ທ່ານ ດໍໂນລ ທຣໍາ ໂຈະໃຫ້ການຊ່ວຍເຫຼືອແກ່ ຢູເຄຣນ

ທຳນຽບຂາວປະກາດເມື່ອຕອນຄໍ່າຂອງວັນຈັນວານນີ້ວ່າ ປະທານາທິບໍດີ ທ່ານ ດໍໂນລ ທຣໍາ ຂອງສະຫະລັດ ລະຫງັບການຊ່ວຍເຫຼືອແກ່ ຢູເຄຣນ ອີງຕາມອົງການຂ່າວ ວີໂອເອລາຍງານ.

“ ປະທານາທິບໍດີ ໄດ້ຊີ້ແຈງຢ່າງລະອຽດວ່າ ທ່ານເນັ້ນໜັກໃສ່ທີ່ສັນຕິພາບ” ເຈົ້າໜ້າທີ່ລະດັບສູງຂອງລັດຖະບານກ່າວກັບອົງການຂ່າວວີໂອເອ ທາງ ອີເມລ. ເຈົ້າໜ້າທີ່ທ່ານດັ່ງກ່າວ ບໍ່ເປີດເຜີຍຊື່ ດັ່ງທີ່ເຄີຍເຮັດເປັນປະຈຳ ເມື່ອພົວພັນກັບບັນດານັກຂ່າວ. ຜູ້ກ່ຽວກ່າວວ່າ “ ເຮົາຕ້ອງການໃຫ້ພັນທະມິດຂອງເຮົາ ໝັ້ນໝາຍຕໍ່ເປົ້າໝາຍນັ້ນ ເຊັ່ນກັນ. ເຮົາກຳລັງໂຈະ ແລະທົບທວນຄືນການຊ່ວຍເຫຼືອຂອງເຮົາ ເພື່ອໃຫ້ແນ່ໃຈວ່າ ການຊ່ວຍເຫຼືອເຫລົ່ານີ້ ຈະຊ່ວຍແກ້ໄຂບັນຫາໄດ້.”

ປະທານາທິບໍດີຂອງຢູເຄຣນ ທ່ານ ໂວໂລດີເມຍ ເຊເລັນສກີ ກ່າວໃນຄຳປາໄສຄືນ ວັນຈັນວານນີ້ວ່າ ປະເທດຂອງທ່ານຕ້ອງການ “ ສັນຕິພາບທີ່ແທ້ຈິງ ແລະຍຸຕິທຳ” ເຊັ່ນດຽວກັບການຮັບປະກັນຄວາມປອດໄພເພື່ອໃຫ້ແນ່ໃຈວ່າ ຣັດເຊຍຈະບໍ່ຄຸກຄາມຢູເຄຣນອີກຄັ້ງ ໃນອະນາຄົດ.

“ ແທ້ຈິງແລ້ວ ການຂາດການຮັບປະກັນຄວາມປອດໄພ ສຳລັບຢູເຄຣນ ເມື່ອ 11 ປີກ່ອນ ເຮັດໃຫ້ຣັດເຊຍ ສາມາດເລີ້ມການຍຶດຄອງ ໄຄຣເມຍ ແລະ ສົງຄາມໃນ ດອນບາສ ໄດ້” ທ່ານ ເຊເລັນສກີກ່າວ ແລະກ່າວຕໍ່ໄປວ່າ “ ຈາກນັ້ນ ການບໍ່ມີການຮັບປະກັນຄວາມປອດໄພ ເຮັດໃຫ້ ຣັດເຊຍສາມາດເປີດສາກການຮຸກຮານເຕັມຮູບແບບ ແລະຕອນນີ້ ເນື່ອງຈາກຍັງບໍ່ມີການຮັບປະກັນຄວາມປອດໄພ ຣັດເຊຍຈຶ່ງເປັນຜູ້ເຮັດໃຫ້ສົງຄາມນີ້ ດໍາເນີນຢູ່ຕໍ່ໄປ.”

ເມື່ອຕອນເຊົ້າ ວັນຈັນວານນີ້ ທ່ານ ດໍໂນລ ທຣໍາ ໃຫ້ສຳພາດວ່າ ຂໍ້ຕົກລົງແຮ່ທາດຫາຍາກເປັນກຸນແຈສຳຄັນໃນການທີ່ສະຫະລັດຍັງຄົງສະໜັບສະໜູນຢູເຄຣນຕໍ່ໄປ ແລະ ກ່າວວ່າ ທ່ານຈະປະກາດເລື້ອງນີ້ ໃນວັນອັງຄານມື້ນີ້ ເມື່ອທ່ານກ່າວປາໄສ ຕໍ່ກອງປະຊຸມຄົບຄະນະຂອງລັັດຖະສະພາ.

ຜົນເສຍຫາຍທີ່ເກີດຂຶ້ນຕໍ່ທັງສອງຝັ່ງຂອງມະຫາສະມຸດ ແອັດແລນຕິກ ເມື່ອວັນຈັນຜ່ານມາ ທ່າມກາງຄວາມກັງວົນທີ່ເພີ້ມຂຶ້ນຂອງປະເທດໃນຢູໂຣບ ກ່ຽວກັບອະນາຄົດຂອງຢູເຄຣນ ຂະນະທີ່ບັນດາຜູ້ນໍາຢູໂຣບພະຍາຍາມດີ້ນຮົນຫຼັງຈາກ ທ່ານ ດໍໂນລ ທຣໍາ ແລກປ່ຽນຄວາມເຫັນທີ່ຂັດແຍ້ງກັບ ທ່ານ ເຊເລັນສກີ ເມື່ອວັນສຸກທີ່ຜ່ານມາ. ເຫດເກີດຂຶ້ນທີ່ຫ້ອງການຮູບໄຂ່ ໄດ້ເຮັດໃຫ້ຄວາມພະຍາຍາມໃນການລົງນາມຂໍ້ຕົກລົງແຮ່ທາດສິ້ນສຸດລົງ ຊຶ່ງ ທ່ານ ດໍໂນລ ທຣໍາ ໄດ້ໂຕ້ແຍ້ງວ່າ ເປັນສິ່ງທີ່ຈຳເປັນຕໍ່ການສະໜັບສະໜູນ ຢູເຄຣນຢ່າງຕໍ່ເນື່ອງຂອງສະຫະລັດ.

ທ່ານ ດໍໂນລ ທຣໍາ ພະຍາຍາມຊຸກຍູ້ໃຫ້ຍຸຕິການສູ້ລົບ ແຕ່ ທ່ານ ເຊເລັນສກີ ສະແດງຄວາມກັງວົນວ່າ ທ່ານ ດໍໂນລ ທຣໍາ ກຳລັງພະຍາຍາມຍຸຕິການຂັດແຍ້ງໂດຍໃຊ້ເງື່ອນໄຂທີ່ເອື້ອປະໂຫຍດຕໍ່ ມົສກູ ຫຼາຍກວ່າ ກິຢິບ.

ເມື່ອວັນຈັນຜ່ານມາ ປະທານາທິບໍດີຜູ້ມີຄວາມຄິດທາງທຸລະກິດ ໄດ້ເນັ້ນໜັກປະເດັນທີ່ກົງໄປກົງມາຫຼາຍຂຶ້ນເລື້ອຍ ໆ ຂອງ ທ່ານ ທີ່ວ່າ ຖ້າຢູເຄຣນ ຕ້ອງການຢູ່ລອດ ທ່ານ ເຊເລັນສກີ ຈໍາເປັນຕ້ອງເຊັນຂໍ້ຕົກລົງ.

ອ່ານຂ່າວເປັນພາສາອັງກິດ

U.S. President Donald Trump has placed a pause on aid to Ukraine, the White House announced late Monday.

"The President has been clear that he is focused on peace,” a senior administration official told VOA in an email. The official is not being named, as is customary when engaging with reporters. “We need our partners to be committed to that goal as well. We are pausing and reviewing our aid to ensure that it is contributing to a solution."

Ukrainian President Volodymyr Zelenskyy said in his nightly address Monday that his country needs “real, fair peace,” as well as security guarantees to ensure Russia does threaten Ukraine again in the future.

“It was precisely the lack of security guarantees for Ukraine 11 years ago that allowed Russia to start with the occupation of Crimea and the war in Donbas,” Zelenskyy said. “Then, the absence of security guarantees allowed Russia to launch the full-scale invasion. And now, because there are still no defined security guarantees, it is Russia that is keeping this war going.”

Earlier Monday, Trump was pointed in saying a deal for rare earth minerals was key to continued U.S. support of Ukraine, and said he would make an announcement on the matter Tuesday when he speaks before a joint session of Congress.

There was fallout on both sides of the Atlantic Monday amid mounting European concerns about Ukraine’s future, as European leaders scrambled after Trump’s contentious Friday exchange with Zelenskyy. That Oval Office blow-up ended an attempt to sign the minerals deal that Trump argued was essential for continuing U.S. support for Ukraine.

Trump has pushed to end the fighting, but Zelenskyy has expressed fears that Trump is attempting to settle the conflict on terms more favorable to Moscow than Kyiv.

On Monday, the business-minded president hammered his increasingly blunt point: If Ukraine wants to survive, Zelenskyy needs to make a deal.