ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ດໍໂນລ ທຣໍາ ຂັດຂວາງ ບໍ່ໃຫ້ເຜີຍແຜ່ ເອກກະສານ ຂອງພັກເດໂມແຄຣັດ


ປ. ດໍໂນລ ທຣໍາ ຟັງໃນລະຫວ່າງການພົບປະກັບ ພວກໂຕນໜີ ຈາກເກົາຫຼີເໜືອ ບ່ອນທີ່ທ່ານໂອ້ລົມກັບພວກນັກຂ່າວ ກ່ຽວກັບ ການອະນຸຍາດ ໃຫ້ນຳອອກ ເຜີຍແຜ່ ເອກກະສານລັບ ກ່ຽວກັບບົດບາດ ອົງການແອັຟບີອາຍ ໃນການສືບສວນ ເລື່ອງຣັດເຊຍ.
ປ. ດໍໂນລ ທຣໍາ ຟັງໃນລະຫວ່າງການພົບປະກັບ ພວກໂຕນໜີ ຈາກເກົາຫຼີເໜືອ ບ່ອນທີ່ທ່ານໂອ້ລົມກັບພວກນັກຂ່າວ ກ່ຽວກັບ ການອະນຸຍາດ ໃຫ້ນຳອອກ ເຜີຍແຜ່ ເອກກະສານລັບ ກ່ຽວກັບບົດບາດ ອົງການແອັຟບີອາຍ ໃນການສືບສວນ ເລື່ອງຣັດເຊຍ.

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ​ໄດ້​ຂັດ​ຂວາງບໍ່ໃຫ້ເຜີຍ​ແຜ່ ການ​ໃຫ້ເຫດ
ຜົນໂຕ້ແຍ້ງ ຂອງ​ພັກ​ເດ​ໂມ​ແຄຣັດ ຕໍ່​ເອກ​ກະສານ​ລັບຂອງ​ພັກຣີພັບ​ບລິ​ກັນ ທີ່​ກ່າວ​ຫາ​ກ່ຽວກັບການ​ໃຊ້​ອຳນາດ ຢ່າງບໍ່ຖືກຕ້ອງ ຂອງອົງການສັນຕິ​ບານ​ກາງ​ ຫລື FBI ຂອງ
ສະຫະລັດ ໃນລະຫວ່າງ​ການ​ສືບສວນ ເບິ່ງການ​ແຊກ​ແຊງ ​ຂອງ​ຣັດເຊຍ ເຂົ້າ​ໃນ​ການ​
ເລືອກ​ຕັ້ງ ປະທານາທິບໍດີ ​ປີ 2016.

ຢູ່​ໃນ​ຈົດໝາຍສະບັບນຶ່ງ ທີ່ນຳເຜີຍ​ແຜ່​ໃນ​ວັນ​ສຸກ​ວານ​ນີ້ ທີ່​ປຶກສາ​ທາງດ້ານກົດ ໝາຍ
ຂອງທຳນຽບຂາວ ທ່ານ​ດອນ ​ແມັກ​ແກນ ກ່າວ​ວ່່າ ທ່ານ​ທຣໍາ​ໄດ້​ຕັດສິນ​ໃຈ​ບໍ່​ເປີດ​ເຜີຍ
​ເອກ​ກະສາ​ນລັບ​ຂອງ​ພັກ​ເດໂມ​ແຄຣັດ "​ເພາ​ະວ່າ​ເອກ​ກະສາ​ນສະບັບນີ້ ​ບັນ​ຈຸ​ຄວາມ​ລັບ
​ທີ່​ສຳຄັນຫຼາຍ​ຢ່າງ ​ແລະ​ໂດຍ​ສະ​ເພາະແລ້ວ​ເປັນຂໍ້​ຄວາມ​ທີ່ພົວພັນກັບຂໍ້ມູນລັບ.”

ສະມາຊິກ​ສະພາ​ຕໍ່າສະ​ເຕ​ນີ ຮອຍ​ເຢີ ຜູ້ນຳໝາຍເລກ 2 ຂອງພັກ​ເດ​ໂມ​ແຄຣັດ​ ໃນ​ສະ
ພາ​ຕໍ່າ ​ໄດ້​ອອກຖະ​ແຫຼງການສະບັບນຶ່ງ​ໃນ​ຕອນ​ແລງ​ວັນ​ສຸກ​ວານ​ນີ້ ໂດຍ ກ່າວວ່າ “ມັນ
ເປັນ​ການ​ລົບ​ກວນ​ຫຼາຍ ​ທີ່ປະທານາທິບໍດີ​ທຣໍາ​ໄດ້​ຂັດ​ຂວາງ​ບໍ່ໃຫ້​ເຜິ​ຍ​ແຜ່” ​ເອກ​ກະສາ​ນ
ລັບຂອງ​ພັກ​ເດ​ໂມ​ແຄຣັດ. ທ່ານ​ກ່າວ​ວ່າ ຫລັງ​ຈາກ​ປະ ທາ​ນາ​ທິບໍ​ດີ​ທຣໍາ ​ເມື່ອ​ວັນ​ທີ 2
ກຸ​ມພາໄດ້​ເຜີຍ​ແຜ່ “​ເອກກະສານ ຂອງ​ຄະນະ​ກຳ​ມະ​ການສືບລັບ​ພັກຣີພັບ​ບລິ​ກັນ ຊຶ່ງ
ຂຽນຂຶ້ນແຕ່

ພຽງຝ່າຍດຽວແລະມີຂໍ້ຄວາມບໍ່ຖືກຕ້ອງ ​ມັນ​ຈະເປັນການ​ເໝາະ​ສົມ​ ກໍຕໍ່ເມື່ອ ຊາວ​ອາ​ເມ
ຣິກັນ​ເຫັນ​ຄວາ​ມຈິງ​ທຸກ​ຢ່າງ.”

​ຈົດໝາຍຂອງ​ທ່ານ​ແມັກ​ແກນ ​ທີ່ສົ່ງໄປ​ຫາ​ປະທານ​ຄະນະ​ກຳມະການ​ສືບ​ລັບ​ສະພາ​ຕໍ່າ
ທ່ານ​ເດ​ວີນ ນູເນສ ​ໄດ້​ຂໍຮ້ອງ ໃຫ້ມີ​ການ​ດັດ​ແປງເອກ​ກະສາ​ນດັ່ງກ່າວ ກ່ອນ​ທີ່​ຈະ​ສາ
ມາດນຳອອກ​ເຜີຍ​ແຜ່ໄດ້.

ຜູ້ນຳຂັ້ນສູງພັກເດໂມແຄຣັດ ທ່ານ ສະເຕນີ ຮອຍເຢີ ກ່າວຕໍ່ບັນດານັກຂ່າວ.
ຜູ້ນຳຂັ້ນສູງພັກເດໂມແຄຣັດ ທ່ານ ສະເຕນີ ຮອຍເຢີ ກ່າວຕໍ່ບັນດານັກຂ່າວ.

ທ່ານ​ນູເນສໄດ້​ອອກ​ຖະ​ແຫລ​ງການສະບັບນຶ່ງ ​ໃນ​ຕອນ​ແລງ​ວັນ​ສຸກ ກ່າວ​ວ່າ “ຂ້າພະ​
ເຈົ້າ​ໄດ້​ເຕືອນ​ແລ້ວວ່າ ​ເອກ​ກະສາ​ນຂອງ​ພັກ​ເດ​ໂມ​ແຄຣັດບັນຈຸ​ຫາຍໆແຫ​ລ່ງຂ່າວ
​ແລະ​ວິທີການ​ຕ່າງໆ ຈຶ່ງ​ບໍ່ເປັນທີ່ແປກ​ໃຈ​ທີ່​ບັນດາ​ອົງການ​ຕ່າງໆ​ ໄດ້​ສະ​ເໜີແນະບໍ່​ໃຫ້
​ເຜີຍ​ແຜ່​ເອກ​ກະສາ​ນດັ່ງກ່າວໂດຍປາດ​ສະ​ຈາກ​ການກວດ ແກ້.”

ທີ່​ປຶກສາ​ທາງດ້ານກົດໝາຍ ຂອງທຳນຽບຂາວ ທ່ານ​ດອນ ​ແມັກ​ແກນ.
ທີ່​ປຶກສາ​ທາງດ້ານກົດໝາຍ ຂອງທຳນຽບຂາວ ທ່ານ​ດອນ ​ແມັກ​ແກນ.

ຈົດໝາຍ​ຂອງ​ທ່ານ​ແມັກ​ແກນ ກ່າວ​ວ່າ ເພື່ອເຫັນແກ່ “ຜົນ​ປະ​ໂຫຍ​ດຂອງ​ສາ ທາລະນະ
ຊົນ ​ໃນຄວາມໂປ່ງໃສ ກ່ຽວກັບສະພາບການ ​ທີ່​ບໍ່ເຄີຍ​ມີ​ມາກ່ອນ​ເຫລົ່າ​ນີ້ ປະທານາທິບໍ
ດີ​ຈຶ່ງໄດ້​ສັ່ງໃຫ້ ພະນັກງານ​ກະຊວງ​ຍຸຕິ​ທຳ​ ຈົ່ງ​ໃຫ້ການ​ຊ່ວຍ​ເຫຼືອທາງ​ດ້ານ​ເທັກ​ນິກ​ແກ່
​ຄະນະ​ກຳ​ມະການ” ​ໃນ​ຄວາມ​ພະຍາຍາມ​ເພື່ອ ດັດແປງແກ້ໄຂເອກ​ກະສາ​ນດັ່ງກ່າວ.

ປະທານາທິບໍດີ​ທຣໍາ ມີ​ເວລາ​ຈົນ​ເຖິງ​ແລງວັນ​ສຸກວານນີ້ ໃນ​ການ​ຕັດສິນ​ໃຈ​ວ່າ​ຈະ​ເປີດ​
ເຜີຍ​ເອກ​ກະສາ​ນທີ່​ຂຽນ​ຂຶ້ນໂດ​ຍຄະນະ​ກຳ​ມະການ​ສືບ​ລັບໃນສະພາ​ຕໍ່າ ຂອງພັກ​ເດໂມ​ແຄຣັດຫຼືບໍ່.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG