ພາຍຸການເມືອງ ແລະການພິປາຍທາງດ້ານກົດໝາຍໄດ້ເລີ້ມຂຶ້ນ ຍ້ອນການປະກາດ
ຂອງ ປະທານາທິບໍດີດໍໂນລ ທຣຳ ທີ່ຕັ້ງໃຈຈະເຊັນດຳລັດຝ່າຍບໍລິຫານ ເພື່ອປະຕິ
ເສດຕໍ່ການໃຫ້ສັນຊາດແກ່ພວກເດັກນ້ອຍທີ່ເກີດຢູ່ໃນສະຫະລັດສຳລັບຜູ້ທີ່ບໍ່ແມ່ນ
ສັນຊາດ ແລະຄົນເຂົ້າເມືອງ ທີ່ບໍ່ໄດ້ຮັບອະນຸຍາດ.
ປະທານາທິບໍດີທຣຳ ກ່າວຢູ່ໃນການສຳພາດ ກັບ ອາຊິໂອສ ຂອງໂທລະພາບ
HBO ເວລາຖາມກ່ຽວກັບການລົບລ້າງນະໂຍບາຍສະຫະລັດທີ່ມີຢູ່ໃນປັດຈຸບັນ ທີ່
ອະນຸຍາດໃຫ້ສິດແກ່ພວກທີ່ເກີດມາເປັນສັນຊາດ ໂດຍເວົ້າວ່າ “ມັນກຳລັງດຳເນີນ
ຢູ່ ມັນຈະເກີດຂຶ້ນ.” ແລະທ່ານທຣຳກ່າວຕື່ມວ່າ “ມັນເປັນເລື້ອງທີ່ໜ້າຢາກຫົວ
ແລະມັນຕ້ອງສິ້ນສຸດລົງ.”
ປະທານາທິບໍດີ ໄດ້ກ່າວຢ້ຳວ່າ ສະຫະລັດ ເປັນປະເທດດຽວ ທີ່ໃຫ້ສິດໃນການ
ເກີດເປັນມາເປັນສັນຊາດ. ມັນບໍ່ກ່ຽວກັບປະເທດອື່ນໆອີກ 30 ປະເຫດ ຮວມທັງ
ບັນດາປະເທດເພື່ອນບ້ານຂອງອາເມຣິກາ ເຊັ່ນການາດາ ແລະເມັກຊິໂກ ທີ່ເຮັດ
ແບບດຽວກັນນີ້. ແຕ່ວ່າບັນດາປະເທດຈຳນວນນຶ່ງຫວ່າງບໍ່ເທົ່າໃດທົດສະວັດຜ່ານ
ມານີ້ ຮວມທັງ ອອສເຕຣເລຍ ອັງກິດ ຝຣັ່ງ ແລະອິນເດຍ ແລະໄອຣ໌ແລນ ໄດ້ຍົກ
ເລີກການໃຫ້ສິດດັ່ງກ່າວ.
ປະທານາທິບຊດີທຣຳ ກ່າວວ່າ ທ່ານໄດ້ສົນທະນາຄວາມຄິດດັ່ງກ່າວກັບທີ່ປຶກສາ
ຜູ້ທີ່ໄດ້ບອກໃຫ້ທ່ານຊາບວ່າບົດແກ້ໄຂລັດຖະທຳມະນູນແມ່ນບໍ່ຈຳເປັນເພື່ອຍຸຕິ
ການໃຫ້ສິດໃນການເກີດມາເປັນສັນຊາດ ທີ່ຮູ້ກັນຢ່າງຖືກຕ້ອງຕາມກົດໝາຍວ່າ
jus soli ນັ້ນ.
ບັນດາສະມາຊິກສະພາຂອງພັກປະທານາທິບໍດີທຣຳ ມີຄວາມຄິດທີ່ແຕກຕ່າງກ່ຽວ
ກັບເລື່ອງນີ້.
ສະມາຊິກສະພາສູງ ພັກຣີພັບບລິກັນ ທ່ານລິນເຊ ແກຣມ ໄດ້ສົ່ງຂໍ້ຄວາມທາງທວິດ
ເຕີປະກາດວ່າ ທ່ານຈະສະເໜີຮ່າງກົດໝາຍໃຫ້ເປັນແວ່ນແຍງທີ່ສະທ້ອນ ເຖິງຂໍ້
ສະເໜີ ກ່ຽວກັບດຳລັດຂອງປະທານາທິບໍດີທຣຳ ໂດຍກ່າວວ່າ “ໃນທີ່ສຸດປະທາ
ນາທິບໍດີ ກໍເຕັມໃຈທີ່ຈະດຳເນີນການ ກັບນະໂຍບາຍທີ່ບໍ່ມີເຫດຜົນນີ້ ໃນການໃຫ້
ສິດເປັນສັນຊາດເວລາເກີດມາ.”
ໂຄສົກສະພາຕ່ຳ ທ່ານພອລ ຣາຍອັນ ກ່າວຄັດຄ້ານຕໍ່ການເຄື່ອນໄຫວຂອງແຜນ
ດັ່ງກ່າວ.
“ທ່ານບໍ່ສາມາດທີ່ຈະຍຸຕິໃນການໃຫ້ສິດເກີດມາເປັນສັນຊາດດ້ວຍດຳລັດ” ທ່ານ
ຣາຍອັນ ກ່າວໃນວັນອັງຄານວານ ນີ້ຢູ່ສະຖານີວິທະຍຸ WVLK ທີ່ໃນລັດເຄັນຕັກກີ
ພ້ອມຍັງໃຫ້ຂໍ້ສັງເກດວ່າ ພັກຣີພັບບລິກັນ ບໍ່ມັກເລື່ອງນີ້ ເວລາປະທານາ ທິບໍດີຄົນ
ກ່ອນທ່ານທຣຳ ຄື ທ່ານບາຣັກ ໂອບາມາ ໄດ້ປ່ຽນນະໂຍບາຍຄົນເຂົ້າເມືອງ ໂດຍ
ການອອກດຳລັດ.
