ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ປ. ທຣໍາ ຢືນຢັນວ່າ ທ່ານໄດ້ຈ່າຍເງິນ ຄືນໃຫ້ ທະນາຍຄວາມ ທີ່ຈ່າຍເງິນ ແກ່ດາຣາໂປ້


ຮູບພາບຂອງ ປະທານາທິບໍດີດໍໂນລ ທຣໍາ ທະນາຍຄວາມ ທ່ານໄມເກີລ ໂຄເຮັນ ແລະດາຣາຮູບເງົາໂປ້ ນາງສະຕອມມີ ດານຽລສ໌.
ຮູບພາບຂອງ ປະທານາທິບໍດີດໍໂນລ ທຣໍາ ທະນາຍຄວາມ ທ່ານໄມເກີລ ໂຄເຮັນ ແລະດາຣາຮູບເງົາໂປ້ ນາງສະຕອມມີ ດານຽລສ໌.

ໂຄສົກ​ທຳນຽບຂາວ ​ຮັບ​ຮູ້​ໃນ​ວັນ​ພະຫັດ​ວານ​ນີ້​ວ່າ ທ່ານ​ນາງ​ໄດ້​ຮຽນ​ຮູ້​ເປັນເທື່ອ​ທຳ​ອິດ
ພ້ອມ​ດ້ວຍຊາວ​ອາ​ເມຣິກັນ​ທັງ​ໝົດ ໃນ​ແລງ​ວັນ​ພຸດ​ທີ່​ຜ່ານ​ມາ​ວ່າ ປະທາ ນາທິບໍດີ​ດໍ
​ໂນ​ລ ທຣໍາ​ ໄດ້ຈ່າຍ​ເງິນ​ຄືນ​ໃຫ້​ແກ່​ທະ​ນາຍ​ຄວາມ​ຂອງ​ທ່ານຍ້ອນທະນາຍ ໄດ້​ຈ່າຍ
ເງິນ​ໃຫ້​ແກ່ນັກສະ​ແດງຮູບ​ເງົາໂປ້ ບໍ່ດົນ​ກ່ອນ​ການ​ເລື​ອກຕັ້ງ​ໃນ​ປີ 2016.

ທ່ານ​ນາງ​ຊາຣາ ຮັກ​ກາ​ບີ ​ແຊນ​ເດີຣສ໌ ກ່າວ​ໃນລະຫວ່າງ ​ການຖະແຫຼງ​ຂ່າວທາງ​ໂທ
ລະພາບ​ຕາມ​ປົກກະຕິວ່າ “ຂ້າພ​ະ​ເຈົ້າ​ໄດ້​ຮູ້້ເປັນ​ເທື່ອ​ທຳ​ອິດແມ່ນໃນລະ ຫວ່າງ​ການ​
ໃຫ້​ສຳພາດໃນ​ມື້ຄືນນີ້​. ຫ້ອງການ​ຂ່າວ​ທຳນຽບຂາວ ຈະ​ບໍ່​ປະສານ​ງານ​ກັບທິມກົດ
ໝາຍຂອງ​ປະທານາທິບໍດີ ທີ່ຢູ່ຂ້າງ​ນອກ ກ່ຽວ​ກັບ​ຍຸດ​ທະ​ສາດ​ດ້ານ​ກົດໝາຍ.”

ທ່ານ​ນາງ​ຮັກ​ກາ​ບີ ​ແຊນ​ເດີຣສ໌ ​ໄດ້​ຖືກ​ຖາມຕື່ມ​ວ່າ ທ່ານ​ນາງໄດ້ຕົວະ ຫຼື​ວ່າ​ໄດ້​ຢູ່​ໃນ
​ຄວາມ​ມືດ​ມົວ ​ເວລາ​ທ່ານ​ນາງ ​ໄດ້​ກ່າວ​ຕໍ່​ບັນດາ​ນັກ​ຂ່າວ ​ກ່ອນ​ໜ້າ​ນັ້ນ​ວ່າ ປະທານາ
ທິບໍ​ດີບໍ່ຮູ້​ກ່ຽວ​ກັບ​ການ​ຈ່າຍ​ເງິນ.

ທ່ານ​ນາງ​ຕອບ​ວ່າ “ຂ້​າ​ພະ​ເຈົ້າ​ໄດ້​ໃຫ້​ຂໍ້​ມູນ​ທີ່​ດີ​ສຸດ ທີ່​ຂ້າພະ​ເຈົ້າ​ມີ​ຢູ່ໃນ​ເວລາ​ນັ້ນ.”

ປະທານາທິບໍດີ​ທຣໍາ​ໄດ້ໃຫ້ການ​ຢືນຢັນ​ໃນ​ຕອນ​ເຊົ້າ​ວັນ​ນັ້ນ ​ຢູ່​ໃນທວິດ​ເຕີ ທີ່​ນຶ່ງ​ໃນ
ບັນດາ​ທະນາຍຄວາມ ທ່ານຣູນີ ຈູ​ລີ​ອາ​ນີ ກ່າວ​ຢູ່ໃນ​ລາຍ​ການໂທລະພາບ​ຟັອກສ໌
ກ່ອນ​ຕອນ​ແລງ​ນັ້ນ​ວ່າ ທະນາຍຄວາມ​ໄມ​ເກີ​ລ ​ໂຄ​ເຮັນ​ໄດ້​ຖືກ​ຈ່າຍ​ເງິນ​ຄືນໃຫ້ ໂດຍ​ປະທານາທິບໍດີ ທີ່ທ່ານໄດ້​ຈ່າຍ​ໃຫ້​ນາງ​ສະ​ຕອ​ມມີ ດາ​ນຽລສ໌.

ອະດີດເຈົ້າເມືອງນະຄອນນິວຢອກ ທ່ານຈູລີອານີ ກ່າວຕໍ່ບັນດານັກຂ່າວ ວັນທີ 12 ມັງກອນ 2017.
ອະດີດເຈົ້າເມືອງນະຄອນນິວຢອກ ທ່ານຈູລີອານີ ກ່າວຕໍ່ບັນດານັກຂ່າວ ວັນທີ 12 ມັງກອນ 2017.

ນີ້​ແມ່ນຂັດແຍ້ງ​ໂດຍ​ກົງ ກັບການໃຫ້ຄວາມເຫັນຂອງ​ປະທານາທິບໍດີ​ທຣໍາ​ກ່ອນນັ້ນ.

ຢູ່​ເທິງ​ເຮືອບິນ​ປະຈຳ​ຕຳ​ແໜ່​ງ​ ແອຟອກສວັນ​ ​ເມື່ອ​ເດືອນ​ກ່ອນ ​ປະທານາທິບໍດີ ​ໄດ້​
ຕອບ​ວ່າ “ບໍ່” ຫຼັງ​ຈາກ​ນັກ​ຂ່າວ​ຄົນ​ນື່ງ​ຖາ​ມວ່າ ​ທ່ານຮູ້ຫຼືບໍ່ ກ່ຽວ​ກັບ​ການ​ທີ່​ທ່ານ​ໂຄ​ເຮັນ
​ໄດ້ຈ່າຍ​ໃຫ້​ແກ່​ນາງ​ດາ​ນຽລສ໌ ​ແລະ​ປະທານາທິບໍດີ​ທຣໍາຍັງ​ກ່າວ ວ່າ ທ່ານ​ບໍ່​ຮູ້ວ່າ​ເປັນ
​ຫຍັງ​ທະນາຍຄວາມ​ຂອງ​ທ່ານ ​ຈຶ່ງໄດ້​ຈ່າຍ​ເງິນໃຫ້ນາງ.

ທະນາຍຄວາມສ່ວນໂຕຂອງ ປະທານາທິບໍດີດໍໂນລ ທຣໍາ ທ່ານ​ໄມເກີລ ໂຄ​ເຮັນ ກຳລັງອອຈາກ ສານລັດຖະບານກາງ ວັນທີ 26 ເມສາ 2018.
ທະນາຍຄວາມສ່ວນໂຕຂອງ ປະທານາທິບໍດີດໍໂນລ ທຣໍາ ທ່ານ​ໄມເກີລ ໂຄ​ເຮັນ ກຳລັງອອຈາກ ສານລັດຖະບານກາງ ວັນທີ 26 ເມສາ 2018.

ດາ​ຣາ​ຮູບ​ເງົາໂປ້​ແລະຜູ້​ກຳກັບ ຊຶ່ງມີຊື່​ແທ້​ວ່ານາງ​ສະ​ແຕັ​ບຟາ​ນີ ​ເກ​ຣກໍຣີ ຄລິ​ຟ ຟອດ ​ໄດ້​ກ່າວ​ຫາວ່າ ຄວາມ​ສຳພັນ​ທາງ​ຊູ້ສາວກັບທ່ານທຣຳ​ຄືນ​ນຶ່ງໃນ​ປີ 2006 ຢູ່​ໂຮງ​ແຮມ​ໃນ​ລັດ​ເນ​ວາດາ​. ປະທານາທິບໍດີ ​ແລະ​ບັນດາ​ທະນາຍຄວາມ​ ຂອງ​ທ່ານ ​ໄດ້​ຢືນຢັດໃນ​ວັນ​ພະຫັດ​ວານ​ນີ້ິວ່າ ທ່ານບໍ່​ມີ​ຄວາມ​ສຳພັນ​ທາງ​ເພດ ​ແລະ​ບໍ່​ໄດ້​ໃຊ້​ເງິນ​ໂຄສະນາ​ຫາ​ສຽງ​ ພົວພັນ​ໃນ​ການຈ່າຍໃຫ້​ແກ່​ນາງ​ດາ​ນຽລສ໌.

ອ່ານຂ່າວນີ້ເພີ້ມເປັນພາສາອັງກິດ

Trump
please wait
Embed

No media source currently available

0:00 0:00:53 0:00

XS
SM
MD
LG