ລິ້ງ ສຳຫລັບເຂົ້າຫາ

logo-print

ປ. ​ທ​ຣຳ ເວົ້າວ່າ ​​ຈະສືບຕໍ່ ສະໜັບສະໜຸນ ທ່ານຄາ​ແວ​ນໍ ໂດຍເວົ້າວ່າ ທ່ານ “​ເປັນ​ຄົນ​ດີ​ແທ້ໆ”


ປະ​ທາ​ນາ​ທິ​ບໍ​ດີ​ ​ດໍ​ໂນ​ລ ທ​ຣຳ ຍົກໂປ້ໃຫ້ຝູງຄົນ ທີ່ໄປຟັງ ການກ່າວຄໍາປາໄສຂອງທ່ານ ໃນເວລາ ທີ່ທ່ານໄປ​ເຖິ​ງ ບ່ອນ​ໂຄ​ສະ​ນາ​ຫາ​ສຽງ ​ທີ່​ນະ​ຄອນ​ລາ​ສ ເວ​ກາ​ສ ໃນວັນທີ 20 ກັນຍາ 2018

ປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ດໍ​ໂນ​ລ ທ​ຣຳ ຍັງ​ສືບ​ຕໍ່ ໃຫ້​ການ​ສະ​ໜັບ​ສະ​ໜຸນ
ທ່ານແບຣັດ ຄາແວນໍ ທີ່​ທ່ານ​ໄດ້​ສະ​ເໜີ​ແຕ່ງ​ຕັ້ງ​ໃຫ້​ເປັນ​ຜູ້​ພິ​ພາກ​ສາ​ສານ​ສູງ​ສຸດ
ໂດຍ​ກ່າວ​ເຖິງ​ທ່ານ ຢູ່​ທີ່​ບ່ອນ​ໂຄ​ສະ​ນາ​ຫາ​ສຽງ​ທີ່​ນະ​ຄອນ​ລາ​ສ ເວ​ກາ​ສ ໃນວັນ
​ພະ​ຫັດ​ວານນີ້​ວ່າ “ເປັນ​ສຸ​ພາບ​ບຸ​ຣຸດຍິ່ງ​ໃຫຍ່ ທີ່​ມີ​ຊື່​ສຽງບໍ່​ມີ​ຮອຍ​ດ່າງ​ພ້ອຍ.”

ທ່ານ​ທ​ຣຳ ກ່າວ​ເຖິງ​ທ່ານ​ຄາ​ແວ​ນໍ ທີ່​ພວມ​ປະ​ເຊີນ​ກັບ​ການ​ກ່າວ​ຫາ​ວ່າ ລວນ​ລາມ​
ທາງ​ເພດ ເມື່ອ 36 ປີ​ກ່ອນນັ້ນ​ວ່​າ “ທ່ານ​ເປັນ​ຄົນ​ດີ ຄົນ​ດີ​ແທ້ໆ.”

ທະນາຍຄວາມຂອງແມ່ຍິງທີ່ກ່າວຫາ ທ່ານ ແບຣັດ ຄາແວນໍ ຜູ້ຖືກສະເໜີຊື່ໃຫ້ ເປັນຜູ້ພິພາກສາສານສູງສຸດ ວ່າລວນລາມທາງເພດ ນັ້ນເວົ້າວ່າ ທ່ານນາງຢາກ
ຈະໄປໃຫ້ການ ຕໍ່ໜ້າຄະນະກໍາມະການຂອງສະພາສູງສະຫະລັດ ຖ້າມີການຮັບ
ປະກັນຄວາມປອດໄພໃຫ້ທ່ານນາງ.

ທະນາຍຄວາມ ເດບຣາ ຄາດຊ໌ (Debra Katz) ເວົ້າວ່າ ລູກຄວາມຂອງທ່ານ ນາງ
ຄືທ່ານນາງຄຣິສຕິນ ແບລຊີ ຝອດ (Christine Blasey Ford) ໄດ້ຖືກ ຂົ່ມຂູ່ເຖິງແກ່
ຊີວິດ ແລະທ່ານນາງ ພ້ອມດ້ວຍຄອບຄົວ ຈໍາເປັນຕ້ອງໄດ້ຍ້າຍອອກຈາກເຮືອນຂອງ
ພວກເຂົາເຈົ້າ ຢູ່ໃນລັດຄາລິຟໍເນຍນັ້ນ ໄປ.

ແຕ່ວ່າ ອີງຕາມລາຍງານຂອງອົງການຂ່າວແລ້ວ, ທ່ານນາງຄາດຊ໌ ເວົ້າຢູ່ໃນອີເມລ
ທີ່ຂຽນຫາຄະນະກຳມະການຕຸລາການສະພາສູງວ່າ ທ່ານນາງຝອດຍັງ ຢາກຈະໄປ
ໃຫ້ຄໍາໃຫ້ການຢູ່ “ແຕ່ຢູ່ໃນເງື່ອນໄຂທີ່ວ່າ ພວກເຮົາສາມາດຕົກລົງ ກັນໄດ້ວ່າ ຈະມີ
ການຄ້ຳ​ປະ​ກັນຄວາມເປັນທໍາແລະຄວາມປອດໄພຂອງທ່ານນາງ."

ທ່ານ ຈຊັກ ແກຣສລີ (Chuck Grassley) ປະທານຂອງຄະນະກຳມະການ ທີ່ສັງກັດ
ພັກຣີພັບບລິກັນ ໄດ້ຈັດໃຫ້ມີການຮັບຟັງຄໍາໃຫ້ການທັງຂອງທ່ານນາງ ຝອດ ແລະທ່ານ
ຄາແວນໍ ໂດຍໃຫ້ພວກທ່ານທັງສອງໄປປາກົດໂຕ ເພື່ອເລົ່າເລື້ອງຂອງຝ່າຍຕົນ ຢ່າງ
ເປີດເຜີຍ ໃນວັນຈັນທີ່ຈະມາເຖິງນີ້.

ແຕ່ທ່ານນາງຄາດຊ໌ ຂຽນວ່າ “ການໄປປາກົດໂຕເພື່ອໃຫ້ການໃນວັນຈັນນີ້ແມ່ນ ເປັນໄປ
ບໍ່ໄດ້ ແລະການທີ່ຄະນະກໍາມະການຢືນຢັດວ່າ ຕ້ອງເຮັດໃຫ້ໄດ້ນັ້ນ ກໍ ສະແດງວ່າເປັນ
ການບັງຄັບ ບໍ່ວ່າຈະຢູ່ໃນສະພາບໃດກໍຕາມ.”

ທ່ານນາງຄາດຊ໌ ເວົ້າວ່າ “ຄວາມປາດຖະໜາອັນແຮງກ້າຂອງທ່ານນາງ ຝອດ" ກໍຄືວ່າ
ໃຫ້ “ມີການສືບສວນຢ່າງເຕັມສ່ວນ” ກ່ອນທີ່ທ່ານນາງ ຈະໄປໃຫ້ການ. ກ່ອນໜ້ານີ້
ທ່ານນາງໄດ້ຮຽກຮ້ອງໃຫ້ມີການສືບສວນໂດຍອົງການສັນຕິບານ ກາງ ຫລື FBI
ຕໍ່ຂໍ້ກ່າວຫາທີ່ມີຕໍ່ທ່ານຄາແວນໍ.

ໃນຕອນທ້າຍໆ ວັນພະຫັດວານນີ້ ທໍານຽບຂາວໄດ້ນໍາເອົາຈົດໝາຍທີ່ ທ່ານ ຄາແວນໍ
ຂຽນຫາທ່ານ ແກຣສລີ (Chuck Grassley) ອອກມາເປີດເຜີຍ ຊຶ່ງໃນນັ້ນທ່ານຂຽນວ່າ
ທ່ານຢາກເວົ້າເລື້ອງຂອງທ່ານໃຫ້ຟັງ ໃນການຮັບຟັງ ຄໍາໃຫ້ການ ໃນວັນຈັນນີ້.

ທ່ານຂຽນດັ່ງນີ້ "ຂ້າພະເຈົ້າຈະໄປທີ່ນັ້ນ. ຂ້າພະເຈົ້າສືບຕໍ່ຢາກໃຫ້ມີການຮັບຟັງຄໍາໃຫ້
ການ ໃຫ້ໄວເທົ່າທີ່ຈະໄວໄດ້ ເພື່ອວ່າຈະກອບກູ້ຊື່ສຽງຂອງຕົນເອງ ໄວ້."

ອີງຕາມລາຍງານຂອງພວກນັກຂ່າວແລ້ວ ທ່ານຄາແວນໍ ກໍໄດ້ຮັບໃນສິ່ງທີ່ພວກ ເຈົ້າ
ໜ້າທີ່ປະຕິບັດກົດໝາຍເອີ້ນວ່າການຂົ່ມຂູ່ເຖິງຊີວິດຢ່າງຫຼວງຫຼາຍ ເຊັ່ນກັນ.

ທ່ານຄາແວນໍ ແມ່ນເປັນຄົນທີ່ປະທານາທິບໍດີ ດໍໂນລ ທຣໍາ ເລືອກມາເພື່ອໃຫ້ ກໍາຕໍາ
ແໜ່ງເປັນຜູ້ພິພາກສາສານສູງສຸດທີ່ຍັງຫວ່າງຢູ່ນັ້ນ ແທນຜູ້ພິພາກສາ ແອນໂທນີ
ເຄັນເນດີ ທີ່ລາກອອກກິນບໍນານແລ້ວນັ້ນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG