ລິ້ງ ສຳຫລັບເຂົ້າຫາ

logo-print

ປ. ທ​ຣຳ ກ່າວ​ປົກ​ປ້ອງ ທ່ານ​ຄາ​ແວ​ນໍ ຫຼັງ​ຈາກ ມີ​ການ​ກ່າວ​ຫາ ເພີ້ມ​ຕື່ມ


ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ຕອບ​ຄຳ​ຖາມ ພວກ​ນັກ​ຂ່າວ ຢູ່​ຂ້າງນອກ ກອງ​ປະ​ຊຸມ​ສະ​ມັດ​ຊາ​ໃຫຍ່ ສະ​ຫະ​ປະ​ຊາ​ຊາດ ທີ່​ນະ​ຄອນ​ນິວຢອກ. (ວັນ​ທີ 26 ກັນ​ຍາ 2018)

ທ່ານ​ແບ​ຣັດ ຄາ​ແວນໍ ທີ່​ຖືກ​ສະ​ເໜີ​ແຕ່ງ​ຕັ້ງ​ ໃຫ້​ເປັນ​ຜູ້​ພິ​ພາກ​ສາ​ສານ​ສູງ​ສຸດ​ຂອງສະ​ຫະ
​ລັດ ແລະ​ແມ່​ຍິງ​ທີ່​ກ່າວ​ຫາ​ທ່ານ​ວ່າ​ລວນ​ລາມ​ທາງ​ເພດຕໍ່​ທ່ານ​ນາງໃນ​ເວລາ​ທີ່​ພວກ​ທ່ານ
​ຍັງ​ເປັນ​ໄວ​ລຸ້ນ​ຢູ່ນັ້ນ ມີ​ກຳ​ນົດ​ທີ່​ຈະ​ໄປ​ໃຫ້​ການຕໍ່​ສະ​ພາ​ສູງ ທີ່ອາດ​ຕັດ​ສິນ​ຊີ້​ຂາດກ່ຽວ​ກັບ
​ຄວາມ​ກ້ຳ​ເກິ່ງ​ທາງ​ດ້ານ​ອຳ​ນາດ ຢູ່​ໃນ​ສະ​ຖາ​ບັນ​ຕຸ​ລາການ​ສູງ​ສຸດ​ຂອງ​ປະ​ເທດ.

ທ່ານ​ນາງ​ຄ​ຣິ​ສ​ຕີນ ​ແບ​ລ​ຊີ ຝອດ ຈະ​ເວົ້າ​ເຖິງ ​ການ​ກ່າວ​ຫາ​ຂອງ​ທ່ານ​ນາງ​ ກ່ຽວກັບ​ເຫດ
​ການ​ທີ່​ເກີດ​ຂຶ້ນ ຊຶ່ງ​ທ່ານ​ນາງ ​ກ່າວ​ວ່າ ທ່ານ​ຄາ​ແວ​ນໍ ​ໄດ້​ທຳ​ການ ​ລວນ​ລາມ​ທາງ​ເພດ ​ຕໍ່
​ທ່ານ​ນາງໃນ​ລະ​ຫວ່າງ​ງານ​ພາ​ຕີ້ເວ​ລາ​ພວກ​ທ່ານ​ທັງ​ສອງ​ຍັງຮຽນ​ຢູ່​ມັດ​ທະ​ຍົມ​ປາຍ. ໃນ
​ຄຳ​ຖະ​ແຫຼງ​ ເພື່ອ​ເລີ້ມ​ການ​ໃຫ້​ການ ທີ່​ມີ​ການ​ກະ​ກຽມໄວ້​ລ່ວງ​ໜ້າ ທີ່​ໄດ້​ນຳ​ອອກ​ເຜີຍ​ແຜ່​
ໃນ​ຕອນ​ແລງວັນ​ພຸດວານນີ້ ທ່ານ​ນາງຝອດໄດ້​ໃຫ້​ລາຍ​ລະ​ອຽດ​ກ່ຽວ​ກັບ​ເຫດ​ການ​ທີ່​ເກີດ​
ຂຶ້ນ ໃນ​ລະ​ດູ​ຮ້ອນ​ປີ 1982 ໃນ​ລະ​ຫວ່າງ ​ທີ່​ທ່ານ​ນາງ​ ກ່າວ​ອ້າງວ່າ ທ່ານ​ຄາ​ແວ​ນໍ ແມ່ນ
ເຫັນ​ໄດ້​ ຢ່າງ​ຈະ​ແຈ້ງວ່າ ເມົາ​ເຫຼົ້າ ​ພ້ອມ​ກັບ​ເພື່ອນ​ຂອງ​ລາວ ທ້າວມາກ ຈາດ​ຈ໌ ໄດ້​ຊຸກ
​ທ່ານ​ນາງ​ເຂົ້າ​ໄປ​ໃນຫ້ອງ ລັອກ​ປະ​ຕູ​ທີ່​ຢູ່​ທາງ​ຫຼັງ​ເຂົາ​ເຈົ້າ​ແລ້ວກໍ​ເລີ້ມພະ​ຍາ​ຍາມ​ໃຊ້​ກຳ
​ລັງ​ລວນຕໍ່​ທ່ານ​ນາງ. ຢູ່​ໃນ​ຖະ​ແຫຼງ​ການນັ້ນ ທ່ານ​ນາງ​ກ່າວ​ວ່າ ທ່ານ​ນາງ​ມີ​ຄວາມ​ຢ້ານ
ກົວ​ເປັນ​ທີ່​ສຸດ ແລະ​ຮູ້​ສຶກ​ລະ​ອາຍ ​ທີ່​ຈະ​ບອກ​ໃຫ້​ຜູ້​ອື່ນ​ຮູ້ ແລະກໍ​ບໍ່​ໄດ້​ເປີດ​ເຜີຍ ​ລາຍລະ​
ອຽດ​ກ່ຽວ​ກັບ​ເຫ​ດ​ການ​ດັ່ງ​ກ່າວຈົນ​ຫຼາຍໆ​ປີ​ຜ່ານ​ມາ ຕໍ່​ສາ​ມີ​ຂອງ​ທ່ານ​ນາງ​ ແລະຕໍ່​ການ​
ປິ່ນ​ປົວ​ທີ່​ທ່ານ​ນາງ​ໄດ້​ຮັບ.

​ທ່ານ​ແບ​ຣັດ ຄາ​ແວ​ນໍ ແລະ​ພັນ​ລະ​ຍາ ທ່ານ​ນາງ ອາ​ສ​ລີ ແອັ​ສ​ຕິ​ສ ຄາ​ແວ​ນໍ.
​ທ່ານ​ແບ​ຣັດ ຄາ​ແວ​ນໍ ແລະ​ພັນ​ລະ​ຍາ ທ່ານ​ນາງ ອາ​ສ​ລີ ແອັ​ສ​ຕິ​ສ ຄາ​ແວ​ນໍ.

ທ່ານ​ຄາ​ແວ​ນໍ ຊຶ່ງ​ຈະ​ໄປ​ປາ​ກົດ​ຕົວ​ຕ່າງ​ຫາກ ຕໍ່​ຄະ​ນະ​ກຳ​ມະ​ການ​ຕຸ​ລາ​ການ​ຂອງ​ສະ​ພາ​
ສູງນັ້ນ ກໍ​ໄດ້​ເປີດ​ເຜີຍຄຳ​ຖະ​ແຫຼງ​ລ່ວງ​ໜ້າ ຕໍ່​ຄະ​ນະ​ກຳ​ມະ​ການ​ດັ່ງ​ກ່າວ​ຄືກັນ. ທ່ານ​ໄດ້
​ປະ​ຕິ​ເສດ​ຢ່າງ​ແຂງ​ຂັນ​ຕໍ່​ການ​ກ່າວ​ຫາທີ່​ວ່າ​ທ່ານ​ໄດ້​ລວນ​ລາມ​ທາງ​ເພດ​ຕໍ່​ທ່ານ​ນາງ​ຝອດ
ແລະ​ການ​ກ່າວ​ຫາຂອງ​ບຸກ​ຄົນ​ອື່ນໆ​ອີກ ໂດຍ​ເອີ້ນ​ການ​ກ່າວ​ຫາ​ເຫຼົ່າ​ນີ້​ວ່າເປັນ​ຄວາມ​ພະ
​ຍາ​ຍາມ​ໃນ​ນາ​ທີ​ສຸດ​ທ້າຍ ​ເພື່ອ​ຈະ​ທຳ​ລາຍ​ຊື່​ສຽງຂອງ​ທ່ານ. ທ່ານ​ກ່າວ​ວ່າ ການ​ທຳ​ລາຍ
​ຊື່ສຽງ​ແບບນີ້ ຖ້າ​ຫາກ​ປ່ອຍ​ໃຫ້​ປະ​ສົບ​ຜົນສຳ​ເລັດ​ແລ້ວ ມີ​ແຕ່​ຈະເຮັດ​ໃຫ້​ຜູ້​ທີ່​ມີ​ຄວາມ​ສາ​
ມາດ​ແລະ​ຄົນ​ດີໆ ບໍ່​ວ່າ​ຈະ​ມີ​ແນວຄິດ​ທາງ​ດ້ານ​ການ​ເມືອງ​ແບບ​ໃດ​ກໍ​ຕາມ ເຂົ້າ​ໄປ​ຮັບ​ໃຊ້
​ປະ​ເທດ​ຊາດແລະ​ກ່າວຕື່ມ​ວ່​າ ທ່ານ​ຈະ​ບໍ່​ຖືກ​ຂົ່ມ​ຂູ່ໃຫ້​ຖອນ​ໂຕ ຈາກ​ຂັ້ນ​ຕອນໃນການ​ຄັດ​
ເລືອກ​ທາງດ້ານ​ຕຸ​ລາ​ການດັ່ງ​ກ່າວ.

