ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ທຣໍາ ໂຍະຍານການປະຕິບັດ ລະບຽບການ​​ຫ້າມໂບດ ໄປຫຍຸ້ງກ່ຽວກັບການເມືອງ


ປະທານາທິບໍດີທຣໍາ ທີ່ມີພະສັງຄະລາດ Donald Wuerl ປະຈຳ Washington ຢູ່ທາງຫລັງ ຂຶ້ນກ່າວຄໍາປາໄສທີ່ສວນດອກກຸຫລາບ ຫລື Rose Garden ໃນທໍານຽບຂາວ.
ປະທານາທິບໍດີທຣໍາ ທີ່ມີພະສັງຄະລາດ Donald Wuerl ປະຈຳ Washington ຢູ່ທາງຫລັງ ຂຶ້ນກ່າວຄໍາປາໄສທີ່ສວນດອກກຸຫລາບ ຫລື Rose Garden ໃນທໍານຽບຂາວ.

ປະທານາທິບໍດີດໍ​ໂນ​ລ ທຣໍາ ​ໄດ້​ໂຍະຍານ​ການ​ບັງຄັບ​ໃຫ້ປະຕິບັດ​ກົດລະບຽບຂອງ
​ລັດຖະບານ ​ໃນ​ການ​ຫ້າມໂບດ​ຕ່າງໆທີ່​ໄດ້​ຮັບ​ກາ​ນຍົກ​ເວັ້ນ​ເກັບ​ພາສີ​ ບໍ່​ໃຫ້​ເຂົ້າ​ຮ່ວມ​ກິດຈະການທາງ​ການ​ເມືອງ.

ປະທານາທິບໍດີທຣໍາ ​ໄດ້​ເຊັນ​ດຳ​ລັດດ້ານ​ນີ້ອອກໃນ​ວັນ​ພະຫັດ​ວານ​ນີ້ ທີ່​ອະນຸຍາດໃຫ້
“ມີ​ການ​ດຸນ​ພິນິດ​ໃນ​ການປະຕິບັດ​ກົດ​ລະບຽບນີ້ຫລາຍ​ທີ່​ສຸດ" ​ແກ່ອົງ​ການ​ເກັບ​ພາສີ​
ຂ​ອງປະ​ເທດ ຊຶ່ງ​ແມ່ນຫ້ອງການ​ບໍລິການເກັບ​ພາສີ ຫລື IRS ໃນ​ການ​ຕິດ​ຕາມ​ຫ້າມ​
ປາມ​ບໍ່​ໃຫ້ກຸ່ມ​ສາສະ ໜາ​ຕ່າງໆ ​ເຄື່ອນ​ໄຫວ​ກິດຈະກໍາທາງການ​ໆເມືອງ ​ຊຶ່ງ​ເປັນ​ກົດ
​ລະບຽບ​ທີ່​ບໍ່ຄ່ອຍ​ໄດ້​ມີ​ການ​ບັງຄັບ​ປະຕິບັດ​ກັນ ຢູ່​ແລ້ວ​ນັ້ນ.

Trump: 'Never, Ever Stand For Religious Discrimination'
please wait

No media source currently available

0:00 0:00:58 0:00

ປະທານາທິບໍດີ​ທຣໍາກ່າວ​ໃນ​ວັນ​ພະຫັດ​ວານນີ້​ວ່າ “ຖ້າ​ຫາກ​ຄຸນ​ພໍ່, ອາຈານ ຫລື​ພະ​ສາ​
ສະ​ດາ​ຈານ ​ເວົ້າ​ກ່ຽວ​ກັບ​ເລື່ອງທີ່​ມີ​ຄວາມ​ສຳຄັນ​ທາ​ງການເມືອງ ​ແລະຕໍ່​ສ່ວນລວມ ​ເຂົາ
​ເຈົ້າ​ຖືກ​ຂົ່ມຂູ່ ວ່າ​ຈະ​ເສຍ​ສະຖານະ​ໃນ​ການ​ໄດ້​ຮັບ​ການ​ຍົກ​ເວັ້ນພາ​ສີ​ຂອງ​ເຂົາ​ເຈົ້ານັ້ນ ​
ເປັນ​ການ​ລົງ​ໂທດທາງດ້ານການ​ເງິນ ທີ່​ສ້າງຄວາມ​ເສຍຫາຍ​ຫລາຍ.” ດໍາລັດ​ຂອງ​ທ່ານ​ສັ່ງໃຫ້ຫ້ອງການ​ບໍລິການເກັບ​ພາສີ ຫລື IRS ​ບໍ່​ໃຫ້​ບັງຄັບປະຕິບັດ​ກົດໝາຍດັດ​ແກ້
Johnson Amendment ທີ່​ຫ້າມ​ບັນດາ​ອົງການ​ສາສະໜາ ​ແລະ​ອົງການກຸສົນ​ຕ່າງໆ
ບໍ່​ໃຫ້​ທໍາ​ການ​ສະໜັບສະໜູນບັນດາ​ລົງຜູ້​ສະໝັກ​ແຂ່ງຂັນ​ທາງ​ການ​ເມືອງ.

ບັນດາກຸ່ມກະເທີຍ LGBT ເດີນຂະບວນປະທ້ວງຕ້ານ ດຳລັດເສລີພາບທາງສາສະໜາ.
ບັນດາກຸ່ມກະເທີຍ LGBT ເດີນຂະບວນປະທ້ວງຕ້ານ ດຳລັດເສລີພາບທາງສາສະໜາ.

ດຳລັດ​ຂອງ​ປະທານາທິບໍດີ​ທຣໍາສະບັບນີ້ ຍັງ​ໃຫ້ “ການ​ຜ່ອນຜັນ​ດ້ານກົດ​ລະບຽບ” ​ແກ່​
ບັນດາ​ກຸ່່ມ​ສາສະໜາ​ ທີ່​ອະນະລັກ​ແນວທາງ​ເດີມ ທີ່​ບໍ່​ເຫັນ​ພ້ອມ​ກັບ​ຂໍ້​ກໍານົດຕ່າງໆ​ຂອງ
ການ​ປະຕິ​ຮູບ​ລະ​ບົບປະ​ກັນ​ໄພ​ແຫ່ງ​ຊາດ ທີ່ທໍາ​ການ​ລະດົມ​ໂດຍ​ອະດີດ​ປະທານາທິບໍດີ
Barack Obama ຊຶ່ງ​ຮຽກຮ້ອງ​ໃຫ້​ເຂົາ​ເຈົ້າຕ້ອງ​ຈ່າຍ​ຄ່າ​ແຜນ​ປະກັນ​ໄພສຸຂະ​ພາບ ທີ່
​ກວມ​ເອົາ​ການ​ຄຸມ​ກຳ​ເນີ​ດ ​ແລະ​ມາດ​ຕະການ​ອື່ນໆ​ ທີ່​ເຂົາ​ເຈົ້າ​ຮູ້ສຶກ​ວ່າ​ຈະຄັດ​ກັບ​ຄວາມ
​ເຊື່ອ​ຖື​ທາງ​ສາສະໜາ​ຂອງພວກເຂົາ​ເຈົ້າ.

ແມ່ຊີ Loraine ຈາກ ກຸ່ມບັນດາແມ່ຊີເພື່ອຄົນທຸກ ກ່າວຄໍາໄປໄສຢູ່ສານອຸທອນຂັ້ນຕົ້ນ ທີ່ນະຄອນ Denver ລັດ Colorado
ແມ່ຊີ Loraine ຈາກ ກຸ່ມບັນດາແມ່ຊີເພື່ອຄົນທຸກ ກ່າວຄໍາໄປໄສຢູ່ສານອຸທອນຂັ້ນຕົ້ນ ທີ່ນະຄອນ Denver ລັດ Colorado

ປະທານາທິບໍດີ​ທຣໍາ ​ໄດ້​ເຊັນດຳລັດກ່ຽວກັບ​ສິດ​ເສລີພາບ​ທາງ​ສາສະໜາ ​ໃນ​ຂະນະ​ທີ່
​ທ່ານໄດ້​ໃຫ້ການ​ຕ້ອນຮັບ​ຊາວ​ຄຣິສຕຽນ ຫົວ​ອະນຸລັກ​ແນວທາງ​ເດີມ ຢູ່​ທີ່​ທຳນຽບຂາ​ວ​
ໃນ​ວັນ​ທີ່​ໄດ້​ຮັບ​ການ​ຂະໜານນາມ​ໃຫ້​ເປັນ​ວັນ​ແຫ່ງ​ການ​ສວດມົນ​ແຫ່ງ​ຊາດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG