ປະທານາທິບໍດີສະຫະລັດ ທ່ານ ດໍໂນລ ທຣຳ ກ່າວວ່າ ທ່ານຢາກໃຫ້ ສະຫະລັດ ເຂົ້າມາຄຸ້ມຄອງຂົງເຂດກາຊາ, ດ້ວຍການເດີນໜ້າຈາກຖະແຫຼງການຂອງທ່ານກ່ອນໜ້ານີ້ ໃນການບັງຄັບໃຫ້ປະຊາຊົນຊາວກາຊາ ຍົກຍ້າຍໄປຍັງປະເທດເພື່ອນບ້ານເຊັ່ນ ຈໍແດັນ ແລະ ອີຈິບ. ທ່ານ ທຣໍາ ໄດ້ອອກຄຳປະກາດຢ່າງຕື່ນຕົກໃຈນີ້ ໃນຕອນແລງຂອງວັນອັງຄານທີ່ຜ່ານມາ, ໃນຂະນະທີ່ທ່ານເປັນເຈົ້າພາບຕ້ອນຮັບນາຍົກລັດຖະມົນຕີອິສຣາແອລ ທ່ານ ເບັນຈາມິນ ເນຕັນຢາຮູ ຢູ່ທຳນຽບຂາວ.
ໃນຂະນະທີ່ປະຊາຊົນຊາວກາຊາຫຼາຍແສນຄົນເດີນທາງກັບຄືນສູ່ບ້ານເຮືອນທີ່ຖືກທຳລາຍຂອງພວກເຂົາ ລຸນຫຼັງຂໍ້ຕົກລົງຢຸດຍິງ ໃນວັນທີ 19 ມັງກອນ ທີ່ຜ່ານມາ ລະຫວ່າງ ອິສຣາແອລ ແລະ ກຸ່ມຮາມາສ.
ໃນວັນອັງຄານແລ້ວນີ້, ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ອອກມາປະກາດໃນສິ່ງທີ່ໜ້າຕື່ນຕົກໃຈ.
ປະທານາທິບໍດີສະຫະລັດ ທ່ານ ດໍໂນລ ທຣໍາ ກ່າວວ່າ:
“ສະຫະລັດ ຈະຍຶດເອົາເຂດກາຊາ, ແລະພວກເຮົາຈະປະຕິບັດງານກັບຂົງເຂດແຫ່ງນີ້ນໍາອີກດ້ວຍ.”
ທ່ານ ທຣໍາ ປະຕິບັດເກີນຂໍ້ສະເໜີແນະທີ່ທ່ານໄດ້ກ່າວໄວ້ ໃນເດືອນທີ່ຜ່ານມາ ທີ່ຈະຍົກຍ້າຍປະຊາຊົນຊາວກາຊາໄປຍັງປະເທດອື່ນໆ, ລວມທັງ ຈໍແດັນ ແລະ ອີຈິບ. ທ່ານ ທຣໍາ ຕ້ອງການພັດທະນາພື້ນທີ່ໃຫ້ເປັນໃນສິ່ງທີ່ທ່ານຮ້ອງວ່າ “Riviera ແຫ່ງພາກຕາເວັນອອກກາງ.”
ປະທານາທິບໍດີສະຫະລັດ ທ່ານ ດໍໂນລ ທຣໍາ ກ່າວວ່າ:
“ທຸກຄົນທີ່ຂ້າພະເຈົ້າໄດ້ເວົ້ານໍາ ມັກແນວຄວາມຄິດຂອງ ສະຫະລັດ ໃນການເປັນເຈົ້າຂອງດິນແດນສ່ວນນ້ອຍໆແຫ່ງນັ້ນ, ໂດຍການພັດທະນາ ແລະສ້າງຫຼາຍພັນວຽກເຮັດງານທຳ ດ້ວຍສິ່ງທີ່ງົດງາມ, ໃນພື້ນທີ່ອັນຫຼູຫຼາທີ່ບໍ່ມີໃຜຮູ້ຈັກ. ບໍ່ມີໃຜສາມາດເບິ່ງເຫັນໄດ້ ເພາະທຸກສິ່ງທີ່ພວກເຂົາເຈົ້າເຫັນແມ່ນ ຄວາມຕາຍ, ການທໍາລາຍລ້າງ ແລະຊາກຫັກພັງ.”
ທ່ານ ທຣໍາ ໄດ້ປະກາດ ໃນຖານະທີ່ທ່ານເປັນເຈົ້າພາບຕ້ອນຮັບນາຍົກລັດຖະມົນຕີອິສຣາແອລ ທ່ານ ເບັນຈາມິນ ເນຕັນຢາຮູ ຢູ່ທຳນຽບຂາວ.
ທ່ານ ເບັນຈາມິນ ເນຕັນຢາຮູ, ນາຍົກລັດຖະມົນຕີອິສຣາແອລ ກ່າວວ່າ:
“ຂ້າພະເຈົ້າເຄີຍເວົ້າກ່ຽວກັບເລື່ອງນີ້ມາກ່ອນ, ແລະຂ້າພະເຈົ້າກໍຈະເວົ້າອີກຄັ້ງນຶ່ງ. ທ່ານເປັນເພື່ອນທີ່ວິເສດທີ່ສຸດຂອງ ອິສຣາແອລ ທີ່ເຄີຍມີຢູ່ໃນ ທຳນຽບຂາວ.”
ທ່ານ ທຣໍາ ບໍ່ໄດ້ເປີດເຜີຍລາຍລະອຽດກ່ຽວກັບແຜນການທີ່ຈະຄຸ້ມຄອງຂົງເຂດກາຊາ, ເຊິ່ງເປັນພື້ນທີ່ ທີ່ຖືກທຳລາຍໂດຍສົງຄາມມາຍາວນານ 15 ເດືອນ. ທ່ານບໍ່ໄດ້ຕັດຄວາມເປັນໄປໄດ້ ໃນການສົ່ງທະຫານສະຫະລັດ ໄປຍັງຂົງເຂດແຫ່ງນີ້. ແລະຍັງບໍ່ມີຄວາມຈະແຈ້ງວ່າ ການຍຶດຄອງກາຊາ ຈະສອດຄ່ອງກັບເປົ້າໝາຍທີ່ ທ່ານ ທຣໍາ ໄດ້ລະບຸໄວ້ ໃນການຂະຫຍາຍຂໍ້ຕົກລົງຂອງ ຂໍ້ຕົກລົງເອບຣາແຮມ ອະຄອດ (Abraham Accords) ທີ່ລວມທັງ ຣີຢາດ (Riyadh) ຫຼື ບໍ່. ທ່ານເປັນຄົນກາງໃນການໄກ່ເກ່ຍລົງນາມຂໍ້ຕົກລົງ ທີ່ເຮັດໃຫ້ສາຍພົວພັນລະຫວ່າງ ອິສຣາແອລ ກັບບັນດາປະເທດອາຣັບ ເປັນປົກກະຕິ ໃນປີ 2020.
ຊາອຸດີອາຣາເບຍ ກ່າວວ່າ ຕົນຈະຍອມຮັບ ອິສຣາແອລ ເມື່ອສົງຄາມໃນຂົງເຂດກາຊາ ສິ້ນສຸດລົງ ແລະປະຊາຊົນຊາວປາແລັສໄຕນ໌ ສາມາດກາຍມາເປັນລັດ ເທົ່ານັ້ນ.
ທ່ານນາງ ມີເຣັດທ໌ ມາບຣູກ (Mirette Mabrouk), ນັກຄົ້ນຄ້ວາອາວຸໂສຈາກສະຖາບັນກ່ຽວກັບພາກຕາເວັນອອກກາງ ກ່າວຜ່ານ Zoom ວ່າ:
“ການສົ່ງພວກເຂົາເຈົ້າອອກຈາກ ປາແລັສໄຕນ໌ ເຂົ້າໄປຍັງປະເທດເພື່ອນບ້ານ ບໍ່ແມ່ນການເລີ້ມຕົ້ນທີ່ໂຊກດີ, ສະນັ້ນ ຂ້າພະເຈົ້າຄິດວ່າ ມັນຈະມີຜົນກະທົບທີ່ມີລັກສະນະຈະແຈ້ງຫຼາຍ. ດັ່ງທີ່ກ່າວໄປນັ້ນ, ພວກເຮົາບໍ່ຮູ້ວ່າ ເກີດຫຍັງຂຶ້ນກັບປະທານາທິບໍດີ ດໍໂນລ ທຣໍາ, ພວກເຮົາພຽງແຕ່ຕ້ອງລໍຖ້າເບິ່ງຕໍ່ໄປ.”
ການປະກາດກ່ຽວກັບຂົງເຂດກາຊາຂອງ ທ່ານ ທຣໍາ ແມ່ນການສົ່ງສັນຍານຫຼ້າສຸດ ສໍາລັບຄວາມກະຕືລືລົ້ນໃນການຂະຫຍາຍດິນແດນພາຍຫຼັງຖະແຫຼງການຂອງທ່ານ ທີ່ຈະຍຶດເອົາ ກຣີນແລນ ຈາກ ເດັນມາກ, ຍຶດເອົາຄອງປານາມາຄືນມາ ແລະຄ່ອຍໆກືນເອົາ ການາດາ.
ກ່ອນການພົບປະກັບ ທ່ານ ເນຕັນຢາຮູ, ທ່ານ ທຣໍາ ຍັງໄດ້ຊີ້ນຳໃຫ້ມີການຟື້ນຟູຄວາມພະຍາຍາມໃນການ “ກົດດັນຂັ້ນແຮງສຸດ” ໂດຍກົງຕໍ່ ອີຣ່ານ ເພື່ອປ້ອງກັນບໍ່ໃຫ້ ອີຣ່ານ ມີອາວຸດນິວເຄລຍ.
ທ່ານ ທຣໍາ ຍັງໄດ້ຍຸຕິການສະໜັບສະໜູນໜ່ວຍງານຕ່າງໆຂອງອົງການສະຫະປະຊາຊາດ ທີ່ໃຫ້ການຊ່ວຍເຫຼືອຜູ້ອົບພະຍົບຊາວປາແລັສໄຕນ໌ ແລະໄດ້ຖອນ ສະຫະລັດ ອອກຈາກສະພາສິດທິມະນຸດຂອງອົງການສະຫະປະຊາຊາດ ເຊິ່ງທ່ານກ່າວວ່າ ເປັນອົງການຕໍ່ຕ້ານຊາວຢິວ.
ອ່ານບົດລາຍງານດ້ານລຸ່ມນີ້ເປັນພາສາອັງກິດ
U.S. President Donald Trump said he wants the U.S. to take ownership of Gaza, moving beyond his earlier statements of forcing Gazans to relocate to neighboring Jordan and Egypt. Trump made the stunning announcement Tuesday evening, as he hosted Israeli Prime Minister Benjamin Netanyahu at the White House. White House Bureau Chief Patsy Widakuswara has this report
As hundreds of thousands of Gazans return to their demolished homes following the January 19 ceasefire deal between Israel and Hamas,
on Tuesday U.S. President Donald Trump made a stunning announcement.
President Donald Trump.
“The U.S. will take over the Gaza Strip, and we will do a job with it, too.”
Trump went beyond the suggestion he made last month to relocate Gazans to other countries, including Jordan and Egypt. He wants to develop the area into what he calls “the Riviera of the Middle East.”
President Donald Trump.
“Everybody I've spoken to loves the idea of the United States owning that piece of land, developing and creating thousands of jobs with something that will be magnificent, in a really magnificent area that nobody would know. Nobody could look because all they see is death and destruction and rubble.”
Trump made the announcement as he hosted Israeli Prime Minister Benjamin Netanyahu at the White House.
Benjamin Netanyahu, Israeli Prime Minister.
“I've said this before, I'll say it again. You are the greatest friend Israel has ever had in the White House.”
Trump did not share details on how he plans to exert control over Gaza, an area ravaged by 15 months of war. He did not rule out sending U.S. troops. And it’s unclear how occupying Gaza would fit into Trump’s own stated goal of expanding the Abraham Accords to include Riyadh. He brokered the deal that normalized ties between Israel and Arab countries in 2020.
Saudi Arabia has said it would only agree to recognize Israel if the Gaza war ends and Palestinians have a path to statehood.
Mirette Mabrouk, Middle East Institute, Zoom.
“Shuffling them out of Palestine into neighboring countries is not a particularly auspicious start, so I think it's going to have quite a pronounced effect. Having said that, we don't know, as with so many things about President Trump, we just have to wait and see.”
Trump’s announcement on Gaza is his latest signaling of expansionist ambitions, following his statements to acquire Greenland from Denmark, take over the Panama Canal and absorb Canada.
Ahead of his meeting with Netanyahu, Trump also directed the restoration of his "maximum pressure" campaign on Iran to prevent it from getting a nuclear weapon.
He also ended support for the U.N. agency that helps Palestinian refugees and withdrew the U.S. from the U.N. Human Rights Council, which he says is antisemitic.
ຟໍຣັມສະແດງຄວາມຄິດເຫັນ