ປະທານາທິບໍດີສະຫະລັດ ທ່ານດໍໂນລ ທຣໍາ ໄດ້ນຳໃຊ້ສື່ສັງຄົມທີ່ທ່ານມັກໂຈມຕີລາຍ
ງານທີ່ວ່າ ໄອຍະການພິເສດກຳລັງສຶບສວນເບິ່ງວ່າທ່ານພະຍາຍາມຂັດຂວາງຂະບວນ
ການຍຸຕິທຳ.
“ພວກເຂົາເຈົ້າໄດ້ເສກສັນປັ້ນແຕ່ງຂ່າວ ການສົມຮູ້ຮ່ວມຄິດກັບຣັດເຊຍ ສູນເປີ ເຊັນມີ
ຄວາມຈິງ ດັ່ງນັ້ນ ບັດນີ້ຈຶ່ງເວົ້າເຖິງເລື່ອງການຂັດຂວາງຂະບວນການຍຸຕິທຳ ອັນເປັນ
ຂ່າວທີ່ບໍ່ມີມູນຄວາມຈິງ ງາມຫລາຍ.” ນັ້ນແມ່ນຄຳເວົ້າທີ່ປະທານາ ທິບໍດີທຣໍາ ໄດ້ຂຽນ
ເຍາະເຍີ້ຍລົງທາງ Twitter ໃນຕອນເຊົ້າວັນພະຫັດວານນີ້.
ຢູ່ໃນການສົ່ງຂໍ້ຄວາມທາງ Twitter ເທື່ອທີສອງນັ້ນ ປະທານາທິບໍດີທຣໍາກ່າວວ່າ “ທ່ານ
ກຳລັງເປັນພິຍານນຶ່ງໃນການຊອກຫາການແກ້ແຄ້ນທີ່ໃຫຍ່ທີ່ສຸດ ໃນປະຫວັດສາດການ
ເມຶອງອາເມຣິກາ ທີ່ໄດ້ນຳພາໂດຍ ພວກຄົນບໍ່ດີຈຳນວນນຶ່ງ ແລະພວກທີ່ມັກສ້າງບັນຫາ
ຂັດແຍ້ງ.”
ຢູ່ໃນການຖະແຫຼງ ຕໍ່ບັນດານັກຂ່າວ ທີ່ບໍ່ອະນຸຍາດໃຫ້ຖ່າຍຮູບນັ້ນ ໂຄສົກຍິງຂອງທຳ
ນຽບຂາວທ່ານນາງ Sarah Huckabee Sanders ໄດ້ຂໍໃຫ້ສົ່ງຄຳຖາມຕ່າງໆກ່ຽວກັບ
ການຂຽນຂໍ້ຄວາມລົງທາງ Twitter ເທື່ອຫລ້າສຸດນັ້ນ ໄປໃຫ້ທະນາຍຄວາມສ່ວນໂຕ
ຂອງປະທານາທິບໍດີທຣໍາ.
ການຂຽນຂໍ້ຄວາມ ລົງທາງ Twitter ອາດເປັນໂອກາດເຮັດໃຫ້ປະທານາທິບໍດີ ກ້າວ
ເລິກເຂົ້າໄປສູ່ອັນຕະລາຍທາງດ້ານກົດໝາຍ.
ທ່ານ Bradley Moss ນັກກົດໝາຍທີ່ຊ່ຽວຊານດ້ານການຟ້ອງຮ້ອງ ພົວພັນກັບ
ຄວາມໝັ້ນຄົງຂອງປະເທດ ວຽກງານລັດຖະບານກາງ ແລະກົດໝາຍການກວດປະ
ຫວັດຄວາມປອດໄພສ່ວນບຸກຄົນ ກ່າວວ່າ “ເບິ່ງແລ້ວມັນເປັນການບໍ່ເໝາະສົມສຳ
ລັບປະທານາທິບໍດີທີ່ຈະກ່າວໂຈມຕີການສືບສວນ ຂອງໄອຍະການພິເສດ ກ່ຽວກັບ
ການປະຕິບັດຂອງທ່ານ ແລະນັ້ນໄດ້ແຕ່ງຕັ້ງໂດຍຮອງລັດຖະມົນຕີກະຊວງຍຸຕິທຳ
ຂອງທ່ານເອງ.”
ໄອຍະການພິເສດ ທ່ານ Robert Mueller ມີທ່າທາງວ່າ “ຈະເກັບກຳ ເອົາການຂຽນຂໍ້
ຄວາມ ລົງທາງ Twitter ຕ່າງໆເຫຼົ່ານີ້ ເປັນຫຼັກຖານເພີ້ມເຕີມ” ສຳລັບການຂັດຂວາງຕໍ່
ການສືບສວນ” ນັ້ນຄືຄຳເວົ້າ ຂອງທ່ານ Moss ທີ່ຍັງເປັນຮອງຜູ້ອຳນວຍການໂຄງການ
James Madison ທີ່ໄດ້ກ່າວຕໍ່ວີໂອເອ.
ທ່ານ Mark Corallo ໂຄສົກທະນາຍຄວາມສ່ວນໂຕຂອງປະທານາທິບໍດີທຣໍາ ຄືທ່ານ
Marc Kasowitz ໄດ້ສະແດງປະຕິກິລິຍາຕໍ່ລາຍງານຂ່າວເຫຼົ່ານີ້ ທີ່ໄດ້ເຮັດໃຫ້ປະທາ
ນາທິບໍດີທຣໍາ ຂຽນຂໍ້ຄວາມລົງທາງ Twitter ຕິຕຽນອົງການສັນ ຕິບານກາງ FBI ທີ່ໄດ້
ເປີດເຜີຍຂໍ້ມູນ ກ່ຽວກັບປະທານາທິບໍດີ ທີ່ທ່ານຮ້ອງວ່າ “ມັນເປັນການໂພດໄປ ແບບທີ່
ໃຫ້ອະໄພບໍ່ໄດ້ ແລະຜິດກົດໝາຍ.”
