ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ທ່ານ Trump ວາດພາບ Saddam Hussein ວ່າ ເປັນຄົນ ເຂັ້ມແຂງ ຕໍ່ຕ້ານ ພວກກໍ່ການຮ້າຍ


ທ່ານ Saddam Hussein ຍິງປືນຂຶ້ນຟ້າ ໃນຂະນະທີ່ທ່ານຄຳນັບ ພວກອາສາສະໝັກອີຣັກ ທີ່ຈະສູ້ລົບກັບຊາວປາແລສໄຕນ໌ຕໍ່ຕ້ານ ອິສຣາແອລ.
ທ່ານ Saddam Hussein ຍິງປືນຂຶ້ນຟ້າ ໃນຂະນະທີ່ທ່ານຄຳນັບ ພວກອາສາສະໝັກອີຣັກ ທີ່ຈະສູ້ລົບກັບຊາວປາແລສໄຕນ໌ຕໍ່ຕ້ານ ອິສຣາແອລ.

Saddam Hussein ​ໄດ້ເສຍ​ຊີວິດ​ມາ ເກືອບນຶ່ງ​ທົດ​ສະ​ວັດ​ແລ້ວ. ປະທານາທິບໍດີ ທີ່​ກຳ​ຕຳ​ແໜ່​ງມາ​ເປັນ​ເວລາ​ດົນນານ​ຂອງ​ອີຣັກ​ໄດ້​ຖືກ​ແຂວນ​ຄໍ ຫຼັງຈາ​ກສານ ​ໄດ້​ພົບ​ເຫັນ​ວ່າ ​ທ່ານ​ມີ​ຄວາມ​ຜິດ​ ​ໃນ​ຖານ​ກໍ່​ໂທດ​ກຳ​ຕ້ານມະນຸດ​ຊາດໃນປີ 2006.

​ໃນ​ວັນ​ອັງຄານ​ວານ​ນີ້ ທ່ານ Hussein ​ໄດ້​ເປັນ​ຫົວ​ຂໍ້​ຂ່າວ​ສຳຄັນ​ຢູ່​ໃນ Twitter ຫລັງ​ຈາກ​ຜູ້​ສະໝັກ​ປະທານາທິບໍດີ ທ່ານ Donald Trump ​ໄດ້​ຍ້ອງຍໍ​ວິ​ທີ​ການ​ນຳພາ​ຂອງ​ທ່ານ.

ທ່ານ Trump ​ໄດ້ກ່າວ​ຕໍ່​ບັນດາ​ຜູ້​ສະໜັບສະໜູນ​ວ່າ “Saddam Hussein ​ ​ເປັນ​ຄົນ​ທີ່​ບໍ່​ດີ ​ແມ່ນ​ບໍ່? ລາວ​ເປັນ​ຄົນ​ບໍ່​ດີ ບໍ່ດີ​ອີ່ຫລີ. ​ແຕ່​ທ່ານ​ຮູ້​ບໍ່​ວ່າ​ສິ່ງ​ທີ່​ລາວ​ເຮັດ​ໄດ້​ດີ? ລາວ​ສັງຫານ​ພວກ​ກໍ່​ການ​ຮ້າຍ. ລາວ​ເຮັດ​ໄດ້​ດີຫຼາຍ. ​ເຂົາ​ເຈົ້າ​ບໍ່​ໄດ້​ອ່ານ​ໃຫ້​ຟັງ​ ເລື້ອງ​ສິດທິ​ຂອງ​ເຂົາ​ເຈົ້າ ​ເຂົາ​ເຈົ້າ​ບໍ່​ໄດ້​ເວົ້າ​ໄດ້​ວ່າ. ​ເຂົາ​ເຈົ້າ​ເປັນ​ພວກ​ກໍ່​ການ​ຮ້າຍ ມັນ​ໝົດ​ເທົ່າ​ນັ້ນ.”

ທ່າ​ນ​ໄດ້​ກ່າວ​ຄ້າຍຄື​ກັນ ​ໃນ​ບໍ່​ເທົ່າ​ໃດ​ປີ​ທີ່​ຜ່ານ​ມາ ຮວມ​ທັງ​ປີ 2014 ​ເວລາ​ທ່ານ​ຂຽນຜ່ານ​ທາງ Twitter ວ່າ ອີຣັກ​ໄດ້​ຕົກ​ຢູ່​ໃນ​ອັນ​ຕະລາຍ​ ຫລາຍ​ກວ່າ​ທີ່​ເຄີ​ຍມີ​ມາພາຍ​ໃຕ້ Hussein.

ຜູ້ສະໝັກເປັນປະທານາທິບໍດີ ພັກຣີພັບບລິກກັນ ທ່ານ Donald ເວົ້າກ່ຽວກັບຊົງຜົມຂອງທ່ານ.
ຜູ້ສະໝັກເປັນປະທານາທິບໍດີ ພັກຣີພັບບລິກກັນ ທ່ານ Donald ເວົ້າກ່ຽວກັບຊົງຜົມຂອງທ່ານ.

“ສົງຄາມ​ເປັນ​ຄວາມ​ຜິດພາດ ດັ່ງ​ທີ່​ຂ້າພະ​ເຈົ້າໄດ້​ກ່າວແຕ່​ຂັ້ນ​ເລີ້ມ​ຕົ້ນ. ທ່ານ Bush ​ແລະ ທ່ານ Obama ຄວນ​ທີ່​ຈະ​ຂໍ​ຂະມາ​ໂທດ.”

​ແຕ່​ວ່າ​ຫລັງ​ຈາກ​ນັ້ນຫລາຍ​ມື້ ​ເວລາ​ກຳລັງ​ສະຫະລັດ​ໄດ້​ພົບ​ເຫັນທ່ານ Hussein ລີ້​ຢູ່​ໃນ​ຂຸມໃກ້​ກັບ​ເມືອງ Tikrit ​ໃນ​ເດືອນ​ທັນວາ ປີ 2003 ທ່ານ Trump ປາ ກົດ​ວ່າ​ ໄດ້​ຮັບ​ການ​ສະໜັບສະໜູນ​ຫລາຍ​ຂຶ້ນ ​ຕໍ່ການໂຄ່ນ​ລົ້ມຜູ້​ນໍາ​ອີຣັກລົງ​ຈາກ ອຳນາດ​.

ທ່ານ Trump ກ່າວ​ໃນ​ການ​ໃຫ້​ສຳພາດ​ຕໍ່​ໂທລະ​ພາບ Fox News ວ່າ “ບາງ ຄົນເຫັນ​ພ້ອມ ​ແລະ​ບາງ​ຄົນ​ບໍ່​ເຫັນ​ພ້ອມ ​ແຕ່​ພວກ​ເຮົາ​ໄດ້​ຢູ່​ທີ່​ນັ້ນ. ​ແລະ​ຖ້າ​ພວກ​ເຮົາ​ຢູ່​ທີ່​ນັ້ນ ທ່ານ​ຕ້ອງ​ເອົາ Saddam Hussein ລົງ​ ​ແລະ​ເຂົາ​ເຈົ້າ​ໄດ້ດຳ​ເນີນ ການ​ດັ່ງ​ກ່າວ ​ແລະ​ເຂົາ​ເຈົ້າ​ບໍ່​ໄດ້​ເຮັດ​ໄວ ​ດັ່ງ​ທີ່​ເຂົາ​ເຈົ້າ​ຄິດ​ໃນ​ການ​ຊອກ​ຫາ​ລາວ ​ແຕ່​ເຂົາ​ເຈົ້າ​ໄດ້​ພົບ​ເຫັນ​ລາວ. ​ແລະ​ນັ້ນ​ເປັນ​ວັນຍິ່ງ​ໃຫຍ່​ສຳລັບປະ​ເທດ​ນີ້.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG