ວີ່ແວວໃໝ່ຂອງທາງລົດໄຟມູນຄ່າ 3 ພັນ 2 ຮ້ອຍລ້ານໂດລາ ທີ່ຈະຕັດເວລາໃນເດີນ
ທາງ ຈາກນະຄອນຫຼວງໄນໂຣບີຂອງເຄນຢາ ລົງເຄິ່ງນຶ່ງ ໄປຫາແຄມ ຝັ່ງທະເລຂອງ
ປະເທດ. ການລົງທຶນທີ່ສຳຄັນໃນການຂົນສົ່ງ ພະລັງງານ ແລະພື້ນຖານໂຄງລ່າງທາງ
ທະເລ ກຳລັງຫັນປ່ຽນປາກິສຖານໃຫ້ກາຍເປັນເຂດເສດຖະກິດທີ່ສຳຄັນ. ເຂດອຸດສາ
ຫຳກຳໃໝ່ໃນປະເທດໄທ ຊຸກຍູ້ພະລັງງານແສງຕາເວັນ ຢາງພາລາ ແລະໂຮງງານ
ຜະລິດອຸດສາຫະກຳຕ່າງໆແລະມີແຜນຈະເປັນ ບ່ອນຕັ້ງໃຫ້ແກ່ 500 ບໍລິສັດ ພາຍ
ໃນປີ 2021.
ທັງໝົດນີ້ເປັນຂໍ້ລິເລີ້ມທີ່ກະຕືລືລົ້ນລິເລີ້ມ ນຶ່ງແລວທາງນຶ່ງເສັ້ນທາງຂອງຈີນ ທີ່ຈະລົງ
ທຶນຫຼາຍພັນລ້ານໂດລາ ໃນພື້ນຖານໂຄງລ່າງຢູ່ໃນເອເຊຍ ອາຟຣິກາ ແລະປາຊິຟິກ.
ຜົນສະທ້ອນຢູ່ໃນທົ່ວໂລກ ທີ່ກຳລັງບັງຄັບໃຫ້ລັດຖະບານຂອງປະທານາທິບໍດີສະຫະ
ລັດ ທ່ານດໍໂນລ ທຣຳ ທົບທວນຄືນໃໝ່ກ່ຽວກັບອົງປະ ກອບຂອງແຜນການ ທີ່ຕັດ
ການການຊ່ວຍເຫຼືອຕ່າງປະເທດ ພາຍໃຕ້ຍຸດທະສາດ “ອາເມຣິກາກ່ອນອື່ນໝົດ.”
ທ່ານແດນຽລ ຣັນດີ ນັກວິເຄາະ ທີ່ສູນກາງຍຸດທະສາດ ແລະຄົ້ນຄວ້າສາກົນ (CSIS)
ໃນນະຄອນຫຼວງວໍຊິງຕັນ ກ່າວວ່າ ເວລາ “ຜູ້ອະວຸໂສສຸດ” ຂອງລັດຖະບານເດີນທາງ
ໄປນອກປະເທດ ແລະ “ໄດ້ເຫັນຈີນ ກິນເຂົ້າທ່ຽງຂອງພວກ ເຮົາ ເຂົາເຈົ້າຈຶ່ງຄຶດກັບ
ຕົນເອງວ່າ ພວກເຮົາຕ້ອງເຮັດແນວໃດແນວນຶ່ງ.”
ແລະຢູ່ໃນຈຳນວນຂອງການເຄື່ອນໄຫວແບບມິດງຽບ ທີ່ເປັນຜົນກະທົບຕໍ່ການລົງທຶນ
ຂອງເອກກະຊົນ ການຊ່ວຍເຫຼືອດ້ານມະນຸດສະທຳ ແລະການໃຫ້ອຳນາດແກ່ພວກ
ແມ່ຍິງຢູ່ໃນຕ່າງປະເທດນັ້ນ ລັດຖະບານ ແລະລັດຖະສະພາສະຫະລັດຈຶ່ງໄດ້ເລີ້ມ
ປະຕິບັດດັ່ງກ່າວ.
ອັນທີ່ກຳລັງເຫັນຢູ່ນີ້ເປັນການຫັນປ່ຽນນະໂຍບາຍທີ່ສຳຄັນ ປະທານາທິບໍດີທຣຳ
ໃນເດືອນນີ້ ໄດ້ເຊັນໃນອັນທີ່ຮ້ອງວ່າ ຮ່າງກົດໝາຍສ້າງສາ ຫຼື BUILD Act ທີ່ສູນ
ກາງ CSIS ຊຶ່ງເປັນສູນກາງບໍ່ພັກໄຝ່ທາງການເມືອງ ກ່າວວ່າເປັນ “ເປັນ ຮ່າງກົດ
ໝາຍສຳຄັນສຸດຂອງສະຫະລັດ ກ່ຽວກັບການຊ່ວຍເຫຼືອ ທາງດ້ານເສດຖະກິດ ທີ່
ມີມາຫຼາຍກວ່ານຶ່ງທົດສະວັດ.”
ກົດໝາຍໃໝ່ນີ້ໄດ້ປາກົດອອກມາ ແລະຊຸກຍູ້ໃຫ້ບັນດາອົງການ ແລະໂຄງການ
ຕ່າງໆທີ່ຄັ້ງນຶ່ງໄດ້ແນເປົ້າໝາຍຕໍ່ການຕັດງົບປະມານຢ່າງໜັກນັ້ນ ສ້າງຕັ້ງອົງ ການ
ໃໝ່ຂຶ້ນມາ ມີໜ້າທີ່ໃນການສະໜອງເງິນກູ້ຢືມ ໃຫ້ການຄ້ຳປະກັນຄວາມ ປອດໄພ
ຕໍ່ການສ່ຽງດ້ານການເມືອງ ແລະດ້ານຊັບສິນ ໃນການລົງທຶນຂອງບໍລິສັດສະຫະລັດ
ຢູ່ໃນປະເທດທີ່ກຳລັງພັດທະນາຕ່າງໆ ນັບແຕ່ ອັຟການີິສຖານ ໄປຫາແຊມເບຍ.
ອົງການໃໝ່ນີ້ ຈະຮູ້ໃນຊື່ ບໍລິສັດເງິນທຶນເພື່ອການພັດທະນາສາກົນສະຫະລັດ ຫຼື
USIDFC ແລະມີງົບປະມານ 60 ພັນລ້ານໂດລາ. ບໍລິສັດໃໝ່ນີ້ຈະຈັດເອົາ ບໍລິສັດ
ລົງທຶນເອກກະຊົນຢູ່ນອກປະເທດ ຫຼື OPIC ເຂົ້າຮ່ວມນຳ ແລະມີງົບ ປະມານຫາຍ
ກວ່າສອງເທົ່າ ຂອງງົບປະມານ 29 ພັນລ້ານໂດລາ ທີ່ມີຢູ່ໃນປັດຈຸບັນນີ້.
