ມະຫາເສດຖີ ພັນລ້ານ ທ່ານ Donald Trump ສືບຕໍ່ມີຄະແນນ
ນຳໜ້າ ຄູ່ແຂ່ງຂັນ ເປັນປະທານາທິບໍດີ ສະຫະລັດ ສັງກັດພັກ
ຣີພັບບລີກັນ ຄົນອື່ນໆ ອີງຕາມການຢັ່ງຫາງສຽງ ຄັ້ງຫລ້າສຸດ.
ແຕ່ການມີຄະແນນນຳໜ້າ ຂອງທ່ານ Trump ໄດ້ຫລຸດລົງ ໃນ
ການຢັ່ງຫາງສຽງທົ່ວປະເທດ 2 ຄັ້ງຜ່ານມາ ຫຼັງຈາກທີ່ບັນດາ
ຄູ່ແຂ່ງຂອງທ່ານ ໄດ້ປະເຊີນໜ້າກັບທ່ານ ໃນການໂຕ້ວາທີ
ຮອບທີ 2 ຂອງພັກຣີພັບບລີກັນ ເມື່ອສອງອາທິດແລ້ວນີ້ ຜູ້ສື່
ຂ່າວແຫ່ງຊາດຂອງວີໂອເອ Jim Malone ມີລາຍງານກ່ຽວກັບ
ການແຂ່ງຂັນ ເພື່ອໃຫ້ໄດ້ຮັບການແຕ່ງຕັ້ງ ເປັນຜູ້ສະໝັກ ປະທາ
ນາທິບໍດີ ຂອງພັກຣີພັບບລີກັນ ຈາກວໍຊິງຕັນ ຊຶ່ງໄຊຈະເລີນສຸກ
ຈະນຳມາ ສະເໜີທ່ານ ໃນອັນດັບຕໍ່ໄປ.
ບັນດາຜູ້ສະໝັກ ລົງແຂ່ງຂັນ ເປັນປະທານາທິບໍດີ ຈາກພັກຣີພັບບລີກັນ
ທ່ານ Donald Trump ຜູ້ສະໝັກເປັນປະທານາທິບໍດີ ເວົ້າວ່າ “ຂ້າພະເຈົ້າ ອິດເມື່ອຍຫຼາຍ ກ່ຽວກັບເລື່ອງ ການເມືອງໃນທາງ ທີ່ຖືກຕ້ອງ ເຫຼົ່ານັ້ນ.”
ທ່ານ Donald Trump ຍັງສືບຕໍ່ເປັນຈຸດສູນກາງຄວາມສົນໃຈ ໃນການແຂ່ງຂັນ ຂອງພັກ ຣີພັບບລີກັນ.
ແຕ່ການຫັນປ່ຽນ ໄດ້ເກີດຂຶ້ນ ໃນການໂຕ້ວາທີ ຮອບທີ 2 ເວລາບັນ ດາຄູ່ແຂ່ງ ທີ່ລວມມີອະດີດຜູ້ປົກຄອງລັດລັດຟໍຣີດາ ທ່ານ Jeb Bush ທີ່ໄດ້ອອກມາໂຈມຕີ ທ່ານ Trump.
ທ່ານ Jeb Bush ເວົ້າວ່າ “ລາວຢາກໃຫ້ມີ ກາຊີໂນ ບ່ອນເຫລັ້ນການພະນັນ ຢູ່ໃນ
ລັດຟໍຣີດາ.”
ທ່ານ Trump ຕອບວ່າ “ບໍ່ ຂ້ອຍບໍ່ຕ້ອງການ.”
ທ່ານ Bush ເວົ້າວ່າ “ແມ່ນແລ້ວ ເຈົ້າຕ້ອງການ.”
ທ່ານ Trump ຕອບໄປວ່າ “ອັນນັ້ນ ແມ່ນບໍ່ຖືກຕ້ອງເລີຍ.”
ທ່ານ Bush ເວົ້າຕໍ່ວ່າ “ແລະເຈົ້າບໍ່ສາມາດເຮັດໄດ້ ເພາະວ່າ ຂ້ອຍໄດ້ຄັດຄ້ານ ຕໍ່ ການມີກາຊີໂນ ບ່ອນເຫລັ້ນການພະນັນ ກ່ອນໜ້ານີ້ ໃນລະຫວ່າງ ແລະ ຫຼັງຈາກ
ນັ້ນມາ! ແລະ ບໍ່ມີໃຜ ຊື້ຈ້າງຂ້ອຍໄດ້.”
ທ່ານ Trump ຕອບໄປວ່າ “ຂ້ອຍ ສັນຍາວ່າ ຖ້າຂ້ອຍຕ້ອງການມັນ ຂ້ອຍກໍຈະຕ້ອງ
ໄດ້ມັນ.”
ທ່ານ Trump ຍັງຄົງທ້າທາຍ ຢູ່ຕາມເສັ້ນທາງການຫາສຽງ.
ທ່ານ Trump ເວົ້າວ່າ “ຂ້າພະເຈົ້າ ຈະຕໍ່ສູ້ເພື່ອ ເສລີພາບ ສຳຫລັບທ່ານ ດັ່ງທີ່ບໍ່ມີໃຜ
ສາມາດຕໍ່ສູ້ໄດ້ ເພາະວ່າ ຂ້າພະເຈົ້າເປັນນັກຕໍ່ສູ້ ທີ່ດີເດັ່ນ ຂ້າພະເຈົ້າຈະບອກທ່ານ
ຄືຈັ່ງຊັ້ນ. ຂ້າພະເຈົ້າເປັນນັກຕໍ່ສູ້ທີ່ ດີເດັ່ນ. ແລະຂ້າພະເຈົ້າຊະນະເລີດ. ແທ້ຈິງແລ້ວ ຂ້າພະເຈົ້າຊະນະ ເລື້ອຍໆ ແລະ ພວກເຮົາຈະຊະນະ.”
ຄະແນນສຽງ ຂອງອະດີດຜູ້ບໍລິຫານທຸລະກິດ ທ່ານນາງ Carly Fiorina ກຳລັງສູງຂຶ້ນ ຫຼັງຈາກ ທີ່ໄດ້ທຳການໂຕ້ວາທີໄປແລ້ວ. ແຕ່ມັນເປັນເລື້ອງທີ່ແຕກຕ່າງ ສຳຫລັບ ຜູ້ປົກຄອງລັດ Wisconsin ທ່ານ Scott Walker ທີ່ໄດ້ຖອນຕົວອອກຈາກການແຂ່ງຂັນ ແລະໄດ້ຮຽກຮ້ອງ
ໃຫ້ຜູ້ອື່ນໆ ໃຫ້ເຮັດຄືກັນ.
ທ່ານ Walker ເວົ້າວ່າ “ເພາະສະນັ້ນ ບັນດາຜູ້ມີສິດປ່ອນບັດ ສາມາດເພັ່ງເລັງໃສ່
ຈຳນວນຈຳກັດ ຂອງຜູ້ລົງສະໝັກ ທີ່ສາມາດ ນຳສະເໜີໃນແງ່ທາງບວກ ຜູ້ນິຍົມ
ແນວທາງເດີມທີ່ເປັນແນວທາງເລືອກ ເພື່ອແທນຜູ້ທີ່ກຳລັງ ນຳໜ້າໝູ່ໃນປັດຈຸບັນນີ້.”
ຜູ້ທີ່ຢູ່ນອກພັກອີກຄົນນຶ່ງ ມີຄະແນນສຽງດີ ໃນການຢັ່ງຫາງສຽງນັ້ນ ກໍແມ່ນ ທ່ານໝໍຜ່າຕັດ ລະບົບເສັ້ນປະສາດ ທ່ານ Ben Carson ຜູ້ທີ່ພະຍາຍາມ ຍົກຕົວຂຶ້ນເໜືອການຕໍ່ສູ້ກັນ.
ດຣ. Carson ເວົ້າວ່າ “ ແລະປະຊາຊົນ ມັກເລື້ອງທີ່ມີການປະທະກັນ ພວກເຂົາເຈົ້າ ມັກໃຫ້ມີການຕໍ່ສູ້ກັນ. ແລະອັນນັ້ນ ແມ່ນບໍ່ເປັນການດີສຳຫລັບພວກເຮົາ ໃນປະເທດນີ້.”
ນັກວິເຄາະ Norman Ornstein ຈາກສະຖາບັນ American Enterprise ກ່າວວ່າ ເລື້ອງລາວ
ການແຂ່ງຂັນ ຂອງພັກຣີພັບບລີກັນ ກໍຄື ບັນດານັກການເມືອງຈາກນອກພັກແມ່ນໄດ້ຮັບ
ຄະແນນນິຍົມສູງ.
ທ່ານ Ornstein ເວົ້າວ່າ “ອັນທີ່ຂ້າພະເຈົ້າໄດ້ເຫັນ ກໍແມ່ນ ການຕໍ່ສູ້ສຳລັບຈິດວິນຍານ
ຂອງພັກຣີພັບບລີກັນ ລະຫວ່າງ ກຸ່ມຈັດຕັ້ງພາຍໃນພັກ ທີ່ເປັນກຸ່ມນິຍົມແນວທາງ
ເດີມຢ່າງຍິ່ງ ແລະ ກຸ່ມກະບົດທີ່ມີພວກຄົນຢູ່ພາຍນອກພັກ ທີ່ຕໍ່ຕ້ານການຈັດຕັ້ງ ຊຶ່ງ
ພວກເຂົາຫຼາຍຄົນ ແມ່ນບໍ່ເຄີຍເຂົ້າຮັບຕຳແໜ່ງເລີຍ ທີ່ໃນປັດຈຸບັນນີ້ ມີອຳນາດເໜືອ
ກວ່ານັ້ນ.”
ທ່ານ Trump ໄດ້ຜິດພາດ ໃນເລື້ອງນະໂຍບາຍ ການຕ່າງປະເທດ ແລະຫຼາຍເທື່ອ ກໍຂາດ
ຄວາມເຂົ້າໃຈ ທີ່ສະເພາະເຈາະຈົງ ແຕ່ມາເຖິງປັດຈຸບັນນີ້ ມັນກໍບໍ່ໄດ້ລົບກວນບັນດາຜູ້ສະໜັບ
ສະໜູນຂອງທ່ານເລີຍ.
ທ່ານ Ornstein ເວົ້າວ່າ “ພວກປະຊາຊົນທີ່ສະໜັບສະໜູນ ທ່ານ Trump ຊຶ່ງເປັນ
ພວກປະຊານິຍົມທີ່ບໍ່ພໍອົກພໍໃຈ ພວກເຂົາເຈົ້າມອງພວກນັກການເມືອງ ຜູ້ທີ່ຮູ້ຈັກ
ທຸກໆ ລາຍລະອຽດຂອງນະໂຍບາຍ ຜູ້ທີ່ກ່າວໃນຂອບເຂດ ທີ່ມີຄວາມບໍ່ຈ່າງແຈ້ງ
ຜູ້ທີ່ສະເໜີວ່າ ມີທຸກສິ່ງທຸກຢ່າງ ຂອງຄຸນວຸດທິຕ່າງໆ ແລະ ອັນນັ້ນ ມັນແມ່ນຄວາມ
ຂີ້ຮ້າຍທີ່ສຸດ ສະເພາະພວກເຂົາເຈົ້າ. ແລະອັນນັ້ນ ອັນເປັນສິ່ງທີ່ນຳໄປສູ່ບັນຫາຕ່າງໆ
ທີ່ພວກເຂົາເຈົ້າ ເຫັນຢູ່ແລ້ວໃນວົງການເມືອງ ບ່ອນທີ່ພວກຜູ້ນຳຂອງເຂົາເຈົ້າ ໄດ້
ປ່ອຍປະລະເລີຍພວກເຂົາ.”
ຜົນຂອງການຢັ່ງຫາງສຽງຄັ້ງຫຼ້າສຸດ ສະແດງໃຫ້ເຫັນວ່າ ທ່ານນາງ Fiorina ແລະ ທ່ານ
Carson ກໍາລັງແຂ່ງກັນ ຊິງເອົາຕຳແໜ່ງທີສອງ ຕາມຫລັງທ່ານ Trump ຊຶ່ງການແຂ່ງຂັນ
ຮອບທຳອິດ ທີ່ລັດ Iowa ຍັງຢູ່ຫ່າງໄກພຽງ 4 ເດືອນເທົ່ານັ້ນ.
