ແຂວງ Baghdad ເປັນແຂວງທີ່ນ້ອຍສຸດຢູ່ໃນອີຣັກ ແຕ່ເປັນບ່ອນຢູ່ອາໄສຂອງປະຊາຊົນຫຼາຍກວ່າແຂວງອຶ່ນໃດຂອງປະເທດ. ນອກນັ້ນ ຍັງເປັນບ່ອນທີ່ຄົນໄດ້ ຖືກສັງຫານຫລາຍກວ່າໝູ່ ເດືອນຕິດເດືອນຕໍ່ ໂດຍການກໍ່ການຮ້າຍ ຫລືການກໍ່ ຄວາມຮຸນແຮງດ້ວຍອາວຸດຫລາຍກວ່າບ່່ອນໃດໆ.
ຂໍ້ມູນຂອງສະຫະປະຊາຊາດ ໃນເດືອນມິຖຸນາ ໄດ້ສະແດງໃຫ້ເຫັນວ່າ ພົນລະ ເຮືອນ 236 ຄົນຂອງຈຳນວນ 382 ຄົນ ທີ່ຖືກສັງຫານຢູ່ໃນອີຣັກ ໃນເດືອນແລ້ວນີ້ ແມ່ນເສຍຊີວິດຢູ່ໃນນະຄອນ Baghdad. ຈຳນວນດັ່ງກ່າວຈະເພີ້ມຂຶ້ນຕື່ມໃນເດືອນກໍລະກົດ ຫລັງຈາກການໂຈມຕີດ້ວຍລົດລະເບີດສະລະຊີບໃນວັນອາທິດຜ່ານມາຢູ່ໃນນະຄອນ Baghdad ທີ່ໄດ້ເຮັດໃຫ້ມີຜູ້ເສຍຊີວິດ 175 ຄົນ ແລະໄດ້ຮັບບາດເຈັບອີກ 200 ຄົນ.
ພວກໜ່ວຍກູ້ໄພຍັງສືບຕໍ່ຊອກຄົ້ນຢູ່ບ່ອນເກີດລະເບີດຢູ່ໃນເຂດ Karrada ເພື່ອ ຊອກຫາພວກທີ່ຫາຍສາບສູນໃນນຶ່ງຂອງການໂຈມຕີທີ່ຮ້າຍແຮງສຸດຢູ່ທີ່ນະຄອນ ຫລວງອີຣັກ ນັບແຕ່ສະຫະລັດໄດ້ບຸກເຂົ້າໄປໃນປະເທດດັ່ງກ່າວເມື່ອປີ 2003.
ພວກຫົວຮຸນແຮງລັດອິສລາມ ໄດ້ອ້າງເອົາຄວາມຮັບຜິດຊອບກ່ຽວກັບການວາງລະເບີດ ໂດຍກ່າວວ່າ ເຂົາເຈົ້າແນເປົ້າໝາຍໃສ່ພວກ Shi’ites.
ການໂຈມຕີໄດ້ເກີດຂຶ້ນໃກ້ກັບວັນສຸດທ້າຍຂອງເດືອນສັກສິດ Ramadan ເວ ລາທູດພິເສດສະຫະປະຊາຊາດ ປະຕຳອີຣັກ ທ່ານ Jan Kubis ຫວັງວ່າຢູ່ທີ່ນັ້ນຄວາມຮຸນແຮງຈະສະຫງົບລົງເປັນການຊົ່ວຄາວ.
ທ່ານ Kubis ກ່າວວ່າ “ພວກກໍ່ການຮ້າຍບໍ່ໄດ້ລະເວັ້ນໂອກາດການໂຈມຕີຢູ່ບັນດາຕະ ຫລາດ ວັດມຸສລິມ ແລະບໍລິເວນທີ່ມີຝູງຊົນເຕົ້າໂຮມກັນ ເພື່ອເຮັດໃຫ້ມີ ຈຳນວນພົນລະເຮືອນເສຍຊີວິດຫຼາຍທີ່ສຸດ ທັງໆທີ່ເປັນພິທີທາງສາສະໜາ ແລະ ບໍ່ເຄົາລົບຕໍ່ຄຸນຄ່າຂອງອິສລາມເລີຍ.”
ການໂຈມຕີໃນວັນອາທິດໃນນະຄອນ Baghdad ໄດ້ຊີ້ໃຫ້ເຫັນເຖິງການສືບຕໍ່ ໃນຄວາມສາມາດຂອງພວກຫົວຮຸນແຮງ ທີ່ຈະທຳການໂຈມຕີໃນຂະນະທີ່ກຳລັງອີຣັກຕໍ່ສູ້ກັບເຂົາເຈົ້າຢູ່ທາງພາກພື້ນດິນ ແລະການໂຈມຕີຖິ້ມລະເບີດພາຍໃຕ້ນຳ ພາຂອງສະຫະລັດ ໃສ່ເຂົາຈາກທາງບອາກາດ.
