ນະ​ໂຍ​ບາຍ​ຄົນ​ເຂົ້າ​ເມືອງ​ຂອງ​ທ່ານ ທ​ຣຳ ຂະ​ຫຍາຍ​ອອກ​ໄປ​ສູ່​ການ​ເນ​ລະ​ເທດ ແລະ ການ​ກັກ​ຂັງ

ລັດຖະບານທ່ານ ທຣຳ ກຳລັງທຳການເຄື່ອນໄຫວຢ່າງວ່ອງໄວກັບແຜນການເນລະເທດຄົນຈຳນວນຫຼາຍ ດ້ວຍການສົ່ງຜູ້ຍົກຍ້າຍຖິ່ນຖານຈຳນວນນຶ່ງ ໄປອ່າວ ກວນຕານາໂມ ໃນປະເທດ ຄິວບາ ແລະ ກຳລັງເນລະເທດຄົນອື່ນໆຢ່າງວ່ອງໄວເຊັ່ນກັນ.
ໃນວັນທຳອິດຂອງການດຳລົງຕຳແໜ່ງຂອງທ່ານ, ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ປະກາດພາວະສຸກເສີນກ່ຽວກັບຄົນເຂົ້າເມືອງຜິດກົດໝາຍແຫ່ງຊາດ. ທ່ານໄດ້ສັນຍາທີ່ຈະປະຕິບັດຕາມຄຳສັນຍາ ໃນການໂຄສະນາຫາສຽງຂອງທ່ານ ແລະ ເນລະເທດຄົນເຂົ້າເມືອງທີ່ບໍ່ມີເອກະສານຫຼາຍລ້ານຄົນ.

ບັນດາທະນາຍຄວາມເວົ້າວ່າ ຜູ້ຍົກຍ້າຍຖິ່ນຖານໃນ ສະຫະລັດ ທີ່ກຳລັງປະເຊີນກັບການເນເລເທດ ມີສິດທີ່ຈະໄດ້ຮັບການເຂົ້າຫາຂະບວນການທາງກົດໝາຍ.
ທ່ານນາງ ແຮນນາ ແຟລມ ທະນາຍຄວາມດ້ານຄົນເຂົ້າເມືອງກ່າວວ່າ “ເມື່ອເຈົ້າໄດ້ຮັບເອກະສານຟ້ອງດ້ວຍຂໍ້ກ່າວຫາ, ເຊິ່ງເປັນການເລີ້ມຕົ້ນຂະບວນການຟ້ອງຮ້ອງຕໍ່ເຈົ້າ ແລະເມື່ອໃດທີ່ເຈົ້າສາມາດຍື່ນຄຳຮ້ອງຂໍ້ລີ້ໄພ ຫຼືນອກເໜືອຈາກນັ້ນ ປົກປ້ອງສິດຂອງເຈົ້າທີ່ຈະຂໍຢູ່ໃນສະຫະລັດ. ໃນຕອນສຸດທ້າຍຂອງຂະບວນການຂໍການບັນເທົາທຸກດ້ານຄົນເຂົ້າເມືອງ, ຂອງການໄປສານດ້ານຄົນເຂົ້າເມືອງ ແລະໄປຫາຜູ້ພິພາກສາສານຄົນເຂົ້າເມືອງແລ້ວ. ຖ້າເຈົ້າ ບໍ່ຊະນະໃນຕອນສຸດທ້າຍຂອງຂະບວນການນັ້ນ ຕໍ່ມາເຈົ້າກໍຈະໄດ້ຮັບຄຳສັ່ງໃຫ້ເນລະເທດ.”

ທ່ານນາງ ແຟລມ ກ່າວວ່າ ການເນລະເທດສາມາດເກີດຂຶ້ນໄດ້ຢ່າງວ່ອງໄວ ຫຼື ມັນສາມາດໃຊ່ເວລາດົນນານ.

ທ່ານນາງ ແຮນນາ ແຟລມ ທະນາຍຄວາມດ້ານຄົນເຂົ້າເມືອງອະທິບາຍວ່າ “ມັນເປັນໄປໄດ້ທີ່ຄົນໃດຄົນນຶ່ງຈະຖືກເນລະເທດ ຫຼັງຈາການຕໍ່ສູ້ໃນຄະດີຂໍ້ ຂອງເຂົາເຈົ້າ ມາຫຼາຍເດືອນ ຫຼື ຫຼາຍປີ. ແລະມັນກໍຍັງມີຄວາມເປັນໄປໄດ້ ທີ່ຄົນໃດຄົນນຶ່ງຈະຖືກເນລະເທດ ຫຼັງຈາກທີ່ໄດ້ຂໍເຂົ້າມາໃນ ສະຫະລັດ ມາຫຼາຍຊົ່ວໂມງ ຫຼື ຫຼາຍວັນ ຫຼື ຫຼັງຈາກທີ່ໄດ້ອາໄສຢູ່ທີ່ນີ້ຫຼາຍປີ ຫຼື ໂດຍພາຍໃນບໍ່ເທົ່າໃດຊົ່ວໂມງ ຫຼື ວັນ ກໍຖືກຄວບຄຸມຕົວພາຍໃຕ້ນະໂຍບາຍຫຼ້າສຸດຂອງທ່ານ ທຣຳ.”

ນັບຕັ້ງແຕ່ວັນທີ 21 ມັງກອນ, ບັນດາເຈົ້າໜ້າທີ່ລັດຖະບານກາງໄດ້ຈັບກຸມ ຫຼາຍກວ່າ 8,200 ຄົນ ແລະ ໄດ້ຂໍການຊ່ວຍເຫຼືອຈາກອົງການບັງຄັບໃຊ້ກົດໝາຍອື່ນໆ.

ລັດຖະບານກໍຍັງໄດ້ຂະຫຍາຍການໃຊ້ການເນລະເທດແບບເລັ່ງດ່ວນ, ເຊິ່ງອະນຸຍາດໃຫ້ບັນດາເຈົ້າໜ້າທີ່ກວດຄົນເຂົ້າເມືອງ ກຳຈັດຜູ້ຍົກຍ້າຍຖິ່ນຖານທີ່ບໍ່ມີເອກະສານໂດຍປາສະຈາກການໃຫ້ການຢູ່ໃນສານ.

ທ່ານ ທອມ ໂຮແມນ, ເຈົ້າໜ້າທີ່ຄວບຄຸມເຂດຊາຍແດນກ່າວວ່າ “ພວກເຮົາຕ້ອງເຮັດຫຼາຍຂຶ້ນ. ນັ້ນແມ່ນສິ່ງທີ່ເຮົາກຳລັງພະຍາຍາມເຮັດດຽວນີ້. ພວກເຮົາກຳລັງຊອກຫາຊ່ອງທາງເພື່ອສ້າງຄວາມມີປະສິດທິພາບຫຼາຍກວ່າເກົ່າ ເພື່ອເຮັດຫຼາຍຂຶ້ນ.”

ລັດຖະບານແມ່ນກຳລັງໃຊ້ຖານທັບໃນອ່າວກວນຕານາໂມ ຂອງປະເທດ ຄິວບາ, ເພື່ອກັກຂັງຜູ້ຍົກຍ້າຍຖິ່ນຖານທີ່ບໍ່ມີເອກະສານຈຳນວນນຶ່ງ.

ທ່ານ ທອມ ໂຮແມນ ກ່າວວ່າ “ນັ້ນຈະເປັນອີກແຫ່ງນຶ່ງທີ່ພວກເຮົາຈະມີຕຽງນອນໃຫ້ຜູ້ຍົກຍ້າຍຖິ່ນຖານ 30,000 ຕຽງ. ທ່ານປະທານາທິບໍດີ ໄດ້ໃຫ້ຄຳໝັ້ນສັນຍາວ່າ ຜູ້ທີ່ອັນຕະລາຍສຸດຈາກຜູ້ທີ່ອັນຕະລາຍທີ່ສຸດໆ ຈະໄປຢູ່ອ່າວກວນຕານາໂມນັ້ນ.”

ແຕ່ການຄັດຄ້ານທາງກົດໝາຍແມ່ນໄດ້ເລີ່ມຂຶ້ນແລ້ວ. ຜູ້ພິພາກສາລັດຖະບານກາງໃນລັດ ນິວ ເມັກຊິໂກ ເມື່ອບໍ່ດົນມານີ້ໄດ້ລະງັບການນຳສົ່ງຜູ້ຍົກຍ້າຍຖິ່ນຖານຊາວ ເວເນຊູເອລາ 3 ຄົນ ໄປອ່າວກວນຕານາໂມ. ແລະ ບັນດາຜູ້ສະໜັບສະໜູນໄດ້ຟ້ອງຮ້ອງລັດຖະບານທ່ານ ທຣຳ ສຳລັບການກັກຂັງຜູ້ຖືກຄຸມຕົວ ຢູ່ອ່າວກວນຕານາໂມ ໂດຍປາສະຈາກການເຂົ້າຫາທະນາຍຄວາມ ຫຼື ຄອບຄົວ.

ທ່ານນາງ ແຮນນາ ແຟລມ ກ່າວວ່າ “ນີ້ແມ່ນຄັ້ງທຳອິດໃນປະຫວັດສາດ ຂອງສະຫະລັດ ທີ່ລັດຖະບານ ສະຫະລັດ ໄດ້ຄວບຄຸມຕົວຄົນຢູ່ດິນແດນຂອງ ສະຫະລັດ ແລະ ສົ່ງເຂົາເຈົ້າໄປ ອ່າວກວນຕານາໂມ.”

ກະຊວງຮັກສາຄວາມປອດໄພພາຍໃນ ໄດ້ກ່າວຕໍ່ວີໂອເອວ່າ ອ່າວກວນຕານາໂມ ປັດຈຸບັນນີ້ ກັກຂັງບຸກຄົນທີ່ມີຄຳສັ່ງໃຫ້ເນລະເທດ ຂັ້ນສຸດທ້າຍ, ລວມທັງພວກອາຊະຍາກອນຄວາມຮຸນແຮງ.

ໃນຂະນະທີ່ການຄັດຄ້ານທາງກົດໝາຍແມ່ນກຳລັງດຳເນີນຢູ່, ລັດຖະບານກໍ ຈະບັງຄັບໃຊ້ມາດຕະການເນລະເທດຕໍ່ໄປ.

ອ່ານ​ລາຍ​ງານນີ້​ເປັນ​ພາ​ສາ​ອັງ​ກິດ

The Trump administration is moving quickly with its mass deportation plans by sending some migrants to Guantanamo Bay in Cuba and rapidly deporting others.

On his first day in office, U.S. President Donald Trump declared illegal immigration a national emergency. He promised to follow up on a key campaign promise and deport millions of undocumented immigrants.

Lawyers say migrants in the United States facing deportation are entitled to due process.

“You are issued a charging document, which begins a proceeding against you and when you can apply for asylum or otherwise defend your right to be in the United States. At the end of that process of applying for immigration relief, of going to immigration court and seeing an immigration judge. If you don't win at the end of that process, then you are issued a deportation order.”

Flamm says deportation can happen quickly, or it can take a long time.

“It's possible that somebody is deported after months or years of fighting their case. It's also possible that somebody is deported after hours or days of seeking entry to the

United States or having lived here for many years within hours or days of being taken into custody under Trump's latest policy.”

Since January 21, federal authorities have arrested over 8,200 people and requested help from other enforcement agencies.

The administration has also expanded the use of fast-track deportation, which allows immigration officers to remove undocumented migrants without a court hearing.

“We gotta do more. That’s what we’re looking at now. We’re looking at ways to create more efficiency to do more.”

The administration is using a military base at Guantanamo Bay, Cuba, to detain certain undocumented migrants.

“That’s going to be another place where we’re gonna have 30-thousand migrant beds. President Trump made a commitment that the worst of the worst will go to Gitmo.”

But legal challenges have already begun. A federal judge in New Mexico recently blocked the transfer of three Venezuelan immigrants to Guantanamo. And advocates have sued the Trump administration for holding detainees at Guantanamo without access to lawyers or family.

“This is the first time in U.S. history that the U.S. government has detained people on U.S. soil and transported them to Guantanamo.”

A DHS official told VOA that Guantanamo Bay is currently holding individuals with final deportation orders, including violent criminals.

While legal challenges are ongoing, the administration continues to enforce deportation measures.