ລິ້ງ ສຳຫລັບເຂົ້າຫາ

ປ. ທຣຳ ເດີນທາງ ໄປຢ້ຽມຢາມ ອິສຣາແອລ ຄັ້ງທຳອິດ ຢ່າງເປັນທາງການ


ປະທານາທິບໍດີ ສະຫະລັດ ທ່ານ ດໍໂນລ ທຣຳ, ຢູ່ດ້ານຫລັງ ກາງເບື້ອງຊ້າຍ ແລະສະຕີໝາຍເລກນຶ່ງ ທ່ານນາງ ມາລາເນຍ ທຣຳ ໃນການເດີນທາງໄປເຖິງ ພິທີຕ້ອນຮັບ ຢູ່ທີ່ສະໜາມ ບິນສາກົນ Ben Gurion, ວັນທີ 22 ພຶດສະພາ 2017.

ປະທານາທິບໍດີ ສະຫະລັດ ທ່ານ ດໍໂນລ ທຣຳ ໄດ້ເດີນທາງໄປເຖິງ ອິສຣາແອລ
ໃນວັນຈັນມື້ນີ້ ໂດຍເຮັດໃຫ້ເປັນການຢ້ຽມຢາມຄັ້ງທຳອິດຂອງທ່ານ ໃນຖານະເປັນ
ປະທານາທິບໍດີ ຜູ້ທີ່ຢາກຈະຟື້ນຟູ ຄວາມພະຍາຍາມ ເພື່ອບັນລຸຂໍ້ຕົກລົງສັນຕິພາບ
ລະຫວ່າງ ອິສຣາແອລ ກັບ ປາແລັສໄຕນ໌ ທີ່ສະແຫວງຫາມາດົນນານແລ້ວນັ້ນ.

ການເດີນທາງຂອງທ່ານທຣຳ ຈາກນະຄອນຫຼວງ Riyadh ໄປຍັງນະຄອນ Tel Aviv
ດ້ວຍເຮືອບິນ Air Force One ທີ່ບິນໂດຍກົງ ລະຫວ່າງສອງປະເທດ ເປັນທີ່ສຳເລັດ
ນັ້ນ ແມ່ນເປັນປະຫວັດການອັນນຶ່ງ.

ປະທານາທິບໍດີ ສະຫະລັດ ທ່ານ ດໍໂນລ ທຣຳ, ຂວາ, ແລະ ສະຕີໝາຍເລກນຶ່ງ ທ່ານນາງ ມາລາເນຍ ທຣຳ ໂບກມືລາ ໃນຂະນະທີ່ກຳລັງຈະຂຶ້ນ ເຮືອບິນ Air Force One ເພື່ອເດີນທາງໄປຍັງ ອິສຣາແອລ, ຊຶ່ງເປັນການຢຸດແວ່ຕໍ່ໄປ ໃນການເດີນທາງໄປຕ່າງປະເທດຂອງທ່ານທຣຳ, ຢູ່ທີ່ສະໜາມບິນສາກົນກະສັດ Khalid, ວັນທີ 22 ພຶດສະພາ 2017.
ປະທານາທິບໍດີ ສະຫະລັດ ທ່ານ ດໍໂນລ ທຣຳ, ຂວາ, ແລະ ສະຕີໝາຍເລກນຶ່ງ ທ່ານນາງ ມາລາເນຍ ທຣຳ ໂບກມືລາ ໃນຂະນະທີ່ກຳລັງຈະຂຶ້ນ ເຮືອບິນ Air Force One ເພື່ອເດີນທາງໄປຍັງ ອິສຣາແອລ, ຊຶ່ງເປັນການຢຸດແວ່ຕໍ່ໄປ ໃນການເດີນທາງໄປຕ່າງປະເທດຂອງທ່ານທຣຳ, ຢູ່ທີ່ສະໜາມບິນສາກົນກະສັດ Khalid, ວັນທີ 22 ພຶດສະພາ 2017.

ນາຍົກລັດຖະມົນຕີ ອິສຣາແອລ ທ່ານ Benjamin Netanyahu ແລະ ປະທານາທິບໍດີ
Reuven Rivlin ແມ່ນລວມຢູ່ໃນບັນດາແຂກຄົນທີ່ໄດ້ໄປເຕົ້າໂຮມກັນເພື່ອພິທີຕ້ອນຮັບ
ຢູ່ທີ່ສະໜາມບິນ Ben-Gurion.

ຕາລາງເວລາ ຂອງທ່ານທຣຳ ໃນວັນຈັນມື້ນີ້ ປະກອບດ້ວຍ ການພົບປະ ກັບຜູ້ນຳທັງ
ສອງ ປະເທດດັ່ງກ່າວ ພ້ອມກັນກັບ ການຢ້ຽມຢາມ ກຳແພງກ້ຳຕາເວັນຕົກ ຫຼື
Western Wall ອັນເປັນສະຖານທີ່ສັກສິດທີ່ສຳຄັນຂອງອິສຣາແອລ. ໃນວັນອັງຄານ
ມື້ອື່ນ ທ່ານທຣຳ ມີກຳນົດຈະເຈລະຈາ ກັບປະທານາທິບໍດີ ຂອງປາແລັສໄຕນ໌ ທ່ານ
Mahmoud Abbas.

ບັນດາສະມາຊິກ ກຳລັງຮັກສາຄວາມປອດໄພ ຂອງອິສຣາແອລ ກວດກາ ທາງເຂົ້າ ໄປຍັງ ເມືອງເກົ່າແກ່ ຂອງ ເຈຣູເຊແລັມ ກອ່ນໜ້າທີ່ປະທານາທິບໍດີ ສະຫະລັດ ທ່ານ ດໍໂນລ ທຣຳ ຄາດໝາຍວ່າ ຈະເດີນທາງໄປເຖິງ ນະຄອນຫຼວງ ເຈຣູຊາແລັມ, ວັນທີ 22 ພຶດສະພາ 2017.
ບັນດາສະມາຊິກ ກຳລັງຮັກສາຄວາມປອດໄພ ຂອງອິສຣາແອລ ກວດກາ ທາງເຂົ້າ ໄປຍັງ ເມືອງເກົ່າແກ່ ຂອງ ເຈຣູເຊແລັມ ກອ່ນໜ້າທີ່ປະທານາທິບໍດີ ສະຫະລັດ ທ່ານ ດໍໂນລ ທຣຳ ຄາດໝາຍວ່າ ຈະເດີນທາງໄປເຖິງ ນະຄອນຫຼວງ ເຈຣູຊາແລັມ, ວັນທີ 22 ພຶດສະພາ 2017.

ທ່ານທຣຳ ໄດ້ກ່າວ ໃນເດືອນມີນາຜ່ານມາ ວ່າ ຂໍ້ຕົກລົງສັນຕິພາບ ລະຫວ່າງ
ອິສຣາແອລ ກັບ ປາແລັສໄຕນ໌ “ບາງທີ ຈະບໍ່ຫຍຸ້ງຍາກດັ່ງທີ່ພວກຄົນຄິດໄວ້” ແຕ່
ທ່ານບໍ່ໄດ້ໃຫ້ຄຳຊີ້ແຈງໃດໆ ກ່ຽວກັບວິທີ ທີ່ທ່ານອາດ ຈະຮັບມືກັບບັນຫາໃນແນວ
ທາງທີ່ແຕກຕ່າງໄປ. ທ່ານທຣຳ ໄດ້ມອບໝາຍໃຫ້ ທ່ານ Jared Kushner ລູກເຂີຍ
ແລະ ທີ່ປຶກສາອາວຸໂສ ຂອງທ່ານ ໃຫ້ເປັນຜູ້ນຳພາຄວາມພະຍາຍາມດັ່ງກ່າວ ສຳລັບ
ທຳນຽບຂາວ.

ທ່ານທຣຳ ໄດ້ກ່າວໃນລະຫວ່າງ ການໂຄສະນາຫາສຽງ ເປັນປະທານາທິບໍດີ ຂອງທ່ານ
ວ່າ ການເຈລະຈາທີ່ດີທີ່ສຸດ ກ່ຽວກັບຂໍ້ຕົກລົງ ແມ່ນເອົາອັນທີ່ທ່ານເອີ້ນວ່າ ແນວທາງ
ແບບ “ພາວະວິໄສ” ຕໍ່ບັນຫາຕ່າງໆ ທີ່ເອົາຈິງເອົາຈັງ ແລະ ແຕະຕ້ອງດ້ານຈິດໃຈ
ຫຼາຍທີ່ສຸດນັ້ນ ດ້ວຍການເອົາທັງສອງຝ່າຍ ອອກຈາກກັນ. ແຕ່ທ່ານໄດ້ກ່າວວ່າ ການ
ສືບຕໍ່ຕັ້ງ ສະຖານທີ່ຢູ່ອາໄສຕ່າງໆ ຂອງອິສຣາແອລ ນັ້ນ ແມ່ນບໍ່ຊ່ວຍຂະບວນການ
ສັນຕິພາບ ແລະ ໄດ້ຖອນຄຳໝັ້ນສັນຍາຂອງທ່ານ ທີ່ຈະຍ້າຍສະຖານທູດສະຫະລັດ
ຈາກນະຄອນ Tel Aviv ໄປຍັງ ນະຄອນຫຼວງ Jerusalem.

ການເຈຣະຈາສັນຕິພາບຄັ້ງສຸດທ້າຍໄດ້ແຕກຫັກລົງໃນປີ 2014.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG