ລິ້ງ ສຳຫລັບເຂົ້າຫາ

logo-print

ທ່ານ​ທ​ຣຳ ເປັນ​ເຈົ້າ​ພາບ ​ຈັດ​​ການຮັບ​ປະ​ທານ​ອາ​ຫານ​ຄ່ຳ iftar ທີ່​ທຳ​ນຽບ​ຂາວ


ທ່ານ​ດໍ​ໂນ​ລ ທ​ຣຳ ເປັນ​ເຈົ້າ​ພາບການ​ຮັບ​ປະ​ທານ​ອາ​ຫານ​ ຄ່ຳ iftar ທີ່​ເປັນ​ການ​ສິ້ນ​ສຸດລົງ ​ຂອງການຖື​ສິນ​ອົດ​ອາ​ຫານ​ ຂອງ​ຊາວ​ມຸສ​ລິມ ໃນ​ຊ່ວງ​ເດືອນ​ສັກ​ສິດ ຣ​າມາ​ດານ, 13 ພຶດ​ສະ​ພາ 2019.

ປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ດໍ​ໂນ​ລ ທ​ຣຳ ໄດ້​ເອີ້ນ​ວ່າ ມັນເປັນ “ໂອ​ກາດພິ​ເສດ​
ອັນ​ຍິ່ງ​ໃຫຍ່”
ທີ່​ໄດ້ຕ້ອນ​ຮັບ​ເອກ​ອັກ​ຄະ​ລັດ​ຖະ​ທູດ​ແລະ​ນັກ​ການ​ທູດ​ຈາກ​ປະ​ເທດ​ທີ່​
ປະ​ຊາ​ຊົນ​ສ່ວນ​ໃຫຍ່ເປັນ​ຊາວ​ມຸ​ສ​ລິ​ມ​ ມາ​ຍັງ​ທຳ​ນຽບ​ຂາວ ສຳ​ລັບການ​ຮັບ​ປະ​ທານ​
ອາ​ຫານ​ຄ່ຳ iftar ໃນ​ວັນ​ຈັນ​ວານ​ນີ້ ຊຶ່ງ​ເປັນ​ມື້​ສຸດ​ທ້າຍ ​ຂອງ​ການຖື​ສິນ ​ອົດ​ອາ​ຫານ​
ຂອງ​ຊາວ​ມຸສ​ລິມ ໃນ​ຊ່ວງ​ເດືອນ​ສັກ​ສິດ ຣ​າມາ​ດານ.

ທ່ານ​ໄດ້​ເນັ້ນ​ເຖິງເດືອນ​ສັກ​ສິດ ຣ​າມາ​ດານ ແມ່ນ “ເປັນ​ໂອ​ກາດຂອງ​ການ​ກຸ​ສົນ
ການ​ໃຫ້ ​ແລະ​ການ​ໃຫ້​ບໍ​ລິ​ການ ສຳ​ລັບ​ປະ​ຊາ​ຊົນ​ພີ່​ນ້ອງ​ຮ່ວມ​ຊາດ,”
ແລະ​ເປັນ​ນຶ່ງ
ທີ່​ຈະ​ຍັບ​ເຂົ້າໃກ້​ຊິດ ກັບ​ພວກ​ຄອບ​ຄົວ ແລະ​ບັນ​ດາ​ປະ​ຊາ​ຄົມ​ທັງ​ຫຼາຍ.

ທ່ານ​ທ​ຣຳ ຍັງ​ໄດ້​ເອີ້ນ​ມັນວ່າ “ນີ້​ແມ່ນ​ໄລຍະ​ທີ່​ລຳ​ບາກ” ສຳ​ລັບ​ພວກ​ຜູ້​ຄົນທີ່ ​ນັບຖື
​ສາ​ສະ​ໜາ​ທີ່​ແຕກ​ຕ່າງ​ອອກ​ໄປ ໃນ​ໄລ​ຍະ​ບໍ່​ເທົ່າ​ໃດ​ສັບ​ປະ​ດາ​ຜ່ານ​ມາ​ນີ້ໃນ​ການ​ໂຈມ​ຕີ
​ຮ້າຍ​ແຮງ ຕໍ່​ຊາວ​ມຸ​ສ​ລິມ, ຊາວ​ຄ​ຣິ​ສ ແລະ​ຊ​າວ​ຢິວ ໃນ​ນິວຊີ​ ແລນ, ສຣີ​ລັງ​ກາ
ແລະ​ສະ​ຫະ​ລັດ.

ໃນ​ຄວາມ​ຊົງ​ຈຳ​ຂອງ​ພວກ​ເຂົາ​ເຈົ້າ, ທ່ານ​ທ​ຣຳ ໄດ້​ກ່າວ​ວ່າ “ພວກ​ເຮົາ​ໄດ້​ແກ້​ບັນ​ຫາ​
ເພື່ອ​ເອົາ​ຊະ​ນະ​ພວກ​ມານ​ຂອງ​ການ​ກໍ່​ການ​ຮ້າຍ ແລະ​ການ​ກຳ​ຈັດ​ທາງ​ສາ​ສະ​ໜາ
ສະ​ນັ້ນຜູ້​ຄົນ​ທັງ​ຫຼາຍ ສາ​ມາດ​ທີ່​ຈະ​ນັບ​ຖື​ໂດຍ​ປ​າດ​ສະ​ຈາກ​ຄວາມ​ຢ້ານ​ກົວ​ໃດໆ,
ສວດ​ມົນ​ພາ​ວະ​ນາ ​ໂດຍປາດ​ສະ​ຈາກ​ອັນ​ຕະ​ລາຍ​ໃດໆ ແລະ​ຢູ່​ໃນ​ສິນ​ກິນ​ໃນ​ທຳ
ທີ່​ມີ​ຂຶ້ນ​ດ້ວຍ​ສັດ​ທາ​ຈາກ​ໃຈ.​”

ທ່ານ​ຍັງ​ໄດ້​ຮຽກ​ຮ້ອງ​ໃຫ້​ພວກ​ພວກນັບ​ຖື​ທັງ​ຫຼາຍ ​ຈົ່ງ​ພາ​ກັນ ສູດ​ມົນ​ພາ​ວະ​ນາ​
“ເພື່ອ​ໃຫ້​ມີ​ຄວາມ​ເປັນ​ເອກະ​ພາບ​ແລະ​ສັນ​ຕິ​ພາບ ໃນ​ອະ​ນາ​ຄົດ.”

ໃນ​ຊ່ວງ​ເດືອນ​ຣາ​ມາ​ດາ​ນ, ພວກ​ທີ່​ເຊື່ອ​ຖື​ໃນ​ສາ​ສະ​ໜາ ຈະ​ອົດ​ອາ​ຫານ​ແລະ​ເຄື່ອງ​ດື່ມ
​ ແຕ່​ພະ​ອາ​ທິດ​ຂຶ້ນ ຈົນ​ເຖິງ​ພະ​ອາ​ທິດ​ຕົກ. ການ​ຮັບ​ປະ​ທານ​ອາ​ຫານ iftar ແ​ມ່ນ​ເປັນ
​ການ​ຮັບ​ປະ​ທານ​ອາ​ຫານ​ແບບ​ດັ້ງ​ເດີມ ທີ່​ໄດ້​ຈັດ​ຂຶ້ນ​ໃນ​ຕອນ​ພະ​ອາ​ທິດ​ຕົກ ທີ່​ເປັນ​
ສັນ​ຍານ​ຂອງ​ການ​ຈົບ​ສິ້ນ ​ເທ​ດສະການຖື​ສິນອົດທີ່​ວ່າ​ນີ້.

ທ່ານ​ທ​ຣຳ ໄດ້​ເປັນ​ເຈົ້າ​ພາບ​ຈັດ​ງານ​ລ້ຽງ​ຮັບ​ປະ​ທານ​ອາ​ຫານ iftar ​ໃນ​ປີ​ກາຍ​ນີ້,
ແຕ່​ບໍ່​ໄດ້​ຈັດ​ງານ​ດັ່ງ​ກ່າວ​ ໃນ​ປີ​ທຳ​ອິດ ຂອງ​ການ​ເຂົ້າ​ຮັບ​ຕຳ​ແໜ່ງ​ຂອງ​ທ່ານ ຊຶ່ງ ບໍ່​ໄດ້​
ປະ​ຕິ​ບັດ​ຕາມປະ​ເພ​ນີ ທີ່​ໄດ້​ເລີ້ມ​ມາ ​ໂດຍ​ລັດ​ຖະ​ບານ ​ຂອງ​ທ່ານ​ຄ​ລິນ​ຕັນ ແລະ​ໄດ້
​ປະ​ຕິ​ບັດ​ສືບ​ທອດ​ມາ ຈົນ​ເຖິງ ​ລັດ​ຖະ​ບານ​ຂອງທ່ານ​ບຸ​ຊ ແລະ​ທ່ານ​ໂອ​ບາ​ມາ. ໃນ​ການ
​ໂຄ​ສະ​ນາ​ຫາ​ສຽງ​ປີ 2016 ທ່ານ​ທ​ຣຳ ໄດ້​ຮຽກຮ້ອງໃຫ້​ມີ​ການ​ເກືອດ​ຫ້າມ​ໂດຍ​ສິ້ນ​ເຊີງ
ຕໍ່​ຊາວ​ມຸ​ສ​ລິມ ເຂົ້າ​ມາ​ຍັງ​ສະ​ຫະ​ລັດ ແລະ​ໄດ້​ລົງ​ນາມ​ໃນ​ດຳ​ລັດ​ຫຼາຍ​ໆ​ສະ​ບັບ ສັ່ງ​ໃຫ້
ມີກ​ານ​ຈຳ​ກັດ​ຮັດ​ແ​ຄບຄົນ​ເຂົ້າ​ເມືອງ ຈາກ​ບັນ​ດາ​ປະ​ເທດ​ທີ່​ປະ​ຊາ​ຊົນສ່ວນ​ໃຫຍ່​ເປັນ​
ຊາວ​ມຸ​ສ​ລິມ​ນັ້ນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG