ລົມພາຍຸ Karen ຈະພັດຖະຫຼົ່ມ ບາງເຂດ ຂອງລັດ Louisiana (ວີດີໂອ)

ພວກນັກພະຍາກອນອາກາດໄດ້ອອກຄຳເຕືອນກ່ຽວກັບລົມພາຍຸ
ເຂດຮ້ອນຫົວນຶ່ງທີ່ຈະພັດເຂົ້າຖະຫຼົ່ມບາງເຂດຂອງລັດ Louisia-
na ຂະນະທີ່ ການເຕືອນດັ່ງກ່າວນີ້ ແມ່ນເນັ່ງໄປທາງທິດຕາເວັນ
ອອກ ຫາເຂດແຄມຝັ່ງທະເລ ຂອງລັດຟລໍຣິດາ ກ່ອນທີ່ລົມພາຍຸ
Karen ຈະພັດໄປເຖິງນັ້ນ.

ສູນກາງລົມພາຍຸເຮີຣິເຄນແຫ່ງຊາດຂອງສະຫະລັດ ທີ່ນະຄອນ
ໄມອາມີກ່າວວ່າລົມພາຍຸເຂດຮ້ອນ Karen ອາດຈະພັດຂຶ້ນຝັ່ງ ໃນລະຫວ່າງຕອນແລງຂອງວັນສຸກມື້ນີ້ ຫາຕອນເຊົ້າມື້ອື່ນ ແລະ ອາດຈະເພີ້ມຄວາມແຮງຂຶ້ນ ກາຍເປັນ ລົມພາຍຸເຮີຣິເຄນ ຫລັງ
ຈາກນັ້ນ.

ຢູ່ເລາະຕາມບໍລິເວນແຄມຝັ່ງທະເລ ຂອງລັດຟລໍຣິດາ ປະຊາຊົນພວມພາກັນຍ້າຍເຮືອໄປ
ຈອດ ໃນບ່ອນທີ່ປອດໄພຈາກລົມແຮງທີ່ຄາດວ່າຈະພັດເຂົ້າຖະຫຼົ່ມແລະບາງຄົນກໍພາກັນ ໄປຊື້ເຄື່ອງຂອງເພື່ອມາປ້ອງກັນເຮືອນຊານຂອງພວກເຂົາເຈົ້າ.

ມີການຮຽກຮ້ອງໃຫ້ປະຊາຊົນທີ່ຢູ່ໃນເຂດເຕືອນໄພ ໃຫ້ໄປຊື້ນໍ້າດື່ມ ອາຫານກະປ໋ອງຫຼືອາ ຫານແຫ້ງທີ່ບໍ່ເນົ່າເປື່ອຍງ່າຍ ວິທະຍຸທີ່ໃຊ້ຖ່ານ ແລະໄຟສາຍ ມາກະກຽມໄວ້.

ອົງການຄຸ້ມຄອງໄພພິບັດແຫ່ງຊາດຂອງລັດຖະບານກາງ ຫລື FEMA ໄດ້ເອີ້ນບັນດາພະ
ນັກງານທີ່ຖືກສັ່ງໃຫ້ພັກການ ກັບຄືນເຂົ້າມາເຮັດວຽກແລ້ວ ເພື່ອກຽມຮັບມືກັບລົມພາຍຸທີ່ ອາດເປັນອັນຕະລາຍຮ້າຍແຮງດັ່ງກ່າວນີ້.