ລິ້ງ ສຳຫລັບເຂົ້າຫາ

logo-print

ປ. ທຣຳ ກ່າວວ່າ 'ບໍ່​ຮີບ​ຮ້ອນ' ທີ່ຈະຍົກເລີກ ມາດຕະການລົງໂທດ ຕໍ່ເກົາຫຼີເໜືອ


ພວກຄົນຢືນເບິ່ງ ຈໍໂທລະພາບ ທີ່ສະແດງໃຫ້ເຫັນພາບຂອງ ປະທານາທິບໍດີ ສະຫະລັດ ດໍໂນລ ທຣຳ, ຂວາ, ກັບຜູ້ນຳ ເກົາຫຼີເໜືອ ກິມ ຈົງ ອຶນ.

ປະ​ທາ​ນາ​ທິ​ບໍ​ດີ​ ດໍ​ໂນ​ລ ທ​ຣຳ ເວົ້າ​ວ່າ ທ່ານ​ຈະ “​ບໍ່​ຮີບ​ຮ້ອນ” ເຮັດ​ໃຫ້​ການ​ເຈ​ລະ​ຈາ
ຂໍ້​ຕົກລົງກັບ​ເກົາ​ຫລີ​ເໜືອສິ້ນ​ສຸດ​ລົງ ແລະ​ຍົກ​ເລີກມາດ​ຕະ​ການ​ລົງ​ໂທດ ຕໍ່​ປະ​ເທ​ດ
​ດັ່ງ​ກ່າວ.

"ຂ້າ​ພະ​ເຈົ້າ​ຢາກ​ຍົກ​ເລີກ​ການ​ລົງ​ໂທດ​ຫລາຍ​ຂະ​ໜາດ ແຕ່​ວ່າ ພວກ​ເຂົາເຈົ້າ​ຕ້ອງ
​ມີ​ການກະ​ທຳ​ທີ່​ເປັນ​ການຕອບ​ຮັບ​ເຊັ່ນ​ກັນ. ມັນ​ເປັນ​ການ​ເດີນໄປ​ຄົບ​ກັນ ຢູ່ເຄິ່ງ​ທາງ​
ຈາກ​ສອງ​ສົ້ນ,"
ນັ້ນ​ຄື​ຄຳ​ເວົ້າ​ຂອງ​ທ່ານ ທ​ຣຳ ທີ່​ກ່າວ​ຢູ່​ໃນ​ກອງ​ປະ​ຊຸມ​ຖະ​ແຫລງ​ຂ່າວ
ອັນ​ຍືດ​ຍາວ ທີ່​ທຳ​ນຽບ​ຂາວ ໃນ​ວັນ​ພຸດ​ວານນີ້.

ທ່ານ​ກ່າວ​ຕໍ່​ພວກ​ນັກ​ຂ່າວ​ວ່າ ທ່ານ​ທຳຄວາມ​ກ້າວ​ໜ້າ​ ໃນ​ການ​ເຈ​ລະ​ຈາ​ກັບ​ເກົາ​ຫລີ​ເໜືອ
ຫລາຍກວ່າ​ຄະ​ນະ​ລັດ​ຖະ​ບານ​ອື່ນ ແລະ​ເວົ້າ​ວ່າ ທ່ານ​ຍັງ​ມີ​ແຜນ ​ທີ່​ຈະ​ຈັດ​ໃຫ້​ມີ​ກອງ​
ປະ​ຊຸມ​ສຸດຍອດ​ອີກ​ຄັ້ງ​ນຶ່ງ ​ກັບທ່ານ ກິມ ຈົງ ອຶນ ໃນ​ຕົ້ນ​ປີ​ໜ້າ.

ທ່ານ​ທ​ຣຳ ກ່າວ​ເຊັ່ນ​ນັ້ນ ບໍ່​ພໍ​ເທົ່າ​ໃດ​ຊົ່ວ​ໂມງ ພາຍ​ຫລັງ​ທີ່ໄດ້​ມີ​ການ​ເລື່ອນກອງ​ປະ​ຊຸມ
​ລະ​ຫວ່າງ ທ່ານ ໄມ​ຄ໌ ພອມ​ພຽວ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດສະ​ຫະ​ລັດ ກັບ
ທ່ານ ກິມ ຢົງ ໂຈ​ລ, ທີ່​ປຶກ​ສາ​ຂັ້ນ​ສູງ​ຂອງ​ທ່ານ ກິມ ທີ່​ມີ​ກຳ​ນົດ​ຈະ​ຈັດ​ຂຶ້ນ​ໃນ​ວັນ​ພະ​ຫັດ
ມື້ນີ້.

ລັດຖະມົນຕີວ່າການຕ່າງປະເທດ ສະຫະລັດ ທ່ານ ໄມຄ໌ ພອມພຽງ, ຂວາ, ແລະ ທ່ານ ກິມ ຢົງ ໂຈລ, ເຈົ້າໜ້າທີ່ຂັ້ນ​ສູງ​ຂອງ​ພັກທີ່ປົກຄອງປະເທດເກົາຫຼີເໜືອ ໃນປັດຈຸບັນ, ເດີນທາງໄປຮອດ ບ້ານພັກຕ້ອນຮັບແຂກຕ່າງປະເທດ Park Hwa ເພື່ອຮັບປະທານອາຫານທ່ຽງ ໃນນະຄອນຫຼວງ ພຽງຢາງ ຂອງເກົາຫຼີເໜືອ, ວັນທີ 7 ກໍລະກົດ 2018.
ລັດຖະມົນຕີວ່າການຕ່າງປະເທດ ສະຫະລັດ ທ່ານ ໄມຄ໌ ພອມພຽງ, ຂວາ, ແລະ ທ່ານ ກິມ ຢົງ ໂຈລ, ເຈົ້າໜ້າທີ່ຂັ້ນ​ສູງ​ຂອງ​ພັກທີ່ປົກຄອງປະເທດເກົາຫຼີເໜືອ ໃນປັດຈຸບັນ, ເດີນທາງໄປຮອດ ບ້ານພັກຕ້ອນຮັບແຂກຕ່າງປະເທດ Park Hwa ເພື່ອຮັບປະທານອາຫານທ່ຽງ ໃນນະຄອນຫຼວງ ພຽງຢາງ ຂອງເກົາຫຼີເໜືອ, ວັນທີ 7 ກໍລະກົດ 2018.

ບໍ່​ມີ​ຝ່າຍ​ໃດ ​ໃຫ້​ເຫດ​ຜົນ​ທີ່​ໜັກ​ແໜ້ນວ່າ ເປັນ​ຫຍັງ​ການ​ພົບ​ປະ​ກັນ​ດັ່ງ​ກ່າວ ຈຶ່ງ ຖືກ
​ເລື່ອນ​ ນອກ​ເໜືອໄປຈາກ​ການ​ໃຫ້​ເຫດ​ຜົນ​ຂອງທ່ານ ໂຣ​ເບີດ ແພ​ລ​ລາ​ດີ​ໂນ, ຮອງ
ໂຄ​ສົກ​ປະ​ຈຳ​ກະ​ຊວງການ​ຕ່າງ​ປະ​ເທດ ທີ່​ເອີ້ນ​ການ​ເລື່ອນນັ້ນວ່າ ເປັນ​ຍ້ອນ “ບັນ​ຫາ​
ໃນການ​ຈັດຕາ​ຕະ​ລາງ​ ເວ​ລາ​ໃນ​ການ​ພົບ​ກັນ​ເທົ່າ​ນັ້ນ.”


​ທ່ານ ແພ​ລ​ລາ​ດີ​ໂນກ່າວ​ຕໍ່ພວກ​ນັກຂ່າວ​ວ່າ "ພວກ​ເຮົາ​ມາ​ຢູ່​ໃນຈຸດ​ ທີ່​ດີຫລາຍ​ດຽວນີ້.
ພວກ​ເຮົາ​ມີ​ຄວາມ​ໝັ້ນ​ໃຈ ທີ່​ຈະເດີນ​ໜ້າ​ຕໍ່​ໄປ." ທ່ານ​ກ່າວ​ອີກວ່າ "ພວກ​ເຮົາ​ຈະ​ບໍ່​ໃຫ້​
ຖືກ​ພັກ​ດັນ​ໄປ​ຫາ​ການ​ວາງ​ໄລ​ຍະ​ເວ​ລາ​ຂອງ​ເຫດ​ການ​ຕ່າງໆ ທີ່​ເປັນ​ພຽງ​ຮູບ​ການ
​ເທົ່າ​ນັ້ນ."


ການ​ພົບ​ປະ​ກັນ ​ຢູ່​ໃນ​ນະ​ຄອນ​ນີວຢອກ ສ່ວນ​ໃຫຍ່​ຖືກມອງເຫັນ​ວ່າ ເປັນ​ການ​ປູ​ທາງ
ໃຫ້​ແກ່ກອງ​ປະ​ຊຸມ​ສຸດຍອດ ຄັ້ງ​ທີ​ສອງລະ​ຫວ່າງ ທ່ານ ທ​ຣຳ ກັບ​ທ່ານ​ກິມ. ພວກທ່ານ
​ທັງ​ສອງ ​ໄດ້​ພົບ​ປະ​ກັນ​ຄັ້ງ​ທຳ​ອິດຢູ່​ສິງ​ກະ​ໂປ ໃນ​ເດືອນ​ມິ​ຖຸ​ນາ ຜ່ານ​ມາ.

ໃນ​ການ​ປະ​ກາດ​ການ​ຍົກ​ເລີກກອງ​ປະ​ຊຸມ​ເວລານີ້ນັ້ນ ກະ​ຊວງ​ການ​ຕ່າງ​ປະ​ເທດ​ເວົ້າ
​ວ່າ ທັງ​ສອງ​ທ່ານ​ຈະສົນ​ທະ​ນາ​ຫາ​ລື​ກັນ “ກ່ຽວ​ກັບ​ການ​ເຮັດ​ໃຫ້ເສົາ​ຄ້ຳ​ທັງ 4 ເສົາ ຢູ່​
ໃນຖະ​ແຫລງ​ການ​ຮ່ວມ ທີ່​ສ້າງ​ຂຶ້ນ ​ຢູ່​ໃນ​ກອງ​ປະ​ຊຸມ​ສຸດຍອດ​ສິງ​ກະ​ໂປ ລວມ​ທັງ​
ການ​ບັນ​ລຸ​ການ​ປົດ​ອາ​ວຸດ​ນີວ​ເຄ​ລຍໃນ​ຂັ້ນ​ສຸດ​ທ້າຍ ທີ່​ສາ​ມາດພິ​ສູດ​ໄດ້​ຢ່າງ​ເຕັມ​
ສ່ວນ.”

ທ່ານ​ກິມ ແລະ​ທ່ານ​ທ​ຣຳ​ໄດ້​ເຊັນ​ສັນ​ຍາ​ກັນ​ ສະ​ບັບ​ນຶ່ງ ເພື່ອ​ລົບ​ລ້າງ​ອາ​ວຸດ​ນີວ​ເຄ​ລຍ
ອອກ​ໄປ​ຈາກ​ແຫລມ​ເກົາ​ຫລີ. ແຕ່​ວ່າ ທັງ​ສອງ​ຝ່າຍ ຍັງ​ມີ​ຂໍ້​ຂັດ​ຂ້ອງ​ໃຈ ຕໍ່​ກັນ​ ກ່ຽວ​ກັບ
ຄວາມ​ຄືບ​ໜ້າ ໃນ​ການ​ດຳ​ເນີນ​ຄວາມ​ພະ​ຍາ​ຍາມ​ຂອງ​ພຽງ​ຢາງ ເພື່ອ​ເຮັດ​ໃຫ້ໂຄງ​ການ
​ນີວ​ເຄ​ລຍ​ຂອງ​ຕົນ​ສິ້ນ​ສຸດ​ລົງ.

ອ່ານຂ່າວນີ້ຕື່ມ ເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG