ລິ້ງ ສຳຫລັບເຂົ້າຫາ

ທ່ານທຣໍາ ເລືອກເອົາ ຜູ້​ທີ່​ບໍ່​ເຊື່ອ​​ ສະພາບ​ໂລກ​ຮ້ອນ​ ເປັນ​ຫົວໜ້າ ອົງການ EPA


ຫົວ​ໜ້າ​ພະ​ແນ​ກ​ຍຸຕິ​ທໍາລັດ Oklahoma ທ່ານ Scott Pruit ​ມາເຖິງ Trump Tower ທີ່ນະຄອນນິວຢອກ.

ປະທານາທິບໍດີ​ສະຫະລັດ ທີ່​ຖືກ​ເລືອກ​ໃໝ່ ທ່ານ Donald Trump ​ໃນ​ວັນ​ພະຫັດ​ວານ​ນີ້​ໄດ້​ເລືອກ​ເອົາ ຜູ້​ທີ່​ບໍ່​ເຊື່ອ​ກັບ​ໂລກ​ສະພາບ​ໂລກ​ຮ້ອນ ​ແລະ​ເປັນ​ພັນທະ​ມິດ​ທີ່ເ​ຂັ້ມ​ແຂງ ຂອງອຸດ​ສາ​ຫະກຳເຊື້ອ​ຟອສຊິລໃຫ້​ເປັນ​ຫົວໜ້າຫ້ອງການ ປົກ​ປ້ອງ​ສິ່ງ​ແວດ​ລ້ອມ​ຂອງ​ປະ​ເທດ.

ການ​ເລື​ອກຂອງ​ທ່ານ​ ໄດ້ແກ່ຫົວ​ໜ້າ​ພະ​ແນ​ກ​ຍຸຕິ​ທໍາລັດ Oklahoma ທ່ານ Scott Pruit ​ແມ່ນ​ບຸກຄົນສຳ​ຄັນທີ່ຕິຕຽນ​ແຜນ​ຂອງປະທານາທິບໍດີ Barack Obama ທີ່​ຈະ​ຮັບ​ມື​ກັບ​ການ​ປ່ຽນ​ແປງຂອງດິນ​ຟ້າ​ອາກາດ​ໂດຍ​ຕັດການ​ທາດ ຄາ​ບອນລົງ ຈາກ​ໂຮງ​ໄຟຟ້າ​ແຫ່ງ​ຕ່າງໆ​ຂອງ​ປະ​ເທດ.

ຢູ່​ໃນ​ຖະ​ແຫ​ລງການ ທ່ານ Trump ກ່າວ​ວ່າ “​ເປັນ​ເວລາ​ດົນ​ນານມາ​ແລ້ວ ອົງ ການ​ປົກ​ປ້ອງ​ສິ່ງ​ແວດ​ລ້ອມ​ຫຼື EPA ໄດ້​ໃຊ້​ເງິນ​ໂດ​ລາ​ຂອງ​ຜູ້​ເສຍ​ຄາ​ພາສີ​ແບບ ຄວບຄຸມ​ບໍ່​ໄດ້ ຕໍ່ຕ້ານ​ໂຄງການ​ພະລັງງານ ທີ່​ໄດ້​ທຳລາຍ ​ຫລາຍ​ລ້ານ​ໜ້າ​ວຽກ ​ໃນ​ຂະນະ​ທີ່​ຍັງ​ບ່ອນ​ທຳ​ລາຍ​ ຕໍ່ຊາວໄຮ່​ຊາວ​ສວນ​ແບບ​ເຫຼືອ​ເຊື່ອຂອງ​ພວກ​ເຮົາ ​ແລະ​ບັນດາ​ທຸລະກິດ​ ​ແລະ​ອຸດສາຫະກຳ​ຕ່າງໆ​ຢູ່​ໃນ​ທຸກໆ​ບ່ອນ.

ທ່ານ Pruit ​ແມ່ນ​ນຶ່ງໃນບັນດາ​ເຈົ້າ​ໜ້າ​ທີ່​ຈາກ 27 ລັດ​ ​ທີ່​ໄດ້​ຍື່ນ​ຟ້ອງໃນເດືອນ​ມັງກອນ​ທີ່​ຜ່ານ​ມາ ​ເພື່ອ​ຂັດຂວາງ​ຕໍ່​ແຜນການ​ພ​ະລັງງານ​ສະອາດ ຊຶ່ງພາຍ​ໃຕ້ແຜນການ​ນີ້ ອົງການ​ EPA ​ໄດ້​ຮຽກຮ້ອງ​ໃຫ້​ບັນດາ​ລັດ​ຕ່າງໆ ​ຊອກ​ຫາທາງ​ຫລຸດ​ຜ່ອນການ​ປ່ອຍ​ແກັສ​ເຮືອນ​ແກ້ວລົງ ​32 ​ເປີ​ເຊັ​ນ ​ຕໍ່າ​ກວ່າ​ລະດັບປີ 2005​ພາຍ​ໃນ​ປີ 2030. ​ໃນ​ຂະນະ​ດຽວກັນປະລິ
ມານ​ຂອງພະລັງງານທີ່​ຜະລິດໂດຍ ໃຊ້​ແຫ​ລ່ງພະລັງງານ​ທີ່​ໃຊ້​ຄືນ​ໃໝ່ຈະ​ເພີ້​ມຂຶ້ນ.

ທ່ານ Trump ທີ່​ສັງກັດ​ພັກ​ຣີພັບ​ບລີ​ກັນ ກ່າວ​ວ່າ “ທ່ານ​ຈະ​ຕ່າວ​ປີ້້ນທ່າ​ອຽງ​ນີ້ ​ແລະ​ຟື້ນຟູ​ພາລະກິດທີ່​ຈຳ​ເປັນ​ຂອງ​ອົງການ EPA ​ເພື່ອ​ເຮັດ​ໃຫ້​ອາກາດ​ແລະ ນ້ຳຂອງ​ພວກ​ເຮົາ ມີ​ຄວາມ​ສະອາດ​ແລະ​ປອດ​ໄພ.”

ການ​ສະ​ເໜີແຕ່ງຕັ້ງ​ທ່ານ Pruit ​ໄດ້​ເຮັດ​ໃຫ້​ມີ​ການ​ຄັດຄ້ານ​ຈາກສະມາ​ຊິກ​ສະ ພາ​ສູງ​ລັດ Vermont ທ່ານ Bernie Sanders ​ທີ່​ໄດ້​ເສ​ຍ​ໄຊ​ໃນການ​ແຂ່ງຂັນເພື່ອຖືກສະ​ເໜີ​ໃຫ້​ເປັນ​ຜູ້ຕາງໜ້າ​ພັກ​ເດ​ໂມ​ແຄຣັດ ​ແກ່​ທ່ານນາງ Hillary Clinton ອະດີດ​ລັດຖະມົນ​ຕີ​ຕ່າງ​ປະ​ເທດ ​ທີ່​ທ່ານ Trump ​ໄດ້​ຊະນະ​ໃນກາ​ນ​ເລືອກ​ຕັ້ງເມື່ອ​ເດືອນ​ແລ້ວ​ນີ້.

ທ່ານ Bernie Sanders ຈາກລັດ Vermont (ກາງ) ກ່າວຕໍ່ບັນດານັກຂ່າວ.
ທ່ານ Bernie Sanders ຈາກລັດ Vermont (ກາງ) ກ່າວຕໍ່ບັນດານັກຂ່າວ.

​ທ່ານ Sanders ​ໄດ້ກ່າວ​ຕໍ່ Michael Browman ນັກ​ຂ່າວ​ຂອງວີ​ໂອ​ເອ ວ່າ “ຖ້າ​ຫາກ​ທ່ານ​ສົນ​ໃຈ​ໃນ​ກຳ​ໄລ​ຂອງ​ອຸດສາຫະກຳ​ນໍ້າມັນ ຂ້າພະ​ເຈົ້າ​ຄິດ​ວ່າ​ ນັ້ນ ເປັນ​ສິ່ງ​ທີ່​ດີ. ​ແຕ່ ຖ້າ​ຫາກ​ທ່ານ​ສົນ​ໃຈ ​ໃນ​ການ​ປົກ​ປັກຮັກສາ​ໂລກ​ມະນຸດເພື່ອ​ຜູ້ ຄົນ​ໃນ​ອະນາຄົດ​ແລ້ວ ​ມັນ​ຈະ​ເປັນ​ການ​ເລືອກ​ທີ່​ເປັນ​ອັນຕະລາຍ ​ແລະຈະ​ຕ້ອງ​ໄດ້ຮັບ​ການ​ຄັດ​ຄ້ານ.”

ສະມາຊິກ​ສະພາ​ສູງ​ພັກຣີພັບ​ບລິ​ກັນຈາກ​ລັດ​ເທັກ​ຊັສ ທ່ານ John Cornyn ​ໄດ້​ປະນາມ​ໃນ​ອັນ​ທີ່​ທ່ານ​ຮ້ອງ​ວ່າ “ລະບຽບ​ການ ​ທີ່​ກ້າວ​ກ່າຍ ​ຂອງ​ອົງການ EPA. ທ່ານ​ກ່າວ​ວ່າ “​ເປັນກໍລະນີ​ທີ່​ດີທີ່​ຈະ​ເຮັດ​ເພື່ອ​ເບິ່ງ​ໃນອັນ​ທີ່​ບັນດາ​ເຈົ້າ​ໜ້າ​

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG