ປະທານາທິບໍດີສະຫະລັດ ທ່ານດໍໂນລ ທຣໍາ ໃນວັນສຸກວານນີ້ ໄດ້ກ່າວໂຈມຕີ ການສືບ
ສວນກ່ຽວກັບການແຊກແຊງຂອງຣັດເຊຍ ໂດຍອົງການສັນຕິບານກາງ ຫລື FBI ຂອງ
ສະຫະລັດ ແລະໄດ້ເປີດກວ້າງໃນຄວາມເປັນໄປໄດ້ທີ່ ປະທານາທິບໍດີ ໃຫ້ອະໄພໂທດ ແກ່ອະດີດທີ່ປຶກສາດ້ານຄວາມໝັ້ນຄົງແຫ່ງຊາດ ທ່ານໄມເກີລ ຟລິນ ຜູ້ທີ່ສາລະພາບຜິດ
ວ່າ ໄດ້ຕົວະບັນດາເຈົ້າໜ້າທີ່ອົງການ FBI ນັ້ນ.
ປະທານາທິບໍດີທຣໍາກ່າວຕໍ່ບັນດານັກຂ່າວ ຢູ່ນອກທຳນຽບຂາວກ່ອນເດີນທາງໄປສະ
ຖາບັນແຫ່ງຊາດຂອງອົງການສັນຕິບານກາງ ຢູ່ທີ່ກວນຕິໂກໃນລັດເວີຈີເນຍ ທີ່ຕັ້ງຢູ່ໃກ້
ຄຽງນັ້ນວ່າ “ຂ້າພະເຈົ້າບໍ່ຢາກເວົ້າກ່ຽວກັບການໃຫ້ອະໄພໂທດໃຫ້ແກ່ທ່ານໄມເກີລ ຟລິນ
ເທື່ອ” ທ່ານກ່າວເພີ້ມອີກວ່າ “ພວກເຮົາຈະຖ້າເບິ່ງວ່າ ມີຫຍັງເກີດຂຶ້ນ. ຂ້າພະເຈົ້າສາ
ມາດເວົ້າໄດ້ວ່າ ເວລາທ່ານເບິ່ງວ່າ ມີຫຍັງເກີດຂຶ້ນ ກັບອົງການສັນຕິບານກາງແລະກັບ
ກະຊວງຍຸຕິທໍາ ຜູ້ຄົນພາກັນໂກດແຄ້ນເປັນທີ່ສຸດ.”
ຕໍ່ມາໃນວັນສຸກ ເຖິງຢ່າງໃດກໍດີ ທະນາຍຄວາມຂອງທຳນຽບຂາວ ທ່ານທາຍ ຄອບບ
ກ່າວວ່າ “ບໍ່ ບໍ່ມີການພິຈາລະນາຢູ່ທີ່ທຳນຽບຂາວ ຕໍ່ການທີ່ຈະໃຫ້ອະໄພໂທດແກ່
ທ່ານໄມເກີລ ຟລິນ.”
ໃນຕົ້ນເດືອນນີ້ ທ່ານຟລິນໄດ້ສາລະພາບຜິດວ່າ ຕົວະບັນດາເຈົ້າໜ້າທີ່ອົງການສັນຕິ
ບານກາງ ແລະໄດ້ຕົກລົງ ທີ່ຈະໃຫ້ການຮ່ວມມືແກ່ການສືບສວນຂອງໄອຍະການພິເສດເພື່ອກວດກາເບິ່ງການກ່າວຫາຕ່າງໆກ່ຽວກັບການແຊກແຊງຂອງ ຣັດເຊຍ ເຂົ້າໃນການ
ເລືອກຕັ້ງປີ 2016 ແລະການສົມຮູ້ຮ່ວມຄິດລະຫວ່າງມົສ ກູ ແລະການໂຄສະນາຫາສຽງ
ຂອງທ່ານທຣໍາ.
ທ່ານຟລິນ ນາຍພົນເບ້ຍບຳນານ ອາຍຸ 59 ປີ ໄດ້ຮັບສາລະພາຍຜິດຕໍ່ນຶ່ງກະທົງໃນ
ການໃຫ້ການເທັດຕໍ່ອົງການສັນຕິບານກາງ ກ່ຽວກັບການສົນທະນາສ່ວນໂຕຂອງທ່ານ
ກັບທ່ານເຊີເກ ກິສລີຢັກ ໃນເດືອນທັນວາປີ 2016 ຊຶ່ງໃນເວລານັ້ນ ຜູ້ກ່ຽວຍັງເປັນເອກ
ອັກຄະລັດຖະທູດຣັດເຊຍປະຈຳວໍຊິງຕັນ.
