ລິ້ງ ສຳຫລັບເຂົ້າຫາ

ທ່ານ Trump ຂໍຂະມາໂທດ ຫຼັງຈາກ ມີການ ເປີດເຜີຍ ວີດີໂອ ໃຫ້ຄວາມເຫັນ ແບບລາມົກ ຕໍ່ແມ່ຍິງ


ຜູ້ສະໝັກປະທານາທິບໍດີ ຂອງພັກຣີພັບບລີກັນ ທ່ານ Donald Trump ພວມກ່າວຄຳປາໄສ ຢູ່ບ່ອນໂຄສະນາຫາສຽງ ທີ່ເມືອງ Manheim ລັດ Pennsylvania. (1 ຕຸລາ 2016)

“ຂ້າພະ​ເຈົ້າບໍ່​ເຄີຍ​ກ່າວ​ວ່າ ຂ້າພະ​ເຈົ້າ​ເປັນ​ບຸກຄົນ​ທີ່ດີ​ເລີດ” ນັ້ນຄື​ຄຳ​ເວົ້າຂອງຜູ້​ສະໝັກ​ເປັນ​ປະທານາທິບໍດີ​ຂອງ​ພັກຣີພັບ​ບລີ​ກັນທ່ານ Donald Trump ທີ່​ໄດ້ກ່າວ​ຢູ່​ໃນ​ເທບ​ຂໍ​ຂະ​ມາ​ໂທດ ​ໃນ​ຕອນ​ເຊົ້າຂອງ​ວັນ​ເສົາ​ມື້ນີ້​ ກ່ຽວກັບ​ການ​ໃຫ້​ຄວາມເຫັນ ທີ່​ບໍ່​ສຸພາບ​ ແລະ​ຂ້ອນຂ້າງລາມົກ ​ຕໍ່​ພວກ​ແມ່ຍິງ ​ໃນ​ປີ 2005 ທີ່​ຫາ​ກໍ​ໂຜ່​ໂຕ​ຂຶ້ນມາ​ໃນ​ວີ​ດີ​ໂອ ​ເມື່ອ​ວັນ​ສຸກ​ວານ​ນີ້.

ທ່ານ Trump ​ໄດ້​ໃຫ້​ຄຳ​ໝັ້ນສັນຍາ ​ໃນ​ເທບ​ຂໍ​ຂະ​ມາ​ໂທດ​ວ່າ “ຈະ​ເປັນ​ບຸກຄົນ ທີ່​ດີ​ຂຶ້ນ ກວ່າ​ເກົ່າ​ໃນ​ອະນາຄົດ.”

ຜູ້​ສະໝັກ​ເປັນ​ປະທານາທິບໍດີ​ຂອງ​ພັກຣີພັບ​ບລີ​ກັນ​ກ່າວ​ວ່າ ການ​ໃຫ້​ຄວາມ​ເຫັນ ທີ່​ມີ​ມາໄດ້​ຫລາຍ​ປີ​ແລ້ວນັ້ນ ບໍ່​ມີ​ຫຍັງ​ຫລາຍ​ໄປ​ກວ່າ “ການ​ຫັນ​ເຫ​ຄວາມ​ສົນ​ໃຈ”

ແຕ່​ແນວ​ໃດ​ກໍ​ຕາມ ​ໃນ​ລະຫວ່າງ​ ການ​ຂໍ​ຂະ​ມາ​ໂທດ​ນັ້ນ ທ່ານ​ຍັງ​ໄດ້​ກ່າວ​ໂຈມ​ຕີ ຄູ່​ແຂ່ງ​ຈາກພັກ​ເດ​ໂມ​ແຄຣັດຂອງ​ທ່ານຄືທ່ານນາງ Hillary Clinton ​ແລະ​ສາມີ​ຂອງ​ທ່ານ​ນາງ. ທ່ານ​ກ່າວ​ວ່າ ອະດີດ​ປະທານາທິບໍດີ Bill Clinton ​ເປັນ​ຜູ້ “​ເປັນ​ຜູ້​ລ່ວງ​ລະ​ເມີດ​ທີ່ແທ້​ຈິງ ຕໍ່ພວກ​ແມ່ຍິງ” ​ແລະ​ພັນ​ລະ​ຍາ​ຂອງ​ທ່ານກໍ​ໄດ້ເປັນ​ຜູ້​ຮາວີ​ຕໍ່​ຜູ້​ເຄາະ​ຮ້າຍຈາກ​ສາມີ​ທ່ານ​ນາງ.

ປະທານສະພາຕ່ຳ ສຫລ ທ່ານ Paul Ryan
ປະທານສະພາຕ່ຳ ສຫລ ທ່ານ Paul Ryan

​ໃນ​ວັນ​ສຸກ​ວານນີ້ ບັນດາ​ເຈົ້າໜ້າ​ທີ່​ຂອງ​ພັກຣີພັບ​ບລີ​ກັນໄດ້​ກ່າວ​ປະນາມ​ການໃຫ້​ຄວາມ​ເຫັນ​ດັ່ງກ່າວ​ຂອງ​ທ່ານ Trump.

ໃນ​ວີ​ດີ​ໂອ ​ທີ່​ມີ​ການ​ບັນທຶກ​ໄວ້​ນັ້ນ ທ່ານ Trump ກ່າວ​ກ່ຽວ​ກັບ​ແມ່ຍິງ​ວ່າ “ທ່ານຄົງຮູ້​ດີ ຂ້ອຍ​ແມ່ນ​ເປັນ​ທີ່​ດຶງ​ດູດ​ໃຈ​ຢ່າງ​ອັດຕະ​ໂນ​ມັດ ຈາກ​ຄົນ​ງາມໆ.. ຂ້ອຍ​ຈະ​ເລີ້ມຈູບ​ພວກ​ເຂົາ. ມັນ​ຄື​ກັນ​ກັບ​ແມ່​ເຫຼັກ​ນີ້ລະ ພຽງ​ແຕ່​ຈູບຂ້ອຍ​ບໍ່​ຕ້ອງ​ລໍຖ້າ​ຫຍັງເລີຍ.”

ທ່ານ Trump ກ່າວ​ຕື່ມ​ວ່າ “​ແລະ​ເວລາ​ທ່ານ​ເປັນ​ດາຣາ ​ເຂົາ​ເຈົ້າຈະ​ປ່ອຍ​ໃຫ້​ທ່ານ​ເຮັດ ທ່ານ​ສາມາດ​ເຮັດ​ຫຍັງ​ກໍ​ໄດ້.”

ນອກ​ນັ້ນທ່ານ Trump ຍັງ​ໄດ້​ກ່າວຢ່າງ​ລະອຽດ ​ເຖິງ​ການ​ລວນ​ລາມ ຕໍ່​ພວກ​ແມ່ຍິງ.

ທ່ານ Trump ​ໃຫ້​ຄວາມ​ເຫັນ​ດັ່ງກ່າວ​ຢ່າງ​ເປັນ​ການ​ສ່ວນ​ຕົວ​ຕໍ່ຜູ້​ຈັດ​ລາຍການບັນ​ເທີ​ງ ທາງ​ໂທລະພາບ Access Holywood ​ໃນ​ຂະນະ​ທີ່ຢູ່​ເທິງ​ລົດ​ເມ​ຂອງ ລາຍ​ການ​ໂທລະ ພາບ ທີ່​ມີ​ຜູ້​ຕິດ​ຕາມພຽງ​ບໍ່​ເທົ່າ​ໃດ​ຄົນ. ​ທ່ານ Trump ຊຶ່ງ​ຈະ​ໄປ​ປາກົດ​ຕົວ​ໃນ​ລາຍການ​ລະຄອນ​ໂທລະພາບ Days of Our Lives ​ໄດ້​ມີໄມ​ທີ່​ເປີດ​ຢູ່ຊຶ່ງ​ໄດ້​ບັນທຶກ​ທຸກໆ​ຢ່າງ​ທີ່​ທ່ານ​ໄດ້​ເວົ້າ​ໄປ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG