks to cut government spending.

DOGE has often fallen short of the administration's promises of transparency. Musk has taken questions from journalists only once since becoming Trump's most powerful adviser, and he's claimed it's illegal to name people who are working for him. Sometimes DOGE staff members have demanded access to sensitive government databases with little explanation.

According to a fact sheet provided by the White House, Trump's IVF order will focus on prioritizing whether there are any current policies "that exacerbate the cost of IVF treatments."

ຟໍຣັມສະແດງຄວາມຄິດເຫັນ

XS
SM
MD
LG