ລິ້ງ ສຳຫລັບເຂົ້າຫາ

ວັນພະຫັດ, ໐໓ ເມສາ ໒໐໒໕

ທ່ານ ທຣຳ ເປັນເຈົ້າພາບຈັດການຫາລືກັບຜູ້ນໍາ ຝຣັ່ງ ກ່ຽວກັບຈຸດສິ້ນສຸດຂອງສົງຄາມ ຢູເຄຣນ


ປະທານາທິບໍດີຝຣັ່ງ ທ່ານ ເອັມມານູເອລ ມາກຣົງ ກ່າວປາໄສໃນຂະນະທີ່ປະທານາທິບໍດີ ດໍໂນລ ທຣໍາ ນັ່ງຟັງ ລະຫວ່າງການພົບປະຢູ້ຫ້ອງການຮູບຊົງໄຂ່ໃນທໍານຽບຂາວ, ນະຄອນຫຼວງວໍຊິງຕັນ, ວັນທີ 24 ກຸມພາ 2025.
ປະທານາທິບໍດີຝຣັ່ງ ທ່ານ ເອັມມານູເອລ ມາກຣົງ ກ່າວປາໄສໃນຂະນະທີ່ປະທານາທິບໍດີ ດໍໂນລ ທຣໍາ ນັ່ງຟັງ ລະຫວ່າງການພົບປະຢູ້ຫ້ອງການຮູບຊົງໄຂ່ໃນທໍານຽບຂາວ, ນະຄອນຫຼວງວໍຊິງຕັນ, ວັນທີ 24 ກຸມພາ 2025.

ປະທານາທິບໍດີສະຫະລັດ ທ່ານ ດໍໂນລ ທຣຳ ກ່າວໃນວັນຈັນວານນີ້ວ່າ ທ່ານໃກ້ຈະບັນລຸຂໍ້ຕົກລົງກັບ ຢູເຄຣນ ແລະ ຣັດເຊຍ ເພື່ອຍຸຕິສົງຄາມໃນ ຢູເຄຣນ ລຸນຫຼັງການປະຊຸມໝົດມື້ຢູ່ທຳນຽບຂາວ ກັບປະທານາທິບໍດີຝຣັ່ງ ທ່ານ ເອັມມານູເອລ ມາກຣົງ.

ທ່ານ ທຣໍາ ຮຽກຮ້ອງໃຫ້ ຢູໂຣບ ມີບົດບາດຫຼາຍຂຶ້ນໃນການຈັດຫາເງິນທຶນ, ແລະ ປາຣີ ກໍໄດ້ຊຸກຍູ້ ມົສກູ ໃນການໃຫ້ຄໍ້າປະການຫຼາຍຂຶ້ນ.

Trump hosts French leader to discuss Ukraine endgame
please wait

No media source currently available

0:00 0:03:54 0:00

ປະ​ທາ​ນາ​ທິ​ບໍ​ດີ​ສະ​ຫະ​ລັດ ​ໄດ້​ຊຸກ​ຍູ້​ຄວາມ​ປາ​ຖະ​ໜາ​ຂອງ​ຕົນ​ໃນການບັນລຸ​ຂໍ້​ຕົກ​ລົງ​ທີ່​ຈະ​ຍຸຕິ​ສົງ​ຄາມ​, ເຊິ່ງກົງກັບວັນຄົບຮອບສາມປີ ໃນ​ວັນ​ຈັນວານນີ້​. ທ່ານ​ກ່າວ​ວ່າ ​ຂໍ້​ຕົກ​ລົງດັ່ງກ່າວນັ້ນ ຈະລວມເອົາຂໍ້ຕົກລົງ​ກັບ​ ຢູ​ເຄຣນ ສຳ​ລັບແຮ່​ທາດ​ທີ່​ສຳຄັນ​ຕ່າງໆ, ຂໍ້​ຕົກ​ລົງ​ທີ່​ທ່ານເຄີຍ​ບອກ​ໃຫ້​ຮູ້​ວ່າ ອາດ​ຈະ​ໄດ້ຮັບການ​ລົງ​ນາມໂດຍ​ປະ​ທາ​ນາ​ທິ​ບໍ​ດີ ​ຢູ​ເຄຣນໃນອາທິດໜ້ານີ້.

ທ່ານ ທຣໍາ ກ່າວວ່າ “ບໍ່ມີຄວາມໄວ້ວາງໃຈຢ່າງຫຼວງຫຼາຍຂອງທັງສອງຝ່າຍ, ນັ້ນແມ່ນເຫດຜົນວ່າ ການເຂົ້າມາໃນຕອນນີ້ຂອງຂ້າພະເຈົ້າ ຈຶ່ງເປັນເລື້ອງດີ. ​ແຕ່​ຂ້າພະ​ເຈົ້າ​ຄິດ​ວ່າ ມັນ​ເປັນ​ຜົນ​ປະ​ໂຫຍ​ດຫຼາຍທີ່ສຸດສໍາລັບ ​ຣັດ​ເຊຍ ທີ່​ຈະ​ເຮັດຂໍ້​ຕົກລົງ ​ແລະ ສືບ​ຕໍ່​ນຳ​ພາ ຣັດ​ເຊຍ ​ໄປ​ໃນທິດ​ທາງທີ່ເປັນ​ບວກ. ນັ້ນແມ່ນສິ່ງທີ່ພວກທ່ານຕ້ອງປະຕິບັດ. ແຕ່ຂ້າພະເຈົ້າເຊື່ອຢ່າງແທ້ຈິງວ່າ ລາວຕ້ອງການເຮັດຂໍ້ຕົກລົງ. ບາງທີ່ຂ້າພະເຈົ້າອາດຈະເວົ້າຜິດ, ແຕ່ຂ້າພະເຈົ້າເຊື່ອວ່າ ລາວຕ້ອງການເຮັດຂໍ້ຕົກລົງດັ່ງກ່າວນັ້ນ.”

ຫໍ Eiffel ເປີດໄຟແສງສີຂອງທຸງຊາດຢູເຄຣນ ເພື່ອເປັນການລະນຶກຄົບຮອບ 3 ປີ ໃນການຮຸກຮານ ຢູເຄຣນ ໂດຍ ຣັດເຊຍ, ນະຄອນຫຼວງປາຣີ, ວັນທີ 24 ກຸມພາ 2025.
ຫໍ Eiffel ເປີດໄຟແສງສີຂອງທຸງຊາດຢູເຄຣນ ເພື່ອເປັນການລະນຶກຄົບຮອບ 3 ປີ ໃນການຮຸກຮານ ຢູເຄຣນ ໂດຍ ຣັດເຊຍ, ນະຄອນຫຼວງປາຣີ, ວັນທີ 24 ກຸມພາ 2025.

ທ່ານ ມາກຣົງ ມີຄວາມລະມັດລະວັງຫຼາຍຂຶ້ນ, ໂດຍແກ້ໄຂຄໍາເວົ້າຂອງ ທ່ານ ທຣໍາ ຢູ່ຫ້ອງການຊົງຮູບໄຂ່ ໃນເວລາທີ່ ທ່ານ ທຣໍາ ກ່າວວ່າ ຢູໂຣບ ໃຫ້ການສະໜັບສະໜູນ ຢູເຄຣນ ດ້ວຍເງິນກູ້ຢືມ. ຫຼັງຈາກນັ້ນ, ທ່ານ ມາກຣົງ ໄດ້ເຕືອນໂດຍບໍ່ໃຫ້ເຊື່ອໃຈ ມົສກູ.

ທ່ານ ມາກຣົງ ກ່າວເປັນພາສາອັງກິດວ່າ “ພວກເຮົາ ມາພະຍາຍາມຫາສິ່ງທີ່ສາມາດເຂົ້າເຖິງກ່ອນ, ທີ່ສາມາດກວດສອບ ແລະຢືນຢັນໄດ້, ແລະເຮັດໃຫ້ໝັ້ນໃຈວ່າ ພວກເຮົາສ້າງຫຼັກຄໍ້າປະກັນທີ່ພຽງພໍໃນໄລຍະສັ້ນ. ແລະນີ້ ແມ່ນບ່ອນທີ່ພວກເຮົາພ້ອມທີ່ຈະມີສ່ວນຮ່ວມ. ສໍາລັບປະເທດຝຣັ່ງ, ຫຼາຍໆປະເທດທີ່ເປັນເພື່ອນຮ່ວມງານໃນຢູໂຣບຂອງຂ້າພະເຈົ້າ ພ້ອມທີ່ຈະມີສ່ວນຮ່ວມ. ແຕ່ສິ່ງດັ່ງກ່າວນີ້ ພວກເຮົາຕ້ອງການການສະໜັບສະໜູນຈາກອາເມຣິກາ, ເນື່ອງຈາກນີ້ ແມ່ນສ່ວນນຶ່ງຂອງຄວາມໜ້າເຊື່ອຖື ຂອງການຮັບປະກັນດ້ານຄວາມປອດໄພ. ແລະນີ້ ແມ່ນປະສິດທິພາບໃນການສະກັດກັ້ນຂອງພວກເຮົາໂດຍລວມ. ແລະຂ້າພະເຈົ້າຮູ້ສຶກວ່າ ທ່ານປະທານາທິບໍດີ ມີຄວາມອາດສາມາດດັ່ງກ່າວມານີ້.”

ບັນດານັກວິ​ເຄາະກ່າວ​ເຖິງ​ສິ່ງ​ທີ່​ຜູ້ນຳ​ຂອງສອງ​ປະ​ເທດ ສາມາດ​ບັນລຸ​ໄດ້ແທ້ຈິງ ​ໃນ​ການ​ພົບ​ປະ​ກັນຄັ້ງນີ້.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG