ລິ້ງ ສຳຫລັບເຂົ້າຫາ

logo-print

ປ. ທ​ຣຳ​ເວົ້າ​ວ່າ ປາ​ກົດ​ວ່າ ນັກ​ຂ່າວ ​ຊາ​ອຸ​ດີ ອາ​ຣາ​ເບຍ ເສຍ​ຊີ​ວິ​ແລ້ວ​


ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ກ່າວຕໍ່ພວກ​ນັກ​ຂ່າວ​ວ່າ ​ກ່ຽວ​ກັບ ການ​ຫາຍ​ສາບ​ສູນຂອງ ທ່ານ ຈາ​ມາ​ລ ຄາ​ຊອກ​ກີ ໃນ​ຂະ​ນະ​ທີ່​ຈະ​ຂຶ້ນ​ເຮືອ​ບິນ​ປະ​ຈຳ​ຕຳ​ແໜ່ງ Air Force One ເພື່ອ​ອອກ ​ຈາກຖານທັບ​ຮ່ວມແອນ​ດ​ຣູ, ລັດ​ແມ​ຣີ​ແລນ ໄປ​ໃນ​ຕອນ​ບ່າຍ​ວັນ​ພະ​ຫັດ​ ທີ 18 ຕຸ​ລາ, 2018.

ເມື່ອ​ຖືກ​ຖາມ​ໂດຍ​ພວກ​ນັກ​ຂ່າວ​ວ່າ ທ່ານຈາ​ມາ​ລ ຄາ​ຊອກ​ກີ (Jamal Khashoggi), ນັກ
​ຂ່າວ​ ຊາ​ອຸ​ດີ ເສຍ​ຊີ​ວິ​ແລ້ວ​ຫລືບໍ່, ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ​ ຂອງ​ສະ​ຫະ​ລັດ​ຕອບ​ວ່າ
"ແນ່ນອນ​ເບິ່ງ" ຄື​ວ່າ​ລາວ​ເສຍ​ຊີ​ວິດ​ແລ້ວ ແລະ ອັນ​ນັ້ນເປັນ​ເລື້ອງ "ທີ່​ໜ້າ​ເສົ້າ​ໃຈ​ອີ່​ຫລີ."

​ທ່ານ​ທ​ຣຳ​ໃຫ້ຄຳໝັ້ນ​ສັນ​ຍາ​ວ່າ ມັນຈະ​ມີ​ຜົນ​ຕາ​ມ​ມາ​ “ທີ່​ຮ້າຍ​ແຮງຫລາຍ” ຖ້າ​ຫາກ​ຊາ​ອຸ​ດີ
ຂ້າລາວ, ໃນ​ຕອນ​ທີ່​ທ່ານ​ກ່າວຄຳ​ປາ​ໄສ​ທີ່ລານ​ຈອດເຮືອ​ບິນ ຖານທັບ​ຮ່ວມແອນ​ດ​ຣູ
ກ່ອນ​ຈະ​ຂຶ້ນເຮືອ​ບິນ​ປະ​ຈຳ​ຕຳ​ແໜ່ງ Air Force One ໄປ​ໃນ​ຕອນ​ບ່າຍ​ວັນ​ພະ​ຫັດ​ວານນີ້.

ລັດ​ຖະ​ບານ​ຂອງ​ທ່ານ​ທ​ຣຳ ​ຍິນ​ດີ​ທີ່​ຈະ​ໃຫ້​ເວ​ລາ​ ແກ່ຊາ​ອຸ​ດີ ອາ​ຣາເບຍຕື່ມ​ອີກ​ໜ້ອຍ​ນຶ່ງ
ເພື່ອໃຫ້​ເຂົາ​ເຈົ້າ​ດຳ​ເນີນ​ການ​ສືບ​ສວນຕໍ່​ຂໍ້​ກ່າວ​ຫາ​ຂອງເທີ​ກີ ທີ່​ເວົ້າ​ວ່າພວກ​ນັກ​ສືບ​ຈາກ
ລາ​ດ​ຊະອາ​ນາ​ຈັກ​ດັ່ງ​ກ່າວໄປ​ສັງ​ຫານ​ທ່ານຄາ​ຊອກ​ກີ ຢູ່​ໃນ​ສະ​ຖານ​ກົງ​ສຸນ​ຂອງຣິ​ຢາດ
​ໃນ​ນະຄອນອິ​ສ​ຕັນ​ບູ​ລນັ້ນ ​ໃຫ້ແລ້ວ​ກ່ອນ.

ເບິ່ງວີ​ດິ​ໂອ​ກ່ຽວ​ກັບ​ຂ່າວນີ້​ເພີ້ມ

ສ່ວນທ່ານ ​ໄມ​ຄ໌ ພອມ​ພຽວ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ສະ​ຫະ​ລັດ, ພາຍ​ຫລັງ​
ທີ່​ໄດ້​ພົບ​ປະ​ກັບ​ຜູ້​ນຳ​ຂອງຊາ​ອຸ​ດີ ແລະ​ເທີ​ກີແລ້ວ ກໍ​ໄດ້​ໄປ​ລາຍ​ງານ​ໃຫ້​ທ່ານທ​ຣຳ​ຟັງຢູ່ທີ່
ທຳ​ນຽບ​ຂາວ ໃນ​ຕອນ​ເຊົ້າໆ​ຂອງວັນ​ພະ​ຫັດ​ວານນີ້ ໂດຍ​ໄດ້​ບອກ​ທ່ານ​ວ່າໃຫ້​ເວ​ລາ​ແກ່
ຊາ​ອຸ​ດີ ອີກ​ຈັກສອງ ສາມມື້ ເພື່ອ​ດຳ​ເນີນ​ການ​ສືບ​ສວນ ເລື້ອງ​ການ​ຫາຍ​ສາບ​ສູນ​ຂອງ​ນັກ​
ຂຽນ​ທີ່​ອາ​ໄສ​ຢູ່​ໃນ​ລັດ​ເ​ວີ​ຈີ​ເນຍ​ຂອງ​ສະ​ຫະ​ລັດ​ນັ້ນ ໃຫ້​ສຳ​ເລັດກ່ອນ.

ພາຍ​ຫລັງ​ໄດ້​ຕີ​ລາ​ຄາ​ບົດ​ລາຍ​ງານ​ຂອງ​ຊາ​ອຸ​ດີ​ແລ້ວ ທ່ານ​ພອມ​ພຽວ​ເວົ້າ​ວ່າ “ຈາກນັ້ນ
ສະ​ຫະ​ລັດ​ຈະ​ຕັດ​ສິນ​ໃຈ​ ກ່ຽວ​ກັບ​ວ່າ ຈະ​ເອົາ​ມາດ​ຕະ​ການ​ຕອບ​ໂຕ້ ທີ່​ຖືກ​ຕ້ອງ​ອັນ​ໃດດີ."
ທ່ານ​ພອມ​ພຽວ​ກ່າວ​ອີກວ່າ "ມີ​ການບອກ​ເລົ່າຫລາຍ​ອັນ​ແຕກ​ຕ່າງ​ກັນຢູ່​ຫັ້ນ ກ່ຽວ​ກັບ​ວ່າ​
ມີ​ຫຍັງ​ເກີດ​ຂຶ້ນ" ກັບ​ທ່ານຄາ​ຊອກ​ກີ ແຕ່​ທ່ານ​ກໍ​ໄດ້​ປະ​ຕິ​ເສດ ບໍ່​ໃຫ້​ການ​ຄາດ​ເດົາ​ໃດໆ
ກ່ຽວ​ກັບ​ຜົນ​ຂອງ​ການ​ສອບ​ສວນຢູ່​ໃນ​ຊາ​ອຸ​ດີ ​ແລະ​ເທີ​ກີ. ຫົວ​ໜ້າ​ສູງ​ສຸດ​ຂອງນັກ​ການ
​ທູດ ທ່ານນີ້ ຍັງ​ເວົ້າ​ອີກວ່າ ທ່ານ​ເຊື່ອ​ວ່າ "ພາບ​ທັງ​ໝົດ​ຂອງ​ເລື້ອງນີ້​ຈະ​ປາ​ກົດ​ອອກ​
ມາ​ໃຫ້​ເຫັນ" ຈາກ​ການ​ສືບ​ສວນ ຕ່າງໆ ດັ່ງ​ກ່າວ.

ທ່ານ ສະ​ຕີ​ຟ ມ​ນຸ​ຈິນ ລັດ​ຖະ​ມົນ​ຕີ​ກະ​ຊວງ​ການ​ເງິນ​ຂອງ​ສະ​ຫະ​ລັດກ່າວ​ຄຳ​ປາ​ໄສ ຢູ່ກອງ​ປະ​ຊຸມ​ຢູ່​ກະ​ຊວງ​ການ​ເງິນ​ຂອງ ສ​ຫລ ໃນ​ນະ​ຄອນ ວໍ​ຊິງ​ຕັນ ໃນ​ວັນ​ທີ 16 ຕຸ​ລາ, 2018
ທ່ານ ສະ​ຕີ​ຟ ມ​ນຸ​ຈິນ ລັດ​ຖະ​ມົນ​ຕີ​ກະ​ຊວງ​ການ​ເງິນ​ຂອງ​ສະ​ຫະ​ລັດກ່າວ​ຄຳ​ປາ​ໄສ ຢູ່ກອງ​ປະ​ຊຸມ​ຢູ່​ກະ​ຊວງ​ການ​ເງິນ​ຂອງ ສ​ຫລ ໃນ​ນະ​ຄອນ ວໍ​ຊິງ​ຕັນ ໃນ​ວັນ​ທີ 16 ຕຸ​ລາ, 2018

​ທ່ານ​ພອມ​ພຽວ ຍັງ​ເວົ້າ​ອີກວ່າ ທ່ານ​ໄດ້​ແຈ້ງ​ໃຫ້​ກະ​ສັດ ຊາ​ມາ​ລ​ ຂອງ​ຊາ​ອຸ​ດີ ​ແລະຜູ້​ນຳ
​ທີ່​ແທ້​ຈິງ​ຂອງ​ປະ​ເທດ, ອົງ​ມົງ​ກຸດ​ຣາ​ຊະ​ກຸມມານ​ເຈົ້າ​ຟ້າຊາຍໂມຮຳ ເມັດ ບິນ ຊາລມານ
ວ່າ ສະ​ຫະ​ລັດ ຖື​ເລື້ອງຊາ​ຕາ​ກຳ ​ຂອງ​ທ່ານຄາ​ຊອກ​ກີ “ຢ່າງ​ຈິງ​ຈັງ​ຫລາຍ” ແຕ່​ກໍ​ໄດ້​ກ່າວ​
ວ່າ ສະ​ຫະ​ລັດແລະ​ຊາ​ອຸ​ດີ ອາ​ຣາ​ເບຍ​ໄດ້​ “ເປັນພັນ​ທະ​ມິດ​ຍຸດ​ທະ​ສາດ​” ມາ​ໄດ້​ຫລາຍ
​ທົດ​ສະ​ວັດ​ແລ້ວ.

ເຈົ້າ​ໜ້າ​ທີ່​ສອບ​ສວນ​ດ້ານ​ທຸດ​ຈະ​ລິດ​ຂອງ​ເທີ​ກີ​ໄປຫາ​ບ້ານ​ພັກ​ຂອງ ຫົວ​ໜ້າ​ສະ​ຖານ​ກົງ​ສຸນ​ໃຫຍ່​ຂອງ ຊາ​ອຸ​ດີ ໃນ​ນະ​ຄອນ ອິ​ສ​ຕານ​ບູ​ລ ໃນ​ວັນ​ທີ 17 ຕ​ຸລາ, 2018
ເຈົ້າ​ໜ້າ​ທີ່​ສອບ​ສວນ​ດ້ານ​ທຸດ​ຈະ​ລິດ​ຂອງ​ເທີ​ກີ​ໄປຫາ​ບ້ານ​ພັກ​ຂອງ ຫົວ​ໜ້າ​ສະ​ຖານ​ກົງ​ສຸນ​ໃຫຍ່​ຂອງ ຊາ​ອຸ​ດີ ໃນ​ນະ​ຄອນ ອິ​ສ​ຕານ​ບູ​ລ ໃນ​ວັນ​ທີ 17 ຕ​ຸລາ, 2018

ໃນ​ຂະ​ນະ​ທີ່​ທ່ານ ສະ​ຕີ​ຟ ມ​ນຸ​ຈິນ ລັດ​ຖະ​ມົນ​ຕີ​ກະ​ຊວງ​ການ​ເງິນ​ຂອງ​ສະ​ຫະ​ລັດ​ເວົ້າ​ວ່າ ທ່ານ​ຈະ​ບໍ່​ໄປ​ຮ່ວມກອງ​ປະ​ຊຸມ​ດ້ານ​ການ​ລົງ​ທຶນ​ຂອງ​ຊາ​ອຸ​ດີ ໃນ​ອາ​ທິດ​ໜ້ານີ້ ຢູ່​ທີ່​ນະ​ຄອນ​ຣິ​ຢາດ. ກອງ​ປະ​ຊຸມ​ດັ່ງ​ກ່າວ ແມ່ນ​ແນ​ໃສ່​ເພື່ອ​ຈະ​ສະ​ແດງ​ໃຫ້​ເຫັນ​ເຖິງການ​ດຳ​ເນີນ​ຄວາມ​ພະ​ຍາ​ຍາມ​ຂອງ​ອົງ​ມົງ​ກຸດ ໃນ​ການ​ເຮັດ​ໃຫ້​ເສດ​ຖະ​ກິດຂອງ​ຊາ​ອຸ​ດີ ມີ​ຫລາຍ​ສິ່ງ​ຫລາຍ​ຢ່າງ​ຂຶ້ນ ຫລາຍກວ່າ​ການ​ຫລິ້ນບົດ​ບາດ​ເປັນປະ​ເທດ​ນຳ​ໜ້າ​ ໃນ​ການ​ສົ່ງ​ອອກ​ນ້ຳ​ມັນ​ຂອງ​ໂລກນັ້ນ. ຫົວ​ໜ້າ​ຄະ​ນະ​ຜູ້​ແທນ​ຂອງ​ຕາ​ເວັນ​ຕົກ​ຫລາຍບໍ​ລິ​ສັດໄດ້​ຖອນ​ໂຕ ອອກ​ຈາກກອງ​ປະ​ຊຸມ​ທີ່​ຈະ​ດຳ​ເນີນ​ໄປ​ເປັນ​ເວ​ລາ 3 ວັນ​ນີ້​ແລ້ວ ໃນ​ຂະ​ນະ​ທີ່​ຊາ​ອຸ​ດີ ອາ​ຣາ​ເບຍ ກຳ​ລັງ​ພົບ​ຄວາມ​ຫຍຸ້ງ​ຍາກ ​ທີ່​ຈະ​ໃຫ້​ຄຳ​ຕອບ​ກ່ຽວ​ກັບ​ຊາ​ຕາ​ກຳ​ ຂອງ​ທ່ານ​ຄາ​ຊອກ​ກີ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG