ລິ້ງ ສຳຫລັບເຂົ້າຫາ

site logo
ວັນອັງຄານ, 17 ພຶດສະພາ 2022

ປ. ທຣໍາ ປ້ອງກັນຂໍ້ຕົກລົງງົບປະມານ ກັບພັກເດໂມແຄຣັດ ເຖິງແມ່ນວ່າ ພັກຣີພັບບລິກັນ ຈະຕິຕຽນ ກໍຕາມ


Trump Defends Budget Deal with Democrats Despite Republican Complaints
please wait

No media source currently available

0:00 0:02:59 0:00

ປະທານາທິບໍດີດໍ​ໂນ​ລ ​ທຣໍາ ກ່າວປ້ອງ​ກັນ​ການ​ຕັດສິນ​ໃຈ​ຂອງ​ທ່ານ ທີ່ໄດ້ເຮັດ​ວຽກ​ກັບ​
ພັກ​ເດ​ໂມ​ແຄຣັດ ​ເພື່ອໃຫ້​ທຶນ​ສະໜັບສະໜູນ​ລັດຖະບານ ​ໄປຈົນ​ຮອດ​ເດືອນ​ທັນວາ
ແລະ​ເພີ້​ມ​ເພດານ​ໃນການກູ້​ຢືມ​ເງິນຂອງ​ປະເທ​ດຂຶ້ນຕື່ມ. ປະທານ​ານາ​ທິບໍດີ​ທຣໍາ​ ​ແລະ
​ບັນດາ​ຜູ້ນຳ​ພັກ​ເດ​ໂມ​ແຄຣັດຢູ່​ລັດຖະສະພາ​ໄດ້​ບັນລຸ​ຂໍ້​ຕົກລົງ​ ​ໃນລະຫວ່າງ​ການ​ພົບ​ປະ​
ທີ່​ທຳນຽບຂາວ​ໃນ​ວັນ​ພຸດ​ອາທິດ​ແລ້ວນີ້ ​ແຕ່​ສະມາຊິກ​ພັກຣີພັບ​ບລິ​ກັນ​ຫລາ​ຍຄົນຍັງບໍ່
​ດີໃຈກ່ຽວ​ກັບ​ການ​ຍື່ນມື​ຂອງ​ປະທານາທິບໍດີໄປ​ຫາ​ພັກຝ່າ​ຍຄ້ານດັ່ງກ່າວ. ນັກ​ຂ່າວ​ແຫ່ງ​
ຊາດວີ​ໂອ​ເອ Jim Malone ມີ​ລາ​ຍງານເພີ່ມ​ຕື່ມວໍຊິງຕັນ ກ່ຽວ​ກັບວິ​ທີປົກຄອງ​ຂອງ​ທ່ານ​
ທຣໍາທີ່​ທຳນາຍ​ບໍ່​ໄດ້ຊຶ່ງ ​ກິ່ງ​ສະຫວັນ ຈະ​ນຳ​ລາຍ​ລະອຽດ ມາສະ​ເໜີ​ທ່ານ.

ຢູ່ທີ່​ທຳນຽບຂາວ ​ໃນ​ວັນ​ພະຫັດ​ອາທິດ​ແລ້ວ​ນີ້ ປະທານາທິບໍດີ​ທຣໍາກ່າວ​ວ່າ ຂໍ້​ຕົກລົງ​ທີ່
​ທ່ານ​ເຫັນ​ພ້ອມກັບ​ພັກ​ເດ​ໂມ​ແຄຣັດນັ້ນ ​ແມ່ນດີ​ສຳລັບ​ປະ​ເທ​ດ ຊາດ. ປະ​ທານາ​ທິບໍດີ​
ທຣໍາ ກ່າວ​ວ່າ “ປະຊາຊົນ​ຂອງ​ສະຫະລັດ ຕ້ອງການ​ຢາ​ກ​ເຫັນ​ການຕົກລົງກັນ ຢ່າງ​ໜ້ອຍ
​ກໍ​ໃນ​ເລື່ອງ​ໃດ​ເລື່ອງ​ນຶ່ງ ​ກັບ​ບັນດາ​ພັກ​ທີ່​ແຕກ​ຕ່າງ​ກັນ. ພວກ​ເຮົາ​ມີ​ຄວາມ​ຄິດ​ແຕກ​ຕ່າງ​
ກັນ ມີ​ຄວາມ​ຮູ້ສຶກ​ຕ່າງ​ກັນ ມີ​ແນວ​ຄິດ​ຕ່າງ​ກັນ ​ແຕ່​ຂ້າພະ​ເຈົ້າ​ຄິດ​ວ່າ​ ທ່ານ​ຈະ​ເຫັນ​ການ​
ປຸ້ມລຸມ​ກັນ ທີ່​ເຂັ້ມແຂງ​ກວ່າ​ເກົ່າ”

ການ​ຕົກ​ລົງດັ່ງກ່າວ ​ມີ​ເກີດ​ຂຶ້ນ​ໃນ​ວັນ​ພຸດ​ອາ​ທິດ​ແລ້​ວນີ້​ໃນ​ການ​ພົບ​ປະ​ທີ່ທຳນຽບຂາວ​
ກັບ​ບັນດາ​ຜູ້ນຳລັດຖະສະພາພັກຣີພັບ​ບລິ​ກັນ ​ແລະ​ເດ​ໂມ​ແຄຣັດ ຮວມທັງ​ຜູ້ນຳ​ສະພາ​
ສູງ​ຂອງພັກ​ເດ​ໂມ​ແຄຣັດ ທ່ານ Chuck Schumer.

ທ່ານ Schumer ກ່າວ​ວ່າ "ປະ​ເທດ​ຊາດ​ ໄດ້ພາກັນຮຽກ​ຮ້ອງ​ໂຮ ໃຫ້​ທັງສອງ​ພັກ​ ​
ເພື່ອ​ໃຫ້​ສອງ​ພັກ​ເຮັດ​ວຽກ​ຮ່ວມ​ກັນ ​ເຮັດວຽກ​ນຳ​ກັນ​ເພື່ອ​ທຸລະ​ກິດ​ຂອງ​ປະ​ເທດ ​
ແທນ​ທີ່ຈະ​ເຂົ້າ​ພົວພັນ ​ໃນ​ການ​ສ່ຽງ​ໄພ​ທີ່​ເປັນ​ອັນຕະລາຍ ​ແບບບໍ່ຈຳ​ເປັນ. ຂໍ້​ຕົກ
ລົງ​ມື້ວານ​
ນີ້​ເປັນແສງແຫ່ງ​ຄວາມ​ຫວັງ."

ຂໍ້ຕົກ​ລົງດັ່ງກ່າວ ​ໄດ້​ຢຸດ​ເຊົາການ​ປະເຊີນ​ໜ້າ​ກັນ​ເປັນ​ການ​ຊົ່ວຄາວ​ກ່ຽວ​ກັບ​ການ​ໃຊ້​
ຈ່າຍ​ລັດຖະບານ ​ແລະ​ເພດານ​ໜີ້​ສິນ​ ​ໃນ​ໄລຍະ 3 ເດືອນ​ຕໍ່ໜ້າ.

ນອກ​ນັ້ນ​ ຍັງ​ຈະ​ຈັດ​ສົ່ງ​ການ​ຊ່ວຍ​ເຫຼືອສຸກ​ເສີນ ​ຫລາຍ​ພັນ​ລ້ານ​ໂດ​ລາ ​ໄປ​ໃຫ້​ຜູ້​ເຄາະ​
ຮ້າຍຈາກພາຍຸ​ເຮີຣິ​ເຄນ​ຮາວີ.

ສະມາຊິກ​ພັກຣີ​ພັບບລິ​ກັນ​ຫລາຍ​ຄົນ ​ບໍ່ດີໃຈ​ກັບ​ການ​ທີ່​ປະທານາທິບໍດີ ​ຍື່ນ​ມືໄປຫາ
​ພັກ​ເດ​ໂມ​ແຄຣັດ.

​ແຕ່​ປະທານ​ສະ​ພາ​ຕໍ່າ ທ່ານ Paul Ryan ກ່າວ​ວ່າ ​ແມ່ນການ​ຢືນ​ຢັດຂອງປະ ທານ​າ
ທິບໍດີ​ທຣໍາ.

ທ່ານ Ryan ກ່າວ​ວ່າ “ອັນ​ທີ່​ທ່ານ​ໄດ້​ແນ​ໃສ່ ຢູ່​ໃນ​ກອງ​ປະຊຸມ​ໃນ​ມື້​ນັ້ນ ​ແມ່ນ ການ
​ຮ່ວມ​ມື​ຂອງ​ສອງ​ພັກ​ ​ໃນ​ຂະນະທີ່​ປະ​ເທດ​ຊາດກຳລັງ​ປະ​ເຊີນ​ໜ້າ​ກັບ​ພາຍຸ​ເຮີຣິ​ເຄນ​
ສອງ​ຫົວ​ທີ່​ຮ້າຍ​ແຮງ.”

ປະທານາທິບໍດີ​ທຣໍາ ຍັງໄດ້​ສະ​ເໜີ​ຕໍ່ທັງ​ສອງ​ພັກ​ ກ່ຽວ​ກັບ​ການ​ປະຕິ​ຮູບ​ພາສີ ຢູ່​ທີ່​
ການ​ໂຮມຊຸມນຸມ ໃນ​ລັດ North Dakota.

​ແຕ່​ຄຳ​ຖາມ​ສຳລັບ​ຫລາຍໆ​ຄົນ​ກໍ​ແມ່ນ​ວ່າ ວິທີ​ການ​ໃໝ່​ດັ່ງກ່າວ​ນີ້ ​ຈະ​ໃຊ້​ໄດ້​ດົນ​
ປານ​ໃດ?

ນັກ​ປະຫວັດສາດ Allan Lichtman ກ່າວ​ວ່າ ຈົນ​ເຖິງ​ເທົ້າປັດ​ຈຸ​ບັນ​ນີ້ ປະທານາທິບໍ
ດີ​ທຣໍາ ສ່ວນ​ໃຫຍ່​ແລ້ວ​ແມ່ນໄດ້​ເນັ້ນ​ໜັກ​ໃສ່​ການ​ສ້າງ​ຄວາມພໍ​ໃຈ​ໃຫ້​ແກ່
ສະມາຊິກ​ພາຍ​ໃນ​ພັກ​ຂອງ​ທ່ານ.

ທ່ານ Lichtman ກ່າວ​ວ່າ “​ແລະ​ທ່ານ​ບໍ່​ສົນ​ໃຈ​ເລີຍ ​ກ່ຽວ​ກັບວ່າ ຜູ້ຄົນ​ມີ​ປະ​ຕິ​ກິລິ
ຍາ​ຢ່າງ​ໃດ​ຕໍ່​ສິ່ງ​ທີ່​ທ່ານກ່າວ ຍົກ​ເວັ້ນ​ແຕ່​ສະມາຊິກ​ພັກ​ຂອງ​ທ່ານ. ​ເພາະວ່າ​ທ່ານ​
ຮັກ​ສະມາຊິກພັກ​ຂອງ​ທ່ານ ​ເພາະວ່າ​ເຂົາ​ເຈົ້າ​ໄດ້ບູຊາທ່ານ ​ແລະ​ໃຫ້​ຄວາມສົນ
​ໃຈແກ່​ທ່ານ.”

ນັນ​ດາ​ນັກວິ​ເຄາະໃຫ້​ຂໍ້​ສັງ​ເກດ​ວ່າ ປະທານາທິບໍດີ​ທຣໍາປາກົດ​ວ່າ ​ໄດ້ສະ​ແດງ​ໃຫ້​ເຫັນ
ວ່າ ມີ​ລະບຽບ​ວິ​ໄນ​ຫລາຍ​ຂຶ້ນ​ຫວ່າງ​ມໍ່ໆ​ມາ​ນີ້ ບາງ​ທີ່​ເພາະວ່າ​ອິດ​ທິພົນ​ຈາກຫົວໜ້າທີ່
​ປຶ​ກສາ​ຂອງ​ທຳນຽບຂາ​ວ ທ່ານ John Kelly.

ທ່ານ Chris Whipple ​ໄດ້​ຂຽນ​ກ່ຽວ​ກັບບັນດາຫົວໜ້າທີ່​ປຶກສາ​ຂອງ​ທໍານຽບ ຂາວຄົນ
​ກ່ອນໆ.

ທ່ານ Whipple ກ່າວ​ວ່າ “ທຸກໆ​ປະທານາທິບໍດີ​ຮຽນຮູ້ ​ໃນ​ທາງ​ຍາກ​ຢູ່​ເລື້ອຍໆ ທີ່​
ທ່ານ​ບໍ່​ສາມາດ​ປົກຄອງແບບ​ໄດ້​ຜົນ​ໂດຍປາດ​ສະ​ຈາກການໃຫ້ສິດອຳນາດ​ແກ່
ຫົວໜ້າທີ່​ປຶກສາ​ຂອງ​ທໍານຽບຂາວ ​ໃຫ້ກ່ອນໝູ່ລະຫວ່າງ​ຄວາມ​ເທົ່າ​ທຽມກັນຢູ່​ໃນ​ທຳນຽບຂາວ ​ກ່ຽວ​ກັບ​ເລື່ອງ​ຕ່າງໆ ​ແຕ່​ທີ່ສຳຄັນສຸດນັ້ນ​ກໍ​ຄືສັ່ງ​ໃຫ້​ປະຕິບັດ​ຄຳ​ສັ່ງ
​ຂອງ​ທ່ານ ​ແລະ​ບອກ​ໃຫ້​ທ່ານຮູ້​ໃນ​ສິ່ງ​ທີ່​ທ່ານ​ບໍ່​ຢ່າ​ກ​ໄດ້​ຍິນ.”

ຜູ້​ຊ່ຽວຊານ Larry Sabato ກ່າວ​ຜ່ານ​ທາງ skype ວ່າ ປະທານາທິບໍ​ດີ​ທຣໍາ ຫວັງ​ວ່າ
ຈະ​ຜ່ານຜ່າຄວາມ​ຜິດພາດທີ່​ຜ່ານ​ມາ ​ຄືຄວາມລົ້ມແຫລວ​ໃນ​ຄວາມພະ ຍາ​ຍາມ​ຍົກ
​ເລີກ ​ແລະ​ທົດ​ແທນ Obamacare.

ທ່ານ Sabato ກ່າວ​ວ່າ “ທ່ານເກັ່ງ​ຫຼາຍ​ໃນ​ດ້ານ​ຄຳ​ຂວັນ. ທ່ານ​ບໍ່ເກັ່ງ​ທາງດ້ານ​
ລາຍລະອຽດ. ​ແລະ​ຈະ​ເປັນ​ປະທານາທິບໍດີ​ທີ່ດີ​ ​ແລະ​ຮັບຜ່ານ​ຮ່າງ​ກົດໝາຍ ທີ່​ມີ
ຊື່​ຂອງ​ທ່ານໃສ່​ໄວ້ນັ້ນ​ ທ່ານ​ຕ້ອງ​ຮູ້​ເລາຍ​ລະ​ອຽດ.”

ປະທານາທິບໍດີ ກຳລັງ​ຊອກຫາ​ຊ່ອງ​ທາງ​ເພື່ອສ້າງປະຫວັດ​ໃຫ້​ແກ່​ພັກຣີພັບ​ບລິ​ກັນ
ປົກ​ປ້ອງ ​ໃນ​ຂະນະ​ທີ່​ເຂົາ​ເຈົ້າ​ກະກຽມ ​ການ​ເລືອກ​ຕັ້ງລັດຖະສະພາ​ກາງ​ສະ​ໄໝ ໃນ​
ປີໜ້ານີ້.

ທ່ານອາດຈະມັກເລື້ອງນີ້ຄືກັນ

XS
SM
MD
LG