ປະທານາທິບໍດີສະຫະລັດ ທ່ານດໍໂນລ ທຣຳ ກ່າວວ່າ ທ່ານອາດຈະ “ບໍ່ໄດ້ພົບປະ”
ກັບປະທານາທິບໍດີຣັດເຊຍ ທ່ານວລາດີເມຍ ປູຕິນ ໃນສັບປະດາໜ້າທີ່ນະຄອນຫຼວງ
ປາຣີ.
“ພວກເຮົາ ຍັງບໍ່ທັນໄດ້ຫ້າງຫາຫຍັງໄວ້ເທື່ອ. ພວກເຮົາບໍ່ຮູ້ວ່າ ມັນຈະເປັນສະຖານ
ທີ່ຖືກຕ້ອງຫຼືບໍ່. ຂ້າພະເຈົ້າ ຈະໄປຍັງນະຄອນຫຼວງປາຣີ ຍ້ອນສາເຫດອື່ນໆຕ່າງຫາກ,”
ຊຶ່ງທ່ານທຣຳ ໄດ້ບອກພວກນັກຂ່າວ ກ່ອນທີ່ຈະອອກເດີນທາງໄປໂຄສະນາຫາສຽງ.
ແຕ່ວ່າ ທ່ານທຣຳ ກ່າວວ່າ ທ່ານຍັງວາງແຜນທີ່ຈະພົບປະກັບທ່ານປູຕິນໃນກອງ
ປະຊຸມສຸດຍອດ G-20 ທີ່ນະຄອນ Buenos Aires ໃນທ້າຍເດືອນເດືອນນີ້.
ແຕ່ມັນຍັງມີຄວາມກະຕືລືລົ້ນ ສຳລັບກອງປະຊຸມໃນນະຄອນຫຼວງປາຣີ ຈາກວັງຄຣິມລິນ.
“ງານທີ່ເປັນການລະນຶກຈາກທຸກພັກຝ່າຍ ເຖິງສົງຄາມໂລກຄັ້ງທີ 1 ຄົບຮອບຮ້ອຍປີ
ຈະບໍ່ອະນຸຍາດໃຫ້ທັງສອງປະທານາທິບໍດີ ໄດ້ພົບພໍ້ກັນຢ່າງເປັນແກ່ນສານ,” ຊຶ່ງໂຄສົກດີມິທຣີ ເພສຄອບ ໄດ້ບອກສື່ມວນຊົນທົ່ວໄປ.
ທ່ານທຣຳ ແລະທ່ານປູຕິນ ຈະເດີນທາງໄປຍັງ ນະຄອນຫຼວງປາຣີ ເພື່ອເຂົ້າຮ່ວມພິທີຄົບຮອບ 100 ປີ ຂອງການສິ້ນສຸດລົງຂອງສົງຄາມໂລກຄັ້ງທີ 1.
ແຕ່ວ່າ ທ່ານເພສຄອບ ກ່າວວ່າ ປະທານາທິບໍດີ ທັງສອງ ແມ່ນ ເບິ່ງຄືວ່າຈະເດີນຜ່ານກັນ
ໃນຝຣັ່ງ ແລະ ອາດຈະໄດ້ໂອ້ລົມກັນແບບສັ້ນໆ ກ່ຽວກັບການພົບປະກັນໃນອາະນາຄົດ.
ອ່ານຂ່າວນີ້ເພີ້ມຕື່ມເປັນພາສາອັງກິດ
