ທໍານຽບຂາວກ່າວວ່າ ປະທານາທິບໍດີ ດໍໂນລທຣໍາ ແລະພະຣາຊາ Salman bin
Abdulaziz Al Saud ຂອງຊາວດີ ໄດ້ໂອ້ລົມກັນທາງໂທລະສັບ ແລະທັງສອງທ່ານ
ໄດ້ເນັ້ນໜັກວ່າ ອ່າວເປີເຊຍຕ້ອງມີຄວາມສາມັກຄີກັນ ພາຍຫລັງທີ່ບັນດາປະເທດ
ອາຣັບຢູ່ໃນພາກພື້ນດ່ັງກ່າວ ໄດ້ຕັດສິນໃຈທີ່ຈະຕັດການພົວພັນກັບກາຕາ.
ຄໍາຖະແຫລງທີ່ໄດ້ເຜີຍແຜ່ອອກໃນວັນອັງຄານວານນີ້ ເວົ້າວ່າ ທັງສອງທ່ານໄດ້ ສົນ
ທະນາກັນ ກ່ຽວກັບ "ເປົ້າໝາຍອັນສໍາຄັນທີ່ສຸດ ໃນການປ້ອງກັນບໍ່ໃຫ້ມີອົງການທີ່
ໃຫ້ການສະໜັບສະໜຸນທາງການເງິນແກ່ ພວກກໍ່ການຮ້າຍ ແລະກໍາຈັດບໍ່ໃຫ້ມີການ
ສົ່ງເສີມລະບອບ ຫົວຮຸນແຮງຢູ່ປະເທດໃດກໍຕາມ ໃນພາກພື້ນດັ່ງກ່າວ."
ກ່ອນໜ້ານັ້ນ ໃນວານນີ້ ທ່ານປະທານາທິບໍດີໄດ້ມີການໂຕ້ຖຽງ ທີ່ກ່ຽວຂ້ອງກັບກາຕາ
ແລະປະເທດອາຣັບໃຫຍ່ໆຫລາຍປະເທດ ກ່ຽວກັບການກ່າວຫາຕໍ່ລັດຖະບານນະຄອນ
ໂດຮ່າ ວ່າໄດ້ຮັບການສະໜັບສະໜຸນຈາກອີຣ່ານ ແລະກຸ່ມຫົວຮຸນແຮງອິສລາມ ທີ່ໃຫ້
ການຊ່ວຍເຫລືອແກ່ ການກໍ່ການຮ້າຍຢູ່ໃນຂົງເຂດ.
ການຂຽນຂໍ້ຄວາມລົງໃນ Twitter ຫລາຍໆ ຄັ້ງໃນວັນອັງຄານວານນີ້, ປະກົດວ່າປະທາ
ນາທິບໍດີ ຍ້ອງຍໍຕົນເອງ ສໍາລັບການເຄື່ອນໄຫວທີ່ນໍາພາໂດຍ ຊາວດີ ເພື່ອເຮັດໃຫ້ກາຕາ
ຖືກໂດດດ່ຽວ -- ທີ່ໄດ້ໃຫ້ບ່ອນຕັ້ງຖານທັບຂອງສະຫະລັດ ທີ່ໃຫຍ່ທີ່ສຸດ ຢູ່ໃນຂົງເຂດຕາ
ເວັນອອກກາງ.
ໃນການກ່າວອ້າງເຖິງຄໍາປາໄສຂອງທ່ານ ຢູ່ໃນເມືອງ Riyadh ເດືອນແລ້ວນີ້ ທ່ານໄດ້ຮຽກ
ຮ້ອງ ໃຫ້ບັນດາຜູ້ນໍາຊາວມຸສລິມເອົາທ່າທີຕ້ານກັບກຸ່ມອິສລາມຫົວຮຸນແຮງຕ່າງໆ ທ່ານ
ທຣໍາ ຂຽນໃນ tweeter ວ່າ :"ໃນໄລຍະທີ່ຂ້າພະເຈົ້າເດີນທາງໄປຕາເວັນອອກກາງຫວ່າງ
ໝໍ່ໆມານີ້ ຂ້າພະເຈົ້າເວົ້າວ່າ ບໍ່ສາມາດໃຫ້ມີການໃຫ້ທຶນອຸດໜຸນແກ່ອຸດົມການ ຫົວຮຸນແຮງ
ອີກຕໍ່ໄປແລ້ວ. ບັນດາຜູ້ນໍາທັງຫລາຍໝາຍເຖິງ ປະເທດ Qatar!" ((https://twitter.com/realDonaldTrump/status/872062159789985792: ))
ທ່ານກ່າວອີກວ່າ "ດີໃຈຫລາຍທີ່ເຫັນ ຊາວດີ ອາເຣເບຍ ການໄປຢ້ຽມຢາມ ພະລາຊາ
ແລະພົບກັບ 50 ປະເທດແມ່ນຄຸ້ມຄ່າແລ້ວ ຊຶ່ງພວກເຂົາເຈົ້າເວົ້າວ່າ ຈະເອົາບາດກ້າວ
ອັນແຂງຂັນຕໍ່ການໃຫ້ທຶນສະໜັບສະໜຸນ....... ((https://twitter.com/realDonaldTrump/status/872084870620520448:))
