ລິ້ງ ສຳຫລັບເຂົ້າຫາ

ປ. ທຣໍາ ກ່າວວ່າ ທ່ານເປັນຜູ້ເຄາະຮ້າຍ ແລະ ບໍ່ໄດ້ກົດດັນ ຫົວໜ້າອົງການ ສັນຕິບານກາງ


ປະທານາທິບໍດີທຣໍາ ລະຫວ່າງກອງປະຊຸມນັກຂ່າວ ກັບ ປ. ໂຄລອມເບຍ ທ່ານ Juan Manuel Santos ທີ່ບໍ່ຢູ່ໃນຮູບ.

ປະທານາທິບໍດີ ດໍ​ໂນ​ລ ທຣໍາ ​ທີ່​ຍັງ​ບໍ່​ຍອມ​ໃນ​ວັນພະຫັດ​ວານ​ນີ້ ​ໄດ້​ປະ​ຕິ​ເສດ​ຢ່າງ​ເປີດ​
ແປນ​ວ່າ ທ່ານ​ບໍ່ໄດ້​ກົດ​ດັນ ​ໃຫ້ອົງການສັນຕິ​ບານ​ກາງຫລື FBI ປິດ​ການ​ສື​ບສວນ ກ່ຽວ​ກັບອະດີດ​ຜູ້​ຊ່ວຍ ​ທີ່​ໃກ້ຊິດຂອງ​ທ່ານ ​ແລະ​ໄດ້​ຕັ້ງຄຳຖາມ​ກ່ຽວ​ກັບ​ຄວາມ​ຈຳ​ເປັນ ​ໃນ
​ການ​ຕັ້ງໄອ​ຍະ​ການ​ພິ​ເສດຂຶ້ນມາ ​ເພື່ອ​ສືບສວນ​ເບິ່ງ​ຄວາມ​ເປັນ​ໄປ​ໄດ້ ໃນ​ການ​ສົມຮູ້​
ຮ່ວມ​ຄິດ ລະຫວ່າງຄະນະ​ໂຄສະ​ນາ​ຫາ​ສຽງ ​ປີ 2016 ຂອງ​ທ່ານ ແລະຣັດ​ເຊຍ​ທີ່​ພະ
ຍາຍາມ​ໃຊ້ອິດ​ທິພົນ​ແຊກ​ແຊງ ​ເຂົ້າໃນການ​ເລືອກ​ຕັ້ງ​ປະທານາທິບໍດີ.

ທ່ານ​ໄດ້​ຕອບ​ເວລາ​ນັກ​ຂ່າວ​ຄົນ​ນຶ່ງ​ໄດ້​ຖາມ​ທ່ານ​ວ່າ ທ່ານ​ໄດ້ບອກ​ໃຫ້​ຜູ້ອຳນວຍ ການ
​ອົງການ​ FBI ທ່ານ James Comey ຢຸດ​ເຊົາການ​ສືບສວນໃນການ​ຖືກ​ໄລ່​ອອກ​ຂອງ
ທີ່​ປຶກສາ​ຄວາມ​ໝັ້ນຄົງ​ແຫ່ງ​ຊາດ ທ່ານ Michael Flynn.

ຢູ່​ທີ່​ກອງ​ປະ​ຊຸມ​ນັກ​ຂ່າວ​ເທື່ອ​ທຳ​ອິດ ​ນັບ​ແຕ່​ວັນ​ທີ 12 ​ເດືອນ​ເມສາ ​ໂດຍຢືນ​ຢູ່​ຄຽງຂ້າງ​
ກັບ​ປະທານາທິບໍດີ​ໂຄ​ລອມ​ເບຍທ່ານ Juan Manuel Santos ທີ່​ມາ​ຢ້ຽມຢາມ ປະທາ
ນາທິບໍດີ​ທຣໍາ ​ໄດ້​ປະ​ຕິ​ເສດວ່າ ​ບໍ່​ມີ​ການ​ສົມຮູ້​ຮ່ວມຄິດ​ໃດໆ​ລະ ຫວ່າງໂຕທ່ານ​ເອງ ຄະ
ນະ​ໂຄສະນາ​ຫາ​ສຽງ ແລະພວກ​ນັກ​ສືບຣັດ​ເຊຍ ​ເພື່ອ​ໃຊ້ ອິດ​ທິພົນ.​ ທ່ານ​ກ່າວ​ວ່າ “​ແມ່ນ
​ແຕ່​ພວກສັດຕູ​ຂອງ​ທ່ານ ກ່າວ​ວ່າ ບໍ່​ມີ​ການ​ສົມຮູ້​ຮ່ວມຄິດ​.”

ແຕ່​ທ່ານ​ໄດ້​ກ່າວ​ເພີ້ມວ່າ ທ່ານ​ຈະ​ປ່ອຍ​ຄຳ​ຖາມ​ໄວ້ ກ່ຽວ​ກັບ​ການ​ພົວພັນ​ຂອງ​ບຸກຄົນ​
ອື່ນໆ ​ໂດຍ​ກ່າວ​ວ່າ “ຂ້າພະ​ເຈົ້າ​ສາມາດ​ພຽງ​ແຕ່​ກ່າວໃຫ້​ແກ່​ຂ້າພະ​ເຈົ້າ​ເອງ ​ແລະຣັດ
​ເຊຍ ແມ່ນ​ສູນ.”

ປະທານາທິບໍດີ​ທຣໍາ ​ໄດ້​ສະ​ແດງ​ຄວາມ​ເສຍ​ໃຈ​ທີ່​ບັນຫາ​ໂຕ້​ແຍ້​ງ​ຢູ່​ທຳນຽບຂາວ ໄດ້​
ສ້າງ​ຄວາມ​ເສຍ​ຫາຍ ໃຫ້ແກ່ຄວາມ​ສາມັກຄີ​ຂອງຊາດ. ທ່ານ​ກ່າວ​ວ່າ “ຂ້າພ​ະເຈົ້າ​ຄິດ
ວ່າ ​ມັນ​ແບ່ງ​ແຍກ​ປະ​ເທດ​. ຂ້າພະ​ເຈົ້າຄິດ​ວ່າ​ມັນ​ແບ່ງ​ແຍກ​ປະ​ເທດ​ທິ່ສຸດ ​ເພາະວ່າ​
ເລື່ອງດັ່ງກ່າວ ​ແລະ​ຫລາຍໆ​ສິ່ງ​ຫລາຍໆ​ຢ່າງ.”

ໂຄສົກ ທຳນຽບຂາວ ທ່ານ Sean Spicer ຮ່ວມກອງປະຊຸມນັກຂ່າວ.
ໂຄສົກ ທຳນຽບຂາວ ທ່ານ Sean Spicer ຮ່ວມກອງປະຊຸມນັກຂ່າວ.

ການ​ໃຫ້​ຄວາມ​ເຫັນເຫລົ່າ​ນັ້ນ ​ມີ​ຂຶ້ນຫລັງ​ຈາກ​ທ່ານ​ໄດ້ຂຽນສອງ​ຂໍ້​ຄວາມ​ລົງໃນ​
Twitter ໃນ​ຕອນ​ເຊົ້າວານ​ນີ້ ​ທີ່​ຕັ້ງ​ຄຳ​ຖາມ​ກ່ຽວ​ກັບ​ຄວາມ​ຈຳ​ເປັນ​ໃນ​ການແຕ່ງ​ຕັ້ງ
ອະ​ດີດຜູ້ອຳນວຍການອົງການ FBI ທ່ານ Robert Muller ໃຫ້​ເປັນ​ໄອຍະ ການພິ​
ເສດ​ເພື່ອ​ສືບສວນ​ເບິ່ງການ​ກ່າວ​ຫາ ກ່ຽວ​ກັບ​ການ​ສົມຮູ້​ຮ່ວມ​ຄິດ.

ປະທານາທິບໍດີ​ໄດ້ຂຽນຂໍ້​ຄວາມລົງ​ທາງ Twitter ວ່າ “​ພ້​ອມດ້ວຍ​ການ​ປະຕິບັດ​ທີ່​ຜິດ
​ກົດໝາຍ​ທັງ​ໝົດ ທີ່​ເກີດ​ຂຶ້ນ ​ຢູ່​ໃນການ​ໂຄສະນາ​ຫາ​ສຽງ​ ຂອງ ທ່ານ​ນາງ Clinton ​
ແລະ​ລັດຖະບານ Obama ບໍ່​ເຄີຍມີ​ການ​ແຕ່ງ​ຕັ້ງ​ໄອ​ຍະ​ການ​ພິ​ເສດເລີຍ. ນີ້​ແມ່ນການ
ຊອກຫາເພື່ອ​ແກ້​ແຄ້ນທີ່​ໃຫຍ່​ສຸດອັນ​ນຶ່ງ​ ກັບ​ນັກ​ການ​ເມືອງທີ່​ມີ​ຄວາມ​ຄິດແຕກ​ຕ່າງ​
ອອກ​ໄປ ໃນ​ປະຫວັດສາດ​ອາ​ເມຣິກາ.”

ພວກຊື້ຂາຍເຮັດວຽກຢູ່ ຕະຫລາດຮຸ້ນ ທີ່ New York Stock Exchange.
ພວກຊື້ຂາຍເຮັດວຽກຢູ່ ຕະຫລາດຮຸ້ນ ທີ່ New York Stock Exchange.

ຕໍ່​ມາ ຢູ່​ທີ່​ການ​ຮັບ​ປະທານ​ອາຫານ​ທ່ຽງ​ກັບບັນດາ​ນັກ​ຂ່າວໂທລະພາບ​ທີ່​ມີ​ຊື່​ສຽງ ປະ
ທານາທິບໍດີ​ທຣໍາກ່າວ​ວ່າ ການ​ແຕ່​ງຕັ້ງ​ໄອ​ຍະ​ການ​ພິ​ເສດ​ ເປັນ​ການ “​ສ້າງ​ ຄວາມ​ເສຍ
​ຫາຍ​ໃຫ້​ແກ່​ປະ​ເທດ​ຂອງ​ພວກ​ເຮົາ.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG