ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ປ. ທຣຳ ລົງນາມ ສັ່ງໃຫ້ ໂຮງ​ໝໍ ແຈ້ງຄ່າຮັກສາພະຍາບານ ກ່ອນ​ການ​ຮັກ​ສາ


ປະທານາທິບໍດີສະຫະລັດ ທ່ານດໍໂນລ ທຣຳ ລົງນາມໃນດຳລັດ
ຝ່າຍບໍລິຫານ ທີ່ຮຽກຮ້ອງໃຫ້ມີການນຳສະເໜີ ຄ່າໃຊ້ຈ່າຍ ໃນການຮັກສາພະຍາບານຕົວຈິງ ໃນການກວດຂັ້ນພື້ນຖານ ແລະຂັ້ນຕອນຕ່າງໆ ທີ່ຈະເຮັດໃຫ້ລາຄາຕ່ຳ ທີ່ທຳນຽບຂາວ, 22 ມິຖຸນາ 2019.
ປະທານາທິບໍດີສະຫະລັດ ທ່ານດໍໂນລ ທຣຳ ລົງນາມໃນດຳລັດ ຝ່າຍບໍລິຫານ ທີ່ຮຽກຮ້ອງໃຫ້ມີການນຳສະເໜີ ຄ່າໃຊ້ຈ່າຍ ໃນການຮັກສາພະຍາບານຕົວຈິງ ໃນການກວດຂັ້ນພື້ນຖານ ແລະຂັ້ນຕອນຕ່າງໆ ທີ່ຈະເຮັດໃຫ້ລາຄາຕ່ຳ ທີ່ທຳນຽບຂາວ, 22 ມິຖຸນາ 2019.

ປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ດໍ​ໂນ​ລ ທ​ຣຳ ໄດ້​ລົງ​ນາມ ​ໃນ​ດຳ​ລັດຝ່າຍ​ບໍ​ລິ​ຫານ
ໃນ​ວັນ​ຈັນ​ວານ​ນີ້ ໃນ​ອັນ​ທີ່​ທ່ານ​ເອີ້ນ​ວ່າ “ການ​ເອົາ​ບາດ​ກ້າວລິ​ເລີ້ມ” ທີ່​ຈະ​ເພີ້ມ
“ຄຸນ​ນະ​ພາບ, ລາ​ຄາ​ຍ່ອມ​ເຍົາ ແລະ​ທ່ຽງ​ທຳ” ເຂົ້າໃນລະ​ບົບ​ການ​ຮັກສາ​ສຸ​ຂະ​ພາບ ​
ຂອງສະ​ຫະ​ລັດ.

ດຳ​ລັດ​ດັ່ງ​ກ່າວ ​ຈະ​ບັງ​ຄັບ​ໃຫ້​ໂຮງ​ພະ​ຍາ​ບານ​ຕ່າງໆ ແຈ້ງ​ຄ່າ​ຮັກ​ສາ​ໃຫ້​ຮູ້​ລ່ວງ​ໜ້າ​ ເພື່ອ​ສະ​ແດງໃຫ້ຜູ້​ປ່ວຍ​ຊາບ​ເຖິງ​ຄ່າ​ໃຊ້​ຈ່າຍ​ທີ່​ຈະ​ຕ້ອງ​ຮັບ​ຜິດ​ຊອບ ໃນ​ວິ ​ທີທີ່ທ່ານ​ທ​ຣຳ ເອີ້ນ​ວ່າ ຈະ​ເປັນ​ການ “ຈະ​ແຈ້ງ, ກົງ​ໄປ​ກົງ​ມາ ແລະ​ເຂົ້າ​ເຖິງ​ໄດ້.”

ນີ້​ໝ​າຍຄວາມວ່າ ຈະ​ຕ້ອງ​ໄດ້​ບອກ​ຜູ້​ປ່ວຍ​ໃຫ້​ຊາບແຕ່ຫົວ​ທີ​ວ່າ ​ຈະ​ມີຄ່າ​ໃຊ້​ຈ່າຍຫຼາຍ​ປານໃດ ​ທີ່​ຜູ້​ກ່ຽວ​ຄາດ​ວ່າຈະ​ຕ້ອງ​ຈ່າຍເອງ ​ຈາກ​ຖົງ​ຂອງ​ຜູ້​ກ່ຽວ ແລະຄ່າໃຊ້​ຈ່າຍ​ຈາກ​ບໍ​ລິ​ສັດ​ປະ​ກັນ​ໄພ.

ທ່ານ​ທ​ຣຳ ກ່າວ​ວ່າ ຜູ້​ປ່ວຍ​ຈະ​ສາ​ມາດ​ຊອກ​ຫາທ່ານ​ໝໍຄົນ​ອື່​ນ ຖ້າ​ຫາກວ່າທາງ ​ເລືອກ​ອັນ​ທຳ​ອິດ​ນັ້ນ ​ມີ​ຄ່າ​ໃຊ້​ຈ່າຍ​ສູງ​ເກີນ​ໄປ.

​ທ່ານ​ທ​ຣຳ ​ກ່າວ​ວ່າ “ພວກ​ເຮົາ​ເຊື່ອ​ວ່າ ຊາວ​ອາ​ເມ​ຣິ​ກັນ ແມ່ນ​ມີ​ສິດ​ທີ່​ຈະ​ຊາ​ບ​ເຖິງ​ຄ່າ​ໃຊ້​ຈ່າຍ​ໃນ​ການ​ປິ່ນ​ປົວ ກ່ອນ​ທີ່​ຈະ​ເຂົ້າ​ໄປ​ຫາ​ທ່ານໝໍ.”

ປະ​ທາ​ນາ​ທິ​ບໍ​ດີ ໄດ້​ຈົ່ມ​ ​ມາ​ໄດ້​ຫຼາຍ​ທົດ​ສະ​ວັດ​ແລ້ວ ທີ່​ວ່າ ພວກ​ບໍ​ລິ​ສັດ​ປະ​ກັນ​ໄພ​ສຸ​ຂະ​ພາບ​ທັງ​ຫຼາຍ, ພວກວິ່ງ​ເຕັ້ນທັງ​ມວນ ແລະພວກ​ທີ່​ຫາ​ຜົນ​ປະ​ໂຫຍດ​ພິ​ເສດ ທີ່​ບໍ່​ໂປ່ງ​ໃສ ໃນ​ການເປີດ​ເຜີຍ​ເຖິງ​ຄ່າ​ໃຊ້ຈ່າຍແທ້ໆ ຂອງ​ການ​ຮັກ​ສາ​ພະ​ຍາ​ບານ​ຜູ້​ປ່ວຍ, ຊຶ່ງ​ມີ​ຂຶ້ນ​ເລື້ອຍໆ ທີ່​ວ່າມີຄ່າ​ໃຊ້​ຈ່າຍ​ສູງ​ຫຼາຍ ແລະຄ່າອື່​ນໆ​ທີ່ພວກ​ຜູ້ປ່ວຍຄາດ​ບໍ່​ເຖິງ.

“ການ​ຂາດຄວາມ​ໂ​ປ່ງໃສເລື້ອງ​ຄ່າ​ໃຊ້​ຈ່າຍ ແມ່ນ​ໄດ້​ສ້າງ​ຜົນ​ປະ​ໂຫຍດ​ຕໍ່​ອຸດ​ສາ​ຫະ​ກຳ​ຍັກ​ໃຫຍ່ນີ້ຢ່າງ​ຫຼວງ​ຫຼາຍ, ຊຶ່ງ​ເຮັດ​ໃຫ້​ຊາວ​ອາ​ເມ​ຣິ​ກັນ ​ມີ​ຄ່າ​ໃຊ້ຈ່າຍຈຳ​ ນວນ​ຫຼາຍ​ຮ້ອຍ​ພັນ​ລ້ານ​ໂດ​ລາ ໃນ​ແຕ່​ລະ​ປີ.”

ທ່ານ​ທ​ຣຳ ກ່າວ​ວ່າ ທ່ານ​ໄດ້​ເຫັນ​ຄ່າ​ຮັກ​ສາ​ພະ​ຍາ​ບານ ເຊັ່ນ 800 ໂດ​ລາ ສຳ​ລັບ​ນ້ຳ​ເກືອ, 6,000 ໂດ​ລາ ສຳ​ລັບ​ການກວດ​ສອບ​ເລື້ອງ​ພວກຕິດ​ຢາ​ເສບ​ຕິດ ແລະສູງກວ່າ 17,000 ໂດ​ລາ ສຳ​ລັບ​ຫ​ຍິບບາດ​ແຜ​ເທົ່າ​ນັ້ນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

XS
SM
MD
LG