ລິ້ງ ສຳຫລັບເຂົ້າຫາ

logo-print

ນະໂຍບາຍການຕ່າງປະເທດ ຂອງທ່ານ ທຣຳ ຖືກຕຳໜິ ແລະຊົມເຊີຍ


ບໍ່ວ່າທ່ານຈະຮັກ ຫຼືຊັງເພິ່ນກໍຕາມ, ປະທານາທິບໍດີ ດໍໂນລ ທຣຳ ເປັນຄົນທີ່ມີຄວາມໝັ້ນ
ໃຈສູງ. ແລະ ໃນຂະນະທີ່ການດຳລົງຕຳແໜ່ງ ປະທານາທິບໍດີຂອງທ່ານ ມາ​ຮອດຂີດ
ໝາຍ 100 ວັນທີ່ ສຳຄັນ ເຊິ່ງເກີດຂຶ້ນໃນໄລຍະເວລາທີ່ຄວາມເຄັ່ງຕຶງຂອງສາກົນກຳ
ລັງຟົດຮ້ອນຂຶ້ນມານັ້ນ, ພວກຝ່າຍຄ້ານແມ່ນໄດ້ຄັດຄ້ານກ່ຽວກັບປະ ສິດທິພາບ​ໃນນະ
ໂຍບາຍການຕ່າງປະເທດທີ່ກຳລັງພັດທະນາຢູ່ຂອງທ່ານ. ນັກຂ່າວວີໂອເອປະຈຳ ທຳ
ນຽບຂາວ Peter Heinlein ລາຍງານວ່າ, ຖ່າມກາງການຕ້ອງ​ຕິ​ຢ່າງ​ແຮງ ກ່ຽວກັບ ຜົນ
ງານ​ໃນ​ຂັ້ນຕົ້ນຂອງປະທານາທິບໍດີນັ້ນ, ໂຄງຮ່າງຕ່າງໆ ກ່ຽວກັບ “ລັດທິຂອງທ່ານ
ທຣຳ”
ແມ່ນກຳລັງເລີ່ມທີ່ຈະປາກົດຕົວອອກມາ. ໃນອັນດັບຕໍ່ໄປ ພຸດທະສອນ ຈະນຳ
ລາຍລະອຽດມາ ສະເໜີທ່ານ.

ໃນວັນທີ 99 ຂອງ 100 ວັນທຳອິດໃນ​ການ​ເຂົ້າດຳລົງຕຳແໜ່ງຂອງປະທານາທິບໍດີ
ທຣຳ ນັ້ນ, ລັດຖະມົນຕີການຕ່າງປະເທດ ທ່ານ Rex Tillerson ໄດ້ເດີນທາງໄປອົງ
ການສະຫະປະຊາຊາດເພື່ອວາງນະໂຍບາຍຂອງສະຫະລັດກ່ຽວກັບເກົາຫຼີເໜືອເຊິ່ງ
ແມ່ນນະໂຍບາຍການຕ່າງປະເທດທີ່ມີຄວາມສັບສົນທ້າທາຍທີ່ສຸດຂອງທ່ານ.

ທ່ານ Rex Tillerson ກ່າວວ່າ “ນະໂຍບາຍ ກ່ຽວກັບ ຍຸດທະສາດອົດກັ້ນແມ່ນໄດ້
ຈົບລົງແລ້ວ. ການອົດກັ້ນເພີ່ມອີກ ມີແຕ່ຈະໝາຍເຖິງການຮັບເອົາປະ​ເທດ ເກົາຫຼີ
ເໜືອ ທີ່​ມີລະເບີດນິວເຄລຍ ເທົ່ານັ້ນ.”

ທ່ານ ທຣຳ ເອງແມ່ນບໍ່​ໄດ້​ໃຫ້​ຄວາມ​ສຳຄັນ​ປານ​ໃດ ຕໍ່ຂີດໝາຍ “100 ວັນ” ດັ່ງກ່າວ.

ປະທານາທິບໍດີ ທຣຳ ໄດ້ກ່າວວ່າ “ໜຶ່ງຮ້ອຍວັນ, ມັນແມ່ນມາດຕະ ຖານທີ່ບໍ່ຖືກຕ້ອງ, ແຕ່ຂ້າພະເຈົ້າຕ້ອງໄດ້ບອກພວກທ່ານວ່າ ຂ້າພະ ເຈົ້າບໍ່ຄິດວ່າຈະມີໃຜເຄີຍເຮັດສິ່ງ
ທີ່ພວກເຮົາສາມາດເຮັດໄດ້ພາຍໃນ 100 ວັນ.”

ທ່ານປະທານາທິບໍດີ ໄດ້ໃຫ້ຫົວໜ້າ​ຄະນະ​ທີ່​ປຶກສາຂອງທ່ານ, ທ່ານ Reince Priebus ກ່າວເຖິງ ລັດທິ ທຣຳ, ສຳລັບຂີດໝາຍການດຳລົງຕຳແໜ່ງປະທານາທິບໍດີ ​ 100 ວັນ
ຂອງທ່ານ. ໃນເຂດຕາເວັນອອກກາງ, ທ່ານ Priebus ໄດ້ກ່າວວ່າ ສະຫະລັດ ບໍ່ມີ
ຄວາມສົນໃນການເຮັດສົງຄາມພາກພື້ນດິນ. ແຕ່ ວໍຊິງຕັນ ຈະເຮັດໜ້າທີ່ເພື່ອຈຳກັດ
ການເຄື່ອນໄຫວຂອງສັດຕູເຊັ່ນປະທານາທິບໍດີ ຊີເຣຍ ທ່ານ Bashar al-Assad. ການ
ກຳຈັດພວກລັດ​ອິສລາມ ​ຫຼື ISIS ກໍຈະເປັນບູລິມະສິດສູງສຸດເຊັ່ນກັນ.

ແນວໃດກໍຕາມ, ພວກນັກວິຈານໄດ້ກ່າວໂຈມຕີທ່ານ ທຣຳ ສຳລັບ ຂໍ້ຜິດພາດ​ໃນ​ໄລຍະ
ທຳອິດຂອງນະໂຍບາຍການຕ່າງປະເທດຂອງທ່ານ. ທ່ານໄດ້ຕ່າວປີ້ນຄຳໝັ້ນສັນຍາທີ່
ທ່ານໄດ້ກ່າວໄວ້ ໃນການໂຄສະນາຫາສຽງ​ເປັນປະທານາທິບໍດີຢ່າງເຫັນໄດ້ຊັດ ທີ່ທ່ານ
ກ່າວວ່າຈະພິຈາລະນາການຖອນຕົວອອກຈາກອົງການເນໂຕ ແລະ ການ​ລະບຸ​ຊື່ວ່າ ຈີນ ເປັນຜູ້ແຊກແຊງລະບົບການເງິນ.

ຄະນະບໍດີຈາກມະຫາວິທະຍາໄລ ອາເມຣິກັນ ທ່ານ James Goldgeiere ໄດ້ລົມນຳວີ
ໂອເອ ຜ່ານທາງ Skype.

ທ່ານ Goldgeiere ກ່າວວ່າ “ຂ້າພະເຈົ້າຄິດວ່າ ສິ່ງທີ່ດີທີ່ສຸດທີ່ຂ້າພະເຈົ້າສາມາດ
ເວົ້າ ກ່ຽວກັບ 100 ວັນທຳອິດຂອງທ່ານ ທຣຳ ກໍແມ່ນວ່າ ທ່ານຮູ້ວ່າ ທ່າ​ທີທີ່ທ່ານໄດ້
ເອົາໃນລະຫວ່າງການໂຄສະນາຫາສຽງແມ່ນ ບໍ່ສາມາດເຮັດໃຫ້ ສຳເລັດໄດ້ຫຼາຍ
ປານໃດ ໃນກໍລະນີສ່ວນໃຫຍ່ ແລະ ທ່ານຕ້ອງທົບທວນຄືນວິທີທີ່ທ່ານເຂົ້າຫາປະ
ເທດຕ່າງໆຄືຣັດເຊຍ ແລະ ຈີນ.”

ທ່ານ Richard Fontaine, ອະດີດນັກວາງນະໂຍບາຍການຕ່າງປະເທດຂອງສະມາ
ຊິກສະພາສູງທ່ານ John McCaine, ໄດ້ຍົກຍ້ອງ ກ່ຽວກັບ ການປ່ຽນແປງນະໂຍບາຍ
ເບື້ອງຕົ້ນຂອງທ່ານ ທຣຳ ດ້ວຍການເຮັດໃຫ້ພວກສັດຕູບໍ່ທັນລະວັງຕົວ. ແຕ່ທ່ານກ່າວ
ວ່າ ຄວາມຄາດເດົາບໍ່ໄດ້ຂອງທ່ານກໍເຮັດໃຫ້ເພື່ອນມິດຂອງ ອາເມຣິກາ ຮູ້ສຶກບໍ່ສະບາຍ
ໃຈເຊັ່ນກັນ.

ທ່ານ Fontaine ກ່າວວ່າ "ບັນດາພັນທະມິດບໍ່ມັກການຄາດເດົາບໍ່ໄດ້ ແລະ ເມື່ອເຈົ້າ
ເວົ້າເຖິງການປ່ຽນແປງນັ້ນ, ການທຳນາຍບໍ່ໄດ້ແມ່ນເບິ່ງຄືວ່າຈະເປັນແນວຄິດທີ່ບໍ່ດີ.”

ສະມາຊິກສະພາສູງ McCaine, ຜູ້ທີ່ໄດ້ປະທະຄຳເວົ້າກັບປະທານາທິບໍດີ ກ່ຽວກັບ ຫຼາຍ ບັນຫານັ້ນ, ເຖິງຢ່າງໃດກໍຕາມ ທ່ານກໍໄດ້ໃຫ້ການ ຍົກຍ້ອງຕໍ່ກຸ່ມວາງນະໂຍບາຍທີ່ທ່ານ
ທຣຳ ໄດ້ຕັ້ງຂຶ້ນມາ, ລວມທັງລັດຖະມົນຕີປ້ອງກັນປະເທດທ່ານ Jim Mattis ແລະ ທີ່​ປຶກ
ສາດ້ານຄວາມປອດໄພແຫ່ງຊາດ ນາຍພົນ H.R. McMaster.

ທ່ານ McCain ໄດ້ກ່າວວ່າ “ກຸ່ມຮັກສາຄວາມປອດໄພແຫ່ງຊາດນີ້ແມ່ນກຸ່ມທີ່ໄດ້ຕໍ່ສູ້
ຫຼື ໄດ້ມີິສ່ວນກ່ຽວຂ້ອງກັບການນຳພາສຳລັບເວລາ 15 ປີທີ່ຜ່ານມາ ແລະ ຂ້າພະເຈົ້າ
ຄິດວ່າກຸ່ມຫົວກະທິພວກນີ້ໄດ້ເຕີບໂຕເຖິງຈຸດສູງສຸດແລ້ວ.”

ເຖິງແມ່ນຈະເປັນແນວນັ້ນ, ​ບັນດານັກວິເຄາະຍັງມີຄວາມຄາດຫວັງທີ່ຍັງບໍ່ສະບາຍໃຈ
ເທື່ອ ກ່ຽວກັບ ວ່າປະທານາທິບໍດີ ທຣຳ ຜູ້ທີ່ມັກຕັດສິນໃຈກະທັນຫັນ ຈະປະຕິບັດການ
ແນວໃດໃນເຂດທີ່ມີຄວາມຟົດຮ້ອນຄື ເກົາຫຼີເໜືອ.

ຫຼັງຈາກ 100 ວັນແລ້ວ, ມັນມີຄວາມຮູ້ສຶກໂດຍທົ່ວໄປ ກ່ຽວກັບ ວ່າ ຄວາມຢ້ານກົວຢ່າງ
ກວ້າງຂວາງສຳລັບເຫດການທີ່ຮ້າຍທີ່ສຸດ ແມ່ນບໍ່ໄດ້ເປັນຮູບເປັນຮ່າງຂຶ້ນເທື່ອ. ຢ່າງ
ໜ້ອຍກໍຍັງບໍ່ທັນມີຫຍັງເທື່ອ.


Love him or hate him, President Donald Trump engenders strong feelings. And with his presidency reaching the symbolic 100-day milestone at a moment of international tensions, battle lines are sharply drawn on the effectiveness of his stilldeveloping foreign policy.VOA White House correspondent Peter Heinlein reports that, amid fierce criticism of the president's early performance, the outlines of a "Trump Doctrine" are beginning to emerge.


On Day 99 ofPresident Trump's first 100, Secretary of State Rex Tillerson went to the United Nations to lay out U.S. policy on his most vexing foreign policy challenge -- North Korea.

((REX TILLERSON, SECRETARY OF STATE))
"The policy of strategic patience is over. Additional patience will only mean acceptance of a nuclear North Korea."


Trump himself has downplayed the "100 Day" marker.

((DONALD TRUMP))
"It's a false standard, a hundred days, but I have to tell you I don't think anybody has done what we've been able to do in a 100 days."


The president did use the 100-day mark to have his chief of staff, Reince Priebus articulate a Trump Doctrine. In the Middle East, Priebus said the United States is not interested in a ground war. But Washington will act to limit the movements of adversaries like Syrian President Bashar al-Assad.Eradicating ISIS will also be a priority.

Critics, however, have savaged Trump for early foreign policy missteps. He notably reversed himself on campaign promises to consider pulling out of NATO, and to label China a currency manipulator'.

American University dean James Goldgeier spoke to VOA by Skype.

((JAMES GOLDGEIER, DEAN, SCHOOL OF INTERNATIONAL SERVICE, AMERICAN UNIVERSITY))
"I think the best thing I could say about the first 100 days is that he's realized that the positions that he took during the campaign are not really workable in most cases and that he needs to rethink the way he approaches countries like Russia and China."


Richard Fontaine, a former foreign policy to Senator John McCain, credits some of Trump's early policy shifts with keeping adversaries off guard. But he says this unpredictability also unsettles America's friends.

((RICHARD FONTAINE, CENTER FOR A NEW AMERICAN SECURITY))
"Allies don't like unpredictability ((//)) And when you're talking about deterrence, unpredictability tends not to be a good idea."

Senator McCain, who has clashed with the president on many issues, nevertheless gave high praise to the policy team Trump has assembled, including Defense Secretary Jim Mattis and National Security Adviser H.R. McMaster.

((SENATOR JOHN McCAIN, U.S. SENATOR (R-AZ) ))
"This National Security team is a team that has been in combat or associated with leadership for the last 15 years and I think the cream has risen to the top.

Still, there's a nervous anticipation among analysts about how an impulsive President Trump might act in hotspots like North Korea.

After 100 days, there's a general feeling of that the most widely feared worst-case scenarios have not materialized - at least not yet.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG