ທ່ານທຣຳ ພົບປະກັບ ອະດີດຫົວໜ້າ CIA ທ່ານ Petraeus ທີ່ອາດຈະເປັນ ລັດຖະມົນຕີ ຕ່າງປະເທດ

ປະທານາທິບໍດີ​ທີ່​ຖືກ​ເລືອກ​ໃໝ່ ທ່ານ Donald Trump ​ໄດ້ພົບ​ປະ​ກັບອີກ​ທ່ານນຶ່ງ​ທີ່​ອາດ
ຈະ​ເປັນ​ລັດຖະມົນຕີ​ຕ່າງປະ​ເທດ​ໃນ​ວັນ​ຈັນ​ວານ​ນີ້ ​ແລະເປັນບຸກຄົນ​ທີ່​ມີ​ທ່າ​ທາງ​ວ່າ ​ຈະ​ໄດ້​ຖືກ​ສອບ​ຖາມ​ຢ່າງ​ໜັກ​ຈາກສະພາ​ສູງ​ສະຫະລັດນັ້ນຄືອະ​ດີີດ​ຫົວໜ້າ​ສືບ​ລັບອົງການ CIA ​ແລະ​ນາຍ​ພົນ​ເບ້ຍບຳນານ​ David Petraeus.

ກ່ອນທີ່​ຈະ​ມາ​ເປັນ​ຫົວໜ້າ​ອົງການ​ສືບ​ລັບ CIA ທ່ານ Petraeus ​ໄດ້ເປັນ​ຜູ້​ບັນ ຊາ​ການ​ສູງ​ສຸດຂອງ​ສະຫະລັດ​ຢູ່​ໃນ​ອີຣັກ ​ແລະ​ນຳພາ​ກຳລັງອົງ​ການ NATO ຢູ່​ໃນ​ອັຟກາ​ນິສຖານ.

​ແຕ່​ທ່ານ​ໄດ້​ຖືກ​ບັງຄັບ​ໃຫ້ລາ​ອອກຈາກ​ອົງການ CIA ຢ່າງ​ອັບອາຍ​ໃນ​ປີ 2012 ຫລັງ​ຈາກ​ໄດ້ເຮັດ​ຂໍ້​ມູນ​ລັບຮົ່ວ​ໄຫລ ​ໃຫ້​ແກ່ນັກ​ຂຽນ​ປະຫວັດ​ຂອງ​ທ່ານ ຜູ້​ທີ່​ທ່ານ​ໄດ້​ມີ​ຄວາມ​ສຳພັນ​ຖານ​ຊູ້​ສາວ​ນັ້ນ.

ເຖິງ​ແມ່ນທ່ານ Petraeus ​ໄດ້​ມີປະຫວັດ​ເບື້ອງ​ຫລັງ​ໃນ​ອະດີດ​ກໍ​ຕາມ ​ແຕ່ທ່ານ Trump ​ໄດ້ສົ່ງ​ຂໍ້ຄວາມ​ຜ່ານ​ທາງ Tweeter ວ່າ ທ່ານມີ “​ຄວາມ​ປະ​ທັບ​ໃຈທີ່​ສຸດ” ກັບ​ນາຍ​ພົນເບ້ຍ​ບໍານາ​ນທ່ານ​ນີ້.

ບັນດາ​ເຈົ້າ​ໜ້າ​ທີ່ພັກຣີພັບ​ບລິ​ກັນ ກ່າວ​ວ່າ ທ່ານ​ Trump ຍັງ​ໄດ້​ຕັດສິນ​ໃຈ​ກ່ຽວ ກັບການ​ແຕ່ງ​ຕັ້ງ​ຄະນະ​ລັດຖະບານ​ຄົນອີກຄົນ​ນຶ່ງຄືລັດຖະມົນຕີ​ສາ​ທາ​ລະນະ​ສຸກ ​ແລະ​ສັງຄົມສົງ​ເຄາະ. ການ​ເລືອກ​ຂອງ​ທ່ານ​ໄດ້​ກ່າວວ່າ ​ແມ່ນສະມາຊິກສະພາ​ຕໍ່າ​ລັດ Georgia ທ່ານ Tom Price ຫົວໜ້າ​ນຳພາຕິຕຽນ ​ກົດໝາຍຮັກສາ​ສຸ ຂະພາບ​ຂອງປະທານາທິບໍດີ Barack Obama ທີ່​ຮູ້​ກັນ​ໃນ​ຊື່ Obamacare.

ອ່ານຂ່າວນີ້ເພິ້ມເປັນພາສາອັງກິດ