ຂ່າວນອງ​ນັນ ​ທີ່​ຫ້ອມ​ລ້ອມ​ຂັ້ນ​ຕອນ ​ການ​ສະ​ເໜີ​ແຕ່ງ​ຕັ້ງ​ ທ່ານ​ຄາ​ແວ​ນໍ ມີ​ຂຶ້ນ​ບໍ່​ເທົ່າ​ໃດ​
ອາ​ທິດ ກ່ອນ​ການ​ເລືອກ​ຕັ້ງ​ກາງ​ສະ​ໄໝ ໃນ​ວັນ​ທີ 6 ພະ​ຈິກ ຊຶ່ງ​ພັກ​ເດໂມ​ແຄ​ຣັດກຳ​ລັງ
​ຊອກ​ຫາ​ທາງ ເພື່ອ​ຈະ​ເຂົ້າ​ຄວບ​ຄຸມ​ລັດ​ຖະ​ສະ​ພາ. ປະ​ທາ​ນາ​ທິບໍ​ດີ ດໍ​ໂນ​ລ ທ​ຣຳ​ເລືອກ​
ເອົາ​ຜູ້​ພິ​ພາກ​ສາ​ຄາ​ແວ​ນໍເຂົ້າ​ຮັບ​ໜ້າ​ທີ່​ແທນ​ຜູ້​ພິ​ພາກສາ​ແອນ​ໂທ​ນີ ເຄັນ​ເນ​ດີ ຊຶ່ງ​ເປັນ​ຜູ້
​ລົງ​ຄະ​ແນນ​ສຽງ ແບບ​ປ່ຽນ​ໄປ​ປ່ຽນ​ມາ ຢູ່​ໃນສານ​ສູງ​ສຸດ ແລະ​ມັກ​ຈະ​ເຂົ້າ​ຂ້າງ​ພວກ​ຜູ້​ພິ
​ພາກ​ສາ​ຫົວ​ເສ​ລີ​ນິ​ຍົມ ກ່ຽວ​ກັບ​ຄະ​ດີ​ທີ່​ສຳ​ຄັນໆ ທ່ານ​ຮັບ​ຮອງ​ເອົາ​ການ​ແຕ່ງ​ຕັ້ງ​ທ່ານ​ຄາ​
ແວ​ນໍ ອາດ​ເຮັດ​ໃຫ້​ການ​ກຳສຽງ​ສ່ວນ​ຫຼາຍ ຂອງ​ພວກ​ນິ​ຍົມ​ແນວ​ທາງ​ເດີ ມ​ຢູ່​ໃນ​ສານ​ສູງ​
ສຸດ ​ໝັ້ນ​ຄົງ​ຂຶ້ນ​ຕື່ມສຳ​ລັບ​ອະ​ນຸ​ຊົນ​ຮຸ້ນ​ຕໍ່​ໄປ.

ໃນ​ວັນ​ພຸດ​ວານນີ້ ປະ​ທາ​ນາ​ທິ​ບໍ​ດີ​ທ​ຣຳ ກ່າວ​ອ້າງວ່າ ​ມີການ​ດຳ​ເນີນ​ຄວາມ​ພະ​ຍາຍາມ
​ແບບ​ມີ​ການ​ປະ​ສານ​ງານ​ກັນຂອງ​ພັກ​ເດ​ໂມ​ແຄ​ຣັດ ໃນ​ການ​ກ່າວ​ຫາ​ກ່ຽວ​ກັບການ​ລວນ​
ລາມ​ທາງ​ເພດ ຕໍ່​ທ່ານ​ຄາ​ແວ​ນໍ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG