ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ທ່ານ​ນາງ Melania Trump ປົກ​ປ້ອງ​ສາມີ​ ​ໂດຍ​ກ່າວ​ວ່າ ທ່ານ​ໃຫ້​ກຽດ​ແລະ​ນັບຖື​​ແມ່ຍິງ


Melania Trump, wife of Donald Trump, arrives before the second presidential debate Oct. 9, 2016.
Melania Trump, wife of Donald Trump, arrives before the second presidential debate Oct. 9, 2016.

ພັນ​ລະ​ຍາ​ຂອງ ທ່ານ Donald Trump ​ຜູ້​ສະໝັກ​ສັງກັດ​ພັກ Republican ​ແມ່ນ​ປົກ​ປ້ອງວາຈາ​ອວດ​ໂອ້​ຂອງສາມີ​ຂອງ​ທ່ານ​ນາງ ຈາກການ​ປະນາມ ທີ່ຜູ້​ດຳ​ເນີນ​ລາຍການ ໂທລະພາບ ​ໄດ້​ນຳ​ອອກ​ເຜີຍ​ແຜ່ ​ເລື່ອງ ການ​ບັງຄັບ​ພວກ​ແມ່ຍິງ ​ໂດຍ​ປາດ​ສະ​ຈາກ​ການ​ເຫັນ​ດີ​ເຫັນ​ພ້ອມ​ຂອງ​ພວກ​ເຂົາ​ເຈົ້ານັ້ນ.

​ໃນ​ການ​ໃຫ້​ສຳພາດ​ທີ່​ໄດ້​ນຳ​ອອກ​ເຜີຍ​ແຜ່​ໃນແລງວັນ​ຈັນ​ວານ​ນີ້ ທາງ​ຊ່ອງ​ຕາໜ່າງ CNN Malania Trump ​ໄດ້ກ່າວ​ວ່າ ສາມີ​ຂອງ​ທ່ານ​ນາງ ​ແມ່ນຖືກຍູ້​ຈົນ​ຕາແຈ ​ແບບ“ສຸດ​ຂອບ” ​ໂດຍ​ຜູ້​ສຳພາດ ຂອງ​ລາຍການ​ “Access Hollywood” ຊຶ່ງໃນ​ຂະນະ​ນັ້ນ ຜູ້​ດຳ​ເນີນ​ລາຍການ ​ໂດຍ Bill Bush ທີ່​ໄດ້​ພາກັນ “ເວົ້າ​ເປິ​ເປື້ອນ ​ແລະ​ກ່າວ​ຄຳ​ບໍ່​ດີ” ​ໃນ​ວີ​ດີ​ໂອ​ບັນທຶກ​ໄວ້ໃນ​ປີ 2005. ທ່ານ​ນາງ​ຍັງໄດ້​ກ່າວ​ຕື່​ມ ກ່ຽວ​ກັບ​ສາມີ​ຂອງ​ທ່ານ​ນາງວ່າ “ນີ້ບໍ່​ແມ່ນ​ຜູ້​ຊາຍ ທີ່​ຂ້າພະ​ເຈົ້າ​ຮູ້ຈັກ. ທ່ານ​ເປັນ​ສຸພາບ​ບຸຣຸດ. ທ່ານ​ມີ​ຈິດ​ໃຈດີ ​ແລະ​ຂ້າພະ​ເຈົ້າ ກໍ​ຮູ້​ວ່າ ທ່ານ​ເປັນ​ຄົນ​ໃຫ້​ກຽດ​ພວກ​ແມ່ຍິງ.”

​ໃນເທັບບັນທຶກນັ້ນ ທ່ານ Donald Trump ​ໃຊ້​ວາຈາ​ຖາກ​ຖາງ ຊຶ່ງ​ເປັນ​ຄຳ​ຫຍາ​ບຊ້າ ກ່ຽວ​ກັບ​ການ​ຖືກ​ເນື້ອ​ຕ້ອງ​ຕົວແລະ​ຈູບພວກແມ່ຍິງ​ແລະ​ພະຍາຍາມ​ທີ່​ຈະ​ລໍ້​ລວງ​ພວກ​ແມ່ຍິງ​ທີ່​ແຕ່ງງານ​ແລ້ວ. ທ່ານ ​ໄດ້​ຂໍ​ຂະ​ມາ​ໂທດຕໍ່​ສາທາລະນະ ກ່ຽວ​ກັບ​ຄຳ​ເວົ້າ​ຂອງ​ທ່ານ ຊຶ່ງ​ທ່ານ​ໄດ້​ປຽບທຽບ​ມັນ​ວ່າ ​ເປັນ​ຄຳ​ໂອ້​ລົມ​ສົນທະນາ ຕະລົກ​ເຮ​ຮາ​ກັນ ແບບ​ຜູ້​ຊາ​ຍໆ ທີ່​ເວົ້າລົມ​ກັນ​ໃນ​ຫ້ອງ​ຖ່າຍ​ເຄື່ອງ ຫຼື “locker room talk ຊື່ໆ.”

ທ່ານ Donald Trump ​ຜູ້​ສະໝັກ​ສັງກັດ​ພັກ Republican ຫອມ​ແກ້ມ ພັນ​ລະ​ຍາ​ Melania Trump ຫຼັງ​ຈາກ​ການ​ໂຕ້​ວາທີ ​ໃນ​ມະຫາວິທະຍາ​ໄລ Hofstra ​ໃນເມືອງ Hempstead, N.Y., 26 ກັນຍາ, 2016.
ທ່ານ Donald Trump ​ຜູ້​ສະໝັກ​ສັງກັດ​ພັກ Republican ຫອມ​ແກ້ມ ພັນ​ລະ​ຍາ​ Melania Trump ຫຼັງ​ຈາກ​ການ​ໂຕ້​ວາທີ ​ໃນ​ມະຫາວິທະຍາ​ໄລ Hofstra ​ໃນເມືອງ Hempstead, N.Y., 26 ກັນຍາ, 2016.

ທ່ານ​ນາງ Melania Trump ​ໄດ້​ບອກ​ກັບ CNN ວ່າ ສາມີ​ທ່ານ​ນາງ ​ໄດ້​ຂໍອະ​ໄພທ່ານ​ນາງ ສຳ​ຫຼັບ​ຄຳ​ເວົ້າ​ຂອງ​ທ່ານ​ທີ່​ໄດ້​ກ່າວ​ໄວ້​ໃນ​ເທັບ ​ແລະ​ນັ້ນທ່ານ​ນາງ ກໍ​ໄດ້​ໃຫ້​ອະ​ໄພ. ທ່ານ​ນາງ ​ຍັງ​ໄດ້​ກ່າວ​ຫາ “ສື່​ທີ່ອຽງ​ຊ້າຍ” ທີ່​ໄດ້​ເຮັດ​ໃຫ້​ເລື້ອງ​ນີ້​ມີ​ບັນຫາ ​ແລະທຳລາຍ​ຊື່​ສຽງ​ຂອງ​ທ່ານ Trump. ທ່ານ​ນາງ​ໄດ້​ກ່າວ​ວ່າ ທ່ານ​ນາງເຫັນ​ພ້ອມ​ກັບ​ສາມີ​ຂອງ​ທ່ານ​ນາງ​ທີ່​ກ່າວ​ວ່າ ການ​ເລືອກ​ຕັ້ງ​ປະທານາທິບໍດີ ​ເດືອນ​ພະຈິກ​ນີ້ ​ແມ່ນ​ລຳອຽງ​ເຂົ້າ​ຂ້າງ​ທ່ານ​ນາງ Hillary Clinton ໂຕ້ແຍ້ງ​ວ່າ ສື່​ນັ້ນ​ແມ່ນ​ເຂົ້າ​ຂ້າງ​ອອກ​ຂາ​ແລະ​ຄົດລ້ຽວ ບໍ່​ຊື່​ຕົງ.

ສຳລັບ​ສ່ວນຂອງ​ທ່ານ Trump ​ໃນ​ວັນ​ຈັນ​ວານ​ນີ້ ​ແມ່ນ​ສະຫຼຸບ​ການວ່າ ການ​ເລືອກ​ຕັ້ງ​ແມ່ນ​ລຳອຽງ​ຕໍ່ຕ້ານ​ທ່ານ.

“​ແນ່ນອນ ຈຳນວນ​ຜູ້​ຄົນ​ຫາ​ສຽງ​ເລືອກ​ຕັ້ງທີ່​ສໍ້​ໂກງທີ່​ໄດ້​ມີ​ເກີດ​ຂຶ້ນ​ຢ່າງ​ກ້ວາງ​ຂວາງ​ໃນ​ວັນ​ເລືອກ​ຕັ້ງ​ແລະ​ກ່ອນ​ການ​ເລືອກ​ຕັ້ງ,” ທ່ານ Trump ​ໄດ້​ກ່າວ​ວ່າ ​ໃນ​ນຶ່ງ​ຂອງການ
ຄວາມ​ເຫັນ​ຂອງ​ທ່ານ​ທາງ Twitter. “​ເປັນ​ຫຍັງ​ພວກ​ຜູ້ນຳ Republican ​ໄດ້​ປະຕິ​ເສດ​ ຕໍ່​ສິ່ງ​ທີ່​ເກີດ​ຂຶ້ນ? ຊຶ່ງ​ມັນ ​ແປກພິລຶກ ​ແລະ​ໄຮ້​ດຽງສາ.”

ທ່ານ Trump ສືບ​ຕໍ່ ​ຕາມ​ມາ​ເລື້ອຍໆໃນ​ການຢັ່ງ​ຫາ​ງສຽງ ຂອງສາມ​ສັບປະດາ ກ່ອນ​ໜ້າ ການ​ເລືອກ​ຕັ້ງ​ວັນ​ທີ 8 ພະຈິກ. ທ່ານ ບໍ່​ໄດ້ມີ​ຫຼັກ​ຖານ​ກ່ຽວ​ກັບ​ການ​ສໍ້​ໂກງ​ການ​ເລືອກ​ຕັ້ງ ຫຼື ການ​ກ່າວ​ອ້າງ​ຕ່າງໆ​ທີ່​ທ່ານ​ໄດ້​ກ່າວ​ໄວ້ ທີ່​ກ່າວ​ຫາ​ທ່ານ​ນາງ Clinton ວ່າ ນັ້ນ​ແມ່ນ​ນຳ​ໃຊ້​ຢາ​ເສບ​ຕິດ ​ໃນ​ການ​ໂຕ້​ວາທີ​ປະທານາທິບໍດີຄັ້ງ​ຫຼ້າ​ສຸດ ຫຼື​ວ່າ ທ່ານ​ນາງ​ໄດ້​ຄຳ​ຖາມ​ມາ​ກ່ອນການ​ໂຕ້​ວາທີ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG