ປະທານາທິບໍດີ ສະຫະລັດ ທ່ານ ດໍໂນລ ທຣຳ ມີກຳນົດທີ່ຈະເດີນທາງໄປເຂດຊາຍ
ແດນທີ່ເມືອງ ແອລ ປາໂຊ, ລັດ ເທັກຊັສ, ສຳລັບການໂຮມຊຸມນຸມໃນຄືນວັນຈັນມື້ນີ້
ເພື່ອເພັ່ງເລັງໃສ່ເລື້ອງການຮຽກຮ້ອງຂອງທ່ານໃນການສ້າງກຳແພງ ເພື່ອປ້ອງກັນ
ຄົນ ຈາກການເດີນທາງເຂົ້າມາ ສະຫະລັດ ຈາກ ເມັກຊິໂກ ຢ່າງຜິດກົດໝາຍ.
ອະດີດສະມາຊິກສະພາຕ່ຳຂອງເມືອງ ແອລ ປາໂຊ, ທ່ານ ເບໂຕ ໂອຣວກ, ຜູ້ທີ່ກຳລັງ
ພິຈາລະນາຄວາມເປັນໄປໄດ້ທີ່ຈະລົງແຂ່ງຂັນ ສຳລັບການຖືກສະເໜີຊື່ໂດຍພັກເດ
ໂມແຄຣັດ ໃນການແຂ່ງຂັນເອົາຕຳແໜ່ງປະທານາທິບໍດີປີ 2020 ນັ້ນ, ຈະເປັນນຶ່ງໃນ
ຜູ້ນຳໜ້າການເດີນຂະບວນຄັດຄ້ານ ຕ້ານການຮຽກຮ້ອງສ້າງກຳແພງຂອງທ່ານ ທຣຳ.
ເງິນການກໍ່ສ້າງສຳລັບກຳແພງຢູ່ເຂດຊາຍແດນພາກໃຕ້ຂອງ ສະຫະລັດ ແມ່ນຍັງຢູ່
ຈຸດໃຈກາງຂອງຄວາມຂັດແຍ້ງ, ດ້ວຍວ່າທ່ານ ທຣຳ ຮຽກຮ້ອງເອົາຫ້າພັນເຈັດຮ້ອຍ
ລ້ານໂດລາ ແລະ ຝ່າຍຄ້ານພັກເດໂມແຄຣັດ ປະກົດວ່າພ້ອມແລ້ວທີ່ຈະໃຫ້ເງິນຈຳ
ນວນນຶ່ງ, ແຕ່ໜ້ອຍກວ່າທີ່ທ່ານປະທານາທິບໍດີຕ້ອງການຕັ້ງຫຼາຍ.
ສະມາຊິກສະພາຫຼາຍຄົນໄດ້ກ່າວໃນທ້າຍອາທິດແລ້ວນີ້ວ່າ ເຂົາເຈົ້າໃກ້ຈະບັນລຸຂໍ້
ຕົກລົງໄດ້ແລ້ວ, ແມ່ນກະທັ້ງທີ່ມັນຍັງບໍ່ກະຈ່າງແຈ້ງວ່າ ທ່ານ ທຣຳ ຈະເຫັນດີນຳບໍ່.
ແຕ່ໃນວັນອາທິດວານນີ້, ສະມາຊິກສະພາສູງ ທ່ານ ຣິເຈີດ ແຊລບີ ຈາກລັດອາລາ
ບາມາ, ຜູ້ນຳໜ້າພັກຣີພັບບລີກັນໃນຄະນະກຳມະການລັດຖະສະພາທີ່ມີສະມາຊິກ
17 ທ່ານ ທີ່ປະຍາຍາມຈະບັນລຸຂໍ້ຕົກລົງ ກ່ຽວກັບ ເງິນທຶນການຮັກສາຄວາມປອດ
ໄພຢູ່ເຂດຊາຍແດນນັ້ນ ໄດ້ກ່າວຕໍ່ໂທລະພາບ ຟັອກສ໌ ວ່າ, ຂ້າພະເຈົ້າຄິດວ່າການ
ເຈລະຈາແມ່ນໄດ້ຢຸດສະງັກໃນເວລານີ້. ຂ້າພະເຈົ້າໝັ້ນໃຈວ່າພວກເຮົາຈະຕົກລົງ
ກັນໄດ້.”
ຫົວໜ້າວ່າການທີ່ປຶກສາທຳນຽບຂາວ ທ່ານ ມິກ ມັລເວນີ ໄດ້ກ່າວຕໍ່ໂທລະພາບຂ່າວ
NBC ວ່າ ການປິດລັດຖະບານອີກຄັ້ງນຶ່ງແມ່ນບໍ່ສາມາດປະຕິເສດໄດ້ “ຢ່າງແນ່ນອນ.”
ທ່ານໄດ້ກ່າວວ່າ ບໍ່ວ່າບັນດາສະມາຊິກສະພາແມ່ນໃກ້ຈະບັນລຸຂໍ້ຕົກລົງ ກ່ຽວກັບ ທຶນ
ສ້າງກຳແພງເຂດຊາຍແດນກໍຕາມ “ມັນຂຶ້ນຢູ່ກັບວ່າເຈົ້າຟັງສຽງຜູ້ໃດ.”