ລິ້ງ ສຳຫລັບເຂົ້າຫາ

ວັນພະຫັດ, ໐໓ ເມສາ ໒໐໒໕

ທ່ານ ດໍໂນລ ທຣໍາ ກຳນົດອັດຕາພາສີໃໝ່ 25% ຕໍ່ ແມັກຊິໂກ ແລະ ການາດາ


ທ່ານ ດໍໂນລ ທຣໍາ ປະທານາທິບໍດີ ຂອງ ສະຫະລັດ ຍັງເດີນໜ້າປະກາດຂຶ້ນອັດຕາພາສີ ຕໍ່ແມັກຊິໂກ ແລະ ການາດາ
ທ່ານ ດໍໂນລ ທຣໍາ ປະທານາທິບໍດີ ຂອງ ສະຫະລັດ ຍັງເດີນໜ້າປະກາດຂຶ້ນອັດຕາພາສີ ຕໍ່ແມັກຊິໂກ ແລະ ການາດາ

ສະຫະລັດ ໄດ້ກຳນົດອັດຕາພາສີໃໝ່ 25% ສຳລັບສີນຄ້າສົ່ງອອກຈາກຄູ່ການ ຄ້າລາຍໃຫຍ່ສອງປະເທດຄື ແມັກຊິໂກ ແລະ ການາດາ ເມື່ອວັນອັງຄານມື້ນີ້ ໂດຍບໍ່ໄດ້ສົນໃຈຫຼັກຖານທີ່ປະເທດເພື່ອນບ້ານໄດ້ຫຼຸດການອົບພະຍົບເຂົ້າເມືອງຢ່າງຜິດກົດໝາຍແລະການໄຫຼເຂົ້າມາຂອງຢາເສບຕິດທີ່ຜິດກົດໝາຍເຂົ້າສູ່ສະ ຫະລັດອາເມຣິກາ ຕາມທີ່ປະທານາທິບໍດີ ທ່ານ ດໍໂນລ ທຣໍາ ຮຽກຮ້ອງ ອີງຕາມອົງການຂ່າວ ວີໂອເອ ລາຍງານ.

ຜູ້ນໍາສະຫະລັດ ປະກາດມາດຕະການເກັບພາສີຄັ້ງທໍາອິດ ເມື່ອເດືອນຜ່ານມາ ແລະ ໄດ້​ໂຈະ​ໄວ້​ຢ່າງວ່ອງ​ໄວຫຼັງຈາກຜູ້ນໍາ ການາດາ ແລະ ແມັກຊິໂກ ໃຫ້ຄຳໝັ້ນສັນຍາວ່າຈະດຳເນີນການ. ທ່ານ ດໍໂນລ ທຣໍາ ກ່າວກັບນັກຂ່າວ ໃນຊ່ວງຕອນບ່າຍຂອງວັນຈັນວານນີ້ວ່າ “ ບໍ່ມີບ່ອນຫວ່າງເຫຼືອສຳລັບ ແມັກຊິໂກ ຫຼື ການາດາແລ້ວ” ແລະ ພາສີຈະດຳເນີນຕໍ່ໄປ.

ນາຍົກລັດຖະມົນຕີ ຂອງການາດາ ທ່ານ ຈັສຕິນ ທຣູໂດ ກ່າວວ່າປະເທດ ຂອງທ່ານ “ຈະບໍ່ຍອມໃຫ້ການຕັດສິນໃຈທີ່ບໍ່ຍຸຕິທຳນີ້ບໍ່ໄດ້ຮັບຄຳຕອບ” ແລະ ປະກາດວ່າທ່ານຈະເກັບພາສີ 25% ຈາກສີນຄ້າຂອງສະຫະລັດມູນຄ່າ 155 ຕື້ໂດລາ.

ທ່ານ ທຣູໂດກ່າວວ່າ ການາດາ ໄດ້ສົ່ງບຸກຄະລາກອນແລະອຸປະກອນໄປທີ່ ຊາຍແດນເພື່ອຢຸດການໄຫຼເຂົ້າມາຂອງຢ​າເຟັນທານອລ ສູ່ສະຫະລັດອາເມຣິກາ.

“ ດ້ວຍການເຮັດວຽກນີ້ຮ່ວມກັນກັບ ສະຫະລັດອາເມຣິກາ ໄດ້ເຮັດໃຫ້ການຍຶດ ຢາເຟນທານີລຈາກ ການາດາ ຫຼຸດລົງ 97% ລະຫວ່າງເດືອນທັນວາ 2024 ເຖິງເດືອນ ມັງກອນ 2025 ເຫຼືອພຽງ 0.03 ປອນ ຊຶ່ງຕໍ່າສຸດໃກ້ສູນ ທີ່​ຖືກ​ຍຶດ​ໄດ້ໂດຍຫ້ອງການພາສີອາກອນແລະປ້ອງກັນຊາຍແດນຂອງສະຫະລັດ,” ທ່ານກ່າວ.

ທ່ານ ທຣູໂດ ກ່າວວ່າ ການຕັດສິນໃຈຂອງທ່ານ ດໍໂນລ ທຣໍາ “ ຈະທຳລາຍ ຄວາມສຳພັນທາງການຄ້າທີ່ປະສົບຜົນສຳເລັດຢ່າງເຫຼືອເຊື່ອ” ແລະ ພາສີອາ ກອນຈະເຮັດໃຫ້ຊາວອາເມຣິກັນ ຕ້ອງຈ່າຍເງິນຫຼາຍຂຶ້ນສຳລັບຜະລິດຕະພັນ ເຊັ່ນ ເຄື່ອງແຫ້ງ ນໍ້າມັນ ແລະ ລົດຍົນ.

ທ່ານ ນາງ ຄລາວເດຍ ເຊນບອມ (Claudia Sheinbaum) ປະທານາທິບໍດີ ແມັກຊິໂກ ຊຶ່ງເສດຖະກິດທີ່ຂຶ້ນກັບການຄ້າສົ່ງອອກ 80% ຂອງການສົ່ງອອກ ໄປຍັງສະຫະລັດ ແນະນໍາວ່າປະເທດຂອງ ທ່ານ ນາງ ອາດຈະກຳນົດພາສີອາ ກອນຕອບໂຕ້ເຊັ່ນກັນ.

“ເປັນການຕັດສິນໃຈທີ່ຂຶ້ນຢູ່ກັບລັດຖະບານ ສະຫະລັດ ຂຶ້ນຢູ່ກັບປະທານາທິບໍດີ ສະຫະລັດ,” ທ່ານ ນາງ ຄລາວເດຍ ເຊນບອມ ກ່າວ ກ່ອນທີ່ ທ່ານ ດໍໂນລ ທຣໍາ ຈະສະແດງຄວາມເຫັນໃນວັນຈັນວານນີິ້, ໂດຍ​ກ່າວ​ຕື່ມ​ວ່າ “ບໍ່ວ່າ ທ່ານ ຈະຕັດສິນໃຈແບບໃດ ເຮົາຈະທຳ​ການ​ຕັດ​ສິນ​ໃຈ​ຂອງ​ພວກ​ເຮົາ ແລະມັນມີ ແຜນຢູ່ແລ້ວ. ມັນມີຄວາມສາມັກ ຄີໃນ ແມັກຊິໂກ.”

ອ່ານຂ່າວເປັນພາສາອັງກິດ

The United States imposed new 25% tariffs Tuesday on exports from its two biggest trading partners, Mexico and Canada, ignoring evidence that the neighboring countries curtailed illegal migration and the flow of illicit drugs into the U.S. as President Donald Trump had demanded.

The U.S. leader first announced the tariffs a month ago and quickly put them on hold after Canadian and Mexican leaders pledged to take action. Trump told reporters Monday afternoon there was “no room left for Mexico or for Canada” and the tariffs would now go forward.

Canadian Prime Minister Justin Trudeau said his country “will not let this unjustified decision go unanswered,” and announced he would impose 25% tariffs on $155 billion worth of American goods.

Trudeau said Canada has surged personnel and equipment to the border to stop the flow of fentanyl to the United States.

“Because of this work – in partnership with the United States – fentanyl seizures from Canada have dropped 97 per cent between December 2024 and January 2025 to a near-zero low of 0.03 pounds seized by U.S. Customs and Border Protection,” he said.

Trudeau said Trump’s decision “will disrupt an incredibly successful trading relationship,” and that the tariffs will lead to Americans paying more for products such as groceries, gasoline and cars.

Mexican President Claudia Sheinbaum, whose trade-dependent economy sends 80% of its exports to the U.S., suggested her country could also impose retaliatory tariffs.

“It’s a decision that depends on the United States government, on the United States president,” Sheinbaum said ahead of Trump's comments Monday. “So whatever his decision is, we will make our decisions, and there is a plan. There is unity in Mexico.”

ຟໍຣັມສະແດງຄວາມຄິດເຫັນ

XS
SM
MD
LG