ພາຍຸເຂດຮ້ອນ ທຣາມີ ພວມເຄື່ອນຕົວໄປສູ່ ຟີລິບປິນ ຈຶ່ງມີການສັ່ງໃຫ້ປິດໂຮງຮຽນ

ຟີລິບປິນໄດ້ໂຈະວຽກງານຂອງລັດຖະບານ ແລະປິດໂຮງຮຽນ ຂະນະທີ່ພາຍຸ ເຂດຮ້ອນ ທຣາມີ (Trami) ພັດເຂົ້າແຄມຝັ່ງ​ທະ​ເລກ້ຳຕາເວັນອອກຂອງ ປະເທດ ໂດຍປະທານາທິບໍດີ ເຟີດີນານ ມາຣກອສ ຈູເນຍ ໃນວັນພຸດມື້ນີ້ ໄດ້ສັ່ງການໃຫ້ບັນດາພະນັກງານກູ້ໄພກຽມພ້ອມ ກ່ອນໜ້າທີ່ພາຍຸຫົວດັ່ງກ່າວ ຈະພັດຂຶ້ນຝັ່ງ ອີງຕາມລາຍງານຂອງອົງການຂ່າວຣອຍເຕີສ.

ໜ່ວຍງານພະຍາກອນອາກາດຂອງທາງການ Pag-asa ໄດ້ກ່າວໃນແຈ້ງການ ເມື່ອເວລາ 11 ໂມງເຊົ້າ ຕາມເວລາໃນທ້ອງຖິ່ນວ່າ ຈຸດສູນກາງຂອງພາຍຸ ທຣາມີ ທີ່ໄດ້ຖືກຄາດຄະເນຄັ້ງຫລ້າສຸດ ແມ່ນຢູ່ທີ່ 200 ກິໂລແມັດ ຈາກນອກ ຝັ່ງທາງກ້ຳຕາເວັນອອກຂອງເມືອງ ຄາຊີກູຣານ (Casiguran) ໃນແຂວງ ອໍໂຣຣາ. ພາຍຸຫົວນີ້ ຖືກພະຍາກອນວ່າ ຈະພັດຂຶ້ນຝັ່ງໃນລະຫວ່າງຊ່ວງຕອນ ຄ່ຳຂອງວັນພຸດມີ້ນີ້ ແລະຕອນເຊົ້າຂອງວັນພະຫັດ.

ທ່ານ ມາຣກອສ ໄດ້ສັ່ງການໃຫ້ກະຊວງຕ່າງໆຂອງລັດຖະບານຕິດຕາມເບິ່ງ ຢ່າງໃກ້ຊິດ ຕໍ່ຈຳນວນຝົນທີ່ຕົກລົງມາໃນສອງສາມມີ້ຈະມາເຖິງນີ້, ກຽມແຫລ່ງ ຊັບພະຍາກອນຂອງລັດ ແລະຄາດຄະ​ເນເຖິງຄວາມຕ້ອງການຕ່າງໆຂອງ ປະຊາຊົນ.

ທ່ານມາຣກອສ ໄດ້ກ່າວຢູ່ໃນກອງປະຊຸມກ່ຽວກັບສະຖານະການວ່າ “ຄວາມ ຮ້າຍແຮງແມ່ນຍັງຈະເກີດຂຶ້ນ, ຂ້າພະເຈົ້າຢ້ານ. ໃຫ້ໝົດທຸກຄົນກຽມພ້ອມ.”

ທ່ານກ່າວອີກວ່າ “ປະ​ລິ​ມານຂອງນ້ຳແມ່ນບໍ່ເຄີຍເຫັນມາກ່ອນ. ພວກເຮົາຄວນ ຕິດຕາມເບິ່ງມັນຢ່າງໃກ້ຊິດ.”

ກ່ອນໜ້າທີ່ມັນຈະພັດຂຶ້ນຝັ່ງ ພາ​ຍຸ ທຣາມີ ໄດ້ນຳຝົນຕົກລົງມາຢ່າງໜັກຢູ່ໃນ ເຂດ ບີຄອລ (Bicol) ທີ່​ຕັ້ງ​ຢູ່​ພາກ​ກາງໃນວັນອັງຄານວານນີ້ ຈຶ່ງກົດດັນໃຫ້ ພົນລະເມືອງພາກັນຫລົບໜີອອກຈາກເຮືອນຊານຂອງພວກເຂົາ ຂະນະທີ່ນ້ຳ ຖ້ວມສູງເຖິງຫລັງຄາເຮືອນຫຼາຍຫຼັງ. ສ່ວນແມ່ນ້ຳຫຼາຍສາຍກໍລົ້ນຝັ່ງ ແລະສົ່ງ ຜົນເຮັດໃຫ້ເກີດນ້ຳຖ້ວມກະທັນຫັນ ເຈົ້າໜ້າທີ່ດ້ານໄພພິບັດ ໄດ້ກ່າວ.

ຫົວໜ້າຮັບຜິດຊອບດ້ານໄພພິບັດຂອງແຂວງ ອາລເບ ທ່ານເຊດຣິກ ແດບປ໌ (Cedric Daep) ໄດ້ກ່າວຜ່ານທາງໂທລະສັບວ່າ “ພວກເຮົາໄດ້ຮັບນໍ້າຝົນຈຳ ນວນເກືອບເທົ່າກັບສອງເດືອນພາຍໃນ 24 ຊົ່ວໂມງ.”

ສ່ວນສຳນັກງານປ້ອງກັນໄພຂອງພົນລະເຮືອນ ໄດ້ກ່າວວ່າ ຢ່າງໜ້ອຍຄົນນຶ່ງ ຖືກລາຍງານເສຍຊີວິດ ຢູ່ໃນເມືອງ ປາລານາສ ຂອງແຂວງ ມາສບາເຕ ຫຼັງ ຈາກໄດ້ຖືກງ່າໄມ້ຫັກລົງໃສ່. ອີກຫ້າຄົນໄດ້ຮັບບາດ ແລະເຈັດຄົນ ໄດ້ມີລາຍ ງານວ່າ ຫາຍສາບສູນ.

ໜ່ວຍງານພະຍາກອນອາກາດຂອງທາງການ Pag-asa ໄດ້ເຕືອນວ່າ ຈະມີລົມແຮງ, ຝົນຕົກໜັກ ແລະຄື້ນຟອງທະເລຊັດຂຶ້ນເມືອງຕ່າງໆຢູ່ແຄມຝັ່ງ ທີ່ຢູ່ພາຍໃນເສັ້ນທາງຂອງພາຍຸໄຕ້ຝຸ່ນຫົວນີ້.

The Philippines suspended government work and shut schools as Tropical Storm Trami barrelled towards the country's eastern coast, with President Ferdinand Marcos Jr. on Wednesday ordering responders to prepare ahead of its landfall.

State weather forecaster Pag-asa said in its 11 a.m. (0300 GMT) bulletin Trami's centre was last estimated at 200 km (124 miles) off the eastern town of Casiguran in Aurora province. The storm is forecast to make landfall between Wednesday evening and early Thursday morning.

Marcos ordered government agencies to closely monitor the volume of rainfall in the coming days, preposition government resources and anticipate people's needs.

"The worst is yet to come, I'm afraid. Let's all prepare," Marcos told a situation briefing.

"The volumes of water are unprecedented. We should closely monitor that."

Ahead of the storm's landfall, Trami dumped heavy rain in the central region of Bicol on Tuesday, forcing residents to flee their homes as floodwaters reached as high as the roofs of bungalow houses. Rivers overflowed and triggered flash floods, a disaster official said.

"We got almost two months' worth of rainfall in just 24 hours," Albay provincial disaster chief Cedric Daep said by phone.

The civil defence office said at least one person was reported dead in Palanas town in Masbate province after being hit by a falling branch. Five others were injured and seven were reported missing.

Pag-asa warned of strong winds, heavy rain and storm surges in coastal towns within the typhoon's path.