ລິ້ງ ສຳຫລັບເຂົ້າຫາ

ທ່ານ Trump ໂຈມຕີ ອະດີດ ປະທານາທິບໍດີ Clinton ທີ່ປະພຶດ ແບບບໍ່ຊອບທຳ ທາງເພດ


ຜູ້ສະໝັກປະທານາທິບໍດີ ສະຫະລັດ ທ່ານ Donald Trump ໂບກມືລະຫວ່າງການໂຄສະນາຫາສຽງ ທີ່ເມືອງ Lawrenceville ລັດ New Jersey.

ຮ່ອງຮອຍ​ອີກ​ຢ່າງ​ນຶ່ງ​ທີ່ສະ​ແດງ​ໃຫ້​ເຫັນ​ວ່າ ທ່ານ Trump ​ໄດ້ແນ​ເປົ້າໝາຍໃສ່ ທ່ານ Bill Clinton ​ໃນ​ຄວາມ​ພະຍາຍາມ​ເພື່ອ​ບ່ອນ​ລຳ​ລາຍ ການ​ໂຄສະນາ​ຫາ​ສຽງ​ເລືອກ​ຕັ້ງ​ ເປັນ ປະທານາທິບໍດີ ຂອງ​ທ່ານ​ນາງ Hillary Clinton ​ແມ່ນ​ມີ​ຂຶ້ນໃນ​ຮູບແບບ ​ຂ​ອງການໃ​ຊ້ ຕາໜ່າງສື່​ສັງຄົມ.

ທ່ານ Trump ຜູ້​ສະມັກປະທານາທິບໍດີ ທີ່​ຄາດ​ວ່າ​ຈະ​ໄດ້​ຮັບ​ການສະ​ເໜີຊື່​ແຕ່ງຕັ້ງ​ໃຫ້​ ເປັນຜູ້​ຕາງໜ້າ​ພັກຣິພັບ​ບລິ​ກັນນັ້ນ ​ໄດ້​ນຳອອກເຜີຍ​ແຜ່​ ຮູບ​ວີ​ດີ​ໂອ ຜ່ານ ທາງ Insta- gram ​ໃນ​ວັນ​ຈັນ​ທີ່​ຜ່ານ​ມານີ້​ ຊຶ່ງມີ​ສຽງ​ດົນຕີ​ແລະ​ສຽງແມ່ຍິງ​ສາມ​ຄົນ​ ​ທີ່​ໄດ້​ກ່າວ​ຫາ​ອະ ​ດີດ​ປະທານາທິບໍດີ​ວ່າ ລ່ວງ​ລໍ້າ​ທາງ​ເພດ​ ໃນ​ຊຸມປີ 1990.

​ໃນ​ຂະນະ​ທີ່​ວີ​ດີ​ໂອໃກ້​ຈະສຸດນັ້ນ ມັນ​ສະ​ແດງ​ໃຫ້​ເຫັນ​ຮູບ​ນຶ່ງຂອງ​ທ່ານ Clinton ນັ່ງ​ຢູ່ກັບ ​ຄຳເວົ້າທີ່​ກ່າວ​ວ່າ “ນີ້​ແມ່ນ​ອີກ​ເຫດການນຶ່ງ” ປາກົດ​ອອກ​ມາ. ພ້ອມ​ນີ້ຍັງໄດ້​ຍິນ​ສຽງທ່ານ ນາງ Clinton ຫົວຢູ່​ເບື້ອງ​ຫລັງ.

ທ່ານ Trump ​ໄດ້​ກ່າວ​ຫວ່າງ​ມໍ່ໆນີ້ ໃນ​ການ​ໃຫ້​ສຳພາດ​ວ່າ ການ​ໂຄສະນາ​ຫາ​ສຽງ​ຂອງ​ ທ່ານ​ຈະ​ສືບ​ຕໍ່ທຳ​ໂຈມ​ຕີ ​ເພື່ອ​ເຕືອນ ບັນດາ​ຜູ້​ມີ​ສິດປ່ອນ​ບັດ ກ່ຽວກັບ​ບັນຫາ​ໂຕ້ແຍ້​ງທີ່ ​ພົວພັນ​ກັບ​ທ່ານ Clinton.

ສາ​ດສະ​ດາ​ຈານ​ສອນສື່​ມວນ​ຊົນ ​ແລະ​ປະຊາສຳພັນ ​ທີ່ມະຫາວິທະຍາ​ໄລ American University ທ່ານ Frank Sesno ກ່າວ​ຕໍ່ວີ​ໂອ​ເອວ່າ “ຄວາມ​ເຂັ້ມຂຸ້ນ​ແລະໄລຍະຂອງ​
ການ​ໂຈມ​ຕີໂດຍທ່ານ Trump ​ເກືອບ​ວ່າ​ບໍ່​ກ່ຽວຂ້ອງກັນ​ເລີຍ​” ກັບ​ນະ​ໂຍບາຍ ​ຂອງ​ຜູ້​ ສະໝັກ.

​ທ່ານ Brian Fallon ໂຄສົກໃນການ​ໂຄສະນາ​ຫາ​ສຽງຂອງ ທ່າ​ນາງ Clinton ກ່່າວຕໍ່​ ໂທລະພາບ Bloomberg ​ໃນ​ວັນ​ຈັນ​ຜ່າ​ນມາ​ນີ້​ວ່າການ​ໂຈມ​ຕີ​ຂອງ​ທ່ານ Trump ເປັນ ພາກສ່ວນ​ຍຸດ​ທະ​ສາດ​ເພື່ອ “ຫັນ​ເຫຄວາມ​ສົນໃຈ​ໄປຈາກ​ບັນຫາ ພື້ນຖານ​ໃນການ​ໂຄ ສະນາ​ຫາ​ສຽງ.”

ສາ​ສະ​ດາ​ຈານລັດຖະສາດ ທີ່​ມະຫາວິທະຍາ​ໄລ Marquette ທ່ານນາງ Julia Azari ກ່າວ​ວ່າ ມີຫ​ລັກ​ຖານ​ທີ່​ຜູ້​ປ່ອນ​ບັດ​ເປັນຫ່ວງ ​ກ່ຽວ​ກັບທ່າ​ທີຂອງ​ບັນດາ​ຜູ້​ສະໝັກກ່ຽວ​ກັບ​ ເລື້ອງສັງຄົມ ນະ​ໂຍບາຍ​ການຕ່າງປະ​ເທດແລະເລື້ອງ​ເສດຖະ ກິດ ​ເພາະສະ​ນັ້ນມັນ​ຈຶ່ງ ເປັນ​ທີ່​ສຳຄັນ ​ສຳລັບ​ທ່າ​ນນາງ Clinton “ທີ່​ຈະ​ເນັ້ນ​ໜັກ​ໃສ່ເລື້ອງຄວາມ​ຊ່ຽວຊານຂອງ ທ່າ​ນນາງ ​ແຕ່​ຫລາຍ​ໄປກວ່າ​ນັ້ນ ​ແມ່ນທ່າ​ທີ​ຕ່າງໆ​ໃນດ້ານ​ນະ​ໂຍບາຍ​ຂອງ​ທ່ານ​ນາງ.

ທ່ານ​ນາງ Azari ກ່າວ​ເພີ້ມອີກ​ວ່າ “ສິ່ງ​ສະຫລາດ ​ທີ່​ທ່ານ​ນາງ Clinton ຄວນ​ເຮັດ​ ກໍຄື ເອົາ​ບັນຫາ​ຕ່າງໆ​ມາປະ​ປົນ​ກັນ.”


ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG