ລິ້ງ ສຳຫລັບເຂົ້າຫາ

ວັນພະຫັດ, ໑໘ ກໍລະກົດ ໒໐໒໔

ທ່າມກາງ ຄວາມພ່າຍແພ້ ປ. ທຣຳ ຍັງກະຕື ລືລົ້ນ ຊຸກຍູ້ ການປະຕິຮູບພາສີ


ປະທານາທິບໍດີດໍໂນລ ທຣຳ ກ່າວຄຳປາໄສ ຕໍ່ກອງປະຊຸມ ສະມາຄົມຜູ້ຜະລິດແຫ່ງຊາດ ທີ່ໂຮງແຮມ Mandarin Oriental ໃນນະຄອນຫຼວງວໍຊິງຕັນ. (ວັນທີ 29 ກັນຍາ 2017)
ປະທານາທິບໍດີດໍໂນລ ທຣຳ ກ່າວຄຳປາໄສ ຕໍ່ກອງປະຊຸມ ສະມາຄົມຜູ້ຜະລິດແຫ່ງຊາດ ທີ່ໂຮງແຮມ Mandarin Oriental ໃນນະຄອນຫຼວງວໍຊິງຕັນ. (ວັນທີ 29 ກັນຍາ 2017)

ປະທານາທິບໍ​ດີ​ດໍ​ໂນ​ລ ທຣຳ ​ໄດ້​ມ້ວນທ້າຍ​ສັບປະດາຂອງ​ຄວາມຫຍຸ້ງຍາກທາງ​ການ
​ເມືອງດ້ວຍ​ການ​ຊຸກຍູ້​ສຸດ​ຂີດ​ເພື່ອ​ໃຫ້​ມີ​ການ​ປະຕິ​ຮູບທາງ​ດ້ານ​ພາສີ​ໃນ​ວັນ​ສຸກວານ​ນີ້.
ໃນ​ຄຳ​ປາ​ໄສຕໍ່ ​ສະມາຄົມ​ຜູ້​ຜະລິດ ທີ່ນະຄອນຫຼວງ​ວໍ​ຊິງ​ຕັນ ທ່ານ​ທຣຳໄດ້​ໃຫ້​ຄຳ​ໝັ້ນ
ສັນຍາທີ່​ຈະ​ທຳ​ການ​ຫຼຸດພາສີ “ຂະ​ໜາດ​ໃຫຍ່ ຢ່າງສວຍ​ງາມ ມະຫຶມາ ແລະ​ໃຫຍ່ສຸດ
​ເທົ່າ​ທີ່​ເຄີຍ​ມີ​ມາ ​ໃນ​ປະ​ເທດ​ຂອງ​ພວກ​ເຮົາ.”

ທ່ານ​ທຣຳ ມີ​ຄວາມ​ກະຕືລືລົ້ນທີ່​ຈະ​ເບິ່ງ​ໄປ​ໜ້າຜ່ານ​ບັນຫາ​ກ່ຽວ​ກັບ​ການ​ປະຕິ​ຮູບ​ໃນ
​ການ​ຮັກສາ​ສຸຂະພາບ ແລະ​ຜົນ​ການ​ເລືອກ​ຕັ້ງສະມາຊິກ​ສະພາ​ສູງຂັ້ນຕົ້ນຂອງ​ພັກຣີ
ພັບ​ບລີ​ກັນ​ທີ່​ລັດ​ອາ​ລາບາ​ມາບ່ອນ​ທີ່​ທ່ານ​ໄດ້​ໃຫ້ການ​ສະໜັບສະໜຸນແກ່​ຜູ້​ສະໝັກ​ທີ່​
ເສຍ​ໄຊ. ປະທານາທິບໍດີ​ ແລະ ​ລັດຖະບານ​ຂອງ​ທ່ານ ຍັງ​ໄດ້ເປັນຝ່າຍ​ຮັບ ກ່ຽວ​ກັບ​
ຄວາມ​ພະຍາ​ຍາ​ຍາມ​ໃນ​ການ​ຟື້ນ​ໂຕ​ຈາກ​ລົມພາຍຸ​ເຮີຣິ​ເຄນ​ທີ່ Peurto Rico.

ສະມາຊິກ​ສະພາ​ສູງ​ບໍ່ໄດ້ລົງ​ຄະ​ແນນ​ສຽງ ກ່ຽວ​ກັບ​ແຜນການ​ຍົກ​ເລີກ​ແລະ​ທົດແທນ​
ປະກັນ​ໄພ​ສຸຂະພາບ​ Obamacare ຫລັງ​ຈາກ​ເປັນ​ທີ່​ຈະ​ແຈ້ງວ່າ ພວກ​ເຂົາ​ເຈົ້າບໍ່​ມີ
​ຄະ​ແນນ​ສຽງ​ພຽງພໍເພື່ອ​ຮັບ​ຜ່ານ​ຮ່າງ​ກົດໝາຍ​ດັ່ງກ່າວ ທັງນີ້ກໍ​ຍ້ອນສະມາຊິກ​ພັກຣີ
ພັບ​ບລີ​ກັນ​ຈຳນວນນຶ່ງ ​ບໍ່​ຍອມ​ລົງ​ຄະ​ແນນ​ສຽງ​ໃຫ້.

Amid Setbacks, Trump Seeks Comfort in his Base
please wait

No media source currently available

0:00 0:02:16 0:00

ສະມາຊິກ​ພັກ​ເດ​ໂມ​ແຄຣັດ ​ໄດ້​ສະ​ແດງ​ຄວາມ​ໂລ່ງ​ໃຈ ທີ່​ເຂົາ​ເຈົ້າສາມາດ​ເອົາ​ຊະນະ
​ຄວາມ​ພະຍາຍາມ​ທີ່ຢາກ​ຈະ​ຍົກ​ເລີກ​ປະກັນ​ໄພ​ສຸຂະພາບ​ ທີ່​ເປັນ​ລາຍ​ເຊັນ ຂອງ​ອະ
ດີດ​ປະທານາທິບໍດີ ​ບາ​ຣັກ ​ໂອ​ບາ​ມາ.

ຜູ້ນຳ​ຂອງ​ພັກ​ເດ​ໂມ​ແຄຣັດ ​ໃນ​ສະພາ​ສູງ ທ່ານ Chuck Schumer ກ່າວ​ຕໍ່​ພວກ​ນັກ
​ຂ່າວ​ທີ່​ຕຶກ​ລັດຖະສະພາ​ວ່າ “​ເຫດຜົນ​ທີ່​ຮ່າງ​ກົດໝາຍ​ສະບັບ​ນີ້ບໍ່​ຜ່ານ​ກໍ​ຍ້ອນ​ວ່າຊາວ​
ອ​າ​ເມຣິກັນ​ຫລາຍ​ລ້ານ​ຄົນ​ ບໍ່​ຕ້ອງການ​ໃຫ້​ເປັນແບບ​ນັ້ນ.”

​ໃນ​ມື້ດຽວ​ກັນນັ້ນ ອະດີດ​ຜູ້​ພິພາກສາ Roy Moore ທີ່ເປັນຄຣິສຕຽນ​ນິຍົມ​ແນວທາງ​
ເດີມ​ຈັດ ​ໄດ້​ຮັບ​ໄຊຊະນະ​ຢ່າງ​ງ່າຍດາຍໃນ​ການ​ເລືອກ​ຕັ້ງສະມາຊິກ​ສະພາ​ສູງ​ຂັ້ນຕົ້ນ
ຂອງ​ພັກຣີພັບ​ບລີ​ກັນທີ່​ລັດ​ອາ​ລາ​ບາ​ມາໂດຍ​ເອົາ​ຊະນະ​ສະມາຊິກ​ສະພາ​ສູງ Luther
Strange ທີ່​ທ່ານ​ທຣຳ ​ໃຫ້ການ​ສະໜັບ​ສະໜຸນ.

ທ່ານ Moore ກ່າວ​ໃນ​ຄຳ​ປາ​ໄສ ສະຫລອງ​ໄຊຊະນະ​ ຂອງ​ທ່ານ​ວ່າ “ພວກ​ເຮົາ​ໄດ້
​ຖືກ​ສົ່ງ​ມາ​ທີ່​ໂລກ​ເປັນ​ເວລາ​ສັ້ນໆ ​ແລະ​ໃນ​ເວລາ​ສັ້ນໆ​ນັ້ນ ພາລະກິດ​ຂອງພວກ​ເຮົາ
ກໍ​ແມ່ນ​ຮັບໃຊ້​ພະ​ຜູ້​ເປັນ​ເຈົ້າຜູ້​ຍິ່ງ​ໃຫຍ່.”

ຜ່ານ​ມາ ທ່ານ Moore ​ໄດ້​ກ່າວ​ເຖິງ​ຫລາຍໆ​ເລື່ອງ​ ທີ່​ເປັນ​ຂ່າວ​ນອງ​ນັນ ​ແຕ່​ທ່ານ​ກໍ
​ຄາດ​ວ່າ ຈະ​ເປັນ​ຜູ້​ໄດ້​ຮັບ​ໄຊຊະນະ ​ໃນ​ການ​ແຂ່ງຂັນ​ ກັບ​ຜູ້​ສະໝັກ​ ຂອງ​ພັກ​ເດ​ໂມ​
ແຄຣັດ ທ່ານ Doug Jones ​ໃນ​ການ​ເລືອກ​ຕັ້ງຊຶ່ງ​ຈະ​ມີ​ຂຶ້ນ​ໃນ​ວັນ​ທີ 12 ທັນວາ​ປີນີ້.

ທ່ານ​ທຣຳ​ໄດ້​ໄປ​ປາກົດ​ຕົວ ຮ່ວມ​ກັບ​ທ່ານ Strange ນຶ່ງ​ອາທິດ​ກ່ອນ​ໜ້ານີ້ ​ໃນການ
ໂຮມ​ຊຸມນຸມ​ທີ່​ລັດ​ອາ​ລາ​ບາ​ມາ ​ແຕ່​ພວກ​ນັກວິ​ເຄາະ​ບາງ​ຄົນ​ເວົ້າວ່າຈິດ​ໃຈຂອງ​ທ່ານ
ແມ່ນ​ບໍ່​ປາກົດ​ວ່າ​ຢູ່​ທີ່​ນັ້ນ​ເລີຍ.

​ໃນ​ບົດຂຽນ ​ລົງໜັງສືພິມ Wall Street Journal ທ່ານ Karl Rove ອະດີດຫົວໜ້າ
​ຍຸດ​ທະ​ສາດ​ການ​ເມືອງ ຂອງ​ປະທານາທິບໍດີ George W. Bush ​ເຕືອນ​ວ່າ “ການ
​ແຂ່ງຂັນ​ໃນ​ການ​ເລືອກ​ຕັ້ງຂັ້ນຕົ້ນ ທີ່​ດຸ​ເດືອດ​ຂອງ​ພັກ​ຣີພັບ​ບລີກັນ​ໃນ​ປີໜ້າ” ຈະ​ເຮັດ
​ໃຫ້​ເງິນ​ທຶນ​ ຂອງ​ພັກຣີພັບ​ບລີ​ກັນ​ໝົດ​ໄປ ຊຶ່ງ “​ອາດຈະ ຖ້າ​ບໍ່ດັ່ງນັ້ນ ກໍ​ຈະ​ຖືກ​ ນຳ​ໄປ​
ໃຊ້​ເພື່ອເອົາ​ຊະນະ​ພັກ​ເດ​ໂມ​ແຄຣັດ.”

ທ່ານ Rove ກ່າວ​ຕື່ມ​ວ່າ ຄວາມ​ລົ້ມ​ແຫຼວ​ເທື່ອ​ຫລ້າ​ສຸດ​ກ່ຽວ​ກັບ​ການ​ຍົກ​ເລີກ​ປະກັນ​
ໄພ​ສຸຂະພາບມີ​ແຕ່​ຈະ​ເຮັດ​ໃຫ້ຄວາມ​ເຈັບ​ຊ້ຳຂອງ​ພັກຣີພັບ​ບລີ​ກັນເລິກລົງ​ກວ່າ​ເກົ່າ
ກ່ອນ​ໜ້າການ​ເລືອກ​ຕັ້ງກາງ​ສະ​ໄໝແລະ​ການ​ຮັບ​ຜ່ານ​ການ​ປະຕິ​ຮູບພາສີແມ່ນເປັນ​
ສິ່ງ “ຈຳ​ເປັນ​ທີ່​ສຸດ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG