ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທ່ານ Trump ປະເຊີນກັບ ການກວດສອບ ຄັ້ງໃໝ່ ກ່ຽວກັບເລື້ອງ ເຮັດແທ້ງລູກ


ຜູ້ສະໝັກເປັນປະທານາທິບໍດີ ທີ່ມີຄະແນນສຽງນຳໜ້າ ຂອງພັກຣີພັບບລີກັນ ທ່ານ Donald Trump ຢູ່ບ່ອນ ໂຄສະນາຫາສຽງ ທີ່ເມືອງ Bluffton ໃນລັດ South Carolina. (7 ກຸມພາ 2016)
ຜູ້ສະໝັກເປັນປະທານາທິບໍດີ ທີ່ມີຄະແນນສຽງນຳໜ້າ ຂອງພັກຣີພັບບລີກັນ ທ່ານ Donald Trump ຢູ່ບ່ອນ ໂຄສະນາຫາສຽງ ທີ່ເມືອງ Bluffton ໃນລັດ South Carolina. (7 ກຸມພາ 2016)

ຜູ້ມີ​ຄະ​ແນນ​ສຽງນຳໜ້າໃນການແຂ່ງຂັນເອົາຕຳແໜ່ງປະທານາທິບໍດີສະຫະລັດ ຈາກພັກ ຣີພັບບລີກັນມະຫາ​ເສດຖີ​ພັນ​ລ້ານ​ອະສັງຫາ​ລິ​ມະ​ຊັບທ່ານ Donald Trump ໄດ້ປະ​ເຊີນ ກັບ​ການກວດ​ສອບ​ຢ່າງ​ລະອຽດ ​ໃນ​ວັນ​ພະຫັດ​ວານ​ນີ້ ຫລັງຈາກ​ທ່ານ​ໄດ້​ຮຽກຮ້ອງໃຫ້ລົງ ໂທດ​ໃນ​ຮູບ​ໃດ​ຮູບ​ນຶ່ງ​ຕໍ່ພວກແມ່ຍິງຜູ້ທີ່​ເຮັດແທ້ງລູກ ຖ້າການກະທຳດັ່ງ​ແມ່ນໄດ້ຖືກຫ້າມ ຢູ່ໃນສະຫະລັດ ​ແຕ່​ເຖິງ​ຢ່າງໃດ​ກໍ​ຕາມ ພາຍ​ໃນ​ບໍ່​ເທົ່າ​ໃດ​ຊົ່ວ​ໂມ​ງຕໍ່​ມາ ທ່ານ​ກໍໄດ້​ປ່ຽນ​ທ່າ ທີກ່ຽວ​ກັບ​ການ​ໃຫ້​ຄວາມ​ເຫັນດັ່ງກ່າວ.

​ໃນ​ການ​ໃຫ້​ສຳພາດ​ແກ່​ໂທລະພາບ CNN ກ່ຽວ​ກັບ​ການ​ໃຫ້​ຄວາມ​ເຫັນຂອງ​ທ່ານ Trump ນັ້ນ​ຍານາງ Katrina Pierson ​ໂຄສົກ​ຂອງ​ທ່ານກ່າວ​ວ່ານີ້​ແມ່ນ​ເປັນ​ການ​ເວົ້າຜິດ​ຢ່າງແນ່ ນອນ. ຍາງ Pierson ກ່າວ​ວ່າ ທ່ານ Trump ຊຶ່ງ​ຄັ້ງນຶ່ງ​ເຄີຍ​ໃຫ້ການ​ສະໜັບສະໜຸນ​ຕໍ່ສິດ ທິ​ຂອງ​ພວກ​ແມ່ຍິງ ​ໃນ​ການດຳ​ເນີນການ​ຕາມ​ຂັ້ນຕອນ​ທາງ​ດ້ານ​ການ​ແພດ​ດັ່ງກ່າວ ​ເວລາ​ນີ້​ ແມ່ນ​ຜູ້ປົກ​ປ້ອງ​ຊີວິດຂອງ​ພວກ​ທາລົກໂດຍ​ມີ​ຂໍ້​ຍົກ​ເວັ້ນ ​ແລະ​ຈະ​ເຫັນ​ພ້ອມ​ກັບ​ການ​ລົງ ​ໂທດ​ພວກທ່ານໝໍທີ່​ເປັນ​ຜູ້​ເຮັດ​ແທ້ງ​ລູກ ບໍ່​ແມ່ນ​ພວກ​ແມ່ຍິງ ຖ້າ​ຫາກ​ສານ​ສູງ​ສຸດ​ຂອງ​ສະ ຫະລັດຫາກ​ຕ່າວ​ປີ້ນການ​ຕັດສິນ​ທີ່​ມີ​ມາ​ເປັນ​ເວລາ 43 ປີ​ ທີ່​ໃຫ້ການ​ສະໜັບສະໜຸນ​ຕໍ່​ສິດ ທິ​ໃນ​ການ​ເຮັດ​ແທ້ງ​ລູກ​ຢູ່​ໃນ​ສະຫະລັດ.

ຄູ່​ແຂ່ງ​ຂອງ​ທ່ານ Trump ທັງ​ສອງ​ທ່ານ​ທີ່​ລົງ​ສະໝັກ​ແຂ່ງຂັນ​ເອົາ​ຕຳ​ແໜ່​ງປະທານາທິບໍດີ​ຂອງ​ພັກຣີພັບ​ບລີ​ກັນ ຄືຜູ້​ປົກຄອງລັດ Ohio ທ່ານ John Kasic​h ແລະ ສະມາຊິກສະພາ ສູງ ຈາກລັດ Texas ທ່ານ Ted Cruz ຕ່າງ​ກໍ​ຄັດຄ້ານ ຕໍ່ສິດທິ​ ໃນ​ການ​ເຮັດ​ແທ້ງ​ລູກ. ​ແຕ່​ແນວ​ໃດ​ກໍ​ຕາມ ທ່ານ Kasic​h ກ່າວ​ວ່າ ຄຳຖະແຫຼງຕົ້ນຕໍ ​ກ່ຽວ​ກັບ​ການ​ເຮັດ​ແທ້ງ​ລູກ ຂອງ​ທ່ານ Trump ແລະ​ການ​ໃຫ້​ຄວາມ​ເຫັນ​ ແບບ​ບໍ່​ໄດ້​ຕັ້ງ​ໃຈ ກ່ຽວ​ກັບ​ ຄວາມ​ເປັນ​ໄປ​ໄດ້ ໃນ​ການໃຊ້​ອາວຸດ​ນິວ​ເຄລຍ ຂອງ​ສະຫະລັດ​ນັ້ນ ມີ​ແຕ່​ສະ​ແດງ​ໃຫ້​ເຫັນ​ວ່າ ທ່ານ​ຍັງ​ບໍ່​ພ້ອມ​ທີ່ ຈະເປັນ​ປະ ທາ​ນາ​ທິບໍດີ​ຂອງ​ສະຫະລັດ.

ທ່ານ Cruz ​ໄດ້​ກ່າວ​ຫາ​ທ່ານ Trump ວ່າທ່ານ​ຈະ​ເວົ້າທຸກ​ສິ່ງ​ຢ່າງ ພຽງ​ແຕ່​ເພື່ອ​ໃຫ້​ໄດ້​ຮັບ​ຄວາມ​ສົ​ນ​ໃຈ.

ນອກ​ນັ້ນ ທ່ານ Trump ຍັງ​ໄດ້​ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ການຈັດຕັ້ງຂອງ​ພັກ​ຣີພັບ​ບລີ​ກັນ​ໃນ​ອາທິດ​ນີ້ ​ໂດຍ​ຕ່າວ​ປີ້ນການ​ໃຫ້​ຄຳ​ໝັ້ນສັນຍາ​ຂອງ​ທ່ານ ທີ່​ຈະ​ສະໜັບສະ​ໜຸນ​ຜູ້​ທີ່​ຖືກ​ແຕ່ງຕັ້ງ​ໂດຍ​ພັກ.

​ແຕ່​ພວກ​ຜູ້ນຳ​ຂອງ​ພັກ ​ໄດ້​ພົບ​ປະກັນ​ກັບ​ທ່ານ Trump ທີ່​ນະຄອນຫຼວງວໍ​ຊິ​ງຕັນ ໃນ​ວັນ​ພະຫັດ​ວານ​ນີ້. ການ​ໄປ​ຢ້ຽມ​ສຳນັກງານ​ໃຫຍ່​ຂອງຄະນະ​ກຳມະການ​ແຫ່ງ​ຊາດພັກ​ຣີພັບ​ບລີ​ກັນ​ແບບ​ບໍ່​ຄາດ​ຄິດມີ​ຂຶ້ນຫລັງ​ຈາກ​ໄດ້​ເກີດ​ຄວາມ​ເຄັ່ງ​ຕຶງ​ມາ​ໄດ້ຫຼາຍເດືອນ​ແລ້ວລະ ຫວ່າງ​ທ່ານ Trump ​ແລະ​ພັກທີ່​ທ່ານ​ພວມ​ຊອກ​ສະ​ແຫວ​ງ ຫາ​ຊ່ອງ​ທາງ ​ເພື່ອ​ຈະ​ເປັນ​ຜູ້ ຕາງໜ້າ​ໃຫ້ ​ໃນ​ການ​ເລືອກ​ຕັ້ງ ​ໃນ​ວັນ​ທີ 8 ພະຈິກ ປີນີ້.

XS
SM
MD
LG