ສະຫະລັດຈະຖອນໂຕອອກຈາກຂໍ້ຕົກລົງປາຣີວ່າດ້ວຍການປ່ຽນແປງຂອງດິນຟ້າອາ
ກາດ ນັ້ນຄືຄຳປະກາດຂອງປະທານາທິບໍດີດໍໂນລ ທຣຳ ໃນວັນພະຫັດວານນີ້ເພື່ອປະ
ຕິບັດຕາມຄຳໝັ້ນສັນຍາໃນລະຫວ່າງການໂຄສະນາຫາສຽງ ແຕ່ເຮັດໃຫ້ການດຳເນີນ
ຄວາມພະຍາຍາມຂອງໂລກ ເພື່ອຮັບມືກັບຜົນກະທົບຈາກການປ່ຽນແປງຂອງດິນຟ້າ
ອາກາດ ຕົກຢູ່ໃນຄວາມສ່ຽງ.
ໃນພິທີ ທີ່ຈັດຂຶ້ນຢູ່ສວນດອກກຸຫຼາບ ຂອງທຳນຽບຂາວ ໃນວັນພະຫັດວານນີ້ ປະທາ
ນາທິບໍດີທຣຳກ່າວວ່າ ຂໍ້ຕົກລົງດັ່ງກ່າວບໍ່ໄດ້ຊ່ອຍຫຍັງຫລາຍໃນດ້ານສະພາບແວດ
ລ້ອມ ແລະກໍໄດ້ລົງໂທດແບບບໍ່ເປັນທຳຕໍ່ສະຫະລັດ ໂດຍບັງຄັບໃຫ້ສະຫະລັດ ຢູ່ໃນ
ມາດຕະຖານທີ່ເຄັ່ງຄັດກວ່າປະເທດ ທີ່ສ້າງຄວາມເປື້ອນເປິທີ່ສຳຄັນອື່ນໆ.
ປະທານາທິບໍດີທຣຳ ກ່າວວ່າ “ຂໍ້ຕົກລົງດິນຟ້າອາກາດປາຣີ ແມ່ນເປັນພຽງຕົວຢ່າງ
ອັນຫຼ້າສຸດ ທີ່ວໍຊິງຕັນໄດ້ເຮັດຂໍ້ຕົກລົງແບບເສຍປຽບມີແຕ່ປະເທດອື່ນໆເທົ່ານັ້ນໄດ້
ຮັບຜົນປະໂຫຍດ.”
ການເຄື່ອນໄຫວດັ່ງກ່າວນີ້ ໄດ້ມີຂຶ້ນ ທັງໆທີ່ໄດ້ມີການປະທ້ວງແບບໂກດແຄ້ນຈາກ
ພວກຜູ້ນຳອື່ນໆຂອງໂລກ ແລະຜູ້ປະກອບທຸລະກິດຕ່າງໆ ຊຶ່ງຫຼາຍໆທ່ານ ໄດ້ຮ້ອງ
ຂໍເປັນການສ່ວນໂຕກັບປະທານາທິບໍດີໃນໄລຍະສອງສາມມື້ຜ່ານມານີ້ເພື່ອໃຫ້ສະ
ຫະລັດຢູ່ໃນຂໍ້ຕົກລົງດິນຟ້າອາກາດດັ່ງກ່າວຕໍ່ໄປ.
ແຕ່ໃນທີ່ສຸດ ປະທານາທິບໍດີທຣຳ ກໍໄດ້ປະຕິເສດ ຕໍ່ຂໍ້ຕົກລົງສະບັບນີ້ ວ່າເປັນຄວາມ
ພະຍາຍາມ ຂອງພວກນັກວິ່ງເຕັ້ນຕ່າງປະເທດ ທີ່ຢາກໃຫ້ສະຫະລັດຖືກຜູກມັດແລະ
ຢູ່ໃຕ້ພັນທະເພື່ອໃຫ້ປະເທດຂອງພວກເຂົາເຈົ້າສາມາດໄດ້ປຽບທາງດ້ານເສດຖະກິດ.
ປະທານາທິບໍດີທຣຳ ກ່າວວ່າ “ຂ້າພະເຈົ້າໄດ້ຖືກເລືອກ ໃຫ້ຕາງໜ້າປະຊາຊົນເມືອງ
Pittsburg ບໍ່ແມ່ນນະຄອນປາຣີ.”
ຂໍ້ຕົກລົງດັ່ງກ່າວ ຊຶ່ງໄດ້ບັນລຸກັນ ໃນປີ 2015 ໄດ້ຕັ້ງເປົ້າໝາຍ ເພື່ອຫລຸດການປ່ອຍ
ແກັສເຮືອນແກ້ວ ແລະຈຳກັດການຖີບໂຕຂຶ້ນຂອງອຸນຫະພູມ. ຂໍ້ຕົກລົງນີ້ມີ 195 ປະ
ເທດເຊັນກັນ.
ທ່ານທຣຳກ່າວວ່າ ທ່ານຈະເລີ້ມການເຈລະຈາໃນທັນທີເພື່ອໃຫ້ສະຫະລັດໄດ້ກັບຄືນ
ເຂົ້າຮ່ວມ ຫລືບໍ່ກໍເຮັດຂໍ້ຕົກລົງໃໝ່ທັງໝົດ ກ່ຽວກັບເງື່ອນໄຂຕ່າງໆ ທີ່ເປັນທຳກັບສະ
ຫະລັດ.