ທ່ານ ທຣໍາ ເລືອກຜູ້ຕໍ່ຕ້ານຢາວັກຊີນ ທ່ານ ໂຣເບີດ ເອັຟ ເຄັນເນດີ ຈູເນ່ຍ ເປັນລັດຖະມົນຕີກະຊວງສາທາລະນະສຸກ

ປະທານາທິບໍດີ​ທີ່​ຖືກເລືອກ​ຕັ້ງ ​ທ່ານ ດໍໂນລ ທຣໍາ ໄດ້ປະກາດ​ໃນ​ວັນ​ພະຫັດ​ວານ​ນີ້​ວ່າ ທ່ານ​ຈະ​ແຕ່ງຕັ້ງນັກ​ເຄື່ອນ​ໄຫວຕໍ່​ຕ້ານ​ຢາ​ວັກ​ຊີ​ນ ທ່ານ ໂຣເບີດ ເອັຟ ເຄັນເນດີ ຈູເນ່ຍ (Robert F. Kennedy Jr.) ໃຫ້ດໍາລົງຕໍາແໜ່ງຫົວໜ້າກະຊວງສາທາລະນະສຸກ ແລະບໍລິການສັງຄົມ, ໂດຍເລືອກຜູ້ຊາຍຄົນນຶ່ງທີ່ເຈົ້າໜ້າທີ່ສາທາລະນະສຸກພິຈາລະນາວ່າ ເປັນບຸກຄົນອັນຕະລາຍ, ໃຫ້ມາຮັບ ໜ້າທີ່ຫົວໜ້າໜ່ວຍງານຂະໜາດໃຫຍ່ທີ່ຈະກໍາກັບເບິ່ງແຍງທຸກຢ່າງ ນັບຕັ້ງແຕ່ຢາ, ວັກຊີນ ແລະຄວາມປອດໄພຂອງອາຫານ ໄປຈົນຮອດງານວິໄຈທາງການແພດ, ປະກັນສຸຂະພາບທາງສັງຄົມຂອງລັດຸະບານສໍາລັບຜູ້ອາວຸໂສ ແລະບຸກຄົນທົ່ວໄປ.

ທ່ານ ທຣໍາ ກ່າວໃນວັນພະຫັດວານນີ້ຢູ່ໃນເວັບໄຊທ໌ Truth Social ຂອງທ່ານ ທີ່ປະກາດການແຕ່ງຕັ້ງວ່າ “ເປັນເວລາດົນນານເກີນໄປ ທີ່ຊາວອາເມຣິກັນຖືກທໍາລາຍໂດຍບໍລິສັດອຸດສາຫະກໍາທີ່ຊັບຊ້ອນອາຫານ ແລະຢາ, ທີ່ມີສ່ວນຮ່ວມໃນການຫຼອກລວງ, ບິດເບືອນຂໍ້ມູນ, ແລະຂໍ້ມູນທີ່ບໍ່ຖືກຕ້ອງເມື່ອມາເຖິງສຸຂະພາບທາງສັງຄົມ.” ສໍາລັບ ທ່ານ ເຄັນເນດີ, ທ່ານກ່າວວ່າ ລາວຈະເປັນຜູ້ “ຍຸຕິການລະບາດຂອງພະຍາດຊໍາເຮື້ອ” ແລະ “ເຮັດໃຫ້ອາເມຣິກາຍິ່ງໃຫຍ່ ພ້ອມທັງມີສຸຂະພາບດີອີກຄັ້ງ!”

ທ່ານ ທຣໍາ ກ່າວ​ວ່າ ທ່ານ ເຄັນເນດີ ຈະ​ແນ​ເປົ້າ​ໝາຍ​ໃສ່​ຢາ​, ສານເຕີມແຕ່ງ​ໃນ​ອາ​ຫານ ແລະ​ສານ​ເຄ​ມີ.

ໃນຖານະທີ່ເປັນນັກເຄື່ອນໄຫວຕ້ານຢາວັກຊີນທີ່ໂດດເດັ່ນທີ່ສຸດໃນໂລກ, ການແຕ່ງຕັ້ງ ທ່ານ ເຄັນເນດີ ໃນທັນທີທັນໃດ ສ້າງຄວາມກັງວົນໃຫ້ເຈົ້າໜ້າທີສາທາລະນະສຸກຈໍານວນນຶ່ງ.

ດຣ. ແມນດີ ໂຄເຮັນ (Mandy Cohen), ຜູ້ອຳນວຍການສູນຄວບຄຸມ ແລະປ້ອງກັນພະຍາດຂອງສະຫະລັດ, ກ່າວຕໍ່ອົງການຂ່າວ AP ວ່າ “ຂ້ອຍບໍ່ຢາກຖອຍຫຼັງ ແລະເຫັນບັນດາເດັກນ້ອຍ ຫຼື ຜູ້ໃຫຍ່ ທົນທຸກ ຫຼື ສູນເສຍຊີວິດຂອງພວກເຂົາເພື່ອເຕືອນພວກເຮົາວ່າ ວັກຊີນມີປະໂຫຍດ, ແລະດັ່ງນັ້ນ ຂ້ອຍຈຶ່ງມີຄວາມເປັນຫ່ວງ.”

ທ່ານ ທຣໍາ ຍັງໄດ້ປະກາດວ່າ ໄດ້ເລືອກ ທ່ານ ດັກ ໂຄລລີນ (Doug Collins), ອະດີດສະມາຊິກລັດຖະສະພາຈາກລັດຈໍເຈຍ, ມາເປັນຜູ້ບໍລິຫານພະແນກກິດຈະການນັກລົບ. ທ່ານ ໂຄລລີນ ເປັນຜູ້ຊ່ຽວຊານຢູ່ໃນກອງບັນຊາການສໍາຮອງຂອງກອງທັບອາກາດສະຫະລັດ. ທ່ານເປັນສະມາຊິກພັກຣີພັບບລີກັນທີ່ຮັບໃຊ້ໜ້າທີ່ໃນສະພາແຕ່ປີ 2013 ຫາ 2021, ແລະທ່ານ ໄດ້ຊ່ວຍປົກປ້ອງ ທ່ານ ທຣໍາ ໃນລະຫວ່າງຂະບວນການຟ້ອງຮ້ອງຖອດຖອນທ່ານຄັ້ງທຳອິດ.

ໃນຕອນແລງຂອງວັນພະຫັດວານນີ້, ທ່ານ ທຣໍາ ກ່າວວ່າ ກຳລັງແຕ່ງຕັ້ງຜູ້ປົກຄອງລັດ ດາໂກຕ້າເໜືອ ທ່ານ ດັກ ເບີກໍາ (Doug Burgum) ໃຫ້ມາເປັນຜູ້ນຳກະຊວງພາຍໃນ. ລຸນຫຼັງສິ້ນສຸດການໂຄສະນາຫາສຽງປະທານາທິບໍດີຂອງຕົນໃນເດືອນທັນວາ ປີ 2023, ທ່ານ ເບີກໍາ ໄດ້ຮັບຮອງເອົາ ທ່ານ ທຣໍາ ແລະໄດ້ກາຍມາເປັນຜູ້ສະຫນັບສະຫນູນຂອງທ່ານ, ປາກົດໂຕໃນລາຍການໂທລະພາບ, ໃນກອງປະຊຸມ ແລະງານອື່ນໆ. ທ່ານຍັງຢູ່ໃນບັນຊີລາຍຊື່ສັ້ນຂອງ ທ່ານ ທຣໍາ ສໍາລັບຜູ້ສະໝັກຮ່ວມແຂ່ງຂັນເອົາຕໍາແໜ່ງອີກດ້ວຍ.

ອ່ານຂ່າວດ້ານລຸ່ມນີ້ເປັນພາສາອັງກິດ

NEW YORK (AP) — President-elect Donald Trump announced Thursday he will nominate anti-vaccine activist Robert F. Kennedy Jr. to lead the Department of Health and Human Services, putting a man whose views public health officials have decried as dangerous in charge of a massive agency that oversees everything from drug, vaccine and food safety to medical research, Medicare and Medicaid.

“For too long, Americans have been crushed by the industrial food complex and drug companies who have engaged in deception, misinformation, and disinformation when it comes to Public Health,” Trump said Thursday in a post on his Truth Social site announcing the appointment. Kennedy, he said, would “end the Chronic Disease epidemic" and “Make America Great and Healthy Again!”

Trump said Kennedy would target drugs, food additives and chemicals.

As one of the most prominent anti-vaccine activists in the world, Kennedy's nomination immediately alarmed some public health officials.

Dr. Mandy Cohen, director of the U.S. Centers for Disease Control and Prevention, told The Associated Press, “I don’t want to go backwards and see children or adults suffer or lose their lives to remind us that vaccines work, and so I am concerned.”

Trump also announced Thursday that he has chosen Doug Collins, a former congressman from Georgia, to run the Department of Veterans Affairs. Collins is a chaplain in the U.S. Air Force Reserve Command. The Republican served in Congress from 2013 to 2021, and he helped defend Trump during his first impeachment process.

Later Thursday, Trump said he was nominating North Dakota Gov. Doug Burgum to lead the Department of the Interior. After ending his own presidential campaign in December 2023, Burgum endorsed Trump and became an outspoken supporter, appearing on TV news shows and at rallies and other events. He was on Trump's short list of potential running mates.