ລະເບີດທີ່ຫ້າງໃສ່ລົດບັນທຸກຄັນນຶ່ງ ໄດ້ແຕກຂຶ້ນຢູ່ໃນຕະຫຼາດທີ່ແອອັດໄປດ້ວຍ ຜູ້ຄົນ
ໃນພາກໃຕ້ຂອງປະເທດອີຣັກ ເຮັດໃຫ້ມີຜູ້ເສຍຊີວິດຢ່າງນ້ອຍ 25 ຄົນ ແລະໄດ້ຮັບບາດ
ເຈັບຢ່າງໜ້ອຍ 50 ຄົນ.
ການໂຈມຕີໃນວັນອັງຄານມື້ນີ້ ເກີດຂື້ນທີ່ເມືອງ Diwaniya ປະມານ 150 ກິໂລແມດ ຫ່າງ
ຈາກກຸງ Bagdad ໄປທາງທິດໃຕ້. ບໍ່ດົນຫລັງຈາກເຫດລະເບີດ ບັນດາເຈົ້າໜ້າທີ່ໄດ້ປະ
ກາດຫ້າມບໍ່ໃຫ້ຜູ້ຄົນອອກນອກເຮືອນເປັນບາງສ່ວນຢູ່ໃນ ເມືອງດັ່ງກ່າວ.
ໃນຕອນເຊົ້າຂອງວັນອັງຄານມື້ນີ້ ຢ່າງໜ້ອຍ 4 ຄົນໄດ້ເສຍຊີວິດເວລາລະເບີດລົດ 2 ຄັນ
ທີ່ແນໃສ່ພວກສະແຫວງບຸນຊາວຊີໄອທ໌ ໄດ້ແຕກຂື້ນໃກ້ໆເມືອງ Karbala ໃນພາກກາງ
ຂອງອີຣັກ . ການໂຈມຕີທີ່ວ່ານີ້ ມີຂຶ້ນບໍ່ເທົ່າໃດມື້ກ່ອນ ພິທີຢູ່ເມືອງ Karbala ທີ່ເປັນຂີດ
ໝາຍວັນເກີດຂອງອີໝໍາຜູ້ສໍາຄັນຂອງຊາວຊິໄອທ໌.
ຄວາມຮຸນແຮງໃນອີຣັກ ໄດ້ເພີ້ມທະວີຂື້ນ ໃນສອງສາມອາທິດທີ່ຜ່ານມານີ້ ໂດຍ ທີ່ການ
ໂຈມຕີໃນເດືອນມິຖຸນາ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 237 ຄົນ.