ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານທຣຳ ສັ່ງໃຫ້ທົບທວນ ລະບຽບ ຂອງ ລະບົບການເງິນ


ປະທານາທິບໍດີ ດໍໂນລ ທຣຳ ເປີດດຳລັດທີ່ທ່ານເຊັນໃຫ້ເບິ່ງ ຂະນະທີ່ລັດຖະມົນຕີການເງິນ ທ່ານ Steven Mnuchin ຢືນຢູ່ທາງຂ້າງ. (21 ເມສາ 2017)
ປະທານາທິບໍດີ ດໍໂນລ ທຣຳ ເປີດດຳລັດທີ່ທ່ານເຊັນໃຫ້ເບິ່ງ ຂະນະທີ່ລັດຖະມົນຕີການເງິນ ທ່ານ Steven Mnuchin ຢືນຢູ່ທາງຂ້າງ. (21 ເມສາ 2017)

ປະທານາທິບໍດີ​ສະຫະລັດ ທ່ານ​ດໍໂນ​ລ ທຣຳ ​ໄດ້​ສັ່ງ​ໃຫ້​ທົບ​ທວນ​ໂດຍ​ເຕັມ​ເບິ່ງອຳນາດ​
ຕ່າງໆ​ ທີ່​ໄດ້​ມອບ​ໝາຍ​ໃຫ້​ ພວກ​ອອກ​ກົດ​ລະບຽບ ທີ່​ກຳກັບ​ນຳ​ເລື່ອງ​ທະນາຄາ​ນ​ ແລະ​ອຸດສາຫະກຳ​ການ​ເງິນ ຫຼັງ​ຈາກ​ທີ່​ໄດ້​ເກີດ​ໄພພິບັດ​ທາງ​ດ້ານ​ການ​ເງິນ​ໃນ​ປີ 2008.

ທ່ານ​ທຣຳ ​ໄດ້​ໄປ​ຢ້ຽມຢາມ​ກະຊວງ​ການ​ເງິນ ​ໃນວັນ​ສຸກ​ວານ​ນີ້ ​ເພື່ອເຊັນ​ດຳລັດ 3 ສະ
ບັບ ທີ່​ສັ່ງ​ໃຫ້​ເລີ້ມຂັ້ນຕອນ ​ໃນ​ການປະຕິບັດ​ຕາມ​ຄຳ​ໝັ້ນສັນຍາ​ຂອງ​ທ່ານ​ທີ່​ໄດ້​ໃຫ້ໄວ້​
ໃນ​ລະຫວ່າງ​ການ​ໂຄສະນາ​ຫາ​ສຽງຊຶ່ງ​ຈະ​ລຶບລ້າງກົດ​ລະບຽບຕ່າງໆທີ່​ທ່ານ​ກ່າວ​ວ່າບໍ່
​ເໝາະ​ສົມ​ສຳລັບເສດຖະກິດ.

ປະທານາທິບໍດີ​ທຣຳ ກ່າວ​ໃນ​ຂະນະ​ທີ່​ທ່ານເຊັນ ​ດຳລັດ​ທັງ 3 ວ່າ “ລັດຖະບານຂອງ​
ທ່ານ​ທັງ​ໝົດ ​ແມ່ນ​ເຮັດ​ວຽກ 24 ຊົ່ວ​ໂມງ ​ເພື່ອ​ຊ່ອຍ​ໃຫ້​ຊາວ​ອາ​ເມຣິກັນ​ ທີ່ກຳລັງ​ດີ້ນ
ຮົນບັນລຸ​ຄວາມ​ຝັນ​ທາງດ້ານ​ການ​ເງິນ​ຂອງ​ພວກ​ເຂົາ​ເຈົ້າແລະ​ມີ​ຄວາມ​ເຊື່ອ​ໝັ້ນຢ່າງ
​ແທ້​ຈິງ ໃນ​ອະນາຄົດ.​ ຮ່ວມ​ກັນ​ແລ້ວ ພວກ​ເຮົາ ​ກໍ​ຈະ​ສາມາດ ​ຟື້ນຟູຄວາມ​ອຸດົມ​ຮັ່ງມີ
​ຂອງ​ປະ​ເທດ​ນີ້​ໄດ້.”

ປ. ດໍໂນລ ທຣຳ ຈັບມືກັບ ລັດຖະມົນຕີການເງິນ ທ່ານ Steven Mnuchin
ປ. ດໍໂນລ ທຣຳ ຈັບມືກັບ ລັດຖະມົນຕີການເງິນ ທ່ານ Steven Mnuchin

ລັດຖະມົນຕີ​ກະຊວງ​ການ​ເງິນ ທ່ານ Steve Mnuchin ​ໃຫ້ການ​ອະທິບາຍ​ວ່າ ດຳລັດ
2 ສະບັບ ຊຶ່ງ​ໃນ​ທີ່​ສຸດ​ແມ່ນ​ຈະ​ພາ​ໃຫ້​ມີ​ການ​ແກ້​ໄຂ​ທີ່​ສຳຄັນໆກ່ຽວ​ກັບຂໍ້​ກຳນົດ​ຕ່າງໆ
ຢູ່​ໃນ​ກົດໝາຍ​ການ​ປະຕິ​ຮູບ​ຕະຫລາດ​ຮຸ້ນ Dodd-Frank ສະບັບປີ 2010.

ທ່ານ Mnuchin ກ່າວ​ວ່າ “​ເປົ້າໝາຍ​ຂອງ​ພວກ​ເຮົາ ກໍ​ຄື​ເຮັດ​ໃຫ້ຂັ້ນຕອນ​ນີ້​ເປັນ​ຂັ້ນ
ຕອນ​ທີ່ສະຫຼາດ​ຂຶ້ນ ມີ​ປະສິດທິ​ຜົນ​ຫຼາຍຂຶ້ນທີ່​ສາມາດ​ຫຼຸດຜ່ອນ​ຄວາມ​ສ່ຽງຢ່າງ​ເປັນ
​ລະບົບ ທີ່​ໄດ້​ສ້າງ​ຄວາມ​ເສຍ​ຫາຍ​ຢ່າງ​ຫລວງຫລາຍ​ໃຫ້​ແກ່​ຊາວ​ອາ​ເມຣິກັນ ​ໃນ​ລະ
ຫວ່າງ​ທີ່​ເກີດ​ວິ​ກິດ​ການ​ດ້ານ​ການ​ເງິນ​ ​ໃນ​ປີ 2008.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG