ລິ້ງ ສຳຫລັບເຂົ້າຫາ

ລົມພາຍຸ Hurricane Earl ທີ່ທະວີ​ຄວາມ​ແຮງຂຶ້ນ​ໄດ້​ປະ​ທະ​ໝູ່​ເກາະ Leeward ​ໃນ​ພາກ​ເໜືອ​ຂອງ​ເຂດ​ທະ​ເລ​ແຄຣິບບຽນ ດ້ວຍ​ຝົນຕົກ​ໜັກ​ແລະ​ລົມ​ແຮງ​ໃນ​ວັນ​ຈັນມື້​ນີ້. ພວກ​ໂຮງ​ແຮມ​ແຫ່ງ​ຕ່າງໆ​ໄດ້​ອົດ​ລົງ ປິດ​ປະຕູ​ແລະ​ປ່ອງອ້ຽມຢ່າງ​ແໜ້ນໜາ​ໃນ​ຄືນ​ຜ່ານ​ມາ​ ໃນ​ຂະນະ​ທີ່​ພວກ​ນັກ​ທ່ອງ​ທ່ຽວ​ ພາກັນ​ຫລົບ​ໄພ​ຢູ່​ໃນ​ຫ້ອງພັກ​ຂອງ​ເຂົາ​ເຈົ້າ​.

ສູນ​ກາງ​ລົມພາຍຸ Hrricane ​ແຫ່ງ​ຊາດ​ຂອງ​ສະຫະລັດ ​ທີ່​ນະຄອນ Miami ກ່າວ​ວ່າ Hurricane Earl ສາມາດ​ກາຍ​ເປັນ​ Hurricane ​ໃຫຍ່ທີ່​ຮ້າຍ​ແຮງ​ໄດ້​ ໃນ​ຕອນ​ແລງ​ວັນ​ຈັນ​ມື້​ນີ້​ ຫລື​ວັນ​ອັງຄານ​ມື້​ອື່ນ​.

ໄດ້​ມີ​ການປະກາດ​ເຕືອນ​ປະຊາຊົນ​ກ່ຽວ​ກັບ​ໄພ​ລົມພາຍ Hurricane Earl ນີ້ແລ້ວ​ ທີ່​ເກາະ​ Antigua, Barbuda, Montserrat, ໝູ່​ເກາະ Virgin Islands ຂອງ​ສະຫະລັດ​, ໝູ່​ເກາະ Virgin Islands ຂອງ​ອັງກິດ ແລະເກາະ​ອື່ນໆ​ໃນ​ຂົງ​ເຂດ.

ພວກ​ພະຍາກອນ​ອາກາດ​ກ່າວ​ວ່າ ຄວາມ​ແຮງ​ຂອງ​ລົມພາຍຸ​ລູກ​ນີ້​ ຈະ​ເຮັດ​ໃຫ້​ລະດັບ​ນໍ້າ​ສູງ​ຂຶ້ນເຖິງ 60 ຫາ 120 ຊັງ​ຕິ​ແມັດ​ໄດ້ ​ໂດຍ​ສະ​ເພາະ​ຢູ່​ໃກ້ໆ​ກັບ​ຝັ່ງ​ທະ​ເລ​ນັ້ນ ​ຊຶ່ງຈະ​ມາ​ພ້ອມ​ກັນ​ກັບ​ຄື້ນຟອງ​ທະ​ເລ​ທີ່​ໃຫຍ່​ແລະ​ອັນຕະລາຍ.

XS
SM
MD
LG